عالمٌ من الأصباغ

View Comments

• والله إنك صادق..بس ترى راحة موضته:)
  المكياج الي يظهر بالتلفاز مو موجود عندنا إلا بمكياج حفلات الأعراس بس!!
  وقليل جدا الي يستعمل المكياج (الخليجي) "هذا إسمه عند الكوافيرات يعني الصارخ= الخليجي" وأرحم أشكالهم بياض العيون صار أحمر من شدة السواد حولها:|

  والغالب حاليا المكياج الي سميته "خفيف" وهو أبعد مايكون عن الخفيف ويسمى عند الكوفيرات بـ "المكياج اللبناني" وهو عبارة عن أصباغ خفيفة بعد طبقة هائلة وكثيفة من الفاندوشن..ومكياج شارولز ثيرون يصنف كنوع خفيف من المكياج اللبناني

  يالله درس خفيف عن المكياج:)

  " وللأسف الفتيات يعتقدن بأن هذه هي الصورة المثلى فيسرن على تطبيقها في المناسبات والزواجات .."
  ههههههههههههههههه وإذا حطت خفيف قالوا وش فيك تعبانه؟ وإلا ضايق صدرك:D

  الحمدلله:)

• ههههههههههه وليش شايل همهم يا احمد
  لا تكون ناوي على الزواج بس :D

  نرجع لمحور حديثنا :D

  نفس الشي يطرا في بالي ليش التلوين في الوجه.. يعجبني في المكياج اللون الموحد او درجات لون واحد وخاصة الأقرب للون الطبيعي حتى المكياج له الوان واسامي كتيرة شي دخاني وشي فراشة وشي مدري ايه
  المرأة الخليجية عندها اقتناع تام انه كل ما زادت الألوان كل ما صارت أحلى!!! ومه كدا بنشوف اوبرا بنشوف جينيفر وجوليا وغيرهم كلهم مكياجهم طبيعي
  متى يزيد المكياج ويصير نص اللي بيحطوه تبعنا لما يكون عندهم مناسبة كبيرة مرة

  ولو لاحظت.. حتى تصاميم الفساتين عندهم هادية وبسيطة مررررررررة اما عندنا انواااااااااع التفانين والخرزات والزحمة كلها.. برة عندهم قناعة في انه الجمال ببساطته.. وعندنا قناعة انه الجمال باللي ينصرف عليه!!

  تدوينة حلوة احمد وربي يرزقك وحدة من اللي مالها في المبالغات اللي مالها داعي :D

• واخيرا التقيت بإنسان ذكر يكره زينب العسكري:)

  انت تسال عن النساء العاديات هذا الشي راجع للمرأه نفسها يعني فيه بنات عشقهم اطنان المكياج لدرجه أني احيانا الصباح وفي الجامعه أفكر متى صحت علشان يمديها على كل هذا .
  أما النوع الاخر وهو الاكثر إنتشارا نساء على قولتك مثل نجوم هوليود:) يادوب كحل وقلوس:) هذا مايمنع ان نصف الميزانيه تروح للمكياج بس يظل مكياج خفيف
  والتقسيم (غالبا) يرجع لفئات معينه بالأصح على حسب طبقات وإنتماءات اجتماعيه.

  وبالنسبه الى ان الفتيات يقلدونهم فأسمح لي انت غلطان ممثلات الخليج ولا شي بالنسبه للبنات ما اذكر قابلت انسانه تقلد نجمه خليجيه او معجبه فيها خصوصا زينب العسكري :)
  بعدين الخليجيات فيهم كذا وكذا شوف "ميساء مغربي" و "هيفاء حسين " مكياجهم دائما خفيف
  نأسف على الاطاله

• صباحك يتنفس يا أحمد , ,

  بالنسبة لموضوع الميك أب , , >>> ودها تقول لك انت وش دراك بهالعالم !! D:

  لالا حشى , , بس انا عندي مبدأ إن المرأه لما تضع الميك أب لازم تحاول تبرز مناطق الجمال فيها مو تطمس وترسم على كيف كيفها , ,
  وتاني شي , , للرجل نظره في وضع المرأة للميك أب -من خلال الزوج خاصه -

  بس صدقني يا أحمد أنا الوالده الله يحفظها جلست سنتين بأمريكا وشاهدت معايير الجمال في نساء هوليووود وطريقة وضع الميك أب , ,
  هناك يحسنون وضع طبقات غير منتهية من أصباغ الأساس فقط لإخفاء العيوووووووب اللا نهائية , ,

  لكن أحمد , , أخليك مع صور "الشقر " خخخ شوف كيف قبل وبعد ,,, والله العالم إن العربيه ملامحها بدون ميك أب تطيح الصقر من السما , ,

  http://www.uparab.com/files/SvdC5mwda81A7K3B.jpg

  ويسعد صباحك , ,

• ماأقدر أخالفك الراي ..الخليجيات فعلا يبالغن بالمكياج وهم بالشعر..ماأنكر إن بعضه يعجبني لكن الغالب هو شغل استهبال ولعب على عقولنا ..الى درجة اني انا واختي في العيد فكرنا نفتخ مشغل ونلعب على خلق الله ..اشوف الحريم وجوههم تتصبغ "حرفيا" وهم عاجبهم ولا احد يتكلم ..مااقول الا الله يخلف علينا بس .
  اما الصوره فعلا قويه ..مالقيت الا شارليز ثيرون هذي اللي ينقال فيها الزين زين.

• أحمد وش عليك منا خلينا نستانس ونحط ميك أب :D
  صدقيني سواء كان ثقيل ولا خفيف اللي يحليه الذووق 8)
  وجد ظلمت بنت العسكري بهالصورة ماش مقارنة بجمالهم اجل فاشلون أناقتهم
  إنا ضد إن الوحدة تحط ثقيل بمناسبات عاديه وووهـ يالجامعة
  يكفي تكحل عيونها وتحط روج خفيف وقلوس وانتهينا
  البساااااااطة هي السر الحقيقي للجمااااااال
  أصلن اشلون يستحملون وجوهم مصبوغة بكل لون وخاصة الفنانات الخليج
  تشوف دورها بسيط بالمسلسل بس تبالغ بشكل موب طبيعي بالمكياج
  بعكس هذولا حتى لباسهم بسيط وانيق
  إما المناسبات زواج وهكذا لابد منه مجتمعنا تعود على كيذا
  لأنه بصور تتطلع احلى و فرررق بينها وبين يلي حاطه مكياج خفيف

• خخخخخخ
  احمد كل اللي ردوا عليك بنات :D

  حمية من نوع مختلف :D:D

• والله ياكنكم جمهور النصر .. ماتبون أحد ينتقدكم :)
  لي عودة مساء اليوم ان شاء الله

• شفيهم جمهور النصر ( وجه رافع حاجبه ) ؟!! .. .. :-P ,..
  يا ملحهم البنات ,, شف كيف تحمسوا مع الموضوع :D بس فيه وحده شرييييره !!!
  اللي قالته هديل صحيح .. ترا الأجنبيات مكياجهم مو خفيف أبدااااا ..
  يعني أنواع الطبقات .. .. بس يظل أجمل من مكياج " الممثلات الخليجيات " !
  يعني اتفق معاك انه احلى وابسط في الظاهر .. ويبين جمال الوجه .
  الحين الممثلات الخليجيات لو ان مكياجهم بس في الصور والمقابلات كان معليش ..
  بس تلاقيها في المسلسل في مشهد (( تطبخ )) والطبخه الحقيقة على وجهها !!
  انا معك انه 95% من الممثلات الخليجيات مباااالغااااات ..
  اما الخليجيات عموماً .. فيه وفيه :) ..

• معاك في كل اللي قلته ......... بس وين اللي يسمع
  لان للاسف في المجتمع النسائي يرون الامر من منظار آخر ( انها بخيلة تشتري مكياج
  او انها تروح تسوي مكياج عند كوافيره )
  لا ويا ريت الامر يستاهل ...... من جد ما يستاهل ان الواحدة تخسر
  ما يتراوح بين 250 - 1800ريال للمكياج العادي ( فما بالك لو كانت عروسة )
  على ساعتين ان كثرت 3 ساعات المدة التي تقضيها في المناسبة .
  لا و ياريت بعد هذا كله تطلع شئ ومميزة في المكان (photogenic) ,
  بل على العكس كلهم يكون شبهم واحد.
  في النهاية....

  قد تستغرب ان أمراه تتكلم عن مجتمعها بهذا الشكل ( فضحتهم) لكن هذا الواقع
  و الحق ما ينزعل منه صح ولا انا غلطانه ..

  الغريب في post ان رجل هو اللي كاتب الموضوع
  الامر الثاني اخيراً اعترفتوا ان زينب العسكري مو كل هذا جمال ..
  أأسف على الاطالة
  دمت بخير ... اخي احمد