إلى متى ونحن نقول .. عيب ، والله عيب مايجري في مطاراتنا ، لازلت أقول وأردد بأن معضلة مطاراتنا تعود إلى مايسمى بـ ( المكتب التنفيذي ) وهو مدخل خاص لكبار الشخصيات والمسؤولين ، الذين قد تمر عليهم عشرات الرحلات في الشهر الواحد لكنهم بكل تأكيد لن يعيشوا المرارة ذاتها التي يعيشها المسافرون كل يوم .
سبق وأن كتبت ذات مرة عن مطار الملك خالد الدولي وأجدني اليوم هنا مدفوعاً للكتابة أكثر وأكثر رغم أني لم أصل من المطار سوى قبل ساعتين تقريباً ، الوضع تجاوز أن يكون ( مزرياً ) ومزاجي لا يسمح لي هذه المرة بالبحث عن مفردة تناسب حال المطار المسكين ، قائد الطائرة أوقفها في وسط المدرج كما يبدو لي (الظلام كان دامساً ) ، وكنا بانتظار الباصات التي حملت الركاب بلا تنظيم أو ترتيب في مشهد أعاد لي ذكريات (موسم الحج ) حيث يتدافع الناس بشكل جنوني للركوب في الباصات من منطلق (نفسي نفسي ) دون أن يتفضل أحد بالتظيم وعمل طابور أو أحتى وضع أعمدة مؤقتة وأحمد لله كثيراً لعدم وجود عائلة معي لأنه وكما سيظهر لي سأكون مضطراً للبقاء وقتاً أطول حتى تأتي الباصات الأخرى 🙂
ومن المفارقات أن الباص استغرق وصوله إلى المدخل قرابة 20 دقيقة (أتحدث هنا عن مطار الرياض وليس مطار دبي ) والطريف أن هناك باصاً قابلنا من الجهة الأخرى يضم ركاباً من رحلة مختلفة يسابق الباص و(يحده .. عيني عينك ) من أجل الدخول في المسار والوصول إلى البوابة .. كنا نسير بشكل عشوائي حيث كانت في البداية تسبقنا سيارة المطار لكنها اختفت .
أحمد لله كثيراً بأني أعلنت توبتي من حمل الشنط الكبيرة لأني سأضطر للانتظار زهاء الساعة من أجل استقبالها في (السير ) الذي مضى على خدمته أكثر من 20 سنة ، وأحمد لله أكثر 🙂 أن السفرة كانت قصيرة مما مكنني من حمل حقيبة يمكن ادخالها الطائرة .
هل أحدثكم عن المنظر خارج المطار وأصحاب التكاسي الذين يتسابقون للظفر بالزبائن بلا تنسيق ولا تنظيم ولا حتى تدخل من أي جهة خارجية ، والله أن أحدهم توقف في وسط المسار تماماً والسيارات تسير من أجل مفاوضة أحد الزبائن بصوت عالٍ ، ناهيك عن الأشكال القذرة التي تلاحقك في كل دقيقة مرددة ( تاكسي .. يالطيب ) .
ياجماعة وش المهزلة هذي .. مافيه أحد يشوف .. مافيه أحد يراقب .. مافيه أحد يقيم .. وين الإعلام (الحر ) يجي وينقل الواقع ويشوف !( أنا الحين ماني صحفي .. لحد يطلع لي بشي 😀 ) ، .. آآه نسيت أن أحدثكم عن معشوقتنا الخطوط السعودية .. في رحلة الذهاب تأخرت الرحلة لمدة ساعتين دون أي اعلان رسمي عن التأخر (بعض الأشخاص قد وقفوا في طابور أمام البوابة ) ومن ثم البقاء في الطائرة زهاء الساعة لإصلاح عطل في الكهرباء ..دون أن يتكفل أحد بإبلاغ المسافرين أو تقديم الاعتذار عن التأخير ياحبيتي يالخطوط السعودية ..
كل ذلك يحدث في مطار الرياض .. كيف سيكون عليه الحال في جدة .. وأبها … ولا مطار الدوادمي 🙂 ؟
View Comments
عليك بالصبر فالصبر مفتاح الفرج والسرور ثم من قال لك تستخدم هذي الخطوط
قد أسمعت لو ناديت حيا
ولكن لا حياة لمن تنادي
بس اخر تجربه لي معهم كانت كويسة
طبعا هذا ما ينفي دجتهم
و ممكن عشانها رحلة داخلية فحسنوا اوضاعهم للمنافسة الداخلية
عموما كانت رحلتي الساعه 10 مساءً لجدة .
قبل يوم الرحلة بيومين دقوا علي وعطوني خبر انها تأخرت ساعة يعني الى الساعه 11 مساءً
في يوم الرحله وصلت المطار قبل الاقلاع بساعه الا ربع او نصف ساعه وقت دخولنا كانت الرحله على الموعد
لكن بعد ربع ساعه اجلوها ساعه الا ربع يعني لحد 11.45 المساء بدون ما يعلنون بالصوت يعني اللي راح وشاف الشاشة والا ما درى عن السالفه مع ان بعضهم بدوا يصفون على بوابة الدخول
في وقت التأخير هذا جابوا هندي ومعاه طاولته فيها مشروبات بارده وساخنه من الخطوط السعودية وبعد بدون ما يتكلمون يعني اللي ماقام ناوي يشتري والا موب داري.
لكن العجب العجاب في مطار الملك عبدالعزيز في جدة.
فضايح هذاك المطار
ابغى اسأل عن رحلتي لاني ما انتبهت للاعلان و غير كذا الصوت تعبان كلما رحت لموظف أسأل عن الرحله قالي اجلس لما يعلنون
عقول تنك ورب البيت مافيه حسن اخلاق
دارين اننا محتدين عليهم
بعد الفضفضة
المفروض أئمة المساجد يقنتون عشان تتعدل الأحوال
على العموم تكفير ذنوب
ولاعاد تتعودها تروح رحلة خارجية بالخطوط السعودية
مشكور
مرحبا
ايه ياعمي تصير في احسن العائلات قصدي المطارات:d
بما انك تتعامل مع عقليات سعوديه فانسى , ولو انا تفاءلنا خيرا بمقدم الملحم للخطوط السعوديه لعل وعسى ولكن يبدو ان الشق اكبر من الرقعه مثل مايقولون
قبل ايام كان احد الزملاء (توفيق :d) في مهمة عمل لجدة وكان موعد الرحلة يوم الاربعاء الساعه 11 مساء بعد وصوله للمطار ومابقى الا يركب الطياره وبعد انتظار ساعه وربع بلغهم احد الموظفين وقال الرحلة التغت تعالوا نعوضكم على رحلة بكره او بعده
اي التغت ياعمي وفي اي نظام هذا , وينكم من بدري فيه عوائل وفيه اطفال
لكن الي مصبرني انني يوميا لدي احساس بان غدا سيكون افضل .
الا وش فيه الدوادمي:d يقولون سواق الطياره يقول ياجماعه الخير مانرفع روسنا الا وحنا موقعين والحين الظاهر ماعاد فيه رحلات , وكان الاحق بالمطار مدن اخر تبعد عن الرياض نفس المسافه بين الرياض والشرقيه ونفس المسافه عن جده والطائف , فمن الاحق بالمطار ياترى !
ماتحسون انكم بالغتم في النقد وكأن ما عندكم خبر عن عدم استقرار الحالة المناخية في كثير من مدن المملكة الفترة السابقة ممنا نتج عن ذلك تاجيل العديد من الرحلات وارتباك الحركة التشغيلية في المطارات
خففوا شوي واكتبوا اقتراحات وافكار
ليت هذه الفوضى تقتصر على المطارات
الجميع يشترك في هذه السمه
من مؤسسات حكوميه وخاصه
لو أن المواطن ليس مكرها في التعامل مع بعضها
في كثير من الأحيان
للزم مكانه تجنبا لما سيعانيه من ضياع
ففي أحيان كثيره لاتدري أين تذهب
ولمن تشتكي
وهنا قمة القهر
دمت بود
**********
نوندي:
**********
في هذي صدقت .. بس عاد الشباب حاجزين .. ما أقدر أقولهم غيروا كذا ..
**********
مجنونها
**********
الخطوط يبي لها موقع ، الملحم وربعه ناس مجتهدين ، البلى في القدام اللي طول وقتهم ماشين على هالطريقة ، تخيل روحة ورجعة ماعمره مضيف مر على الركاب وشيك .. رابطين الأحزمة ومعدلين الكراسي .. أبد .. كنك راكب باص :)
**********
TMT
**********
حلوة ذي .. أجل الرجال تورط كيف يرجع لبيتهم ووش يقول :D ?
بعدين الدوادمي مافيها شي أنا كتبت مثال .. والأحق بالمطار ثادق من دون جدال :D:D:D
**********
نوندي مرة ثانية :
**********
ياعزيزي التأخير والإلغاء للظروف الجوية من حقهم .. بس عاد فيه شي اسمه تلفون .. SMS .. على الأقل اعلان بالمايكرفون الداخلي اللي محد يقدر يسمعه ... ولا :) ؟
**********
الهواوي
**********
لذلك نظام الخصخصة هو الحل لإنقاذ هالمؤسسات الحكومية ، لازم في ظرف سنوات البلد تنتقل للقطاع الخاص على الأقل يمسكون النظام بشكل أفضل من السابق ، أما نظام البطالة المقنعة ماراح يجيب نتيجة ..
أحمد
لا تشكي لي لا أبكي لك >> على قولتهم
تعبت وانا اتكلم عن مطار جدة ( عفوا ) حلقة الخضار اللي في مطار جدة
ويااااااااااااااااااااااااااااما ارسلنا مراسيل للمسؤولين بس شكلهم يلفوا بها سندويتشات الطعمية
أقلها مطار جدة هدي واجهة السعودية قدام العالم كله خاصة الحجاج
والله عيب مرة عيب.. حتى الاعلانات نفسها ما اتغيرت! شو مافي زباين؟
حتى الاستيكرات اللي على مكاتب الجوازات زي ما هي من اول مرة خرجت فيها
من السعودية إلى قبل سنتين مدري غيروها والا لأ!!
اتذكر مرة سافر معايا ولد اختي وكانت فيه لمبة محروقة في صالة الانتظار
قال لي خالة تراهنيني انهم ما يغيروا اللمبة وغبنا 3 شهور ولما رجع عدى على نفس المكان
صورها وقال لي شفت يا خالة زي ما هي :D:D
المهم...
خلونا من الهذرة والكلام الزايد اللي بس بنعل قلوبنا فيه
هم قالوا عندهم مخطط لمطار جدة الجديد..
مدري يمكن أحفادنا بيحتفلوا بافتتاحه إذا ما كان من نصيبنا :D
السلام عليكم
أي سالفه فيها مطار وطياره وسفر .. أحبها ..
أدري ان تأخير موعد الطياره شي مزعج .. و تصير كثير معانا
لكن بالنسبه لي انا استانس .. لاني انزل السوق الحرة ويكون عندي وقت كافي وبصراحه انا احب اقعد بالمطار خاصة مطار دبي .. فيه مره تأخر الموعد وبلغونا واحنا بالمطار وكان حزة غدى .. فخلوا الركاب يدخلون مطعم بالمطار وغدونا على حسابهم .. مافي احلى من جذي :)
وبعدها رحنا السوق الحره وااااخر وناسه ..
لكن اللي مايعجبني تأخير وقت إقلاع الطيارة .. واكثر شي تصير وياي وانا راجعه من السعوديه .. يبطون جبدي ..
وعندي ملاحظه على مطارات السعوديه.. خاطري أفهم ليس الموظفين مايبتسمون ولا يرحبون بالقادمين .. يقابلونا بتكشيره كبر الدنيا زين ليش ؟؟!!.. خاطري افهم والله..
تعاملهم ابد مو زين .. كأنك ماكل حلالهم..
واسمحوا لي بملاحظه ثانيه .. مره كنت راجعة من مطار المدينه وبصراحه لا تعليق .. صالة انتظار الحريم كانت شي مو طبيعي .. زبااااااله .. ليش مايهتمون بالنظافه .. وين العاملين ووين المسؤولين .. انا انصدمت من الوضع اللي كان به المطار ..
حرام .. يعني السعوديه بلاد متطوره .. ومتقدمه .. والمطار اهو واجهة البلاد .. اذا المسؤولين مااهتموا وتحركوا .. راح يخسروا جزء كبير من مكانة الدوله قدام زوارها ..
.. بس شهادة حق .. آخر مرة زرت فيها السعودية .. كان تعامل الموظفين احسن من أول اشوي .. وصارت مواقف تضحك بس الله المستعان عليها :)
كلش وع هنا
بس الحمدلله
عاليه
طيب وش يسوي اللي تضيع شنطه في المطار ..
نصبر على غثاهم في تأخير الرحلات ،، على كل شي منهم بس الا انهم يضيعوا شنط ممكن تكون فيها اشياء ما نقدر نعوضها ،،
السؤال الأن
لماذا يتم توزيع الشنط بهذه الطريقة العشوائية بحيث ان كل شخص سواء كانت خاصته او لا يستطيع اخذها ،،
لماذا لا يتم اعطاء البركود الخاص للموظف المختص ،، وبعد ذلك تسلم الشنطة للمسافر ،،
لماذا التسيب في مثل هذه الامور ،، لو طبق نظام سلم بركودك واستلم شنطتك ،، كان فكو المطار من التعويض بالمبالغ التي تحدث من جراء اخطائهم ،،،،،،،