مدونات نائمة

View Comments

• أخوي أحمد ...

  المدونة فسحة من الأمل ليكون صوتنا عالياً لقول الحق وتغيير مفاهيم اجتماعية ووضع حلول لقضايانا وفكر يستنير به المجتمع ...
  وإذا كانت المدونات سيسري بها مرض " الشللية " إذاً على هذا الأمل السلام ...
  لك أحترامي ...

• كل شي جديد يأخذه اليعض على أنه تجربه لابد ان يخوضها...
  وبعد هذه التجربه ينقسم المجربون الى ثلاثه اقسام ...
  الاول ...تكون بمثابه طفه وتزول يعني مااعجبته
  الثاني...يكمل مابدأ به من باب انه التزم بشئ مايقدر بهالسهوله انه يتركه>>هذولا اللي يكتبون بالشهر مره..
  الثالث...يستمر بالتجربه بكل شغف ليعتبرها جزء من حياته بين قوسن يحس انه وجد نفسه في هالشي الجديد..
  ......................
  عموما اللي جرب حتى لو فشل يكون احسن من اللي اصلا ماخاض التجربه..
  لان التجربه بحد ذاتها بتكون له خبره ومع تراكم الخبرات يقدر يعيش...
  ..................................
  لتتحاشى فلسفتي الزائده لاتنزل مواضيع في الاجازات.... :)
  .................................

• عن نفسي يابو حميد احس المواضيع خلصت عندي ماعاد فيه شي يستاهل ان الواحد يكتب عنه .. في السابق كانت مواضيعي تقنية بحته لكن من تالي اكتشفت انها مضيعه للوقت وان فيه ناس يكتبون احسن مني في هالمجال .. ويوم حولت للرياضة ,, انت شايف الوضع ما يحتاج اشرح :) وين ما اطقها عويه :)

  يعني في الاخر الدعوة مزاج متى ما صار عندك مزاج تكتب كتبت ..

  معك ضد الشللية اللي صايره اليوم لدرجة يجيك واحد يقولك انت مع فلان والا ضده فأحسن شي خلك لحالك لا لك ولا عليك

• الكتابة تحتاج لصفاء ذهني مايتوفر اي وقت

• واللي ودها تكتب ولا هي عارفه شلون تسوي مدونه اصلا
  والله بعد ماشفت مدونا ت ودي اسوي بس وقتي ضيق

• بصراحه موضوعك جميل جدا ويستحق النقاش ..... بصراحه سوف احكي عن تجربتي ووجهة نظري :)

  موضوع التدوين السعودي خاصه موضوع ينقسم لجزئين جزء يأخذها بمحمل الجد وجزء للموضه وجزء يؤخذ لترجمة افكار معينه ...

  بانسبة لي فكرة التدوين كانت موجوده من قبل سنتين انا انسانه لدي افكار كثيرة في الكتابه واختلق مواضيع قد تكون بنظر البعض مستحيله ولكنها تكون واقعيه .....قبل التدوين كانت لي كتابات بالصحافه والمنتديات معينه لكن واخيررا قررت انشاء مدونه لي لترجمة هذه الافكار .... المشكله هو فكرة التدوين عندنا شبه مغلوطه في بمعنى انها اما لعمل قروووبات (تشات ) او فتحها لقصد نشر بعض المواضيع التي تكون دعائيه !! وهذا ما وجدته في بعض المدونات ... بصراحه فكرة التدوين فكرة جميله وخاصه اصحاب الافكار التي لا تنقطع عن الكتابه والفكرة الجديده ومبدعين اكثر من الصحافه !! ولكن لم تعطى لهم الفرصه فيها ...

  مشكلتنا بالسعوديه لا نأخذ الامور بطابع عمل فكرة معينه للنشر اما على شكل موضه كتابيه او تشات او بمعنى الاصح (شلليه التدوين) :) .....

  انا احيانا اتأخر في كتابة موضوع ولكن غالبا بسبب ضغوطات الجامعه التي لا تترك لي مجال للكتابة ولكن قد تكون عندي 100 فكرة للكتابه لان الافكار لا تنقطع ابدا هي موجوده لكن السؤال : كيف نستخدمها في الابداع ؟

  عموما اتمنى للتدوين الرجوع الى وعيه الحركي في الكتابه الفكريه الخارج عن العاده في جذب القراء ...

  ومعذره على الاطاله :)

• ماقدر اقولكـ الا كلام صحيح ميه بالميه ..

  يعني من عشرين مدونه كنت اتابعها وصلت لاربع مدونات هي المنتظمه بالطرح :)

  تحياتي لكـ اخوي احمد ..

• ********
  ندى الفجر
  ********
  الشللية سوس ينخر في جسد أي تنظيم .. حتى ولو كانت مدونات أو مواقع الكترونية
  سعدت بزيارتك

  ********
  fatooo
  ********
  اوكي التجربة شي كويس بس عاد الواحد مايقوف عند التجربة بحد ذاتها .. اما يكمل أو يوقف لان الحال كذا ماراح يمشي ولا يرضي الزوار ولا حتى صاحب المدونة نفسه .. إلا ان كان ناويها تشخيص وعن قولة عندي مدونة .. هذا شي ثاااااني

  ********
  فهد
  ********
  يابن الحلال وش هالكلام .. مافيه شي اسمه المواضيع خلصت .. بس انت مثل فريقك الداج
  القضية توقيت واختيار مناسب .. ولا الافكار مايمكن انك تعدها .. أقلها تكتب عن فيلم شفته مثلا

  ********
  : )
  ********
  ههههههه بالفعل هذا عين الكلااااام :D

  ********
  جوري
  ********
  دام القضية وقت ضيق .. أنصح بعدم التفكير .. يعني الكتاب باين من عنوانه ، اشوف يمكن يمشي حالك في منتديات مثلا

  ********
  سديم :
  ********
  مداخلتك في مكانها وتساؤلك في السطر الأخير هي لب القضية في واقع الأمر ، يعني برضه القارئ مايبغى التواصل ومجرد الكتابة حتى ولو كان موضوع سطحي ولكن برضه الابداع وخلق رؤى جديدة في الطرح
  شكراً لتواصلك :)

  ********
  منال
  ********
  انا مثلك ويمكن العدد يصير أقل اذا اخذناها من المنظور الواسع يعني على مستوى كل المدونات
  شكراً لتواصلك

• ايه والله صدقت وانا أعترف ان الوقت الضيق
  هو السبب اللي يخلينا ما نكتب ..
  ويمكن حتى الفكره أحيان ما تكون حاضره وقت الكتابة
  لكن الأجمل هو عكس المثل القائل " أن تصل ..خيراً من أن لا تصل "
  وعكس .. " أن تكتب .. خيراً من أن لا تكتب " :)

• متل ما قاولو بعض الشباب أن التدوين يحتاج إلى صفاء ذهن و هو ما لا يتوفر في بقية الأيام

  أنا بصراحة عندما لا يكون هنالك صفاء للذهن اكتب في موضوع تقني بحت

  شاهدو هذه التدوينة للمدون ابو انس على الرابط http://www.abuanas.net/2006/12/19/56/