في وقع الأمر ، أنا من النوعية التي تحرص كثيراً على التدقيق والتمحيص حين شراء أجهزة جديدة ، جوال .. فيديو .. تلفزيون .. لابتوب .. حتى السيارة ، لذا لم أندم مطلقاً على مشترياتي السابقة ولله الحمد ، أبحث عن أي معلومة في الانترنت وخبرات الآخرين في المنتديات والمواقع المختلفة ، وسؤال الزملاء والأصدقاء خارج إطار الانترنت حول المنتج ، إضافة إلى التثبت الشخصي حين اتجاهي للسوق ودخول أكثر من محل قبل اختيار السلعة .
فقط في جوال N80 كان الأمر خلاف ذلك ، فللمرة الأولى أستعجل في استبدال هاتفي بآخر ، وللمرة الأولى أيضاً أنتقل لجهاز دون الاستماع لخبرات الآخرين وانتقاداتهم ، في حقيقة الأمر استعجلت الشراء قبل أن أترك الرياض لمدة شهر كامل في شهر يونيو الماضي ، لذلك فلم يكن الخيار مطروحاً أمامي بالبحث والتروي قبل اختيار جهاز جديد ، فأنا أرغب في استبدال هاتفي القديم قبل أيام من الرحلة .
اشتريت الجهاز وأنا سعيد بمواصفاته رغم سعره المبالغ فيه ، شعرت ببعض الندم للوهلة الأولى وأنا أضع هاتفي في بنطلون الجينز قبل دخول المطار ، أدركت كم أن حجمه كبير ووزنه ثقيل بشكل لم يكن مسبوقاً لي ، مع مرور الأيام كرهت تقنية فتح الغطاء لضغط الأرقام ، لم تكن مريحة ولا عملية ، هذا أبسط تعليق .
عقب عودتي حاولت التعايش مع الجوال لشهرين إضافيين ولكن لا فائدة ، حينها قررت الطلاق بشكل رسمي وبيعه في أقرب فرصة متى ماكان هناك جهاز في السوق يستحق الشراء ، وبالفعل اتجهت الاسبوع الماضي لمحلات الاتصالات .. وتخلصت من عبء هذا الجوال الثقيل ، ووالله كان الأمر في المحل أن الجوال كأنه دين قمت برده إلى صاحبه ( بالعربي افتكيييت منننننه ).
في نفس اللحظة قمت بشراء جوال N73 وشتان مابين الجواليين ، هم يتفقان في كل تقنية وفي كل شيء داخلي باستثناء عدم توفر الوايرلس في الجهاز الجديد ، والأمر الأهم أن الجهاز الجديد خفيف الظل والوزن .. والروح ..، هو لا يبدو أنيقاً من الوهلة الأولى ولكن أحسست بشعور مختلف تجاهه ، كأن هذا الجهاز فد فصلت أدواته لي تماماً ، عملي وأنيق وذو شاشة كبيرة وفيه كل المواصفات الداخلية المميزة وفوق ذلك خفيف .. خفييييييييف
View Comments
مع انك هلالي وانا نصراوي الا انه نفس التفكير :D ..
كنت ناوي اشتري هالاطخم اللي فوق لكن يوم شفته قلت معليش اخذه وغيرت نظرتي لـ N73 واليوم ان شاء الله رايح اشتريه :)
أي هلالي يابن الحلال
هذاك على قولة الكويتيين مال قبل :)
الحين حنا مع هنري ورفاقه
بالتوفيق مع الجوال الجديد ..على فكرة راح تحصل الشاشة مغطاة بشعار نوكيا ، أنصحك لا تشيلها الا بعد مرور يومين أو ثلاثة حتى تتاكد من ان الجهاز سليم
هاردلك الخروج من البطولة .. كنت معزم احضر النهائي لو تأهلت .. بس ماكتب الله
هلا ابو حميد ..
تصدق عاد اذكرك اول ما جيت من المانيا يوم تسمعنا اغنية ام كلثوم بجهازك الدب :)
بس تصدق عاد انا شريته وتحمست يوم شريته .. وللحين معجبني الجهاز وما يهمني
الحجم ( الله يذكر اريكسون بالاخير ) .. بس العله في السوفت وير الجديد اللي احتريه
لأن عيبه الوحيد بنظري التعليق وقت المكالة وما تصير معي الا كل ثلاث ايام ..
بس ابارك لك بالجهاز الجديد بصراحه للحين وضعه سليم ومحد اشتكى .. مع ان شكله
طويل شوي وشاشته تخوف والخط كأنه خط القصيم بس يعتبر حليو نوعاً ما ..
والله يستر من نوكيا واجهزتها اللي تخلينا غصب نغير موب برضانا ..
8
8
8
8
لوووووووووول حلوه خط القصيم
أستاذي صالح ولايهون الاستاذ أحمد قلت له قبل هالكلام
نوكيا أحس انها تبي تدحدر وبيرجع عز السوني أريكسون ماادري ليه
على البركه أحمد على الجهاز الجديد تقطعه بالعافيه
والله انك صادق بكلامك دب ومنزلق
صالح .. هو انته .. والله ماكنتش عارفك ..
شوف الجهاز ممتاز مافيها كلام ، بس لولا عيب انه دبدوب ومنزلق على قولة سعد .. ، والتعليق ماقد مر علي أبد .. ،
بالنسبة للجهاز الجديد .. مالك لوااااااا .. طوله طول مثل الثمانين وأحلى مافيه شاشته وخطه ممتاز جدا ههههههههه وش رايك بالعناد ..
من جد اول مالفت نظري في الجهاز ان شاشته كبيرة وخط الرسايل رايق وجديد ، السالفة أذواق في النهاية يمكن مايجوز لك .. بس يجوز لغيرك .. ، وتبي الجد .. نوكيا لاعبة بحسبتنا لعب ، ولا لما وصلت ألمانيا وحاولت أشتري شريحة ألمانية ، تخيل اللي كانت تبيع في المحل بفرانكفورت اول مرة تشوف الجهاز لانه مانزل عندهم ، لدرجة قامت وجمعت خوياتها من المحلات الثانية عشان يشوفون جهاز نوكيا الجديد ، مع اني لما شريته كان مضى عليه شهر في الرياض ، وهذا يؤكد مقولة ان نوكيا تنزل الاجهزة في الخليج أول .. وتطلع بلاويها ثم تطرحها في أوروبا ، الشاهد ان المحل امتلى بهالحريّم اللي كل وحدة أطول من الثانية وكله عشان يشوفون نوكيا الجديد ...والنكتة ان الجهاز كانت القوائم فيه بالعربي طبعاً .. لذلك الاخت داخت تبي تدخل على القائمة ولا قدرت
*************
سعد .. حلوة استاذي ذي .. ذكرتني واحد أول حرف من اسمه ( هاني ) قد طاح فيها طيحة .. الله لا يوريك .. خطر انه يتصل على ( التي بوي ) ويقوله استاذي .. جيب شاهي ..
شوف .. مع اني داري ان نوكيا تلعب فينا لعب .. ولاقيتنا بكل يوم جهاز جديد .. بس اخوك في الله ماقد طلع برى هالشركة .. تقول لي ليه .. بقول لك ما ادري ..
عموما الثنائي شرفتونا ولا يهون النصراوي المحارب .. وصدقوني انبسطت لما شفت مداخلاتكم ..
وفي النهاية أقول لكم ( ان تتتبشررر ) ههههههههههههههه
سعد .. اشهد انها رمية من غير رامي
اخجلت تواضعنا بأستاذي .. يا أبو شعاع قصدي ابو نواف
( امون على الرجال :) )
...
أبو حميد .. عاد شف اللي تعود على الN80 بيحس ان الخط حق N73 كنه
كبير شوي .. بس هذا شي ما يعيب الجهاز بالنسبة للناس بس بالنسبة لي احس اني
لازم افصل لي نظارة بعد نظر مدري قصر اللي هو .. بس المهم اننا نحس انه صغير
على طاري هاني .. ترى الرجال طلع بالقناة الثالثة امس في برنامج فوانيس بصراحه
اهنيه على سكبة الغترة احس الغترة خلقه جايه كذا :)
لا تبطي علينا بموضوعاً جديد
مبرووووووووووووووووووووووووووووووك على حهازك اليديد
ما شاء الله .. هالأيام صعب تختار موبايل بمواصفات مميزة خاصة إنه الخيارات زادت و ما ننسى الشركات الثانية المنافسة لنوكيا إنها قامت ألحين تظور من أجهزتها و اتضيفها تقنيات يديدة هب موجودة في أجهزة النوكيا
بالنسبة لي هالأيام أفضل الهواتف النقالة هي من شركة sony Ericson مميزاتها رائعة و يكفيك اسعارها اللي إذا قارنتها بنوكيا راح اتلاحظ الفرق الكبير.
مبرووووك ابوحميد الجهاز الجديد ويتربى بعزك (:
بس من جد النوكيا متعبينا كل يومين مطلعين جهاز جديد والله مشكلة
خلوا عنكم وش حليل الواصل n6680
بسم الله عليه كله حلا ..........
اما بالنسبه للسؤال والبحث عن مواصفات جهاز اهم بشرائه فماعمري مريت فيها لان وبصرحه غالبا الاجهزه تجي هدايا ...
سبحان الله حتى الجوال الدب مااحد يرغبه!!
.................................................
برايفت صالح.......
خل عنك سكبه الغتره شوف الثقافه ماشاء الله:)
استاذي احمد >>>>
خخخخخخخخخخخخخخخخخخخ
اقصد ابوحميد بصراحة نوكيا ماتخليك تفكر :( كل ماجزمت على نوع طلع واحد جديد وغير الفكرة والمزاج، لفت نضري التعليق السابق ل fatooo بتسميتها الواصل n6680 لأن وحسب خبري ان الأسماء اندثرت عقب الفيصلية والمملكة!!
راعي الغترة البيضا :)