لن نتقدم إلى الأمام بلا (نظام)

View Comments

• كلام سليم، و لكن....

• كنت مرة أتناقش مع أحد الأفريقيين الموجودين في البنك واللي ما عمره عتّب السعودية ويادوب بس سمع وقرأ عنها ونفسه يحج، كنت أتناقش معاه على موضوع النظام وكنت أسأله كيف يجدد تأشيرته هنا وكم تاخد..
  بشكل عام هنا تجديد التأشيرات ما ياخد أكتر من ١٠ دقايق بحكم وجود ١٥ كاونتر تقديم تأشيرة أو اقامة جديدة + ٣ كاونترات استعلامات + ٥ كاونترات استلام + ١٠ كاونترات تجديد
  في المقابل؛ وفي جوازات الزاهر - مكة شبّاك واحد للحريم وتستنى دورك ٤ ساعات وتستلمه بعد ساعتين مضاربة مع عسكري الجوازات!!

  المطار..
  مطار جدة البئيس جداً تخيل تستنى ٤ ساعات عشان تعدّي الجوازات؟ ليه!! بينما هنا يادوب تخرج من الجوازات اللي ما تاخد اكتر من ربع ساعة!

  الدوائر الحكومية تتحمل مسؤولية عدم التوسّع، عدم وجود عدد كافي من الموظفين الجدّيين، عدم وجود عدد كبير من الكاونترات في المرافق الحيوية.. ولو لقيت عدد كبير من الكاونترات بتلاقي ٣ منهم بس اللي شغالين!!

  الفرد كمان زي ما قلت لو كان منظم في حياته الشخصية بيكون منظم في كل شي.. دحين صرت أعرف الناس اللي سياراتهم أو غرفهم مقربعة فهدا يعني انهم كمان في شغلهم مقربعين!!

  من الكلام اللي قاله الأفريقي اللي قلت لك عليه قبل شوي.. انه الفرق بين شعب السعودية والشعب الماليزي انه السعودي زمان كان بدوي حياته غير منظمة بطبيعة الحال نظراً لأنه يتبع الصحراء والترحال ومكان ما لقى موية جلس.. بينما الماليزي بطبعه مزارع ومنظّم نفسه وحياته حسب المواسم يعني الأرض لها دورتين خلال السنة وهدا يعني انه عارف في أي شهر مثلاً تكثر الأمطار في أي وقت لازم يكون موسم الحصاد وفي اي وقت يكون موسم الزراعة....الخ..
  أحسه تفسير منطقي :D

• أحمد صباح الخير يا رجل ..

  إذن المطعم كان فال خير عليك تكتب هالموضوع :D >> بيذلك علشان عرفك عليه

  شوف يا سيدي ..

  بصراحة هذه المشكلة العويصة نعاني منها في كل مكان إلا من رحم ربي ، وأعتقد أن الحل هو " الحزم"

  اتمنى أن تكون هناك كميرات للشرطة على الإشارات وتلتقط السيارات التي تقف في المسار الأيمن، أو حتى الايسر إذا كان هناك ( يوتيرن) صدقني مع الوقت سيرتدع الجميع إذا علم أن هناك 100 راح يدفعها يومياً ( على الأقل)

  الله يعين بس >> الشق أكبر من الرقعة

• النظام مايجي بين يوم وليلة يحتاج لوقت للتعود
  تحتاج لنظام مروري صارم وحازم وتشوف كيف الناس تلتزم بالنظام

  والأهم من هذا كله الأطفال في المدارس يفترض من أول مايدخل المدرسة تكون مكان يعلمه النظام إضافة للمنزل

  أحيانا المسألة هي ذوق وفيه ناس تفتقر للأدب والذوق ومثالهم اللي يجي في طابور كاشير ويدخل في النص ولا اذا وصلت الكاشير بعد انتظار بكل بجاحة يجي ويحط أغراضه ويحاسب :@

• بما أنك ضربت مثالاً بحركة المرور ..
  هل تعتقد أن رجل المرور اولاً و الطرق الرائعة ثانيا مهيئة لانتظام النظام ؟!

  كل الطرق الهامة لدينا تجد فيها العبث التنظيمي، فهذا طريق يتحول فجأة من خمسة مسارات إلى ثلاثة !
  وهذا من اثنين إلى أربعة ..
  وووو .. أمثلة تطول ..

  لذا الفرد ليس أولا !

  بدليل أن الفرد يقود سيارته بنظام عندما يغادر قريبا .. في دبي المجاورة ..

• تبغى الصراحة أحمد الأساس هو الفرد متى ما الفرد التزم بالنظام سيكون كل شئ تمام ..

  بدايةً من سالفة الواسطات يعني لو الواحد يقضي شغله بدون ما يحط في باله وجود واسطه كان مشت أموره وَ أمور غيره وَ صار النظام وَ الدور ماشي تمام ( قبل أسبوعين كنت في الأحوال المدنيه يعني ناس يجون مبكر وَ أرقام و الله الله .. و أنت جالس تنتظر الا وحده جايه الساعه 10 و مرتاحه وَ تجيها الموظفة وَ تعبي النموذج وَ توديها تدقق ع المعلومات وَ تطابقها وَ تخلص شغلها وَ تقول في النهايه تامرين على شئ ثاني هو بقى شئ ما سوته .. أنا أقول ليش تكلفت وَ جت للأحوال وَ تعبت نفسها , هم يجونها :) وَ خلاص ) , الحل لتفادي مشكلة الواسطات يسوون قسم VIP في الدوائر و انتهينا .

  السالفة الثانيه مع وجود الأرقام وَ أنا متأكده أنه اللي معاه الرقم يعرف يقرا وَ يعرف متى دوره يجي يزاحم خلق الله وَ يمسك دور وَ لما تجي تسأله كم رقمك تكتشف انه واقف في المكان الغلط ( ارجع ورا ) بس من جد أبي أعرف وش يستفيدون اذا اوصلوا للكاونتر وَ قالهم لسه دورك ما جا !! ( يعني في هالحاله وش فايدة الأرقام )

  أما سالفة إشارات المرور و السيارات ( يا انه يغثني هالموقف ) وَ يرفع ضغطي .. طبعاً الشخص اللي سوى الحركه ما يهمه هذا الشئ لأنه سبق الناس وَ مشى بعد ما سوى فوضى عارمه عند الإشارة وَ انواع البواري .. بعدين في شئ ثاني بما اننا لا نزال في أنظمة السيارات في حركة تثير غضبي جداً جداً وَ هي في مواقف السيارات تجي سيارة وَ توقف بالعرض وَ تسكر عليك وَ تنتظر وَ يضيع الوقت عليك وَ أنت تدور صاحب السيارة عشان يتكرم وَ يبعدها .. بس من جد في ناس تفتقر للنظام وَ لو قلتلهم من اليوم لبكره وَ علمتهم ما راح يسمعون هذا اذا ما هايطوا عليك بعد .

  أحمد كعادتك متألق في مواضيعك .. دمت بخير

• كلام جميل ونتفق عليه جميعا :)

  لكن برأيك من أين نبدأ ...؟؟

• آآآآه من النظام يا أحمد , قبل يومين تقريباً كانت إشارة المرور في أحد التقاطعات المزدحمة معطلة عن العمل ,, هل تتخيل المنظر ؟؟ قمة الهمجية ! .. الله بيعين .. شكراً أحمد على هالأسطر الرائعة .

  أدهم

• بالنسبة للنظام يليتك تشوف قص البوردينج للفرنسيين وكيف يهجمون على اللبوابه عشان يقصون بوردينج؟؟ يعني خلاص انت طالع طالع للطياره باذن الله ليش هالهجوم والزحام

  انا جبت لك مثال بسيط لاني لاحظت انتقادك على كل شي بالسعودية ؟ بالعكس المملكه في تطور واحنا شعب لسنا ملائكي وكل الناس صحححححححح الا ماتحصل ناس ماتفهم ونسا تعاند ولا المجتمعات اللي برى كلها صححح وكلها ماشيه تمام

  رائي من رائيك وحبي لوطني بان نظهره باحسن صوره واحسن شعب نتشارك فيه

• 8
  8
  8
  نسيت اكتب اسمي ترى انا جوري :)