(ساينفلد) اضحك من قلبك على الأمور الصغيرة
لعل أكثر مايلفت النظر في مسلسل (ساينفلد) الذي بدأ عرضه في العام 89 وانتهى في 98 ، بأن قصته مكتوبة بطريقة سهلة جدا جدا جدا (السهل الممتنع) ، ولايوجد أي عمق في المسلسل بقدر مايصور نماذج حياتية بسيطة تمر بأبطاله الأربعة المميزين ، بل حتى طريقة التصوير والإخراج يبدو أنها غير مكلفة لأن الجزء الكبير يصور في مكان واحد وبكاميرا واحدة ايضاً .
هذه المسلسل الكوميدي والذي يقف بجوار أشهر المسلسلات الأمريكية الكوميدية مثلأ ( فرندز – سيمبسون- فاميلي غاي – ريموند) ، يمثل واجهة فريدة في المسلسلات التلفزيونية وهو أمر عجز عنه العشرات من الكتاب والمخرجين رغم مرور عشرة أعوام على انتهاء حلقاته ، ولعل المميز أن القصة الرئيسة هو أنه (لاقصة) فيها ! .. كل مافي الأمر أن هناك شخصا معتوها ( كريمر ) يسكن بجوار الممثل (ساينفلد) ويحظون بزيارة بين حين وآخر من أصدقائهم ( جورج وايلين ) .. وفي كل حلقة هناك حدث بسيط لكن براعة الكاتب والممثلين تحوله إلى مسلسل فكاهي لايضاهى .
تخيل أن تكون حلقة كاملة تدور قصتها عن إضاعتهم السيارة في مواقف مول كبير والصعوبات التي تواجه الناس حينما يضيعون أماكن إيقاف سياراتهم ، وحلقة أخرى عن قصة حضورهم لإحدى المباريات في البيسبول والأحداث التي تصاحبهم حينذاك ، وأخرى تناقش قضية السفر بالقطار .. أفكار بسيطة لكنها تحول إلى حلقات ثرية مليئة بالقصص الطريفة والمضحكة .
في اعتقادي بأن انتاج هذا المسلسل قد يكون الأقل كلفة على مستوى العالم ، فلا يوجد سوى أربعة ممثلين أساسيين ، وتقريباً مثلهم (في الحلقة الواحدة ) يقومون بأداء أدوار ثانوية ، ومكان تصوير محدد في شقة (جيري ساينفلد) .
كحال الأعمال الشهيرة قرر منتجو المسلسل إيقافه في عز تألقه رغم أن إحدى القنوات عرضت مبلغا يزيد عن المئة مليون دولار لانتاج سلسلة إضافية ، المثير أن الممثل الذي يضحكني كثيراً ( كريمر ) والشهير بطريقة فتحه باب شقة (جيري) وأحد القلائل الذين جعلوني أضحك لوحدي بصوت عال لم يأخذ وضعه وشهرته كالممثلين الآخرين وفي ملفه بموقع imdb.com كتب بأنه قد توقف عن التمثيل منذ عام 2000 ولم يعد إلا بتمثيل (صوتي) في مسلسلات كرتونية في عامي 2007 و 2008 ولا أعلم لماذا .
هذا المسلسل يفترض أن يقدم كأنموذج مميز لكيفية كتابة سيناريو المسلسلات الكوميدية ويأتي في أبرز ملامحها المشاهد القصيرة والتي لا تتجاوز دقيقة في مكان تصوير واحد وقصر الحوارات وعدم إرباك العمل بإدخال شخصيات متنوعة وبقصص متداخلة ، والإخراج البسيط جدا وغير المتكلف .
في كل حلقة أبحث عن (كريمر) وأعيد اللقطات التي يظهر فيها أكثر من مرة لأضحك من كل قلبي على أداءه الهزلي الفريد من نوعه ، كما أتوقف كثيراً عند أول مشهد من كل حلقة حين يظهر (ساينفلد) في النادي ليطلق بعضاً من أفكار المضحكة الغريبة ومن نماذجها ماتطرق إليه مرة حينما تساءل .. لماذا يحرص الانسان على إرشاد صديقه لأطباء أسنان وتأكديه على أن يذكر للطبيب بأنه هو الذين نصحه بالتوجه لعيادته يقول جيري : ( لماذا نقول للصديق : إذهب للطبيب الفلاني وقل له أن (بوب) نصحني بالتوجه إليك ) ، يعلق هنا : هل يعتقد بوب أنني حين أذكر اسمه أمام الدكتور سيقدم لي نوعاً آخر من العلاج مثلا 😀 .. إنه طبيب وليس بائع ملابس
* المسلسل يعرض يوميا على شو كوميدي في ثلاثة أوقات متنوعة
* تأملوا في هذه المقاطع نماذج من جنون (كريمر)
شف يا احمد … المسلسل هذا كويس وما عليه خلاف .. بس قولة انه يصف جنب فرندز .. فاقول اها بس ومعصي !!
يا مال الماحي يا اللي وقف فرندز .. حرمونا الله يحرمهم الحسنات !!
سلام
اوافقك استاذ احمد
المسلسل هذا رايق لأبعد درجه ..
هبال كريمر وسباهة جورج .. تخليك تضحك غصب احياناً حتى لو مالك خلق
شفت طيحة كريمر في حلقة البيسبول قبل كم يوم قعدت أضحك ضحك عليها غير طبيعي
بعدين لا يهمك ابو ناصر .. تراه من العذال المتعصبين
<<< قلب على ابو ناصر لأن احمد صار صديقي الحين ويمرني يوم الخميس ههههههه
بصراحة اروع مسلسل شفته ,, و دايم يجيبون اشياء واقعية
فيه حلقة عجبتني مرة و هي افضل ما شفت في هالمسلسل ,, تكلموا فيها عن الـre-gifters الي ياخذون الهدايا حقتهم و يرجعون يغلفونها و يعطونها لشخص آخر 😀 ..
و اشوفه احلى من فريندز ,,
ما ضربت صحبة مع المسلسلات الأجنبية للآن … مش فاضية 🙁
إن شاء الله لما أخلص دراسة في الصيف “مع إني شاكة” … راح أتابع لي مسلسل أو اثنين من اللي مدحتهن … بسألك … عادك للحين كم مسلسل مدحت ؟ 😉
تعال … ما قلت لي … وش يعني منفوحة ؟؟
على فكرة … ما أدري إذا المشكلة من عندي أنا بس … ترا مدونتك صايرة جدا بطيئة هالأيام .. عشان أفج الصفحة الرئيسية يحتاي لي وقت طويل … و حتى لما أضيف تعليق … ياخذ وقت بعد
أبو ناصر :
شف .. أنت أكثر انسان متعصب في كندا 😀 كلها
فرندز مايحتاج احد يتكلم عليه ، وتراني ماقلت احسن منه .. قلت يقف بجواره 🙂
أجل يامال الماحي .. خلني اجيب معلومات اكثر لي ماكملوا عشان تعدل دعواتك ، واللي اذكره انهم وقفوا برضاهم يعني ماجاهم ايقاف من وزارة الاعلام حقتهم ولا ماعطاهم التلفزيون تمويل لتصور الحلقات .. واللي يبدو انهم حولوها لمسلسل صياحة حق عامر الحمود وليلى الهلالي اللي كلف 10 مليون ريال !!!!!
يزيد :
هلا بك اخوي أبو (يزيد)
أما طيحة كريمر .. غير طبيعية .. واحلى مافي الحلقة لما دخل معه الهوت دوج والبارد .. الرجال مضبط الامور ومسوي جو صح للمباراة .. وقام يحش اللاعبين قبل لا يبدون 🙂 مانقصه إلا يقول ( خاف ربك ياااا حكم 😀 ) ..
أما أبو ناصر معروف تعصبه .. وهذا احد عيوبه وياما قلت له هالنقطة .. ان حب شي .. ياويلك تنتقده وانت عارف اللستة حقته سواء في الرياضة ولا الطرب ولا المذيعين .. آآآآها بس 😀 (كنه بادي يخور ويكب العشا )
Frozen Tears :
هو حلاته في الاشياء الواقعية والبسيطة اللي ماسبق ان الواحد جلس يفكر فيها ، حلقة أمس كانت عن الهواش اللي يصير في السباق على المواقف .. وجورج بدع فيها كعادته 🙂
إيمان :
اللي مايشوف الاجنبي بيكن ضيع وقته في فجر السعيد وامثالها 🙂 ولا بحبك وتحبي ياحسني ، ولا ربع ( ابن عمممي )
انا المسلسل اللي يجوز لي واحبه اكتب عنه .. وعندك تصنيف سينما وفن على اليسار 🙂 .. شوفي كم مسلسل
بعدين سالفة منفوحة هذي يبي لها بحث ، جربي اكتبي في قوقل ( تطورت منفوحة) ، ومثل ماقلت لك في رد سابق بحكم أنك اماراتية ( حسب ماشوف من لهجتك ) .. يبي لك شوي تعب عشان تعرفين وشي منفوحة (الامور ماتجي بالساهل)
موضوع البطء بشوف المشكلة من ايش .. غريبة هذي اول مرة تجيني هالملاحظة
لا والله لا فجر السعيد و لا غيرها … صار لي خمس سنين ما تابعت شي في التلفزيون … حتى في رمضان الناس يالسة جدام التلفزيون و أنا جدام الكمبيوتر … حتى في الصيف اللي الناس ترتاح فيه … أنا مشغولة و وراي شغل … المهم … على سالفة منفوحة … دورت في النت … و لقيت وايد ناس ضاربه هالمثل … و مع إني إلى الآن ما فهمت معناها … لكني توصلت إنها شرات مقولة عندنا …”العزبة تطورت” … اظاهر نفس الشي … وإلا غلطانة ؟؟
أستأذن أخي وصديقي أبو أحمد في الرد على النقطه الخاصه بمنفوحه 😉
منفوحه : حي شعبي حالياً أغلب قاطنيه من الجاليه المصريه الشقيقه الله يشق بهم 😀 لدرجة أنه يخيّل لك في شارع منفوحه العام أنك في السيده !!
تُعتبر منفوحه سابقاً مكان سكن أهل الرياض الأصليين حالها حال ( الشميسي ، المرقب ، العود ، الحلّه ) وغيرها قبل أن يشدون الرحال لشمال الرياض وشرقها وغربها بل إن أهل الرياض الأصليين يعتبرون منفوحه مسقط رأس لهم قبل أن تتحول بقدرة قادر إلى حيّ !!
(( تطورت منفوحه ))
سبب إطلاق هذه المقوله هو إنشاء نفق قبل تقريباً 15 سنه أو أقل يربط طريق البطحاء بحراج إبن قاسم ، بسبب أن منفوحه لم يكن فيها طرق قويه تواكب التطور الحاصل وقتها في مدينة الرياض والعلم عند الله .
هذا والله يحفظكم ويرعاكم .
* نقطه برا الموضوع : بكرا وش الوضع استاذي وصديقي أبو أحمد ( أحمر وردي يُبُرُق .. هكذا ) ؟؟
الله يمليك بركته يا يزيد … بس هين وعدك بالرمضانية ان شاء الله .. والله ان تعكف ركبتك من كثر المشورة يا العجاز !!!!!!
بس اقف لك احتراما على النظرة التاريخية لمنفوحة … ويبدو ان استهلاكك من منفوحة بيكثر بسبة المشورة مع المذكور أعلاه ” يقال لي حمقان مرة ” !!
سلام ياجماعة الربع
إيمان :
كويس انك منتي (يالسة جدام )التلفزيون .. لأنه مافيه شي يسوى .. والزم ماعلى الشخص دراسته .. والمسلسلات لاحقين عليها …
يزيد :
أحييك أخوي (أبو يزيد) على هذا الإثراء والإضافة القيمة للموضوع .. ولا اعتقد أن الاخت ايمان بحاجة إلى مزيد من الطرح حيال هذه المعلومة ( تتعب على حيال ذي )
الوضع بكرة ياصاحبي (يبَكّي) .. مع ان جملتك لما يقراها الواحد يحس ان فيها خيقي بيقي .. ، بس لازم نطبق حركة معاذ مع رئيس الأهلي الجديد 😀
أبو ناصر :
خلاص يابن الحلال يزيد الحين صارت تجيه خدمات فندقية لين باب بيتهم ، سواقه رايقة الضعيف لين يوصل وهو يحش واحد مهبل به أنواع المساقط .. وتكييف رايق وهادي ، تصدق مرة يقول لي برضه انه قد ركب مع واحد من الشباب ( الله يذكره بالخير الحين في كندا ) ، يقول طااااااااعوون لما اركب معه احس اني في سويسرا من البراد 😀
عموما على طاري أقف احتراما .. بصراحة من زمان عنها .. وانا برضه أخوي أبو يزيد أقف احتراما للمداخلة القيمة ،،
احمد هل تعلم انك انسان كويس
لو ما يجي من المسلسل الا فتحة كريمر للباب كفت 🙂
وتراني سامع ان ابو ناصر جالس يحاول يرجع انتاج فرندز :p
المسلسل كله صرقعه في صرقعه
وجيري في اخر الحلقه يعطيك كم كلمه شغل محششين
أنا من أشد المعجبين بمسلسل ساينفيلد وبإسلوب التمثيل فيه
فعلا على الرغم من بساطة القصص الا إنها تعرض بشل شيق وكوميدي
شكرا أحمد على العرض الممتاز لهذا المسلسل
خخخخخخخخخ هالمسلسل عسل والله عسل
وأنا اقراءة تذكرت بعض المشاهد وقعت اضحك
مع اني مالي بالمسلسلات الاجنبية بس هالمسلسل غير غير وصرت بعنف انصح الكل يشوفه..
اول مره سمعت عنه من بنات عمي وبصدفة شفت كاتبين عنه من مدة بالرياض
وللحين احيانا اتفرج ع بعض حلقاته اللي عجبتني
اصلن مجرد دخول كرايمر من الباب كافي يخليك تضحك فمابالك بباقي حلقاته
انا من اشووفه بقصة شعره الغريبة اقعد اضحك
وتسلم أحمد ع تذكيرنا بهالمسلسل..وأبدعت والله
من أروع المسلسات اللي تابعتها انواع الضحك على كريمر اذا فتح باب الشقه ودرعم للثلاجه.
ترى على فكره الممثل Michael Richards (كريمر) ممنوع من التمثيل بسبب قرار المحكمه بعد ما سب زنجي في أحد النوادي الليليه اثناء تأديته ل (Stand up comedy) وتم تصويره صوت وصوره ومن يومها وهو موقوف من التمثيل بسبب عنصريته.
وهذا رابط المقطع على اليوتيوب:
(www.youtube.com/watch?v=QfbqNi2zezo&feature=related)
يآآآآه ..
لماذا ذكرتني به !
هذا المسلسل لا أمل من مشاهدته
واحياناً اشاهد الحلقة ذاتها 3 مرات في الاسبوع
حينما كانت 4 تعرضه ( لا أدري هل لازالت تبثه أم لا )
وأضعه في المرتبة الثانية بعد Friends
فالأول يضم 3 مجانين ( فيبي وروس وجوي ) وهناك توازن .. فلا تضحكني مونيكا وريتشل و لا تشالندر
إلا قليلاً .!
اما هنا فلا يوجد سوى المجنون كريمر وأحياناً جورج البائس دائماً
ننتظر قناة مجانية ترى النور لتعرض لنا المسلسلات الكوميدية
بدل من قناة 4 التي تعرض مسلسلات اقل ما يقال عنها انها سخيفة :@
هناك مسلسلان آخران جميلان FRASIER و According to Joe
شكراً لك أحمد على موضوعك الشيق 🙂
أحمد (سميك)
شاهدت الفيديو في السابق وقد بثت قناة 4 تقريراً في أحد البرامج اليومية الامريكية
يعتذر فيه عن ما فعله !
abod :
ماعليك من ابو ناصر المتعصب 🙂 .. وكريمر خبل في ( كووولش ) 😀
رائد :
في الاخير والاول .. وانا احب مشاهد جيري بصراحة رغم ان فيه كثير مايهضمونه
عائشة :
حياك الله وهلا وسهلا .. وبالضبط القصص بسيطة واللي يشوفها يفكر انه يقدر يسوي مثلها لان مافيه شخصيات كثير
ليان :
فتحة الباب لها قصة مدري ذكرتها انا في الموضوع ولا لا (الكبر شين ) ، بس الصدق كريمر تأخر مرة عن موعد التصوير ودخل طاااااير وفتح الباب وزلق كالعادة .. جازت لهم الدخلة وثبتوها في المسلسل
أحمد :
معقولة يوقف 8 سنوات ؟؟ .. مرت علي هالسالفة بس ما اتوقع توصل الامور كذا من عام 2000 وحتى 2007 مدري 2008 ..
علي الأهلاوي :
مسلسل أكوردنق تو جيم كويس بس عاد ماينفع ينشاف على الام بي سي ، لان وقت الحلقة مايتعدى 20 دقيقة لكنه بالاعلانات يطلع لك 40 دقيقة .. توو ماتش والواحد وقته مايساعد الحين ، تخيل انا اشوف في الشوتايم فرندز وسيمبسون وساينفلد كلهم في ظرف ساعة وشوي بس ، لان اسجلها غير كذا الشوتايم مافيها الا اعلان واحد في منتصف المسلسل