بعد أن تجملت .. تدللت !
ولله الحمد تحصلت على الترقية الثانية خلال ستة أشهر لذا ونتيجة لذلك ولأن لا أحد يمنح الهدايا 🙂 قررت إهداء نفسي هديتين .. الأولى جهاز لاب توب جديد والهدية الثانية ( التي لم أقصر بها مع نفسي 🙂 ) هي رحلة سفر (خاطفة ) أتمنى أن أقوم بها خلال الشهر المقبل بإذن الله .
بعد تمحيص وتدقيق توصلت إلى شراء جهاز dell 1330 xps بسرعة 2.2 وبشاشة 13.3 ، وحقيقة كانت حجم الشاشة نقطة توجهي لشراء الجهاز قبل الشركة ، فالأجهزة ذات الشاشة 14-15 كبيرة الحجم وتحتاج إلى حقيبة حمل مما يصعب مهمة التنقل بها خاصة في السفر بينما شاشة 12 التي شاهدتها لدى بعض الأصدقاء كان صغيرة بعض الشي ومخصصة للأعمال المكتبية غالبا حيث تصعب مشاهدة فيلم أو عمل الصور بالفوتوشوب من خلالها .
لذا كان البحث أولاً عن الأجهزة ذات الشاشة 13 وكان الخيار في النهاية بين السوني وdell إلا أني وجدت أن سعر السوني أغلى بعض الشي إضافة إلى أن أجهزة السوني (الأدنى مستوى ) تقارب قيمة أجهزة dell الأعلى مستوى .. في النهاية وصلت إلى خيار اقتناء xps 1330 بنظام تشغيل – فيستا – ، الجهاز في الحقيقة حتى الآن لم يختبر لأني لم أركب عليه البرامج بعد لكن المشكلة التي تؤرني هي أن مخرج الفيديو hdmi وليس مخرج الفيديو الاعتيادي وجهاز التلفزيون لايوجد فيه مدخل hdmi لذا حاولت اليوم المرور على اكسترا والكترو وسوق العليا ولكن لم أجد وصلة طرفها hdmi وطرفها الآخر الأسلاك الثلاث الملونة (أحمر – أصفر – أبيض ) .. وأخشى أن لا أجد لأبقى متابعة الأفلام مرتبطة بجهاز المحمول القديم ( الله يالدنيا صار كخ الحين 😀 ) ، قد يقول قائل لم لم تنتبه عند الشراء .. فسأجيبه باعتقادي بأن مثل هذه التوصيلات متوفرة بل كنت أعتقد بأن توصيلة (البلاي ستيشن ) ستعمل عليه لأن السوني 3 مخرجه hd وطرفه الآخر (الأسلاك الثلاث ) غير أن توصيلة السوني لم تنجح مع الـ dell .
النقطة الأخرى وهي نقطة الإجازة .. الصعوبة الأكبر هي ( كيف تجد رفيق سفر مناسب في شهر مارس 🙂 ) ، حقيقة الجميع يرغب في أخذ إجازته في فصل الصيف وبالنسبة لي فجهة عملي تتميز بمنح الموظف أخذ إجازة في أي وقت ( دام أن ذلك لا يؤثر في العمل ) تحصلت على 11 يوما وتحصلت على صديق مناسب للرحلة لكني تفاجئت اليوم بأن الرحلات جميعها مقفلة ( من الضغط ) رغم تقدمي للحجز قبل الموعد باسبوعين ، لم أكن أعلم بأن حجم المسافرين إلى جزر سياحية في شرق آسيا كبير إلى هذه الدرجة بل وحتى إلى أيام أخرى وعلى كافة الخطوط ( الإماراتية – اتحاد الامارات – القطرية – طيران الخليج ) ، حتى أن الموظف الهندي علق بقوله ( سعودي كل يوم أنا مسكين فلوس مافيه .. بعدين ثاني يوم يجي ياخذ اجازة ماليزيا ولا تايلند ولا المالديف اسبوعين 🙂 ، الطريف أني كنت أقول له قبل الحجز بأن الاسعار ارتفعت والآن (سعودي فيه مسكين 😀 )
تجاوزت الكلام السابق عن DELL لان الموضوع لايهمني 🙂
مع تمنياتي لك باجازة سعيدة ..
صدق الهندي والله ..
اول شي على البركة الDELL تكسره بالعافية 🙂
بالنسبة للاجازات
ما ادري مارس ما اعتقد اننا مزحومين فيه 😛 مع انه مو موسم سياحة أبداً لا هنود ولا عرب بس يمكن (بيض) اللي بيكونوا موجودين
على فكرة؛ بما انها اجازة نقاهة؛ جرّب Bali كتير مدحوها حتى الماليزيين اللي زاروها بيقولوا بحرها أنظف بكثير من بحر Tioman و Pankor
اممممم
ليش أغلبكم متمسك بالطيران العربي؟
جربوا السنغافورية – MAS – السيريلانكية (بعد ما خلوها اماراتية صارت top ) – بروناي ….. الخ تراها خدمة 5 نجوم 😀
مبروك احمد اللاب توب
يعطيك خيره ويكفيك شره 🙂
أما على الإجازة حلو إنك تاخذها وسط الترم الدراسي لأنها تكون رايقة وما فيها زحمة
(ودي أجربها مرة بس الدراسة ما تساعد)
بس غريبة الحجوزات زحمة؟؟ يمكن كثير صاروا يفكرون زيك P:
يللا إن شاء الله تلاقي حجز وفيق سفر ممتع وتروح وترجع بالسلامة 🙂
ع البركه الترقيه , ما شاء الله ..
عقبالي .. مع اني قبل سته شهور تغير مسماي الوظيفي لـ[ كبير مدراء ] إلا انها ما تعتبر ترقيه !!! لا تغرك التسميه مشرفه مع وقف التنفيذ !!
ايييييييييه لي الله محد درى عني 😕 ..
ورحله سعيده مع اللاب توب الجديد 🙂 ..
مبروك عليك الترقية ، واللاب توب والسفرة بعد 🙂
انتظر رايك بالديل لاني افكر بجد اشتريه .. وبالنسبة للسفرة صح ما خذت رايي بس على قولة اسماء ترى الخطوط السيرلانكية زينة وبالي راااائعة ..
ماشاء الله .. تبارك الله
ألف ألف مليون مبروك يا أحمد …
والله فرحت لك بالترقية , وتستاهل الخير كله , لأنك ماحصلتها عبث …
أعجبتني فكرة مكافئتك لنفسك , مره قالها لنا مدرب في أحد الدورات , فهي تجدد العلاقة بينك وبين نفسك وتزيدك في العطاء المستقبلي …
أمنياتي لك بإجازة سعيدة , وترجع لنا سالم غانم 🙂
لازلت تتهجم على السوني بطريقه ممكن ياخذ عليها ابو ناصر أحمر بالراحه وفي الدقيقه واحد 😀
مبروك الترقية
ومبروك اللاب توب .. بس 2.2 ماتحس إنها واجد ؟؟ 😀
والاجازه في هالوقت زوينه لكن حدها اسبوع
ترقية بالعمل و اللاب توب جديد وتخطيط ع سفرهـ بالجزر بعد ووهـ ادهـ الهنا اللي أنت فيه يـ احمد 😯
بس تف تف ماشاء الله علبيك اخاف لاسمح الله ماتسافر وتقول ليـان صكتني بعين 😛
اييه والله سعودي مسكين لانه مايفكرون بالمستقبل ان بكرا وراهم بيت يفتحونه ولا يستثمرون فيها
ويووسعون تجارتهم ابدا شبابنا علطول تجي الفلوس من هنا ويحطها بالسفر 🙄
وعسى ربي يهنيك بهالسفر وتوصلون بالسلامة ان شاء الله 🙂
فكرة دلل نفسك سبقت بها جبنة بوك الدنماركية في اعلاناتهم السمجة بالتلفزيون لكن فاتك شي مهم وهو شكر الله على هذا فاشكر الله وبادر اليه بالتقرب قبل ان يكون هذا العطاء مزيد ابتلاء وقيام حجة ومن صور الشكر الحرص على اداء ما افترضه الله علينا وما تيسر من النوافل واكرام الوالدين وصلة الارحام والتصدق فافهم هذا انت وغيرك من القراء
اولا مبروك على الترقيه والله انك تستاهل مع اني ماأعرف شطتك بالعمل بس باين عليك هميم وشطيط؛) ومبروك على الاب توب انا توني شاريه واحد (acer)بس 12 صغير ووذف وفرحانه فيه واجد . اما بالنسبه للاجازه رح وانا اخت وسسسسسسع صدرك انا توني جايه من دبي سعاده وصار لي اسبوع ابتسم من الريليييف الي سويته هناك.ترجع بالسلامه
ayaneeq :
الله يسعد ايامك 🙂
asma :
الله يبارك فيك 🙂
والله الخيارات لا تزال مطروحة لأن الاجازة في الاساس (ريلاكس) يعني ودي بمنتج ولا مكان زي كذا اتكي فيه و (اتطبح ) ليل نهار .. ماودي اروح منا ولا منا ولا أماكن سياحية ..
مشكلة الخطوط الثانية أن أوقات الترانزيت فيها طويل جدا ، يعني السفرة راس مالها 10 ايام واذا اخذت ترانزيت اول يوم .. وآخر يوم مابقى شي .. الاماراتية عندهم الترانزيت لبعض الدول مايتجاوز ساعتين ثلاث .. ونفس الشي الاتحاد
فرح :
اي والله غريبة العالم تسافر هالوقت .. ويمكن كثير صار عنده منطق السفر في غير أوقات الصيف لتلافي الازدحام وغلاء الاسعار
nOuf.a.s :
الله يبارك فيك يا ( كبير المدراء 🙂 ) ..
واللاب توب الجديد مدهررر
summer-sun :
الله يبارك فيك ..
الديل حتى الآن ماشي صح لولا مخرج الفيديو .. ومرة ثانية – الله لا يهينك – راح اخذ رايك ههههههههه !
بدر الشايع :
الله يسلمك ويطول عمرك ..
فكرة المكافأة اسلوب عودت به نفسي .. تدري احيانا لما اسوي شي كويس في الشغل .. أعزم نفسي على وجبة تسوى .. لذلك وزني يزيد كل يوم 🙂
يزيد :
هلا بك اخوي (أبو يزيد) 🙂 .. بعدين أبو ناصر بياخذ أحمر على امور كثيرة .. يابن الحلال مدري وشلون تخرج من الجامعة ولا انطرد 😀
أما السرعة صح واجدة .. بس على قولة القايل ( كااااااااااش ) ..
ليان :
كويس .. لما قريت السطر الأول بغيت أقول ( وين ماشاء الله 🙂 ) أخاف عاد الطيارة تطيح
ترى السفرة مختصرة جدا وتكاليفها ماتجي شي عند اللي تصرفه البنت عندنا في مناسبة ولا سوق 🙂
بعدين اصلا انا ادور وحدة تاخذ قرض وتتزوجني (ليس الرجال هو اللي ياخذ القرض :)) .. لذا بضيع فلوسي عادي
ابن طقطقى :
ههههههههههه وش قصدك يعني يابو دلل نفسك ههههه الله يروووجك ..
كلامك صحيح وعلى الراس والعين .. وبالشكر تدوم النعم يالله لك الحمد والشكر ..
توتو :
الله يبارك فيك ومبروك برضه الجهاز الجديد
والاجازة عسى الامور تضبط ويمشي الحجز معنا اوووكيه
على سيرة (التبطح) ترى [ بالي ] راس مالها جزيرة وspa وما حولك غير موية شرقاً وغرباً وشمالاً وجنوباً خخخ
أما الترانزيت فـ صح كلامك زي الخليج لما سافرت عليها قبل 3 سنين جلست في الطريق يوم كامل والاتحاد نفس الشي كل اليوم ترانزيت.. السنغافورية رهيبة ساعتين ترانزيت في سنغافورة وخلاص لكن بروناي طوّلت فيها كمان
أمس كنت أتكلم مع اللي حواليّ عن الزحمة في مارس طلعوا مو السوّاح اللي عاملين الزحمة؛ المعتمرين اللي قالبين الدنيا فوق تحت 😀
عالبركة الترقية ( من حصل شئ استاهله ) …
ثانياً مبروك على اللابتوب الجديد ..
ثالثاً الله يسهل امور رحلتك ( مقدماً تروح و ترجع بالسلامة ) ..
دمت بود أخي أحمد
على البركه الترقيه
المحمول : ربي يعطيك خيره و يكفيك شره
و إجازه سعيده إن شاء الله
و أهم شي سويته لنفسك انك تجملت
لا عاد انت تبي تقهرناااا يا بو حميد
خلف الله علينا ترقياتنا بالجامعه بعد 5 سنين 🙁
وانت تستاهل ماشاء الله عليك الله يحفظك ومن عالي لأعلى
بالبركه اللاب توب ورحلة سعيدة 🙂
فقط إفادة بشأن وصلة الـ HDMI من واقع تجربه ولا خبرة.
الوصلة تختلف تماماً عن وصلة الأسلاك الثلاثة، فهي في طرفيها رأس كالـ USP ولكن أعرض بعض الشيء. ويمكن أن تقول أن وصلة الـ HDMI هي جيل جديد غير الجيل السابق الأسلاك الثلاثة، فهي أقوى وأنقى وأغلى. أغلى بكثير.. فوصلة الـ HDMI يقارب سعرها الـ 300 ريال!
و وصلة الـ HDMI لا تتوصّل إلا بـ شاشات الـ LCD والـ Plasma الحديثة، ويُذكر ذلك في المواصفات، والآن ظهرت في الحواسيب المحمولة كـ ميزة إضافية وهي حقيقةً معتبرة.
لذلك بلا شك ستحتاج إلى تلفاز جديد يدعم ميزة وصلة الـ HDMI إن كنت تريد نقل الصورة من الحاسب المحمول إلى التلفاز، وستُذهل بنقاء الصورة التي سيوفّره التلفاز عن طريق هذه الوصلة.
وأنا أملك هذه الوصلة وتلفاز بلازما باناسونك بنقاوة عالية، وجهاز PS3 ، والألعاب أو الأفلام التي تُشغّل على الجهاز تظهر بصورة خيالية ومذهلة!
فتستحق المبلغ المدفوع لها، بالتوفيق أحمد. 🙂