عالمٌ من الأصباغ
لا أملك إحصائيات موثقة ، ولكني على يقين بأن النساء الخليجيات لهن النصيب الأكبر في استهلاك (أصباغ المكياج ) بكل ألوانه المتعددة ، حتى أن الأمر في مقاييس الجمال ( بالنسبة للمرأة ) لم يعد كما كان في السابق حيث أضحى الواقع الآن يعتمد على كمية الأصباغ التي يلطخ بها الوجه .. كلما زادت الأصباغ .. زادت معايير الجمال .
أتساءل أحياناً .. هل الممثلات الخليجيات اللاتي يقمن بشراء (براميل ) الأصباغ يتأملن حالهن في الصور وفي التلفزيون .. هل يعتقدن بأنهن زدن جمالاً … ماذا عن النساء العاديات .. هل يعدون ذلك من مقاييس الجمال أيضاً ويحاول السير على ذات النهج وملء الوجه بأكبر عدد من الألوان ؟
أمرٌ غريب بلاشك ، تحولت وجوه النساء إلى لوحات تعبأ بالأصباغ لدرجة أن بعض النساء والممثلات يتحولن إلى مايشبه المهرج ، هنا أصفر .. وهنا رمادي .. وهنا وردي ، وتبيض الوجه بالكريمات بأكبر قدر ممكن ولم يبق سوى وضع أنف المهرج الأحمر الشهير لتكتمل الصور .
بالنسبة لي كرجل ، عندما أشاهد هذا القدر الكبير من المكياج والأصباغ أرثي حال المرأة التي تعتقد بأنها مرتبطة دوماً بتلك الأصباغ في حين أننا حين نتحدث عن الجمال الطبيعي والمقبول – على الأقل – سيتمثل في وجه المرأة العادي .. لا أقول بلا مكياج على الإطلاق .. ولكن بمكياج خفيف لأن للمرأة الحق في أن تتزين في المناسبات مثلاً .. لكن المفترض أن تجيهز هذا المكياج لا يتعدى دقائق قليلة .. لا أن يخصص لها ساعات طوال وكوافير ومشاغل نسائية وقصص طوال لا تنتهي .
في الأفلام الغربية ، كثير من الممثلات يظهرن بمكياج خفيف .. وخفيف جداً لكنهن يخطفن الأضواء بصورهن في الصحف والمجلات ، وأجزم لو ظهرت إحداهن بالشكل الذي تظهر فيه زينب العسكري وحليمة بولند مثلا .. لكان ذلك مثار تندر وسخرية من المجلات .
الخليجيات أولاً ثم المصريات أصبحن يجسدن بكل ماتحمله الكلمة من معنى لجملة (الجمال الصناعي ) ، لا يوجد أي ثقة بالنفس ولا يوجد أي شخصية مستقلة .. 10 كيلو من الأصباغ والألوان دون تنسيق في غالبها من أجل الظهور على الشاشة ، وللأسف الفتيات يعتقدن بأن هذه هي الصورة المثلى فيسرن على تطبيقها في المناسبات والزواجات ..
( ملاحظة : يا والله الكتابة بنون النسوة قلق .. تذكرت خالد النفيسي 🙂 )
والله إنك صادق..بس ترى راحة موضته:)
المكياج الي يظهر بالتلفاز مو موجود عندنا إلا بمكياج حفلات الأعراس بس!!
وقليل جدا الي يستعمل المكياج (الخليجي) “هذا إسمه عند الكوافيرات يعني الصارخ= الخليجي” وأرحم أشكالهم بياض العيون صار أحمر من شدة السواد حولها:|
والغالب حاليا المكياج الي سميته “خفيف” وهو أبعد مايكون عن الخفيف ويسمى عند الكوفيرات بـ “المكياج اللبناني” وهو عبارة عن أصباغ خفيفة بعد طبقة هائلة وكثيفة من الفاندوشن..ومكياج شارولز ثيرون يصنف كنوع خفيف من المكياج اللبناني
يالله درس خفيف عن المكياج:)
” وللأسف الفتيات يعتقدن بأن هذه هي الصورة المثلى فيسرن على تطبيقها في المناسبات والزواجات ..”
ههههههههههههههههه وإذا حطت خفيف قالوا وش فيك تعبانه؟ وإلا ضايق صدرك:D
الحمدلله:)
ههههههههههه وليش شايل همهم يا احمد
لا تكون ناوي على الزواج بس 😀
نرجع لمحور حديثنا 😀
نفس الشي يطرا في بالي ليش التلوين في الوجه.. يعجبني في المكياج اللون الموحد او درجات لون واحد وخاصة الأقرب للون الطبيعي حتى المكياج له الوان واسامي كتيرة شي دخاني وشي فراشة وشي مدري ايه
المرأة الخليجية عندها اقتناع تام انه كل ما زادت الألوان كل ما صارت أحلى!!! ومه كدا بنشوف اوبرا بنشوف جينيفر وجوليا وغيرهم كلهم مكياجهم طبيعي
متى يزيد المكياج ويصير نص اللي بيحطوه تبعنا لما يكون عندهم مناسبة كبيرة مرة
ولو لاحظت.. حتى تصاميم الفساتين عندهم هادية وبسيطة مررررررررة اما عندنا انواااااااااع التفانين والخرزات والزحمة كلها.. برة عندهم قناعة في انه الجمال ببساطته.. وعندنا قناعة انه الجمال باللي ينصرف عليه!!
تدوينة حلوة احمد وربي يرزقك وحدة من اللي مالها في المبالغات اللي مالها داعي 😀
واخيرا التقيت بإنسان ذكر يكره زينب العسكري:)
انت تسال عن النساء العاديات هذا الشي راجع للمرأه نفسها يعني فيه بنات عشقهم اطنان المكياج لدرجه أني احيانا الصباح وفي الجامعه أفكر متى صحت علشان يمديها على كل هذا .
أما النوع الاخر وهو الاكثر إنتشارا نساء على قولتك مثل نجوم هوليود:) يادوب كحل وقلوس:) هذا مايمنع ان نصف الميزانيه تروح للمكياج بس يظل مكياج خفيف
والتقسيم (غالبا) يرجع لفئات معينه بالأصح على حسب طبقات وإنتماءات اجتماعيه.
وبالنسبه الى ان الفتيات يقلدونهم فأسمح لي انت غلطان ممثلات الخليج ولا شي بالنسبه للبنات ما اذكر قابلت انسانه تقلد نجمه خليجيه او معجبه فيها خصوصا زينب العسكري 🙂
بعدين الخليجيات فيهم كذا وكذا شوف “ميساء مغربي” و “هيفاء حسين ” مكياجهم دائما خفيف
نأسف على الاطاله
صباحك يتنفس يا أحمد , ,
بالنسبة لموضوع الميك أب , , >>> ودها تقول لك انت وش دراك بهالعالم !! D:
لالا حشى , , بس انا عندي مبدأ إن المرأه لما تضع الميك أب لازم تحاول تبرز مناطق الجمال فيها مو تطمس وترسم على كيف كيفها , ,
وتاني شي , , للرجل نظره في وضع المرأة للميك أب -من خلال الزوج خاصه –
بس صدقني يا أحمد أنا الوالده الله يحفظها جلست سنتين بأمريكا وشاهدت معايير الجمال في نساء هوليووود وطريقة وضع الميك أب , ,
هناك يحسنون وضع طبقات غير منتهية من أصباغ الأساس فقط لإخفاء العيوووووووب اللا نهائية , ,
لكن أحمد , , أخليك مع صور “الشقر ” خخخ شوف كيف قبل وبعد ,,, والله العالم إن العربيه ملامحها بدون ميك أب تطيح الصقر من السما , ,
http://www.uparab.com/files/SvdC5mwda81A7K3B.jpg
ويسعد صباحك , ,
ماأقدر أخالفك الراي ..الخليجيات فعلا يبالغن بالمكياج وهم بالشعر..ماأنكر إن بعضه يعجبني لكن الغالب هو شغل استهبال ولعب على عقولنا ..الى درجة اني انا واختي في العيد فكرنا نفتخ مشغل ونلعب على خلق الله ..اشوف الحريم وجوههم تتصبغ “حرفيا” وهم عاجبهم ولا احد يتكلم ..مااقول الا الله يخلف علينا بس .
اما الصوره فعلا قويه ..مالقيت الا شارليز ثيرون هذي اللي ينقال فيها الزين زين.
أحمد وش عليك منا خلينا نستانس ونحط ميك أب 😀
صدقيني سواء كان ثقيل ولا خفيف اللي يحليه الذووق 8)
وجد ظلمت بنت العسكري بهالصورة ماش مقارنة بجمالهم اجل فاشلون أناقتهم
إنا ضد إن الوحدة تحط ثقيل بمناسبات عاديه وووهـ يالجامعة
يكفي تكحل عيونها وتحط روج خفيف وقلوس وانتهينا
البساااااااطة هي السر الحقيقي للجمااااااال
أصلن اشلون يستحملون وجوهم مصبوغة بكل لون وخاصة الفنانات الخليج
تشوف دورها بسيط بالمسلسل بس تبالغ بشكل موب طبيعي بالمكياج
بعكس هذولا حتى لباسهم بسيط وانيق
إما المناسبات زواج وهكذا لابد منه مجتمعنا تعود على كيذا
لأنه بصور تتطلع احلى و فرررق بينها وبين يلي حاطه مكياج خفيف
خخخخخخ
احمد كل اللي ردوا عليك بنات 😀
حمية من نوع مختلف :D:D
والله ياكنكم جمهور النصر .. ماتبون أحد ينتقدكم 🙂
لي عودة مساء اليوم ان شاء الله
شفيهم جمهور النصر ( وجه رافع حاجبه ) ؟!! .. .. 😛 ,..
يا ملحهم البنات ,, شف كيف تحمسوا مع الموضوع 😀 بس فيه وحده شرييييره !!!
اللي قالته هديل صحيح .. ترا الأجنبيات مكياجهم مو خفيف أبدااااا ..
يعني أنواع الطبقات .. .. بس يظل أجمل من مكياج ” الممثلات الخليجيات ” !
يعني اتفق معاك انه احلى وابسط في الظاهر .. ويبين جمال الوجه .
الحين الممثلات الخليجيات لو ان مكياجهم بس في الصور والمقابلات كان معليش ..
بس تلاقيها في المسلسل في مشهد (( تطبخ )) والطبخه الحقيقة على وجهها !!
انا معك انه 95% من الممثلات الخليجيات مباااالغااااات ..
اما الخليجيات عموماً .. فيه وفيه 🙂 ..
معاك في كل اللي قلته ……… بس وين اللي يسمع
لان للاسف في المجتمع النسائي يرون الامر من منظار آخر ( انها بخيلة تشتري مكياج
او انها تروح تسوي مكياج عند كوافيره )
لا ويا ريت الامر يستاهل …… من جد ما يستاهل ان الواحدة تخسر
ما يتراوح بين 250 – 1800ريال للمكياج العادي ( فما بالك لو كانت عروسة )
على ساعتين ان كثرت 3 ساعات المدة التي تقضيها في المناسبة .
لا و ياريت بعد هذا كله تطلع شئ ومميزة في المكان (photogenic) ,
بل على العكس كلهم يكون شبهم واحد.
في النهاية….
قد تستغرب ان أمراه تتكلم عن مجتمعها بهذا الشكل ( فضحتهم) لكن هذا الواقع
و الحق ما ينزعل منه صح ولا انا غلطانه ..
الغريب في post ان رجل هو اللي كاتب الموضوع
الامر الثاني اخيراً اعترفتوا ان زينب العسكري مو كل هذا جمال ..
أأسف على الاطالة
دمت بخير … اخي احمد
Ln X : عاد الموضة انا ما ادري عنها ، ويمكن انا تكون نظرتي قاصرة في هالمجال لأننا مانشوف حريم 🙂 ، بس كان الانتقاد الأولى تجاه اللي يطلعون في الفضائيات 24 ساعة مكياج ..
الحين بعد فيه شي اسمه ( مكياج لبناني ) .. والله الحريم اللي مايخلون شي ابد
asma :
النية موجودة بس ماكو مصاري على قولة القايل 🙂 ..
هالاعتقاد اللي تقولين يجب أنه يترسخ في ذهن المرأة بأنه شي غلط ، طلع الوجه سطل بوية .. ولا كراسة طالب ابتدائي .. كلها شخبطة وألوان ماهي لم سنع أبد
أفضل إضافة من موضوعي وهي تعليقك بأن سر الجمال في بساطته .. بالضبط .. لا في اللبس ولا المكياج .. ليه الحوسة والزمبليطة هذي كلها ..
ftoOo : وش دعوى فيه واجد ، سالفة الحب هذي مايطيح فيها الا اللي عقولهم صغيرة و(الضعوف ) عموما .. يخق مع أي شي ..
عموما ..
مو الممثلات حتى المذيعات ومقدمات البرامج .. ولا تهون حقة صادوه ( حليمة ) شفت لها فوازير في قناة الراي تموت من الضحك ثقالة دم واستخفاف على غير سنع ، وفوق هذا كله شكلها شارية ( كونتينر ) مكياج يوصلها من الميناء .. لأن العلب الصغيرة ماراح تكفي ..
هديل :
اللي دراني الله يخلي التلفزيون ، ولا الحريم أنا ما اشوف إلا أقل من أصابع اليد الواحدة وثلاث منهم فوق الـ 45 .. بس برضه انا عايش في المجتمع ومن الطبيعي اني اعرف ..
للرجل نظرة من خلال اطلاعي وسؤالي الكل أجمع على الجمال البسيط المتكلف والمكياج الهادئ ، والكل كان يضحك ويعلق بسخرية على المكياج الثقيل واللي يطلعون فيها الحين في المسلسلات الكويتية والخليجية بشكل عام ..
بالنسبة للصورة .. أصلا الأساس مافيه جمال .. فأكيد من دون مكياج برضه ماكو جمال ..
دانا :
والله المشغل الحين مشروع استثماري ولا أحسن ، خصوصاً وأن الحريم هنا مايحتاج ، بس مشكلة المشغل إشكالية العاملات وبعض الصعوبات اللي ماتخفى على أحد .. ولا هو أكيد مشروع خيالي 🙂
والصورة مجرد صورة تعبيرية .. ماكان فيه مجال أدور وأبحث في النت .. ولا فيه وقت اساسا
ليان :
بنت العسكري عجزت أهضمها أبدا ..
شكراً على الإضافة .. وبرضه نعيد هالجملة ( البساطة هي السر الحقيقي للجمال ) .. ولازم البنات يخلونها تواقيع في المنتديات 🙂 .. لازم يترسخ هالمفهوم بدل المسخرة اللي صايرة
asma : هههههه ايه بس أشوى هجوم مافيه عنف 🙂
nOuf.a.s : عاد انا وش عرفني ان الاجنبيات مكياجهم مو خفيف .. مالي إلا الظاهر في الصور والأفلام ..
بالنسبة للممثلات الخليجيات .. مرة شفت وحدة تمثل دور مريضة وحالتها حالة .. ولما صحت من النوم كانت مكياج أشد من مكياج زينب العسكري اللي في الصورة 🙂
light :
والله إضافتك مميزة دامك وقفتي في صفي 🙂 .. صح نسينا الجانب المادي والصرفيات المهولة وساعات الانتظار اللي مالها حد ..
على قولتهم ختامها مسك .. وختام المداخلات كانت مداخلتك 🙂
تدوينة حلوة .. بس مو راكبة على احمد 🙂
ايش اللي جاب الطاري لك !! ههههههه
بس بجد لما تشوف العالم مصبغين ترحمهم والمشكلة فيه بنوتات صغار لسة ما وصلو للعشرين تخرب نعومتها بالالوان الصارخة بزعم انو موضة رغم انو البساطة والنعومة هي اللي تبرز الجمال الحقيقي … بس صورة زينب العسكري ذي ياحرام المكياج بمبالغ فية بزيادة لدرجة ملامحها مختفية (( بدون خشم ))
ويسعد مساك
ايها المدون : مالك تعرض بجمهور النصر , حتى في هذه الموضوعات تقحمون النصر ؟
مرحبا
ادري جيت بعد ماباقي الشلة الانثوية ردت :p
زي ماقالت هديل تراهم يحطون طبقات الاجانب بس على سنع !! يعني يعرفون كيف يخفون العيوب
بس الخليجات حتى في التلفزيون يبان انه طبقات والعيووب مااختفت
والخليجات زيادة يحطون الوان الطيف في جفونهم وهالشي خلاص راح وانتهى والكل بدا يميل للهادئ(اكثر الشعب مايحب الهادي يحب التلطيخ)
انا اقول الحمد لله انه العالم لما تطلع من الكوفيرا تتغطى والا كان انحاشوا السواقين من (بعض) المشاغل الي ماتعرف تحط ميك اب
حتى الفساتين الخليجات يحطون ستين موديل في موديل !!!
تحياتي
سلطانة
ا
وازيدك من الشعر بيت
العروس الي تبي تتصلح عند احسن كوفيرات الرياض
الوجه ب5000 والشعر ب5000
ماكانت عروس الوجه من 500 لألف والشعر من 500 لألف
!!!!
استغلال والناس هنا تدفع والا الشرقية نص هالاسعار
مساء النور
انت محق لكن لا تعمم
والمكياج اصبح ما يقتصر على النساء فقط …الامر وصل الرجال لو نكتفي بصور الرجال
هم في الجرائد لحفل زواجهم الشفاه وردية واحيانا عنابيا و و و
وصالونات الحلاقه شبيه بالمشاغل هذا عامة الرجال
اما الممثلين و المغين والمذيعين فتامل صورهم وانت تحكم
ستجد ان كل صورة له تختلف عن الاخرى تسريحة وترتيب حواجب والمكياج لعب دور كبييير في تغيرشكلة
دمت موفق
.
.
.
الحمدلله إني من الفصيلة الذكرية 😀
صباح الأنوار أبو حميد ..
من زمان عنك .. ما تعودت ههه ..
أذكر مره بأحد الأسواق آواخر رمضان كان فيه وحده تتسوق وواضح عليها التعب
لدرجة أنك تشوف (زي ما يقولون الغطوة) لونها أبيض .. استغربت !
لين استنتجت بعدين ان المكياج سال عليها من التعب !
انا بصراحه انقطعت فترة عن التدوين بس يوم قريت موضوعك ضحكت ههههههههه واكثر شي الي جاي بالعرض يدافع عن النصر === الله يرحمك عبدالرحمن بن سعود :)كان سند
في البداية انا مع الطبيعه بالمكياج وخل البنات يعبرون عن أرائهم بس خذها مني بنات ديرتك تراهم ذواقين لا في الشكل ولا المكياج يعني خذ لك قرض واتكل على ربك واعرس وانشالله تكون بمستوى تشارلس ثيرون :p بس تقليد
summer-sun :
وليه مو راكبة .. وش مسوي يعني
اللي جاب الطاري هالمسلسلات اللي تجيب الأرف على قولة المصريين ..
نوندي : مالك معاذ ، أتعرض لجمهور النصر بحكم حبي للعالمي 🙂
…، : واذا حطوا طبقات .. الأهم يبقى عادي وخفيف مو تشطيب الوجوه مابقى الا التكييف والثلاجة ..
ماشاء الله الوجه بـ 5000 ؟
طبيعي لأنه يبي له سمكرة كاملة .. طلع سيارة ذا مو وجه
حنين : لم أعمم ..
الرجال بصراحة أنا اسمع بس ليومك ماشفت ، أما مكياج المذيعين فهو مكياج أقرب مايكون اسمه مكياج إضاءة حتى لا تنعكس الاضاءة على الوجه ( تلمع ) خاصة لذوي البشرة الدهنية .. لكن الفنانين عاد هذولي أكيد فيه نسبة كبيرة تعبي من هالمكياج .. مافيه شك ..
سلطان : انت تقوله .. بس نلقى حل لمشكلة الدقن .. ياخي ليه لما أحلق يطلع على قولة يونس شلبي 🙂 ..
مشغول : هلا والله بصديقي .. ازيك 🙂
والله ذي شكلها حاطة طحين مو مكياج .. تهقى يسوونها 😀
سديم : آخذ قرض وأعرس ؟
مابعد انهبلت 😀
بجلس لين تجي وحدة تاخذ قرض وتخطبني هههههه
hey every one !
الموضوع مغري 🙂 بطلع حرتي كلها هنا ,
انا الصراحة اتعجب من المدرسات !
يعني اوفر ميك اب الصباح !
وزحمة الوان !
تنسيك الدرس من الزحمة اللي بوجهها :@
بس بالنسبة للزواجات مو كثير الي يكبون بوجههم !
صاجبتي بيوم زواجها هي اللي ضبطت شعرها ومكياجها ! ماشاء الله ,
الزين زين لو قعد من منامه ,
انا معاك في أن الجمال في البساطة
الذكيه هي التي تستخدم الميك أب في إخفاء العيوب وإبراز نقاط الجمال، دون تكلف بالألوان، مثل ماقالوا الأخوات مقياساً بمكياج الأجنبية يكون خفيف وهادئ ، لكن حط في بالك أنها حاطه طبقات وطبقات من المكياج وكريم الاساس ومخفيات العيوب والظل والأي شادوا لكن بطريقة تبين انه ناتشورال وتظهر طبيعية 100% ، والدليل الصوره اللي حاطها ترى هاللمعة وصفاء الووجه الميك اب لاعب دور فيه .
المكياج اللبناني بسيط وأنيق، لكن الخليجي متكلف والأغلب يستخدمونه في الأعراس
وأتمنى أن هالظاهرة تخف اشووي ، لأن ودي أدخل وانا عروس بمكياج هادي . 🙂
لـوول ..
زيـنب العسكـري ، كل يوم اذب على اخـوي عشآنه [ يحس ] . انهآ حلوه . او ان فيهآ شيء من الحـلا .
ترا يمكن انت نسـيت او تنآسيت شيء بسيط .
الحـين انت تقول لي ان البنت [ الخليجيه ] . تكـثر مكيآج ، وجبت لي دليل بزينب . وانا معـك في هآلشيء .
لكـن صورة شآرون ستون . هل هي الأصليه ؟ اكـيد مافهمتني . هي تتفصل لـ نقطتين .
النقطـه الاولى ..
يعني الحـين الاوربيآت ، كلهـم حلوآت وجمآلهم ربآني( ودقق على كلمة ربآني) ؟
او انهـم كلهم يستخدمون مكيآج مخـفف ويطلع جمآلهم . او انهـم كلهـم نحآف ، ومثآليين .
صدقني لمآ تزور بلد اوروبي رآح تتأكد ان بنآت بلدك أحلى بنآت رآح تشوفهـم .
النقطـه الثآنيه / يعنـي تبي تبين لي ان شآرون مآقد سوت عميلة تجميل ؟ وانها من انخلقـت هالجمآل فيهآ . مـره حلقـة في [The insider] جآبو فضآيحهم ، وقبل وبعـد ، انا مسكـت رآسي . وكآن فيه مسلسل [extream make over .. ] و [ the swan ] هذي برآمج ، يجيبون لك بنت مآفيه اقبـح منهآ . وعمليآت شفط دهـون وتكبيـر صدور . ونفخ الشفـه . وشـد الوجـه . هـم يجيبـونهآ من [ مقطوره ] ويحولونها لـ ملكة جمآل . هذآ أكبر دليل على ان جمآلهم مصنوع : )
وبعديـن الملـح والملامح الخليجيه اكـيد احلى كثير من الملاامح الاوربيه
انا طلعت من منظور المكيآج عشآني ما افهـم فيه جداا . بس انا تكلمت عن الجمآل وهذآ رآيي
عن اذنـك .. ( ورده )
على فكـره تم ضمـك رسميآ لـ موقعي [ نشبه ] . :>
احمد !!
وااو واخير حصلت المدونه حقتك , سمعت عنها كثير وكان حلمي اني اقرا بعضاً من مقالاتكـ ..
اهنيك على جذبك للبشريه بااسلوبك (Y) ..
.
.
بالنسبه لطرحك .. انا من مؤيديين المكياج الخفيف دائما ,
حتى لااشعر بقناع ارتديه وانزعه متى شئت :/ !
ابدعت , واعتبرني من متابعيك :$ ,
لك ودي ,
sha5bo6a,
والله يا احمد .. هالميكب اللي مستخف فيه 🙂 ياخذ ساعات من العمل الشاق..
في بداية مراهقتي وبداية عشريناتي .. كنت أكره أن أضع هالاصباغ ولم أكن اعلم عنها شيئاً وفترة بديت أحطها وتستوي السالفة بعدين ادمان على فكرة .. ه الممثلات اللي تطريهن أكيد صار عندهم ادمان وعدم القدرة على الظهور بدون ميكب ..
انا فترة صابتني نفس الحالة بس الحين عدت لحالتي الطبيعية وخلاص ..صرت أحس بالخفة في وجهي..
في وجهي والميكب للأعراس بس..
dora : والله صاحبتك هذي هي اللي عرفت اللعبة .. وأنا عن نفسي أتزوج بطلب هالشي بدل ( المطرسة ) اللي تصير 🙂
توتا : طيب أوكيه هذا هو المكياج .. اخفاء عيوب وتصفية الوجه ولمعة .. مو عصير طبقات مثل اللي يسوونه ربعنا
تعويذة الحب : أول شي بنات بلدي هاللي تقول أحلى ماقد شفنا منهم أحد ، وأوروبا أنا رحت وأتفق معك في كلامك ، لكن أنا ماتحدثت أبد عن الجمال والفروق أو حتى عمليات التجميل اللي يسوونها الممثلات ، كل اللي كنت أقصد أنه ليه هالحوسة في مكاييج بنات الخليج والحوسة اللي لها أول ولا لها آخر .. طيب يسوون مثل ماتسوي بنت ثيرون 🙂 .. المكياج والتحسين مو عيب .. بس العملية فن وتكتكة .. والمكياج الهادي والرايق وبدون ( بربسة ) .. والله يفرق كثير ..
شكراً يـ (النشبه ) 🙂
sha5bo6a :
حلمك حتة وحدة .. ياااااراقل
كويس .. ضمينا صوت للمكياج الهادي .. لكن من يسمع
فتاة الحزن :
ههههههه هذا البلى .. ساعات ومشاوير للمشاغل ودنيا .. وبصراحة شي ع الفاضي
عموما الردود في الآخر بدت تصب في صالح المكياج الخفيف .. وودك يسوون حملة للمكياج ويحطون مؤتمر صحفي واتفاقيات وشغلانة
تعليقا علي كلامك ما في اجمل من الجمال الطبيعي
وتحديدا ما في اجمل من بنات مصر
وتحديدا ما في اجمل من بنات المنصوره
انا مع المكياج الهادي بس المشكلة فية بنات لازم ينكب عليهم بوية عشان يخفون العيوب والحفر هذا واقع البنت الخليجية مو كلهم اعني البنت الشينة وش تسوي المكياج صار نعمة لهم ههههههههه سوري عل صراحتي بس هذا الواقع
يا حموووووود …..لي الاجنبية ما تحط ميك اب كتير >>عشان ما احد يضحك عليها صح
طيب الخليجية لو ما حطت ميك اب كتيييييير خاصة في مناسبة كبيرة حيحسبوها هبلة ولا فقيرة والله والله ولا يحسبوها خارجة من عزى عيب تحط ………فلاااااازم تحط كتييييير وإلا حينضحكوا عليها بقوة وبس