مواقف طريفة .. من أمريكا

أعلم بأن أكثر المواضيع التي تروق للقراء في الصحف والمجلات هي المواقف الطريفة أو المحرجة، وغالباً ماتكون تلك الفقرة مفضلة كثيراً للعامة وبالنسبة لي أفضل قرائتها كثيراً وأحب أن أشاهد مذيعاً يسأل ضيفه عن موقف محرج مر به أو بقريب له.
بتواجدي هنا لأكثر من شهرين مررت بالعديد من المواقف سواء بالنسبة لي أو لسعوديين آخرين وطئت أقدامهم أرض أمريكا للمرة الأولى في حياتهم .. سآتي على بعضٍ مما أتذكره حالياً وفي حال أن تذكرت فقرات أخرى فسوف أقوم بالتحديث ..
@ في ثالث يومٍ لي هنا كنت محتاجاً لبعض الملابس واتفقت مع أحد الزملاء بالتوجه إلى أحد المحلات في آخر العصر تقريباً، كنت مستعجلاً في المشي بشكل (لا إرادي) .. زميلي الجداوي سألني متعجباً (اشبك مستعجل يبوحميد) .. فأجبته ( ياخي خلنا نلحق قبل لا يذن) .. والوقت كان قريباً فعلاً من أذان المغرب، صاحبي رد (أدان أيش ومغرب ايش .. لا تكون شارب حاجة) ! لاحقاً اكتشفت أن هذا الموقف حدث للكثير من الطلاب السعوديين.
@ زميل آخر وان كنت أعتقد بأنه كان حينها تحت تأثير (الكحول:) ) ، خرج من شقته للمعهد صباحاً وهو متأخر عن موعد المحاضرة نحو 15 دقيقة، حينما وصل تحسس رأسه فاستغرب أنه كان بلا (شماغ)، لذلك عاد لمحطة الباصات ومنها لشقته ليبحث عن (شماغه) .. بالعربي مسكت معه يداوم بشماغ .. ولكن جت سليمة بعد أن تصادف وجود زميل له في الشقة وتنبيهه بأنه في أمريكا !
@ في مطلع كل شهر تصل دفعة جديدة من الطلاب السعوديين، الشهر الماضي حضرت مجموعة لا بأس بها وعادة لمن لم يعتد السفر خارج المملكة تحدث له (مسكات طريفة جدا)، أحد الطلاب الجدد دخل إلى مطعم ماكدونالدز القريب من المعهد وحينما فتح الباب وبسليقته البسيطة قال بصوت مسموع (السلااااااااااااام عليكم) وقتها بالنسبة لي خسرت البطاطس المقلي الذي سقط مني وأنا أضحك .. غني عن القول بأن من كان في المطعم لم يعط الحادثة أي اهتمام لأن الجملة بكل تأكيد غير معروفة لديهم.
@ بكل تأكيد يراود السعوديين الحنين إلى وجبات الرز والمندي ونحوه، أحياناً نتشاور في وجبات الغداء .. أحدهم قال (بيتزا) .. وآخر قال (باستا) وثالث قال (برجر) .. وصاحبنا الذي ألقى السلام في ماكدونالدز قال وبسرعة بديهة (مظبي) .. طبعاً قالها بلا شعور وبلا تركيز أو رغبة في إضحاكنا، عاد حلوها مظبي في كاليفورنيا !
@ ذات يوم كنت عائد إلى الشقة بعد يوم متعب، بينما كنت في الباصات وأتأمل الوجوه والسيارات لحظة وقوفنا أمام إشارة مرور ، شاهدت سيارة لكزس قريباً من سيارة أحد أصدقائي في الرياض .. بلا شعور حاولت تدقيق نظري في اللوحة لأتأكد هل هو صاحبي أم لا .. قبل أن أفتح عيناي متعجباً من حالي .. ويييييييييين يبو الشباب !
@ آخر في لوس انجلوس يسكن مع عائلة أمريكية، يقول ذات يوم اتصلت بأم العائلة لأخبرها بأني في السوبر ماركت ربما تحتاج إلى شيء ، شكرته وقالت بأنه لاتريد شيئاً لأنها الآن مشغولة في محادثة صديقتها التي تزورها، يقول صاحبي حينما وصلت المنزل وفتحت الباب لمحت المرأة الجديدة (صديقة الأم) في صالة المنزل .. يقول بلا شعور أحسست بأنها (مو محرم لي) .. الشاهد بأن صاحبنا حينما أحب الصعود للدور الثاني قال وبلا شعور (.. احم .. احم .. ياااولد) يقول وكأني كنت أريد أن ألمح للمراة الأجنبية بأن (تتغطى عني) هههههه .
@ صاحبي الجداوي الذي تطرقت له في النقطة الأولى كثيراً ماينسى اللغة ويدمج كلمات عربية في أحاديثه، مرة كنت أتسوق معه لشراء محفظة له ووقع اختياره على إحداهما .. بينما كان في جدال مع البائعة تفاجئت به يقول (طيب بالله آخر كلام) .. أنا في البداية كنت بعيد عنه .. البائعة أمريكية وعيونها (زرق) وصاحبنا الجداوي يتحدث الانجليزية وينسى نفسه يعني (لم يكن يستهبل:) على الإطلاق .. بقيت أتأمل المشهد والرجال حقيقة مجتهد في محاولة الحديث بالانجليزي غير انه ختم حديثه معها بقوله (طيب خلاص هيا شوفي لي الفاتورة) .. اي فاتورة يابو الشباب .. والمشكلة أن البائعة تضحك !!
@ آخر المواقف حدث يوم أمس الأول، سمعت صوت فرامل قريب جداً من المبنى وصوت ارتطام سيارة .. وكالمعتاد فتحت باب الشقة لأتأمل من الممر لأطمئن على سيارتي لأن السيارة التي أصيبت في الحادث لا تهمني بكل تأكيد .. ياللحسرة بعد التفاتة هنا وهناك تذكرت بأني لا أملك سيارة خخخخخخخ وسيارتي تسكن الرياض ياعيني ! بالعربي (ياهي طيحة وجه) ، وإحقاقاً للحق كنت مستأجر سيارة لمدة أربعة أيام تقريباً لكني كنت قد أعدتها قبل الحادثة .. بس ولو .. مسكة مهيب مضبوطة !!

36 رد على “مواقف طريفة .. من أمريكا”

  1. كثير من المواقف تصير خصوصاً للكبار من السن و الحنين للوطن 🙂

    كنت أدرس في بريطانيا و كنا في المعهد مجموعة من السعوديين أحدنا كبير في السن يعني في الأربيعينيات تقريباً وكان نجدي أباً عن جد ( يعني نجدي قح ) وكنت أجلس بجانبه.

    في يوم من الأيام كانت تدرسنا مدرسة غثيثة ، و طلباتها كثيرة ، و الرجال زهقان منها جداً و يبي يرجع للرياض بأي طريقة كانت ، لكن بعثة ومجبور يكمل ومايبغى يرجع.

    جالسين وفي نص الدرس ، أسمع صوت عالي و الأخ جالس يغني يقول:
    أنا البارحة ما أمسيت والمسلمين رقود .. حسبي على من كان هذا من أسبابه !!

    انا بدون شعور مني .. أكملت القصيدة معه 🙂
    سرقني وغربلني ولا لي عليه شهود .. جرى الدمع من عيني ما قلت انا نهابه !!

    بعد ما وقفت ! إلتفت هو لي و مات من الضحك و بقية السعوديين كملوها الدرس ضحك على أشكالنا.
    المواقف المضحكه والمحرجة كثيرة في السفر ، يبيلها موضوع بحالها هذي ..

  2. السلاااااااااااام عليكم

    هههههههههه والله مواقف طريفة يبو حميد وتحدث دايم، خصوصاً الي يداوم بدون شماغ تحس أنه فيه فراااغ وشي غلط

    جميلة هذه المواقف ويا ليت تدون لنا اياها علشان نتذكرها دايم

    وعليكم السلاااااااااااااااام يا ولد احم احم > > تسدح عليها ضحك يشبهني

  3. يسعد ايامك استاذ احمد

    🙂
    مواقف طريفة .. بس راعي المظبي رحمته 🙂
    اما عاد .. احم احم ياولد .. هذا وش جوه؟ راعية البيت محرم والضيفة غريبة
    ههههههه
    .
    اما سالفة صلاة المغرب فهذي دايما تصير 🙂
    .
    .
    الله يردكم سالمين غانمين 🙂

  4. الموقف الأخير تحفة… أجل السيارة في الرياض ههههههههههههه

    على طاري السيارة: هل يحتاج الواحد سيارة في أمريكا؟ وهل الموضوع مكلف؟

  5. السلام عليكم

    الله يسعدك ويوفقك يابوحميد وترجع بالسلامه

    مواقف طريفه ضحكتنا كثيرا

    عساك بس عتقت بالقلينزي الحين هههههههههههه

  6. ههههههه حلوووة 🙂

    الموقف اللي دائما ما يتكرر مع الجدد هو طلبهم لبيتزا بيبروني ظنا منهم انها لحم بقر مثل اللي بالسعودية. وبعد ما تمتلي بطونهم يكتشفون انها كانت لحم خنزير.

    واللخبطة اللي يواجهها الطلبة القديم منهم والجديد هي الويك إند. من النوع اللي تبغى تقابل واحد يوم السبت تقول له نشوفك الخميس. :p

  7. السلام عليكمممممممممممم

    مره كنا مسافرين والدوله ماكان فيها ولا سعودي ولا حتى خليجي
    وكنت اتشفق اشوف اي احد ولما نزلنا مطار الرياض كل ماشوف احد افز اقول لااختي سعودي
    ومسكت معي لدرجه لما طلعنا من الفندق بالرياض اشوف السياره اقول معقوله سيارات سعوديه اطالع في اللوحه

    السفر متعه والعوده للوطن امتع
    نتمنى كل مسافر وبعيد عن الوطن يرجع >>>>>>>يارب ارجع

  8. لووووووووووووووووووول
    ياكثر هالمواقف
    صار لي موقف امس وانا اكلم مالك الشقة اللي اسكن فيها في لندن ، هو بريطاني الجنسية باكستاني الاصل
    اكلمه امس واقوله كيف الحال صديق 🙂
    هو سبك وهو يقولي وت ؟ وت ؟

    مشتاقين يابو محمد
    والله يوفقك ياباشا

  9. أما سالفة الشماغ تحفة راح يومه وَ هو يدور عليه من جد عليه مسكه .. بس أشوى صاير الشماغ موضة يعني أتوقع لو يلبسه بيقولون كوول ماشي ع الموضه

    بس الموقف الأخير أهم شئ ما يكون الفجر .. تصحى من النوم ع الفشوش 🙂

  10. @ عبدالله أباحسين : والله هالأربعيني رايق 🙂 .. أجل البارحة ما أمسيت ههههههههه تخيلت شكله

    @ صاحب القلم : والله ان المواقف واجد بس احيانا انسى أو ما أتذكرها .. وخوفي أزيد يجيني سلطان مرة ثانية ويقول مفبركة .. هونت خلاص

    @ ريم : فعلا سالفة الأذان تتكرر بين الكثير حتى في سفرات السياحة .. ماخذين هم نروح المحل قبل لا يذن

    @ يوسف البراق : بإذن الله يايوسف كل ماحصلت جديد أو تذكرت شي قديم برجع أحدث .. إن شاء الله

    @ حمد : حلوة الصبا .. ليه عمرك خمسين الحين ؟

    @ ليزر : والله السيارة ماتقدر تستغنى عنها .. أنا عن نفسي لأني ماراح أطول فأستاجر سيارة بين وقت والثاني، بس حط في بالك البنزين مرة غالي يعني تاخذ التيما وتعبيها فل يمكن يكلفك 33 دولار 🙁 .. بالعربي تكاليف البنزين أكثر من تكاليف استئجار سيارة

    @ TMT : صعبة تقول عتقت مرة وحدة .. الوضع يحتاج وقت أكثر بصراحة ..

    @ طلال : صادق بيتزا الببروني مسوية شغل ويمكن كان الوضع علي أخف بحكم أني كنت أسافر كثير وعارف الوضع ..
    بالنسبة للإجازة هههههههههههه صح عليك عجزنا نتأقلم معها

    @ جوري : تصير خاصة فيما لو طولتوا في السفرة .. وجاكم حنين .. 🙂

    @ Saad : خخخخخخ أجل صديق يابو نوابي ههههه ، عموما عندنا واحد من الزملاء لما يدخل المطعم وفيه مكسيكي دايم يقوله ماي فرند بليز .. يعني قالك مترجمها

  11. هههههههههههههههههههه

    والله ياهي مواقف يا احمد ….

    بس تبي الصدز والله اني استانست حسيت اننا شعب يعرف الدين والتقاليد ويحترمها ….

    لك شكري ولا تبطي علينا تكفى 🙁

  12. مواقف جميلة انبسطت عليها قبل الإختبار
    الله يوفقك وإخواني وكل المغتربين
    ويردكم بالسلامة

  13. على قولة عزيز :

    ! welcome anytime !

    أنا أصلح .. أنا أرفع .. بس وين اللي يسجل ؟ <<<< جديده ( على وزن .. حنا أحسن .. حنا أفضل )

  14. هههههههههههههههههههههه

    مواقف بغايه الطعامه واللزازه والطرافه…..
    بصراحه وبإختصار(المواقف تمووووووووت من الضحك) يابو حميـــــــــــد..
    بس ما نبي مواقف صارت لاخوياك بعد اذنك نبي موقف صارت لك انت ..هع هع هع..(شكل صارت لك مواقف احلى من اللي صارت لاخوياك)…
    بس عالعموم كل شي من كتابات حضرتكم رائع وممتع بل اكثر من ذلك..

    والله يوفقك انت وكل من معك من شباب ديرتنا ويسهل اموركم ويجنبكم كل مكروه..

  15. خخخخخخخخخخخخخخخخ يحليله إلا دخل وسلم
    ع كثر ما أحب أستمع للمواقف المغتربين بس ماقد مرت على هالسالفة
    ووجد ع قولة الاخ بدر هالمواقف تخلينا نحس وبقووة إننا شعب نحب
    نتمسك بالدين والعااادات خخخخخخخخ
    خواتي وإلا اعرفهم للحين عجزوا إنهم يتعوودوون ع الاجازة أختي الين قبل يومين
    تقولي إنها تغلط وتحسب يوم الأحد كأنه الجمعة وتجلس تقرا سورةالكهف خخخخخخخخ
    اعانك الله وأعانهم وعقباااال ماتتعرضون لمواقف اكثر عشان نضحك خخخخ
    يعني لو تسمح نقلت مقتطفات من هالمواقف لحسابي بالفيس أصلن خلاص نقلتها خخخخخ

  16. ههههههههههههههههههه , أما شغلة الشماغ هي عالم تاني , سمعت أنو في بعض الناس إذا مالبس شماغ مافينو يتحرك ولا لمحل , وماصدقت , بس هلأ مع هالقصة ممكن كتير تكون موجودة هالشغلة ,
    يسلموا أحمد , تحياتي لك عزيزي :).

    أدهم

  17. هههههه من جد تمسك غلط ابو الشماغ شيء غير طبيعي 🙂

    طيب بالله آخر كلام

    خويك الجداوي مت عليه ضحك احسه جاد يعني تصير و بقوة

    مفكر نفسه في الحراج ما أظن عندهم آخر كلام سعرهم واحد

  18. أجل نحن أهون 😛
    كنت أعاني من الدوام الخميس و الجمعة أحسهم تقيلين مرة و انه مو عدل أبداً أداوم في الويكند :S
    ذكرتني بموقف مرت فيه وحدة من صحباتي لما كانت في بيت ستي و لما دخل ولد عمي اتلثمت بالطرحة الملونة و هي ماهي لابسة عباية أصلا 😀

  19. هههههههههههههههههههه

    مواقفكم رهيبة أجل بتلحق قبل الأذان 🙂
    والا واحد من الردود كيف حالك صديق 😛
    استمتعت جدآ في هذه التدوينة
    لا تبطي علينا !
    الله يوفقك وترجع بالسلامة ..

  20. الا والله من كثر الحكي

    شفت النجوم اللي تخاوت مع الليل
    أضرب عددها في عددها وزدها
    وأحسب خطوط الطول والعرض بالميل
    وأجمع شعوب الأرض وأدبل عددها
    وأكتب رقم بليار بليار تدبيل
    بليار في بليار وأدبل مددها
    وأحسب عدد مارددوا ياعين ياليل
    ومادارت أيام السنه في بددها
    شوف النتيجة كم تطلع بتحليل
    وزود عليها مثلها وأعتمدها
    هذي تساوي ((صفر)) من دون تضليل
    لوجيت أقايسها حب الرسول حصدها
    —————–
    لا صار جيشك مع غنمهم يفلون … خل الحروب أزين وتسلم من العار
    وأن كان سكانك يفوقون مليون … هذا عدد جيشي أذا صار به ثار
    فرسان ذولا عيبهم ما يخافون … أليا هجموا من سرعهم مثل الأعصار
    وأليا سمعوا عذرى تنادي يلبون … ويجونها ما همهم طول الأسفار
    من بطشهم عدوانهم ما ينامون … وأليا رقدوا بحلومهم جاهم أنذار
    وأليا رزقك الله بناسٍ يحامون … عن قريتك من كل حاقد وغدار
    فـ أبشر بنصرً لو تبي راس شارون … ناسً في وسط المعركه عون وأنصار
    تفرح لفرحي وأن زعلت ابيضيقون … هم فزعتي هم عزوتي وقت الأخطار
    هذي قبيلتنا وله طبع وفنون … حنا قبيلتنا خطفت كل الانظار
    هذي قبيلتناأنا فيهامجنون … هذي القبيلة قلت به بعض الاشعار
    —————–

    الله خلق لنا نفس تسمو على البوح ..
    ما هيب لاضاقت من الهم باحت

    على كثرما شفنا ضيقات وجروح ..
    لا الوجه متغير ولا العين صاحت

    أبشركم بشارة الروح للروح ..
    تبغي تطيحنا الليالي وطاحت

  21. ههههههههههههههههههه

    الله يوسع صدرك بالعافيه

    احلى شي ابو شماغ “وين من جد قلبه بالسعوديه”

    عندي لك موقفين صارت لشباب عندنا باستراليا

    الأول: اثنين من الشباب لغتهم مهوب بالحيل اول ماجو بعد ماوصلوا بكم يوم راحوا مطعم يبيع برجر دجاج حلال

    المهم عاد الشباب مجهزين الطلب ويرددونه لين وصلوا , يوم جو يطلبون قالوا للموظفه ممكن اثنين همبرجر حلال !! الموظفه طلع فوق راسها علامات استفهام , قالت Halal Hamburger !! How come الشباب رايح عن بالهم ان الهمبرجر فيه هام خخخخخ وبعدين صححت لهم وتغدوا وعدت على خير.

    الموقف الثاني: هذا واحد جاي جديد يوم شاف شكرة التأجير Budget قال يووووووه والله مهوب هين هالمصيري بهجت فاتح حتى باستراليا مهوب بالسعوديه بس !! خخخخخ

    بالتوفيق لك يااحمد ولجميع المبتعثين والمبتعثات

  22. هلااا ابو حميد .. عساك بخير ان شاء الله

    اعجبني موقف خويك الجداوي يوم بينهي السالفه وقال اخر شي بكم هههه !
    بس اغلب هالموقف زي ماقلت على الفطره ويشطح فيها الادمي وهو على نيته ..
    الاجمل كنت اسولف مع احد الشباب المبتعثين في كندا ومن بين اطراف الحديث سألته قلت بأي محافظه ساكن بكندا ؟

    تخيل نظام كندا محافظات مب ولايات .. وترى ابد خوينا مامسك علي الزله 🙁

  23. 🙂

    هذي المواقف هي اللي تخفف على الواحد من همومه وشوقه لأهله ..

    خاصه لما تصدر المواقف من اشخاص من نفس منطقته .. يتخيل لوهله انه بين اهله واخوانه ..

    صبركم ربي على قرفا الاهل ..

    .
    .
    .

    انتظر زيارتك وتعليقك

  24. بجد .. احلى ايام عمركم .. لا تفكروا تضيعوها بكلام فاضي .. واستثمروا وقتكم .. واهم شي انكم تستانسوا .. وعشان تستانسوا لازم تذاكروا .. عشان يطلع للوناسة طعم .. ولا تنسوا تتصورون كثييييييير والله ندمان اني ما كنت اتصور 🙁

    تقبل مروري الاول احمد

  25. مواقف طريفــه وممتعــه

    أمــا صاحب الشماغ فله ضرب مشوار عالفاضي

    الله يعينكم يالمتغربين ويصبركم

    صراحه يبغالها قوة قلب

    أحمــد .. ممتــع في جمــيع حـالاتــك

  26. عزيزي أحمد ..

    كيفك و أيش اخبارك ….

    صحيح المواقف التي كتبتها حلوه و طريفة و أضحكت سني أضحك الله سنك ..

    و لكن أحب ان أقرء عن المواقف و الحالات الى لها وقع أنساني أكثر من وقع مضحك …

    بمعنى …..

    أحب المواقف التي تبين لك الفرق بين حياتنا و حياتهم ليس بمعنى هم أحسن و نحن أسوء ..لا أبداً

    و لكن المواقف التي توضح التباين و الأختلاف بين بشر و أناس هم أنفسهم في تركيبهم و خلقهم متشابهين ..

    وكيف خلال ثواني تستطيع و أنت داخل عالمهم و ثقافتهم أن تتذكر و تستحضر عالمك و ثقافتك ..

    و المواقف المشابهة التي مرت بك و كيف تعاملت أنت معاها عندما كنت في بلدك ..

    ( طولت عليك …. الله يردك بالسلامة )

  27. ههههههههههههههههههه والله كل هالمواقف رووووووووووووعه بس اللي يكاسر في السعر شي ثاني صراحه
    الله يردكم لاهاليكم ساملين وادعولي اني اتوفق بالبعثه حقي

  28. ((أضحك الله سنك )) مواقف فرفوشه حلو الواحد يتذكرها عقبالنا لما نسافر ونذكر الطرائف اللي حصلت معانا!!!!!!!!! انتوا الشباب محظوظين وفرصتكم اكبر للسفر من البنات
    تشكرات خيوووووووووا أحمد

  29. مواااقف جميله تخفف على المغتربين العناء والغربه

    اما راعي المظبي لحاله
    وده بديرتي مسكين
    عواافي احمد حبيبي
    عساك على القووه

    لاعدمناااااااااااكـ

  30. والله سوالفك حلوة

    هههههههههههههههههههههههه

    والله يونسك وصراحه ودي اروح اشووف سانتا برابرا << مادري شلون تكتب هع هع

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *