سحر مشعل بن عبدالله

 

أولاً وقبل كل شيء قولوا (ماشاء الله) بناءً على طلب أم مشعل الذي تملأ خدوده الصورة أعلاه، ثانياً أحب أن أخبركم بأن ومنذ بدأ صدام بإرسال صواريخ سكود للعاصمة الرياض في العام 1990 وحتى يومنا هذا لم أحظ بالعيش مع طفل حديث الولادة، أو حتى قديم الولادة :)، أصغر أشقائي الآن (الذي ولد في سنة الحرب) يتجاوزني بمراحل طولاً وعرضاً رغم أني أسبقه بنحو 13 عاماً لكن ذلك لم يشفع لي بأن أكون أكبر منه، أعيد القول بأن منذ ذلك العام لم أهنأ بالعيش مع طفل كما هو الحال مع ابن شقيقتي (مشعل بن عبدالله)، لدي أشقاء ثلاثة متزوجون ورزقوا بأطفال لكني لم أحظ بالاقتراب منهم كثيراً لأن زوجاتهم يقضين الأسابيع الأولى في منزل الأهل .. لذلك كان وجود مشعل في منزل أصغر نفسٍ فيه يقترب من عامه العشرين يعد نقلة نوعية.
مع ذلك لم تكن نفسيتي تقترب من الأطفال خاصة في يوم الجمعة الذي يشهد تواجد أشقائي الثلاثة مع أطفالهم حيث يتحول المنزل بوجود نحو 5 أطفال إلى خلية نحل لا تهدأ ولا تمل، وبكل تأكيد كما يعاني الجميع .. يوجه القصف أولاً وأخيراً إلى غرفتي المتواضعة الساكنة طوال الأيام الستة، لذلك أحلم لساعات طوال .. أحلام يقظة طبعاً والأطفال الستة في قفص حديدي في محكمة كما هو حال المجرم صدام وبقية (الطغمة الفاسدة 😀 ) – تعجبني مفردة الطغمة هذه – ، وأنا سأكون القاضي فيها طبعاً القاضي العصبي وليس القاضي الهادئ.. أصيح (أخرج .. طلعوووه بررا ) ، (اللواعيب ماقدموا أداء كويس ) ..هاه ؟ .. عفوا الجملة الأخيرة اعتراضية .. تجاهلوها !
حتى لا أكون ذو نظرة سوداوية فأقول بأني أسعد وأفرح بوجود (أطفال الجمعة) لكن هذا الأمر لايستمر سوى 10 دقائق بعد قبلة هنا وهناك .. وبين استفزاز هناك وهنا، بعد مرور الدقيقة العاشرة وبعد أن نتجاوز فترة (جس النبض) كما يقول محللو الكرة تتحول نظرتي المليئة بالحب .. إلى نظرة مختلفة .. مليئة بالكره والحقد (صاحب القلم لا تقول مو طباق مدري جناس ؟) .. لا علينا .. وهذه النظرة تظهر بوضوح عندما يتم التعرض لأحد (ممتلكاتي) < <<—- حدك سوني ولاب توب .
يكفي الإزعاج الذي يلف بيتنا نهاية كل أسبوع وهو اليوم الوحيد لإجازتي لأن أركض وأهرب للخارج .. لأي مكان لأنه سيكون أكثر هدوء وراحة.
لذلك وبعد معرفتي بأن شقيقتي ستتواجد في المنزل بصحبة هذا الطفل الصغير حتى ذهب بالي إلى مساء الجمعة .. وإزعاج الجمعة، فكنت أحاول إيجاد تصريفة لضمان أن الطفل سيكون في طرف المنزل .. بعيدا عن غرفتي لأن الطفل في أيامه الأولى يملأها بالصياح ثم الصياح .. ثم (…. ) ثم النوم، مجرد التفكير بذلك وأنه قد يقضي فترة طويلة معنا يدفعني إلى القلق وحساب الأيام.
ولكن .. وبصراحة شديدة، منذ أن أطل السيد مشعل في يومه الثاني وحالنا في المنزل انقلب رأساً على عقب، بالنسبة لي لم أعد أنتظر أن أخرج من غرفتي ولو لثوان دون المرور عليه حتى ولو كان نائماً، في الصباح وقبل توجهي للعمل يجب أن ألقي عليه نظرة .. حينما أعود أتجه إليه مباشرة حتى قبل أن أغير ملابسي .. وهكذا أصبح مشعل شغلنا الشاغل ليس لي فحسب بل لكل أفراد الأسرة .. أحياناً يتحول الجميع إلى غرفة مشعل للبقاء فيها وتأمله حتى ولو كان نائماً .. ببساطة مشعل سحرنا بشكل غير متوقع.
لست ميالاً لحب الأطفال الصغار ولم أستشعر يوماً بحمل طفل صغير .. وأصدقكم القول بأني أصبحت هائماً في حب مشعل خاصة عندما يفتح عينيه ويحرك أصابعه الصغيرة، كنت أقول لوالدتي كيف سنتحمل أن يغادرنا مشغل إلى منزل والده .. وكيف ستكون حياتنا حينها.
مشعل فتح عيونه .. مشعل حرك أصابعه .. مشعل يبتسم وهو نائم .. هذه هي الجمل التي تنقل من غرفة الطفل الصغير قبل أن يهب الجميع لمشاهدة هذا الكائن وهو يصارع بقوه رغم أن عمره لم يتجاوز عشرة أيام في سبيل إخراج يديه من (المهاد) وأحياناً ينجح وينتصر !

ملاحظة: لا أحد يعلق ويقول (اعرس وجب لك واحد مثله) .. لأني أسمع هذه الجملة في اليوم نحو 8.154.154 مرة وذلك في آخر إحصائية رصدتها قبل نحو ساعتين!

* أشكر الصديق العزيز وعرابي الالكتروني أبو نواف على قيامه بعملية ترميم شاملة للمدونة بعد أن عثت فيها فساداً وقلبت الأكواد رأساً على عقب، كما أشكر المبدع (موسعن صدره) على الهيدر الجميل .. ألف شكر من كل قلبي، طبعاً لا أنسى صديقي العزيز (هاني) الذي يحتضن صفحات هذه المدونة في أحد سيرفراته .. ألم أقل لكم يوماً بأني طفيلي أعيش على مايقدمه الآخرون لي ؟

إرمي

27 فكرة على ”سحر مشعل بن عبدالله

  1. يا ملحه يا زين خدوده ههه
    الله يخليهم لكم ويتربى بعز والديه ..

    اول مره اشوفك اجتماعي اصيل ..
    ما عمري سمعتك تقول بروح عزيمة فلان يقرب لي ..
    كل وقتك شغل في شغل ..

    إرميييي

  2. مبارك لأختك ما جاها وإن شاء الله يكون من الذرية الصالحة..

    والفال لك بالزوجة والذرية الصالحة = 8.154.155 🙂

  3. ورا ما تعرس وتجيب واحد زيّه؟>>> بتتصفق خخخ ترا بس كنت أجرّب الكلام النجدي 😛

    البيبيهات لهم سحر خاص يعجبوني بس في الأيام الأولى يعني تقريباً قبل مايكمل شهر ويكون لسة طازة كده ولحمة حمرا ومنفخ ومزاجه اعوذ بالله في خشمه والكل يبغاه ينام في هدوء كأنه اتخلق واهله تعبوا عليه وطلعوه للدنيا عشان ينام! عشتووووو..

    نفس الشي كان يصير عندنا من يوم ماصار وانكتب عليّ اني أصير خالة وانا لسة ماكملت ١٣ سنة وفوق هدا من اللبخة انخبطت في الباب وانا رايحة مع زوج اختي نجيب الدكتورة على البيت!! شفت الحظ المنيل بس؟! ودحين ماسكتها مذلة على بنت أختي خخخ

    بعدين اش فيك يا ابو مزاج هادئ عندكم ٥ أحفاد ومو قادر تتحمل ازعاجهم ليوم واحد؟
    أجل اش أقول أنا اللي كل سنة ألاقي وحدة من أخواتي والا حريم أخواني جايبة بيبي ولاااااااا عاد كلام تاني لو اتفقوا يخلفوا في نفس السنة!! مأسااااااااااة وهات قهوة وسوي شاهي وشوفي طلبية الموالح والحلويات والبيتي فور وفوق دا كله لازم لازم لازم تجلس مع الضيوف حتى لو عندك مليون ألف شغلة 😦 بالله مو مأساة لما تكون خالة؟ مع اني فرحت لما صرت عمة! يمكن لأني ماكنت تعبانة فيها خخخ

    نرجع لنقطة عدد الأحفاد يامستر هادئ انت ٥ وشايل همهم! نحن عدد أحفادنا اتعدى الـ٢٥ واعتقد انه وصلنا ٢٨ والعدد قابل للزيادة خاصة عند واحد من أخواني اللي مستني البنت اللي مو راضية تجي والمفعوص اللي بعدي اللي مدري عاد متى وكيف بتكون خلفته.. واللي يقهر اكتر أكبر واحد في احفاد أمي صاير أطول وأعرض مني ماشاء الله وماصار يعترف بي خالة ويناديني أسما (كدا حاف يالهوتيييييي O_o) ويصير بعدها بيت أمي كأنك في اجتماع مجلس الوزراء والبنات كبروا وصاروا يستحوا من الأولاد وصار عندنا جلسة حريم وجلسة شباب هع وانا تلاقيني منكشحة وامشي في البيت براحتي ما احد يقول لي فين طرحتك خخخ

    المستفاد من دا الكومنت
    ربي يحمي مشعل ويحفظه من كل شر ويخليه لأهله وينبته نباتاً صالحاً ويزوجه من بنت خاله اللي الله العالم متى بتجي وتزعج أبوها 😛

  4. يقول TO0OP:

    ماشاء الله
    خشيت جو مع السالفة
    الله يخليلكم مشعل وعقبال مشعلك ؛)

  5. ماشاء الله تبارك الرحمن .
    الله يخليه لكم ، يزننوا خدوده الله يحميه .
    المواليد كلهم يزننوا 🙂

  6. يقول ريــم:

    صباح الخير

    ما شاء الله عليه ..
    الله يجعله من حفظة القران
    ويخليه لامه يارب

    هم حلوين ويجننون لين عمر سنتين وبعدها يبدأ تخريب الممتلكات
    بس ساعتها بتكون انت تزوجت وجبتلك مفسدين صغار حقونك 🙂

  7. أهلاً يا أحمد

    لك أن تتصور هذا الشعور بالنسبة لي أكثر من 20 مرة 🙂

    عموماً وبما أنني من المؤيدين لتأخرك عن الزواج، أرى أن الزواج على عيوبه المتعددة فيه ميزة ..

    أنك ستجد أطفالاً !

    حتى وإن كان أولاد أخ أو أخت ، أهم شيء أنه فيه نفس دمك ..

    تخيل يا أحمد المتعة حينما تجد طفلاً مهندماً أنيقاً يضحك قليلاً ، ثم إذا ” شانت” علومه أرمه على أمه أو على الأرض وقل بكل ثقة: رح لأمك

    البلاء إذا كنت أنت أبوه .. بتتحجج الأم بقولها: أنت أبوه طيب !

    وإذا صاح لدرجة تفوق صياحه الطبيعي، فأكيد أنه تعبان يحتاج لمستشفى .. ثم مغص .. وربما يكون فيه صفار .. و و و و

    قلق ياخي !

    خليك كول علطول بلا زواج بلا عيال بلا هممم

    هيّا .. خذها >> أرمي بالفصحى 😀

  8. أولاً

    الهيدر تصميمه سيء مع إحترامي وتقديري لصديقك اللي مسويه

    وكان ممكن ( نقف ) له إحتراماً لو خلاها سوالف هتلر كما أشرت سابقاً في أحد الردود وكتب عقب الثرثره .. بربره وخثرقه وخنبقه عشان تكمل الصفه

    ثانياً قراراتك 1860 والف وخمسميه وخشبه ماتمشي عليّ انا وابو ناصر

    ولا هوب من صالحك إنك تتهجم علينا وتحارشنا وتحرض ضيوف المدونه علينا بحكم إننا نقول الحق ولا ننجرف مع التيار والإعلام مثلك وشرواك

    والله إن يجيك ابو ناصر مدرعم بالجيب ويصدمك ولا كن شي صاير .. تلقانا رايحين للخيمه عقبها وواقفين في الموقف التاريخي بكل برود أعصاب

    ثالثاً معلمك ومبجلك أطلق عليك لقب ياليت تذكره للاخوان والاخوات في المدونه عشان مايلومونا .. اللي معلمك ومبجلك يقول كذا .. حنا وش نبي نقول اجل !

    الله يخلي لكم مشعل ( يبرّق يبّكي ) ماشاء الله لا إله إلا الله .. ويعينه على خاله

    وصدقني لا إحساس ابوه ولا غيره

    هذي مشاعر عند الناس كلهم صغيرهم وكبيرهم

    وماعليك من هاللي يصجونك بالعرس

    تورطوا .. ويبين يورطونك !!!!

    ومبروك تسجيل لاعبك المفضل ضربة ترجيح جميله خصوصاً يوم طقت في القلمه هههههه

    أجل أول مره عمان تفوز ( رسمياً ) على السعوديه في تاريخها !!

    إييييييه .. راحوا الطيبين

    علي …… إرحببببببببببببببببببببببببببببببببببببب .. الله يرحم بووووووووووووك

  9. يقول nOuf.a.s:

    ما شاااء الله .. الله يحفظه لميمته وبيّه 🙂 ..
    احسبه بنت اسمها سحر من العنوان 😐 !!

    شف الكلام اللي قالته اسماء ( يا كثر حكيك يا سوم 😛 ) نفسه ينطبق علي .. بس استبدل كلمة ” بيبيهات ” بـ ” وغدان ” 😛 !
    أجل 5 ومتضايق ؟؟! .. أبي أرسل لك بس اللي من الإبتدائي وتحت لبيتكم يوم عشان تحس إنك في نعمه .. ! وما تلاحظ إن في بيتكم يصير حلال لهم التخريب ؟؟!

    ما أقول إلا .. .. الله يصلح ما عطى ..

  10. ماشاء الله تبارك الله الله يخليه لكم ويصلحه

    فعلا احساس جميل ، وممكن يكون احساس أبوه أو امومة بس المهم ألا يتطور الموضوع لأكثر من (مجرد احساس) P:

    العزوبية رائعة تمكنك بالاحساس بالأطفال وكأنهم أطفالك دون أن يكونوا أطفالك بالفعل هع

    موفق أحمد.

  11. يقول ابو ناصر:

    ماشاء الله

    ناظر عييناته كلها حسرة والم انك صرتا خاله !! حتى هالوليد عارفك وكاشفك !!!!

    انت اللي والله طغم ” جمع طغمه ” فاسدة !! اجل ما ايزاك التسلط الانترنتي تبي تتسلط على عيال اخوانك !!!! قالها لك يزيد بس انت لا تعي !!

    الله يخلي مشعل لعينن ترجيه … ويصير اطيب من خاله !! اكيد بيصير اطيب لان ما فيه اسوا من هالمستوى !!!

    احمد نبي موضوع عن عمان وفوزهم … تراهم شعب حبيب ويستاهل ! بس لايجينا قرار اممي جديد همن نهيت بهالنت والا ندشر !! ترانا على جريف

    ارميييييي

  12. يااازينه ويااازين خدووودهـ جنننن ماشاء الله
    امووت ع الأطفال إلا بهالعمر وخاصة لكان عندهم مثل هالخدود وعلى ريحتهم وع كل شي
    و أنا مثلك 5 احفاد وبعد كل مايكبرون كل ماتزيد علاقتي معاهم للأسواء
    أستحملهم دقيقة خمسة دقائق بالكثير الساعة بعدها إما اني اضربهم ولا اطردهم..
    بس مشعل فيه شي مميز ماقد لاحظته بالأطفال إلا بعمره اصابع ايده طوويله خخخخ
    ويتربى بعزكم والله يحفظه و يخليه لامه وابوه

  13. جعله الله من مواليد الخير و السعادة.. و قرة عين والديه.. باراً بهما.. راضيين بنعمة المولى لهما..
    الله سبحانه و تعالى يضع سره و اعجازه في اضعف مخلوقاته..
    وهذا الكائن الصغير.. غير روتين منزل كامل بأفراد بالغين..
    نظرة منه تجعلكم تتحدثون لساعات.. وموقف انتصار.. يجعلكم من أكبر معجبيه..
    الله لا يحرمكم منه..
    وعقبالك أحمد..
    للمرة 8.154.156
    حلوة لذعة الشقاوة
    🙂

  14. ماشاء الله تبارك الله ..
    كنت أعتقد أنها سحر .. وفعلا أصبح سحراً ..
    اللهم اجعله من مواليد السعادة .. 🙂

    “حلاتهم إلى 5سنين وعقبهم ينرجفون حتى من امهاتهم” !!

  15. يقول ميسي:

    ماشاالله لاقوة الابالله،،اكيد الاطفال زينة الحياة الدنيا ،،والبيت الخالي من الاطفال فارغ قليل النكهة ،ثم اذا رحل من عندكم يمكنك استعارته لبضعة ايام ،،ياترى مشعيل يشبه لمن ؟ هو ماشا الله عليه حليوة مرة .الله يحفظه من كل سوء،وعقبال عندك نشوف اطفالك ،على فكرة يضحكني موضوع زواجك جدا لااعرف لماذا؟

  16. @ AbOd : والله شكلها كذا .. العرس قررررب

    @ مشغول : وش دخل الموضوع بالعزايم .. مالها دخل يامشغول .. بعدين العزايم عندنا زي العزا 🙂 مابقى شوي إلا يقلبونها صياح 😀

    @ مسك الحياة : حلوووو يله جتنا دعوة زيااااادة .. حراج صار 😀

    @ asma qadah : الكلام النجدي البحت والصريح يمكن يوصل لكلمة (ورا ماتعرس) .. تصير ( أرا ماتعرس) 😀 بس ذي خلاص تطورت الكلمة ..

    25 ؟؟؟؟؟؟؟؟؟؟ ياسااااااااااتر .. أجل ليه ماتفكرون تقلبونها مدرسة روضة ولا تمهيدي .. والله ياهو بيصير مربح بعد
    أنا خمسة ومسوين البلاوي اللي ماتنقال .. كيف لو صاروا 10 .. ولا 15 يييااااااااااساتر

    @ to0op : أشكرك .. وعقبال مشعلك بعد انتي

    @ ليلى .ق : والله الخدود مسويه شغل معه .. أصلا كل الجو في خدوده 😀

    @ ريم : الله يستر من هالمفسدين .. والله انها حاجة تخوف ..

    @ صاحب القلم : أجل ماشاء الله خبرة عريقة 🙂 .. 20 مرة !!
    نظام رح لأمك .. هذا نظام رائع وممتاز .. مافيه أحسن من كذا .. ولا تنادي أي أحد يرسل الطفل لوالدته .. هذي متعة بحد ذاتها 😀

    تدري على طاري المستشفيات .. قبل يومين أخوي مكلمني وهو مرافق لطفله في المستشغل كان يبغى حاجات .. لما وصلتها له سألته عن حال الولد وقلت من متى وانت هنا .. قال من الساعة 12 ظهرا .. وانا جايه 12 بالليل .. بغيت أنجلط 😀 ، لما طلعت برا بغيت أفحط من الفرحة بأني عزوبي ..

    إرميييييييي
    عشان تتلذذ فيها لازم تكرر الياء

    @ يزيد :
    هلا بك أخوي (أبو يزيد) .. الهيدر في عيونك سيء وفي عيوني حلو .. والزم ماعلي عيوني بحكم أني مصنف ضمن الأنظمة الدكتاتورية في المدونات بشكل عام ..
    بعدين القرار كان من فوق ولا احد يتجرأ يلغيه ..
    أما تهجم معلمي ومبجلي في شخصي المتواضع لهو فخر .. وأي فخر .. لأن المعالجة بقسوة هي إحدى مراحل التطوير و(التقوودم) .. يكفي الحين أني شريت سيدي لطلال وكل يوم أسمعه عشان معلمي ومبجلي يحبه ، ولا أبو ناصر من أول وهو يقولي (لا تعي) بس ماقد طاوعته ..
    لاعبي المفضل الحين ماشاء الله قريب من تحطيم الرقم القياسي للأهداف الدولية للاعب سعودي وهذا بحد ذاته يؤكد بأنه يفرق عن الباقين ، وعمان تستاهل الفوز حتى ولو كان أول مرة في تاريخها لكنه فريق يستحق الإشادة يكفي انها تلعب على النهائي 3 مرات ورى بعض ..

    nOuf.a.s : وغدان ؟ .. أجل نظام أبو ضاري يالوغد .. يوم تسأله زوجته (ابن عمي .. شووو يعني ووووغد) ..:D
    اي والله 5 ومتضايق .. بس من الردود اللي شفتها شكلي بتراجع 🙂
    حياك راعية حايل ..

    @ منال الزهراني : هههههههه جميل تعريف العزوبية .. أعجبني ههههه
    سعيد بحضورك 🙂

    @ أبو ناصر : أول شي يالنصاب ياللي مافي راسك مهوب أنا اللي مصوره .. هذا أولاً ..
    وان شاء الله ان مشعل بيصير أطيب من خاله .. ههههههههه حلوة ( لأن مافيه أسوأ من هالمستوى) ..
    على قولة الكويتيين (ماتيوز من سوالفك) ومنتخب عمان والله انه جايز لي وانا احب العمانيين بصراحة رغم اني ماتعرفت الا على عدد قليل منهم إلا والله انهم كفوووو ورجال ويموتون في الهلال 😀 .. ان كان فيه تدوينة رياضية بتكون عن المحياني 🙂 .. عطني سلمااااااااااان

    @ ليان : أجل نفس النظام .. طرد وقفل للباب عشان محد يدخل .. ثم يجون ويطقون الباب لدرجة انه ممكن يتكسر ولا يكتبون عليه ..

    @ فضاء : الله آمين .. وماشاء الله الدعاوي في ازدياد .. طبعا هذا غير اللي زادته الوالدة خلال هاليومين .. واحتمال توصل التبرعات إلى 10 مليون 😀

    @ ود : هو الزين ان وصل 6 سنين يلهى بالدراسة والروحة والجية .. يعني الواحد يرتاح من التواجد 24 ساعة 🙂

    @ ميسي : الاستعارة ان تمت بتكون على فترات محدودة .. بعكس لما يكون متواجد 24 ساعة 7 أيام في الاسبوع (حشا .. صار سيفوي ماصار مشعل ) ..
    الملامح حتى الآن مابينت كثير .. والغالب ان الطفل (قالك عن خبرة الحين 🙂 ) .. اقول الغالب ان الطفل مايبين شبهه إلا بعد كم شهر

  17. يقول توليب:

    مبروك الكتكوت الصغير وإن شاء الله يتربى في عز والديه
    المشكلة يا احمد أن العنوان نفسه يوحي بحنينك الكبير للأطفال ولمشاعر الأبوة الجارف وكل حرف من تدوينتك يخلينا نحس أن الوالدة الله يخليها لك لاحظت كما لاحظنا لهفتك على مشعل الله يحفظه لأهله،علشان كذا بدت بالاستنفار في عملية بحث سريعة عن بنت الحلال اللي راح تجيب لك اولاد لا يختلفون عن طعامة مشعل، وقتها راح تذكر ازعاج عيال اخوانك بالخير

  18. هههههههههه يوجع شيطانك يا احمد! قول ماشاء الله 😛 ترا لو صار فيهم شي و الا خفّ التناسل عند اخواني بتكون انت السبب 😛
    بعدين أولادنا ما أحلاهم هاديين وعاقلين وما يخربوا شي >>> من جدك 😛

  19. ألف ألف مبرووووووووووك

    الله يجعله من الصالحين ويقر به عيون والديه …

    ترى جمانة تسلم عليه :p

    <<<<< يلزي

  20. و الله أنه يذنن ( يجنن ) ما شاء الله تبارك الله .. يا حبيله

    أجل سحرك .. يا ماااااااالك من الخير .. راح تفقده عاد بعدها تبدأ الإتصالات متى تجيبون مشعل من زمان ما شفناه وَ انت أمس شايفه << قويه صح 🙂 . لا وَ ازيدك من الشعر بيت .. اذا بدت السواليف عاد هذي شئ ثاني << خل كاميرتك stand by واستمتع بسواليفه وَ أحلى شئ إذا اتبعت معهم الأسلوب الإستفزازي << شريرة 🙂 .. وقتها تطلع السواليف الزينه 🙂

    ع العموم الله يخليه لعين ترجيه وَ يصلحه وَ يجعله بار بوالديه .. يااااا رب

  21. يقول حلم تحقق:

    ياحبي له بسم الله عليه
    ماشاءالله تبارك الله

    الله يخليه لامه وابوه ويرزقهم بره

  22. يقول ياسر الغسلان:

    ما شاء الله تبارك الله ،، الله يخليه لواليه و يطرح فيه الخير و البركه و يجعله من مواليد السعد
    تحياتي

  23. يقول مسافات:

    ولذلك أنا أحب كل من كان حولي فمجرد أنهم كانوا ينتظرون مني يوما فتح إحدى عيناي أو تحريك أصابع يدي الصغيره بل فقط عقد الآمال والتوقعات فيني يجعلني أخدمهم كل عمري وماهذا إلا ثمن بخس لأقل ماقدموه.
    *أنصحك بأن تحفظ التدوينه هذه عندك لتجعلها دليل حي عندما يعلن مشعل رفضه لأحد الأوامر المساقه إليه منك وكأني به يقول حينها( ليتك ماحبيتني):)

  24. يقول دواس9 صديق احمد القلق:

    سحر مشعل والله حيرتنا يااخوي احمد القلق
    احسب انه بنت وصار ولد
    وش قصه سحر مشعل
    ماناقص الا تجيب سالي بجنبه كان يهبل
    بالمرة احضنه يااحمد
    ابن اختك حبيب القلب يتربى بعز والديه
    تكفى ودي اذا رجعت باالسلامة تطلع من المطار وانت تحمل بين يديك مثل سالي ولا اللي اكبر

التعليقات مغلقة.