اتكيت المصاعد

مهيب كنها اللي في عندنان ولينا

أعلم بأن هناك من سيضحك ساخراً عندما يقرأ عنوان هذه التدوينة ويقول ( هل حلت كل مشاكل العالم حتى نتحدث في اتكيت المصاعد ) ؟ ، أقول له حسبك ياصاحبي ، فهذه المدونة تحفل بقرابة 200 موضوع متنوع مابين نقد ومديح ونصح وثرثرة لا فائدة لها .. فاسمح لنا اليوم بحديثٍ عن أمرٍ ثانوي لكن المدون يراه واقعاً يتكرر كل يوم مليء بالسلبيات ، وثق بأننا لو تحدثنا في أدب المصاعد – ان جاز التعبير – فهي سلسلة لا تتجزأ من أدب التصرف اليومي الانساني ، ولعلني أفتتح هذا الجانب من المدونين ليكتب كل في مجاله وخبرته .
هل للمصاعد أتكيت ؟ .. حقيقة تعاملنا كعرب أمام المصعد أو في داخله مليء بالسلبيات ، وهي تعكس حالنا في واقع الأمر .. لذلك أحببت أن أسجل عدة نقاط في مجال (اتكيت المصاعد ) إن جاز التعبير ، وأرجو أن تسمحوا لي فلا خبرة لي بهذا الفن من بعيد ولا قريب ، ولم يسبق لي القراءة والتبحر في صنوفه سوى في مرات قليلة ، لذا سأكتب الأسطر التالية – على السليقة – ترصد جزءاً من معرفتي ، وأتمنى التصحيح في التعليقات للأخطاء ان وجدت 🙂 ولو صلح الأمر أفكر في وضعها كتصنيف جانبي .

في حال انتظار المصعد :
* من الملائم أن تقف على مسافة مناسبة من باب المصعد ، ان كان هناك مجال فمترين مسافة مناسبة حيث يمكن لمن في المصعد الخروج بسلاسة وسهولة دون عوائق ، يغيظني جداً من يقف أمام المصعد مباشرة بل ويدخل فيه فيما لازال هناك بقية يحاولون الخروج .
* في حال إن كنت في الدور الثاني مثلاً وتنوي التوجه للدور الثالث ، يكفي أن تضغط على الزر الأعلى خارج للمصعد ضغطة واحدة ، من السلبيات التي رصدتها أن الكثيرين لايفرقون بين الزر الأعلى والأسفل .. يضغطون (والسلام) وهذا خطأ ، فلو ضغطت الزر الأسفل فسوف يتوقف المصعد النازل من الدور الرابع مثلا للدور الأرضي عندك في الدور الثاني .. لتسأل ( طالعين ولا نازلين ؟) .. من المؤكد أنهم متجهين للأسفل لأنك فتحت الباب طلباً للنزول للأسفل ( فهمت ؟ ) ، لذلك اضغط الزر المناسب لتوجهك .. للأعلى أو للأسفل ، واحذر ان جئت وكان الزر مضغوطاً وهناك مجموعة واقفة بالانتظار ، ثم تتخطاهم وتضغط على الزر مرة أخرى .. ماذا تريد .. هل تعتقد بأن المصعد سيصل أسرع ؟؟ ، قمة الحماقة أراها عندما يضغط أحدهم على الزر الأعلى مرتين ثم ثلاث .. ثم يضغط مرتين على الزر الأسفل كأنه يطلب المصعد طلب خاص .. هيه .. ماذا تفعل ياهذا ؟
* في المستشفيات أو الفنادق ، أحياناً يكون المصعد ملئ بالحقائب أو المعدات الطبية ، ففي حال وجدت صعوبة في الدخول أو تعتقد بأن دخولك سيسبب ازدحاماً وصعوبة للموجودين بالداخل ، بالإمكان الاعتذار ممن فيه وترك المصعد يأخذ مساره ، (الدنيا ماهي طايرة) ، كل مافي الأمر دقيقة أو اثنتان ثم سيعود لك .
* لا تقف أمام الباب مباشرة بل حاول الوقوف على الأطراف بشكل يمكنك رؤية داخل المصعد في حال أن فتح ، جامل المنتظرين حولك واطلب منهم الدخول قبلك (لكن ماتقلبها حلوف .. ووالله ان تدخل .. وباليمين .. يابن الحلال .. ) ، مجرد ابتسامة وتحريك لليد تكفي .

في حال وجودك داخل المصعد :
* عالمياً ، سياسة الواقفين تجاه المصاعد تكون نحو الباب ، ليست إلى الداخل ولا للأطراف ، أي الجميع يقف باتجاه الباب وهذا الإجراء المتبع ، للأسف لدينا أناس فضوليون فهم يدخلون المصعد ويجعلون الباب خلفهم ووجوههم نحو الداخل (من كبر المصعد الحين) !!
* بمجرد دخولك حاول أن تضغط زر الطابق الذي تريده بحركة سريعة ، ولا تزعج العالم بطلبك بصوت عال (لو سمحت الدور الرابع ! ) ، عزيزي من في المصعد لا يعملون لديك .. اخدم نفسك إلا في حال أن كان هناك شخصاً يعيق الوصول للأزرار ، على فكرة .. ان كان زر الدور المطلوب منيراً لاتحاول ضغطه مرة أخرى.. فلن تصل بشكل أسرع .
* تذكر أن المسافة في الداخل لا تتجاوز غالباً 2متر * 2 متر لذلك الجميع على مسافة قريبة منك ، حاول أن لا تذهب يدك لاتجاهات خاطئة لاسيما في الوجه ! هي فرصة لإخراج جوالك والالتهاء بحذف الرسائل القديمة مثلا حتى تصل ( يعني بالله ماتقدر تصبر دقيقة ؟ ) ، على فكرة (لاتسوي ذهين) وتبحث عن البلوتوث !!
* صديقك الذي يجاورك في المصعد يمكنك الحديث معه خارجه لساعات ، لذلك وفي حال أن كان المصعد مليئاً لا تحاول التذاكي أمام الآخرين باختيار أحاديث غامضة مع صديقك تلمح من خلال بأهميتك عند الآخرين ، في الرياض نسمي ذلك (حركات منفوحة ) .. بالعربي قديمة ولاهي لايقة ! ، مرة أخرى تذكر الشعار التاريخي (اصبر ترى راس مالها دقيقة ) !
* قبل الخروج شاهد رقم الدور على شاشة المصعد العلوية ، (شكلك راح يكون بايخ) حينما تخرج من المصعد ثم تعود مبتسماً بخجل بأن هذا ليس هو الدور الذي تريده (طيب يابو الشباب وش مطلعك ؟)
* لا تكن كسولاً وتعطل من في المصعد لأنك تريد الصعود من الدور الأول للثاني ، ياخي هذه عملية سهلة بالدرج وتقوم به في منزلك كل يوم ، أسوأ الأشخاص الذين أقابلهم يومياً من يزاحمون الناس في المصعد وداخله لأنه يريدون الصعود لدور التالي أو النزول ، والدرج نظيف وبالجوار ليس بعيداً .
* في حال أن دخلت المصعد وصديقك بالخارج وهناك آخرون داخل المصعد ، (إياني واياك) تضغط على زر فتح الباب وتتحدث مع صاحبك قبل نزولك ويبقى الآخرين في الداخل معلقين .. فلا الباب أغلق ولا المصعد تحرك.. هيه ؟ .. الآخرين اللذين في الداخل أليسوا بشراً يجب أن تظهر لهم الاحترام ؟؟ ، بالعربي ( مصعد أبوك هو ) ؟

29 فكرة على ”اتكيت المصاعد

  1. هههههههههههههه ..
    رهييييييبه التدوينه , وخصوصاً إنها تحكي واقعي اليومي في العمل !!!!
    ووووهـ الله لا يعيدها من أيام ( وع يا تسبدي ) ..
    انا لو بآخذ راحتي في الرد ما راح أسكت .. بكتب رد أطول من موضوعك ..

    بس لا يكون تقول ” هيه ” للناس ؟؟ ترا ماهي من الإتكيت ابد 😛 !!

    وسعت صدري الله يجزاك خير 🙂 ..

  2. اهلا احمد ..
    موضوع في الصميم ، قبل امس كنت في المستشفى ، كنت في الدور الأول ركبت اللفت وركب معاي رجل وزوجته ،طبعا انا وقفت في الكورنر البعيد والزوجين بجانب لوحة الازرار ، يخمنون أي زر يضغطون (ياجماعه كلها دورين وارضي) بالاخير عصبت وقلت للرجل اضغط G لو سمحت عشان ننزل للارضي ، رد علي : الـG ينزلنا تحت الارض !! أنا هنا مسكت راسي ،،
    ظل هو وزوجته يضغطون على هالازرار الثلاثه G و 1 و2 وطلعه ونزله..الين ماانفتح الباب وطلع الريسبشن بعدين قال بكل بلاهه “عذرا على الوصف” : ايه صح هذا الارضي !!
    نماذج غبيه تشوفها باللفت ، بس كله يهون ولا لفت المواقف في مجمع السيف بالبحرين ، الي من جد تحس انك راكب خط البلده 😀
    شكرا احمد 🙂

  3. يقول إيمان:

    صباح الخير …. 🙂

    مشكور أخوي على النصايح المفيدة … لكن اعتقد إنك نسيت كم نقطة … الأولى إنه فيه بعض الأحيان لما اتكون داخل المصعد و اييك واحد و يظل ضاغط على زر فتح الباب عشان يتريا ربعه اللي يحتاي لهم خمس دقايق عشان يوصلون … هالحركة صارت لي أكثر من مرة في أكثر من مكان … و سبحان الله لما تصير أكون أنا في وقت حرج و محتاجة أوصل المكان اللي أبغيه بسرعة … و فيه نقطة ثانية بعد … أحيانا لما اتكون داخل المصعد … اييك شخص مسوي عمره رجل أعمال و ما ينقي يتكلم في موبايله إلا في المصعد و لا بعد بصوت عالي …
    فيه نقطة ثالثة و هي انه فيه بعض المستخدمين للمصعد … لما يطلعون … يقومون مثلا بضغط زر الطابق الثاني … أونه حد من ربعهم هناك يتريون المصعد … يا ناس ترا المصعد للجميع هب لكم ارواحكم !!

    بالنسبة لنقطة الكسل و الصعود أو النزول من طابق للطابق اللي يليه … فأعتقد لها حالاتها الخاصة … أحيانا الدرج يكون جدا بعيد عن المكان اللي تبغي اتروح له … فتضطر تستخدم المصعد … و أحيانا و أقولها بصراحة … الدرج يكون مزدحم و خاصة إنه مش كل الأماكن اتوفر لك درج ذو مساحة واسعة تسمح على الأقل لثلاثة أشخاص المرور فيه … معظمها يكون الدرج يا دوب حق شخص فتلاقي صعوبة في النزول و الصعود خاصة إذا كان هناك شخص يريد النزول و أنت صاعد .. أو يريد الصعود و انت نازل

    على فكرة … ترا حتى الدرج له أتيكيت و آدابه 😉

  4. طيب نبي سياسة ركوب السياكل ياأخ أحمد

    لأني انا وابو ناصر ماعرفنا نركب سياكل ونبي احد يطورنا

    ولو الصيف لاعبٍ فيك

    ( لا ) أقف لك إحتراماً … و ( لم ) توفق في هذا الموضوع

    وصباحك عسل ياعسل

  5. موضوع رائع، شكراً جزيلاً عليه، بردت قلبي 🙂

    وبالنسبة لاهميته، فهو مهم جداً، لان هذه القطرات تشكل بحر حياتنا اليومية.

    اعتقد انه لا يجب ان يكون هناك حرج في طرح اي موضع مهما بدت اهميته ضئيلة، سواء في مدونتك او حتى اكبر الجرائد والقنوات الاعلامية (لازم تشوف وش ينشر ويبث عشان تعرف ان كلامك يعتبر نقله نوعيه لها 🙂 )

  6. ( هل حلت كل مشاكل العالم حتى نتحدث في اتكيت المصاعد ) ؟

    الله يسامحك بس يا أحمد …
    والله موضوعك ذا في الصميم , ياخي ملينا من جد الحركات البايخة في المصاعد …

    المسألة ثواني داخل المصعد , لكن كثيراً ما ألجأ لاستخدام الدرج حتى لو كان الدور الخامس , بسبب المشاهد المقرفة من هالعالم …
    والمصيبة اللي ترفع ضغطك صدز إذا شاف المصعد مليان ويدخل يحشرها معك , كل هذا مايبي يصبر كم دقيقة , وكأنه يبي يلحق على المفاعل النووي اللي قاعد يشتغل فيه !

    أهنيك يا احمد على الدرس ( الأول ) من فنون الأتيكيت
    <<<<<<<<< يبيك تفتح تصنيف كامل يتكلم عن الإتيكيت ..

    للأسف ربعنا ماحولك أحد , والمشكلة مايزبطون إلا برى المملكة وهنا أخذينها سباهة

  7. يقول ×ملامح×:

    بالعكس الموضوع وايد مهم

    اتيكيت المصاعد وممكن نقول ثقافة المصاعد .. حتى لو كنا نعرفها فأكيد فيه ناس لازالوا محتاجين يعرفون عنها

    اذكر قبل عشر سنين كنت اوقف قدام الباب لكن تصير مشاكل لما يوقف اللفت والناس تطلع وتعلمت اني لازم اوقف بعيد اشوي وعلى جنب وانتظر الناس تطلع عشان ادخل انا..
    الشي الثاني كنت احسب الزر الأعلى يعني ينادي المصعد من فوق عشان انزل تحت 🙂 والعكس مع الزر الأسفل .. لا تشرهون علي كنت ياهل .. وبعدين خالي علمني الصح…

    ومع أخطائي الفادحة السابقة الا اني كنت بالفطرة 🙂 اعرف اني لاجيت ولقيت الزر مضغوط خلاص اوقف ولا ادق عليه مرة ثانية ..

    أضيف نقطة عالاتكيت:
    – لما تدخل المصعد انت وصاحبك لا تلهيكم السوالف وتنسون تدقون على رقم الطابق اللي تبغونه .. صارت لي كثير

  8. يقول رائد:

    الله يعطيك العافيه

    موضوع جدا مهم

    بس فيه طريقه حلوه ومجربه انه في النزول حاول تستخدم الدرج منها انك تحرك نفسك والنزول مافيه مجهود مثل الطلوع لفوق.

    شكرا

  9. رهيبة سوالف يا احمد ,, بس السالفة هذي شي ثاني (وزعتها على كل خواتي) 🙂
    دااااايم نتناقش فيها ,, لان كثير من العالم ينرفزونك بخصوص هالموضوع..

    الوالد الحمد لله علمنا من يوم و احنا صغار آداب المصاعد ,, و اهمها (عدم الوقوف اما المصعد و افساح المجال للآخرين للنزول).. دائما ما اتنرفز لما اطلع من المصعد و القى العالم واقفة قدام وجهي و تنتظر الدخول قبل ما انا انزل، و احيانا يوصل للدفش و الدفيش كأن المصعد (يوزع صدقة).

    و الا ينرفزني الي يكلم بالجوال داخل المصعد .. يكون صوته عالي و بإذني مباشرة..
    مو يكفي ان عندي رهاب من المصاعد يجي هذا يرهبني زيادة :

    اشوفه موضوع جدا جدا جدا جدا مهم.. روعه طرحك

  10. سبحان الله أنا واختي فروزن كنا قبل فتره نتناقش حول هذا الموضوع بالضبط يوم كنا في السوق
    كنا نتريق على مجموعه من الشباب الي واضح انهم جايين من خارج المدينة

    موضوع في الصميممم

  11. يقول ليـان:

    يوووه هالسالفة مهمه ومررره مهمه بعد
    انا وحده اعاااااااااااااااااااااااااني من هالمصاعد اللي بالجامعة وبالسوق..
    مثلاً بالجامعة لما ابطلع والبنات داخلين للمصعد واخذ ذيك صقعه ع راسي والله اكثر من مره تعووورت
    وصرت احيانا لما يفتح المصعد مااطلع
    الا لما اتاكد ان محد واقف قدامي..بهالوقت كان ودي امسكهم مع شوشتهم واقولهم انتظروا لما نطلع وادخلووا
    اما بالسوق الرجال الغير محترمين الا لما يتوقف المصعد ويشوفون حرمه ويدخلون
    مره اضطريت اطلع ومره أختي ماسكتت قالت له ويين داخل ماتشووفنا ومن كبره عاد عشان تدخل
    ان كانت اخته معه اتقبلها اني اركب معهم المصعد اما لوحده خيييييرا
    وبعد نظافة الشخصية معليه صدق مو من الاتيكيت لان هالشي اوردي الواحد يعرفه
    بس هالمكان اكثر مكان تعاني منه بهالشي المصعد ضيق وزحمة ارواح
    واحيانا مايكون فيه تكيف حتى…
    ويلت لو تنشره بقروب بو نواف وانا بسوي نسخ منه وانشره ع الايميلات اللي عندي
    من جد في الناس لازم يقرأون هالموضوع..وصدقني يا أحمد بتأخذ الاجر عليه

  12. احمد انا سبق قلتلك ان كثير من افكارك تعجبني بس تكفى لا تنسى هالموضوع فيه سؤال في بالي اذا شفتك ذكرني اسألك :p

  13. nOuf.a.s :
    عادي حتى لو كان الرد أطول .. وش المشكلة ..

    بعدين هيه هذي هيه الندائية التنبيهية ، وليست هية الاستحقارية .. , وعلى قولتك ماتمشي مع الاتكيت

    Photon :
    هههههههه اجل طلع الأرضي هاه ؟

    اوكي استوعب يكون فيه لخبطة في مصاعد المراكز الكبيرة اللي يكون فيها مواقف بدروم ثلاث طوابق ولا اربعة ، هذي تصير فيه لخطبة دايم بصراحة ولا الوم اللي يخطي ،
    عموما لا عمرك تحطين رابط موضوعك .. ذبحني الجووووع 😀

    إيمان :
    اشكرك على الاضافة اللي قدمتيها ..
    بالنسبة للدرج انا ما اقصد اللي يكون بعيد وصغير ومظلم ، هذا اوكي ما الوم اللي مايبيه لان اصلا لاستخدامات الصيانة وغيرها ، لكن فيه منشآآت يكون فيه الدرج مرخم وكبير ومنور .. ، هذا اللي اانا اقصده

    يزيد :
    الللللللله وين تبي ابو ناصر يركب سيكل ؟
    ماقدرت اتخيل المنظر ابد ، اللهم عافنا 😀

    وعلى قولتك الصيف عامل عمايله 😀 .. ومواضيعي شكلها من ذا وأردى هههههههه

    رائد :
    هلا بك ابو عبدالله نورت المدونة 🙂
    كويس شجعتني مو مثل الأخ (أبو يزيد) .. وانا افكر اكثف من هالمواضيع في الفترة الجاية ، وبحاول ارسله للقروب كود أبو نواف يمشيه بعد 🙂

    بدر الشايع :
    والله فكرة التصنيف تراودني بس عاد الاهم المحتوى ..
    اما المحاشر في المصعد والله انك صادق ، واسوأ شي لما المصعد يعطي جرس انذار بأن الحمولة زايدة .. يجلسون يتناظرون مع ان المفترض ان آخر واحد ركب يطلع 🙂

    ملامح :
    عاد سالفة النسيان تصير ، خصوصا اذا كل واحد اعتمد على الثاني ، وبالنسبة لي ياما صارت 🙂 .. احيانا اطلع اكلم مثلا ولا لاهي بالجوال على ان اللي معي بيضغط .. ويكون هو نفس الشي ..

    تتكرر كثير

    رائد (الثاني 🙂 ) :
    ممتاز ، وانا عن نفسي اذا ماكنت مستعجل الجأ للدرج (3 أدوار ) .. أقلها رياضة

    Frozen Tears :
    هلا بك وسهلا ..
    اجل فيه معاناة من المصاعد (فوبيا مصاعد) ،
    بس ماشاء الله على الوالد دام حريص على تعليمكم هالامور .. ممتاز جدا

    Mrs.Nora :
    ايه العصفورة قالتي لذلك سبقتكم بطرح الموضوع 🙂

    بعدين وش فيهم اللي جاين من برا ، ترى مساكين ماعمرهم ركبوا مصاعد .. مثلها مثل السلالم الكهربائية فلذا ماينلامون ..

    ليان :
    كويس مهمة برضه رد قوي جدا على (أبو يزيد ) ..
    بعد سالفة ان الواحد مايطلع اذا كان فيه حريم ولا بنات ، طيب احيانا تمشي مرة مرتين ، لكن ترى العملية تطول في سوق مثلا ويمكن يجلس ربع ساعة.. ، تذكرت الباص حق مستشفى العسكري اللي يوصل من المواقف للمستشفى .. كنت أوقف واقول الاولوية للعوائل والحريم .. ويروح الباص ثم يرجع وتجي عائلة ثم اقول الاولوية لهم ، في النهاية جلست 15 دقيقة وكل ماجت عائلة ركبوا وانا واقف ، في الاخير اول ماجا الباص رحت له ركض .. دورهم هالمرة ينتظرون 🙂

    عبود :
    هلا بك عبود .. طيب قله هنا عادي مافيه أغراب ولا دفه ايميل ..
    لاني في الصيف ما اتوقع نتقابل خصوصا في ظل توقف نشاط الاستراحة 🙂 ، إلا ان جزمتوا نقبلها عشا في مكان عام
    بعدين وين التغطية والصور .. شووو هالكسل يالسين نترياك لنا فترة

  14. أحمد .. موضوع رائع وَ على فكرة نزلت دايركت للتعليق يعني ما قريت اللي قبلي حتى ما تطير الفكرة اللي بمخي ( و الله لو أنه اختراع )
    وَ انا في المصعد انزعج من الأشخاص اللي راح ينزلون أول الناس وَ جالسين في آخر المصعد وَ أنواع المزاحم حتى يطلع
    ثانياً .. أثناء ماني بالمصعد طول الوقت و أنا ماسكة زر فتح الباب يضيق صدري يجي احد و يلقاه مسكر ( والله اشوف نفسي إذا جيت متحمسة و القاه يتسكر بوجهي )
    ثالثاً .. و الله ما ادري الي سويته صح و لا غلط ذاك اليوم كنت عند محل أحذية رياضية ( الله يكرمكم ) بالصعدة صعدت من الدرج وَ بالنزلة شفت نفسي تعبت قلت لأختي خلينا ننزل بالمصعد المهم ضغطت زر النزول طبعاً انفتح و كان فيه واحد كان نازل من الدور الثاني للدور الأرضي ( بصراحة المصعد اذا كان الصغير و فيه احد ما اركبه ) المهم قلت له شكراً حتى ينزل المهم ما أمداني ادور وجهي إلا لقيته نازل من المصعد بالدور اللي انا فيه ( بس من جد حسيت بإحراج )
    رابعاً .. أحمد الله يعافيك بكلف عليك بس يا ريت تكتب عن اتيكيت السلالم الكهربائية .. الحين بقول شئ بتضحك علي ( وشلون اميز بين السلم الصاعد و النازل .. يضحكون علي أخواتي اقعد ابحلق بعيوني اللي يشوفتي يقول قاعده احل معادلة صعبة و انا كل هذا اشوف هذا السلم يصعد و لا ينزل .. يعني هم اذا حطوا السهم فهم يرحمون حالي )

    أأسف على الإطالة
    دمت مبدعاَ

  15. مايقهرني الا الي يرجع يضغط الف مره يحسبه الظاهر اسرع ^^

    ولا الي يشوف المصعد مليان نساء وهو الرجال الوحيد يدخل نفسه بالغصب

    مافيه ايه ادب واحترام

    من جد موضوع مهــم ..

  16. يقول مجهول:

    موسوس بزيادة مع احترامي .. تكت ايزي يا عزيزي

    أجل كل شي تصبر فيه في حياتك تحذف رسايل

  17. light: بعد إذنك بو حميد بجاوب على light لين ما تجي … عشان تميزين بين السلم الصاعد والنازل شوفي السهم اللي على المسكة بتلقين سهم يا طالع يا نازل وبالعادة الطالع يكون عاليمين .. والعكس وانتي نازلة بيكون النازل عاليمين.. لكن فيه سنتر عندنا الله يغربل بليسهم حاطينه عاليسار في كل السلاسلم وانا متعوده اتوجه يمين .. والمشكله ان مره كنت بالطابق الثاني ونزلت غلط وافتشلت من اللي وراي ولما جيت بنزل الطابق اللي بعده نفس الشي سويت والا القى أصوات من وراي الثاني الثااااني يالله افتشلت بالحيل 😦

  18. light :
    بالنسبة للسلالم الكهربائية مايبي لها اتكيت .. الله لا يعمينا 🙂 .. يبين هو طالع ولا نازل من بعد 100 متر .. الا عاد ان كان الشوف شجر فما أدري 😀

    newlife :
    اييه هههههه بيوووصل أسرع هذا هو شعارهم

    بعدين خلاص سالفة المصعد مليان حريم خلاص ياشباب لحد يركب المصعد لين يفضى 😀
    وبرضه البنات المفروض مايطلعون أي مصعد لما يكون فيه شباب ( مو تطالبون بالمساواة ؟ .. هذي المساواة 🙂 )

    مجهول :
    لا مو سالفة وسوسة ، بقدر ماهي اشغل عمرك بأي شي

    بعدين انا عندي أزمة في الرسايل بحكم العمل أتلقى لا يقل عن 300 رسالة يومياً على الجوال .. فطول الوقت إما أقرأ ولا أعدل ولا أفرود 🙂 لذلك انبسط في تقاطع طريق الملك عبدالله مع الملك عبدالعزيز .. أصفي جوالي دايم 🙂

    ملامح :
    من جدكم سالفة السلالم ؟
    يعني مايبين إلا بالسهم ؟؟

    شووو الرمسة !

  19. و الله اخوي احمد شكلك فهمت الموضوع غلط .. من جد ما امزح بسالفة السلالم و الله تصير معي و انزعج منها

  20. اخوي احمد بما أننا في بيتنا عودتنا امي على ثلاثه مبادئ الشفافية و الإحتواء وَ التعزيز ( لا تحطهم في بالك ) فإني بقولك إياها بشفافية و بكل صراحة تراني زعلت و ضاق صدري من تعليقك علي 😦 و الله من جد 😦

  21. هاه .. وش هاللي قلبتها صياح

    خلاص ما اتعودها 😀

    شوفي رد ملامح .. واضح انها فهمت الفكرة اللي مافهمتها (وجه واحد ندمان هههههه )

  22. يقول محمد:

    اقتباس “أعلم بأن هناك من سيضحك ساخراً عندما يقرأ عنوان هذه التدوينة ”
    أنا ضحكت بس مو عشان العنوان … لا ..
    عشان الموضوع طووييييييييييييييييييييييييل ..
    لذلك ينظر في أمره لاحقاً ..

  23. بإنتظار موضوع السياكل

    ونريد فقره خاصه للدرج

    لأنه أنواع كثيره يا اخ احمد

    فيه الحلزوني

    وفيه الصالب

    وفيه الكهربائي

    نبي موضوع محكحك عنه يعني موضوع ( خوراااااافي )

    على فكره … يقولون جددوا لحسونه !!!!

    وش هالحتسي ههههههههههه

    ودي أشوف وجه بعض الناس يوم جددوا له

  24. أشوا ما أِشوف الحاجات هدي كتير هنا والا كان ارتفع ضغطي
    فكرتني بأصنصيرات تايمز سكوير.. هي خلقة زحمة وعلى ما توصل لك تاخد فترة يعني على الأقل تستنى 5-10 دقايق (شكله الوقت يطول مع الانتظار) واكره ما عندي لما تجي عوايل معاها أطفال وتشوف الأصنصير مليان والا غصباً عن اللي فيه تخشخش العربية باللي فيها في الأصنصير!! >>> اتكبرت عشان اولادها ماعاد يستعملوا عربيات 😀

  25. يقول هاني الغفيلي:

    هل حلت كل مشاكل العالم حتى نتحدث في اتكيت المصاعد ) ؟ (أقولها ضاحكا)

  26. محمد : ينظر في أمره لاحقاً ؟ .. وش هالبيروقراطية يبو

    يزيد : تتريق 🙂 ؟

    اما سالفة حسونة والله ياني ضحكت ضحك ، يعني أول كان الواحد يتقبل الموضوع ويمشي الحال ، بس الحين خوينا كل يوم بيشوفه .. ودي أشوف ردة فعله لما وصله خبر التجديد ..

    بس مايمديك العذر ههههههههه يقولك مجدد عشان مايروح النادي البرتغالي كبري لنادي النصر هههههههههه

    شف الدنيا كيف يا (أخوي أبو يزيد ) .. تبكي والله هههههههه

    عموما أعتبر خسارة الفراعنة وتجديد حسونة أكبر مفارقات السنة هههههههههه أما حسونة ، ههههههههه
    لا والنكتة لما عرضوه على قائمة الانتقال ماجاه أي عرض .. حتى سدوس ههههههه

    asma :
    صدق والله سؤال .. واللي معه عربيات وش يسوي ؟
    ماله إلا المصعد بعد .. وين يروح ؟؟؟

    هاني الغفيلي :
    أقول رح نم يابن الحلال وجهز ساعتك البيولوجية في مواعيد النوم ، وتمتع بآخر 4 أيام في حياة العزوبية ، تراك بتشتاق لها 😀

  27. يقول Mahoooy~:

    اتكيت المصاعد … 😀 من جد الناس يحتاجوون تثقييف كبيير في هذي الناحيه وخاصه مجتمعنا العربي يعني عند الأجانب كلن بدوووره ماحد راح يتقدم على احد والتظييم عندهم ماحد يتعداه الصغير والكبير 🙂 🙂

    ولو فتحنا مواضيع الإتيكيت لعالمنا العربي محتاجين إتيكيت في سياقة السياره إتيكيت في المطعم ,..السوق .. الخ

    🙂 🙂 🙂 ..

  28. رائعة , جميلة , مفيدة , ماأدري شأقول عن هالتدوينة بس بجد أستمتعت فيها ..

    وأنا أقرا يا الله أجدت تصوير الواقع ياأحمد ..

    شكراً

  29. مرحبا أخوي أحمد ..
    انا وصلت لهادا الموضوع بالصدفة ..
    بس الصراحة شد انتباهي الموضوع ..
    وقريت كل الردود ..
    بس لقيت نقطة يمكن نسيتوها أو ما واجهتوها ..
    من المعروف انه الـ اليفيتور ( المصعد ) مكان ضيق ..
    ومهما كان اتساعه ..
    بيضل مكان مغلق ..
    فعشان هيك !!
    انا بنتقد عدم مراعاة النظافة الضخصية بهاي المواضيع !!
    انا واجهت اكتر من حالة بالمصاعد ..
    بيكون واحد الله يكرمكم .. ( والا بلاش افصل .. )
    المهم انه مش معتني بنظافته ..
    وبدخل بالـ مصعد ولو كان مزدحم ..
    انا صارت معي كتير ..
    ووقتها بطلع باققققرب دور ممكن !!
    ما بعرف اذا انه معي حق بهاي النقطة ..
    بس انا حبيت اضيفها
    وشكرا الك على موضوعك الرائع جدا !!
    تحياتي الك ..

التعليقات مغلقة.