مدونون .. فاسدون – مرضى نفسانيون – مجانين !!

مالذي يمنع أن يكون صاحب هذه المدونة (نصاب كبير ) ، ومالذي يمنع أن يكون مرتشي ، وهل هناك مايمنع بأن يكون مدمنا على المخدرات على سبيل المثال .. حتماً لا يوجد هناك مايمنع ذلك ، حتى ولو كانت أطروحاته مختلفة تماما عن ذلك التوجه .
أسوق هذه الأسطر لأقول بأن المدون – أي مدون – سيحاول بكل ما أوتي به من قوة وفكر بأن يكتب مايعكس الجوانب الإيجابية عن شخصه .. فلن يكتب يوماً بأنه ظلم فلان ونهب من علتان ، ولن يدون يوماً بأنه قطع إشارتي مرور ولم يلتزم بالطابور في البنك مثلا ..
لذا من الطبيعي أن يظهر المدون بأحلى الصور ، هو الشاب المثقف الحريص على فكره وثقافته وأدبه .. بل وحتى الحريص على جسمه كذلك ، وهو الشاب القارئ المتميز المتابع لروائع السينما العالمية وصاحب الذوق الرفيع في الطرب ، والشاب ذو الأخلاق العالية التي يحكي قصصها يوما بعد آخر .
لكن لا يعني بأن تلك هي شخصيته الحقيقة فعلا .. فلا يوجد شخص كامل بتلك هذه المواصفات فما بالك بأننا نقرأ لعشرات الأشخاص والمدونين .. هؤلاء ليسوا من المريخ بل هم من شعبنا .. جيراننا .. أقربائنا .. أصدقائنا .. كل السلبيات التي تظهر على السابقين ستظهر عليهم – وأنا أولهم – بكل تأكيد .
لذا .. أسوق نصيحتي للفتيات تحديداً لأني بدأت ألمس عبر الايميل رسائل من نوع آخر فلم تعد القضية تعليق على موضوع – وهو أمر يسعدني بلاشك – بل تجاوزته إلى أمور شخصية لا يمكن أن تذكر ولعلي أطرحها في موضوع يحوي مفارقات حول رسائل البريد الالكتروني ، لعل ابرزها رسائل الزواج .. نعم طلب الزواج .. هكذا وبكل سهولة .. ترسل رسالة إلى مدون – لا يظهر سوى اسمه الأول – تتضمن نصيحة من الزواج بفلانة الفلاني وعلانة (اللي توها متخرجة !! ) … وييييين يابو الشباب !!!! ، بعضها يظهر بطريقة فيها بعض الاحترام كرسالة تلقيتها مرة من فتاة تنصحني بالزواج من صديقتها ذات المواصفات الفلانية والقبيلة العلانية دون أي ذكر لاسم .. فيما بعضها الآخر يظهر بها تفاصيل مخجلة كانت تدفعني في أحد الأيام لكتابة موضوع أعلن في عن كوني متزوجا حتى لا أتلقى المزيد .
هل تذكرون الرسالة التي كتبت فيها بأني لم أجد رفيق سفر .. نعم نعم .. ماتفكرون فيه حدث .. رسائل من فتيات أيضاً وبعضها كان بالصور وبدعوات لتحمل تكاليف السفر كاملة .. وقتها ذهلت .. لأني كنت أتوقع أن أقرأ رسالة للمحارب مثلا يقدم فيها دعوة مفتوحة لاستراليا 🙂 .. أو رسالة من حرباز لزيارة شقراء 😀 .. أما رسالة من فتاة سعودية أو خليجية .. وبالصور .. هذا الذي لم أكن أتخيله حقيقة .
سأعود لكي لا أناقض كلامي وانتقد هذه الظواهر وكأني شخص ملائكي – على راسي ريشة – لكني أعود وأقول وأشدد (اخس ياسمير جعجع ) بأن المدون هو ليس بكائن مختلف .. هو في النهاية شخص من هذا المجتمع … يمكن أن يوظف تلك الرسائل في أمور لا تحمد عقباها .. ويمكن أن يحيل الصور لاصدقائه وينشرها في مجموعات بريدية ومنتديات .. مالذي يمنع ؟
يقول المثل السعودي (الركادة زينة) – وقد تكون ركد فصيحة – ، لذا أنا أعلم بأن هذا المجتمع الالكتروني يقوم على التخيل بالدرجة الأولى .. تتخيل الطرف الثاني من خلال كتابته .. وربما صوته ، لكن يجب أن نضع حدودا لتلك التخيلات حتى لا تتحول إلى وساوس .. أو علاقة حب تخيلية على سبيل المثال ..

24 رد على “مدونون .. فاسدون – مرضى نفسانيون – مجانين !!”

  1. الله يرحم الحال،
    أقسم بالله العظيم ماتلام الأم لو خافت على ولدها حتى لو مافيه أشين منه . .

    والله ثم والله ثم والله الأمور الحاصة بالوقت هذا تحديداً شيء يضيق الصدر،
    ياخي مصخت الدعوى مره . .

    والله مرات تحس ان الدنيا أستغفرا لله ماعاد فيه خير،

    وهالبنيّ، مايصدقن أحد يتميلح شويتين ! :p

  2. يعني مارس وسفر من تبي يسافر معك 😛 .. اصبر لاغسطس وتعال استراليا وبتشوف العجب ,, تصدق فيه خضار حلال 😀

  3. جاك الموت يا تراك الصلاة
    مو قلت ما تتزوج الا لما تجيك وحدة تخطبك وتاخد قرض كمان خخخ أهو جا الكلام فوق راسك دحين 😛

    يعععععععع شي مقرف!
    طيب سمعنا انه فيه بنات يعاكسوا شباب وبنات يوقفوا عند أبواب الملاهي عشان يدخلوا مع أصحابهم لكن توصل للسفر! الله يعافيهم ولا يبلانا وأولادنا

    بعدين خلص مارس من زماااااااااااان وبيخلص ابريل حتى! وشكلك مو طالع ولا مكان 😀

  4. يا ســلام 🙂

    تدوينة في الصميم واللــه …
    أوافقك على كل جملة وكل كلمة وكل نقطة وفاصلة ..

    الله يحفظك ويحرسك وشباب وبنات المسلمين أجمعين

  5. يعني تسافر معاها وتتحمل تكاليف سفرك على أي أساس..؟ رفقه .. ؟
    أو زواج مسفار مثلا 😛

    وبشكل مقارب لما قاله أبو ريناز .. فعلاً الآن ينخاف ع الشباب من الصبايا 😐

    طلب الزواج ….. اممممم
    ربما فيها بعد آخر غير المنظور ، قد تعتقد ان هذا المدون شخص متفتح و له أفكاره ونشاطاته التي تعجبها و لاتثق أن من سيتقدم لها بذات الكفاءه ، و بمبدأ اختار زوج ابنتك و لاتختار زوجه ولدك ( أو أياص كانت الصياغه للمثل)..
    تختار هي زوج صديقتها أو أختها ، أو حتى نفسها ..
    ” و خليني أذكر أن خديجة رضي الله عنها طلبت الزواج من الرسول ، و لكن بشكل لائق تماماً ” ليسوا فتياتنا كخديجة ، و لارجالنا كمحمد صلى الله عليه وسلم ..
    لكن عني أجده مقبول بتحفظ بسيط ، ان وجد التوافق بينهما بشكل او بآخر ..

    و هذا ما يطرح مراراً هل زواج الانترنت ناجح في وقتنا هذا ..؟

    والحقيقه الكاملة .. أن لا أحد كامل ، ومن يعجبنا نسقط عنه كل عيب أو نقص ، ونزكيه كـ ملاك..

    لكن مسألة السفر وبالصور هذه اللي ماهضمتها ، و لا اعتقد أنها سترسل صورها لبريد أي مدون ، ثم تخشى على صورها أن تنشر ..( يعني الي مايشتري يتفرج )

    .
    .

  6. الله يقلعك ياشيخ 😀

    بنت ترسل لك وتقول تعال محفول مكفول ونسافر

    علمني طيب

    نروح أنا وياك وخلها تجيب خويتها 😀

    استاذ أحمد

    الحال في تردي

    ونسأل الله السلامه بس

    وعسى الله يستر على المسلمين جميعاً

    بعد أن قرأت في مرةٍ من المرارير احد مواضيعك عن هالامور وكنت تتحدث فيه عن التشات

    دخلت التشات ابشوف وش اللي حاصل في البلد

    بحكم إني مكتب بيت مكتب بيت خيمه بيت 😀

    إكتشفت ان كمية كبيره من البنات يعانون فراغ عاطفي غير طبيعي

    فممكن إنك تسولف معها خمس دقايق بس

    وتصل لما يريده أغلب الذئاب البشريه !

    لدرجه إني إشتغلت مصلح إجتماعي

    وبعدها هوّنت ودعيت عليك بعد 😀

    شكراً لك أخي أبو أحمد

    ولا تبطي علينا بهالمدونه .. ترانا بإنتظارك

    وترى كان ودك تتزوج فأنا أعرف لك وحده من موزمبيق بنت أجاويد 😀

    😛

    سلام ياعسل

  7. الجفاف العاطفي … التفكك الأسري و و و و و

    لا تستغرب أنها بتنتج لك شي غير اللي أنت شفت , ياما وياما نبي نشوف ونسمع مثل هالأمور ….

    دائماً أتذكر كلام الناس عن بعض الدول المجاورة أو العربية غذا قالوا فيه هالطبع الفلاني و و و و

    وكلها كم سنة وتصيبنا هالأمور , للأسف الشديد …

    الله يرحم حالنا وحال الشباب والشابات ..

  8. أبو ريناز :
    مافيه اشين منه ؟ وش قصدك 😀 هههههههه
    حياك ابو ريناز .. الا ورى ماتنزل رحلتك في المدونة .. طحت عليها صدفة في المسافرون العرب

    فهد :
    الصيف بيدخل مع رمضان هالسنة وشكلي بخلي الاجازة بعد رمضان .. وقتها يحلها حلال

    asma :
    ايه تخطبني وتاخذ قرض بس مو ترسل ايميل ههههههههههه بعدين مافيه احد قال انه اخذ قرض ..

    عموما طالع لدبي هالخميس ..على الاقل بيتغير الروتين شوي

    طلال :
    الله يسلمك ياطلال .. تشكر ياسيدي

    pastel :

    مبدئيا حسب اللي قريته انها رفقة

    اللي اقوله ان الشخص يقرأ عن المدون وكأنه ملائكي مافيه زيه .. وهنا المشكلة الكبرى ..

    حكايتي والزمن :
    خلاص بطلع مع هاني 4 ايام لدبي .. ما ابيك 😀 هههههههههه

    يزيد :
    بيني وبينك تحرج في الرد .. بس عاد وش تسوي

    التشات عاد فيه بلاوي مبلبلة .. وعلى قولتهم هناك من جد الفراغ العاطفي مسيطر على الكل .. بالله جرب مرة وادخل باسم ريما وش كم خاص يجيك في اقل من 10 ثواني .. ان كان 10 فهي شوية

    ومدري اهل موزمبيق بعطوني شقة وشهر عسل معتبر .. دور لي 🙂

    أرطبون :
    مدري مداخلتك استهبال ولا تتكلم جد 🙂 ؟

    بدر الشايع :
    العاطفة وغيابها اولا هي السبب .. والنت والفضائيات والحب وخرابيطه تدفع عشرات المراهقين للمجهول .. وربنا يوووستر على قولة المصريين

  9. و الله طيب منك تنصحهم ولا لو واحد ثاني كان ماصدق خبر …
    على العموم تراك طحت بمطب ثاني ؟؟؟
    تراهم كلهم ناطرينك بدبي 😛
    ” اقضوا حوائجكم بالكتمان ”

    دمت سالماً

  10. الصراحه شر البلية ما يضحك ..
    الله يهديهم ويعافيهم .. والله يخوف الموضوع .. .. لأن ممكن يكون فيها انتحال شخصيات !!!

    ما أنكر أنه فيه كم كاتب على الإنترنت ( يعجب ) بس عاد على قولك ( الركاده زينه ) !
    وغير كذا .. النت غير الحقيقه .. حتى لو كانت مبادئ الشخص وقناعاته وأفكاره هي هي .. بس الشخصيه التعامل طريقة الحكي و ( الصوت ) .. ممكن يقلب الصوره اللي انت حاطها في بالك وما تتقبله !
    (( كني بديت خبص )) !!

    طيب انا بقولك شي أخ أحمد ..
    مره أضافني واحد على الماسنجر .. ودريت من ايميله انه ( ذكر ) .. قبلته ..
    أشوف وش عندهم ومين هم ومن وين لهم إيميلي واذا ارضيت فضولي مع السلامه .. ( هذي سياستي الماسنجريه ) !
    المهم .. قبلنا هالشخص ودخلت أحكي معاه ( واستجوبه ) إلا حاط صورة واحد لابس ثوب منسدح وشكله .. .. 😐 !
    قالي ” وش رايك باللي في الصوره .. هذا أحمد راعي المدونه الرومانسي ” ..
    انا مالقّيت للحكي بال ابي اعرف من وين جاب ايميلي .. ماعطاني وجه قالي لا تحققين تبين تاخذين وتعطين وإلا مع السلامه .. قلت له مع السلامه 😕 ( وجواتي باللي ما يحفظك ) !!
    لما انتهيت منه قلت في نفسي الحين انا ما أعرف إلا مدون واحد اسمه أحمد !!!
    وهذا وش دراه إني أتابع مدونته ؟!!!!
    لا يكون هو نفسه أحمد ومسوي فيها الولد جنتل مان وهو من جنبها !!!!
    عاد عجزت ألقى للي صار تحليل ..
    هالسالفه من حوالي الشهر يمكن ..
    يلا يا عم .. شف مين هذا .. اذا انت اعترف .. وما راح أعلم أحد .. بس الله يهديك 😛 !

  11. light :
    ايه مررررة المطار بيكون مليان الربوع مدري الخميس الجاي .. الكل طالع يستقبل سعادتي 🙂

    nOuf.a.s :
    مت ضحك على الاكشن .. بس عاد لما وصلت أحمد الرومانسي .. خربت السالفة لأنها ماتركب علي ابد

    بس ولو الرجال قوي .. قصدي أنا قوي 😀 اجل تبين تاخذين وتعطين ولا مع السلامة ؟ ههههههه قووووة

    يمكن أصير زي الرجل الاخضر – مدري لحقتي عليه ولا لا – أتحول لشخصية ثانية بعد الفجر .. ليه لأ .. ماكوووله قايززز

  12. هلا احمد

    طيب ممكن تحول رسائل رفيقات السفر على ايميلي الغابر خخخخ , وانا اقول وش فيه متكبر علي يوم اقول ابيك تروح معي للملعب , هاللحين لاعاد اشوفك ولاتروح معي تسمع زين خخخخخ

    كل يوم عن يوم نكتشف شئ جديد يخلي الواحد يقول الله يستر من تاليتها وبس

    شكرا والله يجزاك خير ويوفقك ويزوجك بعد ويسفرك بس لحالك زين خخخخخ

  13. هلا تركي ، انت تقوله .. ياكثر الطلبات اللي كذا ..:)

    يوفقك ويزوجك .. اوكي مقبولة .. بس يسفرك لحالك ؟ .. وش دعوى ياتركي .. باخذ عبدالله الحربي معي 😀

  14. أما رسالة من فتاة سعودية أو خليجية .. وبالصور
    شدعوه عاد توصل للدرجة هذي :

    الله يستر علينا ومن جد كل إنسان في النت مدون أو غيره يكون متخبي وراء أقنعه مزيفه ممكن تكون أكبر من مانتصور وهذا اللي شفته لما تعرفت على بنات من النت على أرض الواقع كانت صدمات كبيره لي جداً

    ماعمري تخيلت إنو إنسان ممكن يكون شي آخر جداً ومن عالم ملائكي .. خلف شاشه !

  15. يااخي الواقع مر جدا بقولك شي صار معي
    اول ماسويت مدونة وبعد كم يوم فتحت الايميل والناس زي الذبان كلهم يبون صداقة ولا البعض معجب بالاسلوب ويبي يكون صديق ! <<<<<<خير ..!!
    ولا الى يقول اسلوبك جونان بس مبين انك حزينة انا بشيل الحز ياحلو …!!
    اميلات مصخرة والناس في هبوط مستمر ..!!

  16. KaWaii GiRl :
    توصل ونص .. والفيس بوك مليان شوفة عينك ..

    شايلة جروحها :
    في المدونات هالاشياء متوقعة .. ولازم الواحد يتقبل فكرة وصولها ..

    ملامح :
    لا الموضوع مو كذا .. أهم شي في المدونة هي خدمة التواصل والمراسلة ، يعني عشان فيه رسايل كذا خلاص يصير ( كخ ) 🙂 ؟
    لا تقول لنا بعدين الغوا المدونة وانتهينا 😀

  17. السلام عليكم
    الله يرحمنا برحمته
    والعكس صحيح .. حتى الرجال ممكن يقرون كلام لبنت ويتخيلون اللي يبون وتجي الرسائل
    ولا تبي الصدق مو رسائل لأن الرجال من النوع اللي يخطط على الأمد البعيد!
    يعني يتابع ويراقب ويدرس البنت صح همن يبدأ يرسل وينفذ لمجرد قلم أنثوي ..
    المرضى في كل مكان .. الله يعافينا بما ابتلاهم به

    تدوينة نفاثة!

  18. حقيقة مدونه جميله
    وتعكس حبك للحياه

    وتعليقي ليس على الموضوع نفسه

    إنما على

    ( وهو الشاب القارئ المتميز المتابع لروائع السينما العالمية وصاحب الذوق الرفيع في الطرب )
    هل تعتبر هذا تميز !!

    يمكن فهمت غلط … انتظر ردك
    شكرا لك

  19. موضوع غررررررررررررررررررررررررريب
    رغم انه في عصرنا الحاضر لا يحبذ ان تستغرب اي من هذه السلوكيات
    طرح رائع
    بالتوفيق ان شاء الله
    (انتبه على نفسك يالرومانسي)

  20. ههههههههههههههههههههههههههههههههههه آسفه لكن شر البلية مايضحك ..
    ابصم بالعشره فيما قلت عن التخيلات 😀 وربما يصل لتجده مخلوق من كوكب آخر ههههههههههههههههههه
    انا قريت نفس الفكره في مدونه اخرى وقد وضع موضوع بأنه قد تزوج لكنه لم يتزوج 🙂 ..
    فلا استطيع ان انكر ماتقووله وبنات هالأيام والرسايل الله يستر عليهم 🙁 🙁

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *