كيف تجد رفيق سفر في (مارس)

قلت في تدوينة سابقة بأني سأكافئ نفسي على الترقيات التي تحصلت عليها في وقت قصير بإجازة لمدة عشرة أيام على الأقل في منتجع بإحدى جزر شرق آسيا ، فإضافة إلى أني لم أسافر منذ فترة طويلة .. أشعر كثيرا بحاجتي لإجازة تصفية ذهن – وليست إجازة سياحية – أكثر من أي وقت مضى .

لكن الأمر الذي لم أحسب حسابه هو كيف لك أن تجد رفيق سفر في شهر مارس ، كنت أعتقد بأن العملية ستكون سهلة وأن الأمر سيكون بيدي من أجل ( الاختيار) لكن الأمر الواقع كان عكس ذلك حيث ستجد من الصعوبة بمكان أن ينجح أحد في أخذ إجازة قصيرة – عشرة أيام – من جهة عمله في شهر كشهر مارس أي ليس بموسم إجازة أو صيف ، ناهيك عن أن كثير من الموظفين يرفضون إجازات هذا الوقت حتى لا تؤثر في حال طلبهم الإجازة السنوية بعد ثلاثة أشهر من الآن ، كما أن هناك جهات عمل تتبع أساليب مختلفة من ضمنها أنه لا يمكن أخذ إجازة لمدة عشرة أيام فقط حيث أن هناك حد أدنى وهو نصف إجازة السنة أي يجب أن تكون 15 يوما .. لذا لا يفضل الكثيرون بالتفريط بأيام الإجازة في وقت مبكر من السنة ( شهر 3 ) .
كنت قد اتفقت أساسا مع أحد الأصدقاء – من ذوي الارتبطات العملية المتعددة السفرات – ونجحنا في تنسيق إجازة لمدة عشرة أيام غير أننا صدمنا بزحمة الرحلات الأمر الذي سيؤدي إلى تقديم يومان أو تأخير أربعة أيام من الوقت المحدد واكتشفنا لاحقا أن ذلك يتعارض مع مهمة سفر عملية لصديقي الذي قدرت ظروفه كثيراً رغم تأكيده بحاجته إلى إجازة قصيرة .
الخيارات تتقلص يوما بعد آخر وأنا في واقع الأمر أطبق نظرية – الرفيق قبل الطريق – فرفيق الرحلة يجب أن يكون في نفس المستوى الذي أفكر فيه وحتى أكون صريحا أكثر وبلا دبلوماسية مبالغ فيها فأنا أعتقد بأن هناك نسبة لا بأس بها من الشباب المسافرين للخارج يبحثون عن الجنس أو الشراب كهدف رئيس من أهداف الرحلة .. لذلك الخيارات تتقلص أيضاً حين تؤكد برغبتك برفيق يصحو معك في الثامنة من صباح كل يوم لا أن يقضي ليله كله في أماكن لا أول لها ولا آخر .
من المستحيل أن أفكر بالسفر لوحدي فلم أصل لهذا الحد أبدا ولا أتخيل نفسي كذلك ، أذكر مرة عدت من إحدى سفرات العمل مع مجموعة من الشباب ولظروف الحجز اضطررت للبقاء وحدي في دبي لمدة يومين .. الله أعلم كيف مرت والله أعلم كم من فيلم حضرته في صالات السينما في تلك الـ 48 ساعة .
عموما يبدو لي أن التأجيل سيستمر حتى حين ( طلعت كني الدوري السعودي 😀 ) .. والمشكلة كلما تذكرت أن الصيف ليس بعيدا خشيت أكثر لأني لا أحب أن أذهب وأجد تلك الأماكن الجميلة مليئة بـ ( العريبيا ) !

15 فكرة على ”كيف تجد رفيق سفر في (مارس)

  1. أولا: لا عاد تتشمت وتقول (أم موقع خربان) ترا الشتيمة تلف وتلف وترجع لصاحبها 😛

    تانياً: شكله السهر له دور في هدي التدوينة 😛

    تالتاً: ماراح أعيد كلامي اللي قلت لك هو قبل .. بس اش رايك؛ بما انك مو لاقي أحد يسافر معاك تسوي جولة في ربوع بلادي (قصدي بلادك) منها تشجع السياحة الوطنية وتصير مواطن صالح 😛

    رابعاً: مع اني أحب السفر والرحلات القصيرة لكن ما عمري فكرت مين يرافقني في رحلاتي.. يمكن لأنهم already فيه حاليا (لصقة جونسون) أو لأني ما أحب أتحمل مسؤولية أحد وهم أحد معايا فعشان كدا تنقلاتي ماليزيا – السعودية كانت (وحداني) وكنت أتعنى في كل مرة أسافر آخد ترانزيت عشان اغير جو واتمشى حتى لو ساعتين وكل حاجة على السريع.. ومنها أكون صداقات سريعة في الطريق وchit chat ينتهي بمجرد خروجي من الطيارة!

    خامساً: أخاف من تاجيل لتأجيل آخرتها أشوفك مصيف عندنا لا وكمان جالس في أماكن كلها (عربيا) 😛

    آخر شي..
    بليز لا عاد أحد يجيب سيرة السفر والاجازات لأني بديت أحقد على الخلق! اليوم بس اليوم عندنا 73 موظف ماخدين اجازة! ماصدقوا اجازة مولد الرسول كانت امس مددوها الجمعة للويكند!

  2. يقول ميسي:

    لابأس اذا مكثت في السعودية وقضيت الاجازة في جدة مثلا بالتاكيد ستجد رفيق درب في هذه الحالة لان احتمال العودة القريبة تكون ممكنة ،،أو حل آخر بالامكان البقاء في البيت ومصاحبة الوالدة والاستماع لقصصها علك تجد ماتستفيد به بل اكيد ستجد ماتستفيد به،،،،مع تمنياتي بعشرة ايام سعيدة

  3. أنت بحاجة إلى إجازة – تصفية ذهن – نصيحتي أن تستمتع بها لوحدك

    دمت بود

  4. يقول ليـان:

    طيب مايصلح تأخذ معك رفيقه والله حزنت لك 😦
    و ترى يأحمد أقدر الفزعات 8)
    بس شفت فائدة الزواج ياخوي الحين لو أنت متزوج كان مايحتاج تتصل على فلان وعلان
    وكل واحد يتعذر بعمله كان من أول مااخذت الأجازة حجزت ويالله يازوجتي العزيزة 😛
    وجد الله يساعدك الواحد اذا كان فاضي مايقدر يقعد ساعات لحاله اجل اشلون لو ايام
    وبعد في مكان مايعرفه 😐 ودي اقولك تم ابشر باللي يروح معك بس أنت تعرف الحال مايحتاج أقولك 😕
    يالله عقبال ماتشوف لك رفيقة أقصد رفيق ويسافر معك و نشوف لك بوست تكتب فيه عن هالرحلة 😛

  5. في مارس كنت مخطط انا واخوي على رحلة لفترة بسيطة لليابان بس تكنسلت لفترة قادمة !
    عموماً البحث عن خوي للرحلة مهم ، وانا اقترح عليك تسوي اعلان هنا بعنوان ” مطلوب صديق سفر بهذه الشروط ” وابشر بسعدك
    بالتوفيق

  6. asma ( أم موقع تحت التطوير ) :
    فعلا الشتيمة شينة والله يستر 🙂

    وبرضه فعلا السهر مسوي عمايله
    ثالثا : أنا هارب من ربوع بلادي هذي .. ولا عمري يوم فكرت اني اطلع من الرياض تمشية ولا سياحة .. لأن الحال من بعضه .. يمكن خلال العشرين سنة اللي راحوا ماطلعت الا كم مرة للشرقية ومكة وجدة .. والطايف يوم واحد 🙂 .. الحال جوا البلد متردي مافيه حتى فندق يفتح النفس ولا خدمات تخليك ترتاح وتنبسط

    رابعا : هو القضية في السفر مو مشكلتها في الطيارة .. المشكلة لما توصل وتطلع تتمشى وتروح مطعم .. ما ادري احس الواحد لما يكون لحاله يطلع كنه مشبوه أمني 😀 ( الله من التشبيه )

    خامسا : وهذا الخوف والله .. بس عاد حتى لو طلعت للصيف اقدر اروح أماكن مايوصلها العرب .. وفي ماليزيا مثلا معروف العريبيا وين يروحون كلها 4 او 5 مدن بالكثير

    آخر شي 🙂 : ماشاء الله 73 موظف ماخذين اجازة ؟ .. طيب كان سكرتوا باب الدوام ولعبتوا بلايستيشن ليه تشتغلون ههههه

    ميسي :
    تقوله صادق ؟ .. وش فرق جدة عن الرياض والدمام .. كله سيم سيم حتى في طريق كتابة اللوحات (للعوائل فقط )
    بعدين الله يهديك اجلس في الرياض عشرة ايام كذا .. تصدق يمكن انتحر انا يوم اجازتي الاسبوعي الوحيد وابلش في الرياض من الزحمة والقلق تبيني اجلس عشرة ايام .. ياشيخ كان تحصلني مداوم ثاني يوم ..
    بعدين الوالدة اللي يطول بعمرها كل يوم اجلس معها خصوصا الليل بس ماتقص قصص .. تشب وتقول وش رايك بفلاااانة .. طيب وعلااااااانة .. وانا اسايرها لين يطلع برنامج طبي على احد القنوات ولا طبخ ( مدري وش وجه التشابه 🙂 ) .. بس قناة فتافيت مسوية شغل

    أبو ريناز :
    نبي نمشي الاسبوع الجاي .. تولم بس هههههه

    light :
    لوحدي يومين ممكن بس عشرة ايام .. بتصير صعبة شوي

    ليان :
    لا مايصلح

    ومو بالضرورة لو كنت متزوج ان المشكلة بتنحل .. يعني فرضا كانت مدرسة مثلا ولا مرتبطة بعمل .. وشلون بتاخذ 10 ايام اجازة وسط الترم .. ماتقيش

    محمد الشهري :
    ماشاء الله لليابان ؟
    هذي سفرة رسمية مو ختة .. من النوع اللي بتجلس سنة في منتدى المسافرون العرب تطلع كل فيها كل شي 🙂
    انا نيتي كانت رحلة سريع سريع من النوع اللي تحجز وتاخذ اسم المنتجع وتحط راسك لين موعد الرحلة .. حتى اسم المدينة مايهم 🙂

  7. رفيق السفر صدقت مهم جدا 😦 .. مو يقعد ينام لك طول النهار وفي الليل يالله نسري واذا جاء وقت النوم يقوم يزعل عليك 😀 .. صراحة انا من الناس اللي تقدر السفر لحالها وأشوف انها مثل الخلوة مع الذات لعدة أيام بعدها أرجع وشوف النفسية كيف 🙂 .. تحس انك فقدت شئ بعدين رجعت له بكل حماس وإقبال للحياة ..

    سألت بريطاني مره ليه دايم تحب تسافر لحالك بدون رفيق لك ؟! رد علي
    I love to make new friends

  8. يقول فرح:

    صدقت يا أحمد الرفيق قبل الطريق 🙂
    أحيان تكون الرحلة سيئة جداً بس وجود الرفيق المناسب يحليها
    ويخليها ذكرى حلوة
    وأحيان العكس
    وزي ما قلت لك في التدوينة السابقة.. أحلى شي إنك تسافر في وقت زي كذا
    ياخي روقان وهدوء ووساعة صدر
    مو كل شوية أسلم على فلانة او علانة
    إن شاء الله لا تخرجت بسويها 🙂

    ومن جد وحدة من امنياتي إني أختار من أسافر معه من صديقاتي
    وإن شاء الله بحققها قريب ( ناوية شر )

    الله يعينك بإنك تلاقي الرفيق المناسب
    تستاهل السفرة والله 🙂

  9. أحمد الشمراني :
    هلا ابوحميد .. جالس اقرا ردك واضحك واضح انك معاني معاناة مع رفيق سفر 🙂

    خويك هالبريطاني اللي تقول طبعا ينبسط على السفر لحاله .. ولا يخفي عليك هو عنده قابلية للتعرف بحكم العلاقات والاطلاع واحيانا البحث عن البنات 🙂 .. وانا مرة شفت أمريكي كل يوم ماشاء الله مع وحدة شكل غير .. هذا عادي يروح لحاله لانه يبغى هالشي .. فهمت قصدي ؟
    غير كذا الشخص الاوروبي عادة يطلع مع قروبات .. فماعنده مشكلة مايكون مع خوي لأن اساسا طالع قروب .. حتى تمشياته في فان ومع 10 آخرين على الأقل .. بيطيح الميانة عادي ههههه

    فرح :
    يله بالتوفيق ان شاء الله ونشوف تغطية للرحلة 🙂
    بالنسبة لرفيق السفر حاليا المشروع متوقف .. واخشى انه ينتهي تمام .. ولا أروح جدة ولا الشرقية زي مايقولون الشباب فوق 😀

  10. طيب عندي لك حل اخوي احمد

    بدال الغلب الزايد والصجه واللجه والمنتجعات اللي تشفط دراهمك وكل الشغله ماتجي لها عشرة أيام !

    وش رايك في رحلة مثل اللي سويتها أنا وابو ناصر قبل كم يوم ..

    ناخذ بك فرّه على أي محافظه في ربوع نجد من إختيارك طبعاً … محفول مكفول

    خخخخخخ

    لمدة يومين + شاملاً وجبة الإفطار ( جبن سايل وكبده وعصير الربيع برتقال ابو ريال )

    هاه ؟

    إذا جيت للحق كلنا نحتاج إجازه .. بس إذا أنت تبيها إسترخاء فعلاً يا أستاذ أبو أحمد فليش ماتروح لحالك ؟؟

    على الأقل وفّر طاقة ( الثرثره ) اللي عندك لمدة بسيطه عشان ترجع للملاعب بقوه

  11. هلا بك أخوي ( أبو يزيد 🙂 ) ..

    أما اخليها ربوع بلادي .. من جدك
    اوكي روحتوا القويعية كويس .. يعني يمديكم مريتوا الكورنيش .. وانا يمديني أروح لثادق آكل كبدة وجبن سايل .. تخيل عاد ماسك خط لثادق .. مدري أتخيل اني رايح اطلع بطاقة أحوال <<< هذا خبره في ثادق

    بعدين سالفة الاسترخاء مو معناها التمغط وطق الهواجيس .. لا ماعنك وعنها واحد يخاويك تستمتع بالروحة والجية وتطاق معه شوي 😀 ويهزئك وتهزئه ..

  12. اقول يزيد … شكل ما يبي له الا جمس ابو الوليد وصفق سوني على طريق مكة .. خله يسترخي اليييييين يعاب ظهره !!
    خخخخخخخخخخ

    يا ابو احمد .. شف لك منتجع قريب بالامارات والا البحرين وطلق رجليك فيه .. واغنم هالعشرة ايام وخل عنك صديق وحجوزاته !!!

  13. اخوي أبو ( أبو ناصر ) 🙂 بيني وبينك خلاص ماهنا حرص .. تجي بظروفها على قولة القايل
    الا ورى مافيه منتجع في الدرعية اقرب

التعليقات مغلقة.