أنت دائماً .. الأفضل

اضبط الأمور يالزعيقي :) .. وطور نفسك وكثر من التمزيع هههههه مثل مباراة غانا

يغضب الكثير من زملائي حينما أقول لهم بأني أرى أن قائد المنتخب الحالي ( ياسر القحطاني ) أفضل من ماجد عبدالله وسامي الجابر وأنه سيكون الأفضل حتى بالأرقام ( متى ماستمر على نفس الأداء ) ولذلك لعدة أسباب يأتي في أبرزها أن ياسر هو اللاعب السعودي الوحيد الذي يجيد كل فنون كرة القدم ، فهو ماهر في التجاوز والمهارات الفردية العالية بشكل لا ينافسه أي لاعب سعودي وماهر في التهديف والحس العالي أمام المرمى كما هو أيضاً ماهر في الضربات الرأسية والارتقاء العالي ومتميز في الألعاب الهوائية كما هو ايضاً متمكن من مهارة الانفراد بالمرمى بل ومبدع فيها وبارع في تسديد ضربات الجزاء والأخطاء من خارج المنطقة ، كما لا أنسى الأهم وهي قدرة على صناعة الأهداف بشكل مميز إضافة إلى القدرة على التسديد القوي من خارج المنطقة ، كل ذلك يتماشى مع ثقافته العالية وأجزم بأن السعوديين كانوا فخورين باسلوبه في الحديث لحظة فوزه بجائزة أفضل لاعب آسيوي للعام 2007 .
لكن المشكلة التي تواجه ياسر أنه ظهر في خضم طفرة إعلامية كبيرة سواء من من القنوات الاعلامية أو شبكة الانترنت ، وهي الأمر السلبي الذي قد يؤثر على هذا النجم حيث أن الأضواء مسلطة عليه بشكل كبير يفوق وبمراحل ماكان مسلطاً على أسلافه ( ماجد وسامي ) ، والظهور في الأضواء كثيراً قد يتسبب في إدخال الغرور إلى داخله مما يقلل من رغبته في التطوير أو تعلم مهارات جديدة أو حتى العمل بجد وأداء التمارين بكل قوة إضافة إلى تفرغه لشؤون أخرى بعيدة عن الرياضة كالظهور المتكرر في مناسبات اجتماعية أو السهر حتى أوقات متأخرة .
لازلت أرى الكثير من التميز في حياة هذا النجم متى ماعمل بجد واستمر على تطوير قدراته الرياضية ولياقته وبنيته الجسمانية والبحث عن التطور والتقدم من خلال الاحتراف في أوروبا ، حقيقة هو النجم الوحيد الحالي الذي يستحق الاحتراف وتشعر بأنه سينجح في ذلك ، كنت أرى أن عبدالغني ونور في السابق لهما القدرة على الاحتراف لكن العمر الآن لا يساعدهما على الإطلاق بعكس ياسر
سعدت بالأمس حينما علمت بأن جزء من الجائزة ينص على خوض التدريبات لفترة معينة مع نادي تشيلسي وأرى بأنها فرصة عظيمة لن تتكرر أمام ياسر في خوض مثل هذه التجربة ، وكم أخشى أن يظهر من يعرقل تلك المهمة لكون مدرب الفريق الانجليزي ( اسرائيلي ) والعراقيل التافهة التي لا تغلب المصلحة الأهم .
ورغم الأسطر أعلاه ، لازلت أقول بأن موهبة يوسف الثنيان ( كموهبة ) لا أعتقد بأنها ستتكرر في الملاعب العربية على الإطلاق .

30 فكرة على ”أنت دائماً .. الأفضل

  1. اه …
    هذه التدوينة تستحق بالفعل ان تفتح لها كل التعليقات 🙂

    بالرغم من كوني هلالي سابق ونصراوي حالي ! الا ان ذلك لا ينفي اعجابي الكبير بفن وابداع هذا اللاعب المتميز ..
    ياسر جيل جديد من اللاعبين الذين سيشكلون عماد كرة القدم القادمة لو استمر على توهجه ، كما قلت احمد هو لاعب شامل وهذه من النادر ان تتوفر في اللاعب الهداف . هو شيء من رونالدو على شيء من روماريو . اتمنى فقط ان لا تدفن موهبته على اعشاب ملاعبنا …
    ياسر يستحق دوري كرة قدم افضل بكثير مما نراه على المستوى المحلي اوالقاري

  2. .
    .
    .
    مبروك التعليقات من جديد 😀

    شوف يا أحمد مع إني نصرواي قلباً وقالبأ … فرحتي لا توصف بعد أخذ ياسر للجائزة
    نجم يستاهل كل خير

    سلطان

  3. لاعب رائع , لكنه ما يقدر يحسم مباراة 🙂

    يعني لين جا وقت الجد ما لقيناه

    وألف مبروك له الجائزة اللي ما يستحقها غيره ..

    بس ترا سعد الحارثي احسن منه 😛

  4. ههههههههههههه يعني ما انفتحت التعليقات الا في موضوع ما احب اتكلم فيه 😀

    كنت مخبية كمية كبيرة من الكلام في راسي..
    بس بما انها تدوينة كروية فما اقدر اقول شي 😀

    شكلها فترة النقاهة خلصت 😛
    على البركة 🙂

  5. يقول TMT:

    يستاهل ياسر

    وان شاء الله تكون هالجائزه بداية الطريق

  6. حركتاااااااااات وسبحان الهادي 😯
    شوف مع اني تركت التشجيع وكبرت ومن بعيد لبعيد وهكذا 8)
    بس انبسطت يوم سمعت الخبر والسوبر مالت عليها اهي ومصدرها 😕
    واخييييييرا بن همام انصفنا 😳
    ايه ولكل لاعب يمتلك مقاومات ومهارات يختلف عن غيره
    ـ كنت ضد المقارنة بين ماجد وسامي واخالفك ان ياسر أفضل من الأسطوره سامي 🙄
    وبالتوفيق لـه في مستقبله و ان شاء الله أن طموحه مايتوقف عند هاللقب ..

  7. الحمدالله مافيه”لايمكنك إضافه تعليقات إلى هذا الموضوع”

    مسببه لي أزمه هالجمله 🙂

    يستاهل كل خير ياسر القحطاني وأعجبتني كلمته لما قال أنا أمثل كل لاعبين السعويه

    فعلا هو نموذج مشرف للكره السعوديه الله يوفقه

    سلام

  8. يقول دويتو:

    جميل يا خوي ابو احمد

    لكن اخوياك او زملاك هاللي تقول ، أتوقع معهم حق في كلامهم .. فاللي وصل له سامي ( ماعليّ من ماجد ) صعب يصله لاعب سعودي آخر ، خصوصاً إننا نشاهد ياسر في الفتره اللي سبقت مجيئه للهلال وحتى بعد مجيئه عاديه جداً..

    هداف لم يبرز إلا أمام فرق ضعيفه ، والمباريات الحاسمه جميعها لم يسجل أي بصمه تذكر !

    ولا أعتقد أنني بحاجه للإستشهاد 🙂

    ملابسات إنتقال ياسر للهلال هي من صنع له هذا ( الهيلمان ) أو ( التهويل ) الكبير من الإعلام الأزرق محاولةً لإبراز نجم هلالي للتغني فقط والتباهي به أمام اللوبي الأصفر الإعععععععلامي P; ..

    وهي من حبّب الجمهور فيه ، خصوصاً أن الجماهير عانت الأمرين من جشع بعض اللاعبين ومساومتهم للنادي الذي آواهم وكأنه مصحه علاجيه !

    ياسر لاعب لازال في التمهيدي ( الثنيان دكتوراه 😉 ) والطريق طويل أمامه .. ومن الصعب جداً أن يفعل مافعله الكبار أمثال سامي ويوسف … والكل يعرف ماذا كان يفعل سامي فنياً وفكرياً وإدارياً سواءً مع الهلال أو المنتخب

    ختاماً ، نقول لياسر موفق ، وأتمنى أن تخيب نظرتنا القاصره ويصول ويجول ياسر ليرفع إسم بلاده عالياً في المحافل العالميه .

    وأنت أبخص عاد

  9. يقول ابو ناصر:

    ما وفقت في الموضوع هذا اخوي احمد .. ولا اقف لك احتراما على هــ ” الخمبقة ” اللي كتبتها !!

    ما يهبى الا ياسر يجي ولو ربع عشر معشار سامي او يوسف !!

    اها بس استغفر لا ربي يعاقبك !! ترى ربي اعطاك عقل ومن جحود هذه النعمة انك تفضل هذا الطفل المدلل على لاعبين بقامة سامي ويوسف !!!!!

    والظاهر فعلا الاع لام لاعب لعبته في ذهنيتك الكروية اللي زودن على المغالطة برؤيتك ان يسار افضل من سامي انك تذكر سيء الذكر ماجد بانه من رموز الكرة … الله يخلف بس

    وعدك لين شفتك .. هين !!!!!

  10. الثنائي اللي فوق .. يالزعقاء 🙂 هذي رأيي وأنا حر ، بعدين لو فيكم خير ماتشجعون نادي رئيسه .. ولا بلاش .. بس رسالتي واضحة يالزعيقي خاصة انت يابو ناصر ولا يزيد على الاقل يرجى منه خير 😀
    —–
    بقية الردود صباح غد .. الـ DSL مفصول عندي وداخل دايل أب .. والله أحس اني في بيت طين بالدرعية .. انت توحي يابو ناصر 😀

  11. يقول Twix:

    صدقت يابو حميد هو دائماً الافضل ..

    لاكن خوفك بهبوط مستواه زي ماذكرت ويروح مع سياق الشهره الي دمر ديفيد بيكهام بالاعلانات التجاريه ..

    وامس في مقال صحفي لياسر ذكر انه حقق اربع امنيات وان شاء الله تحقق الرابعه [ الاحتراف الخارجي ] وبصراحه ياسر قدر يعكس للحضور ثقافة اللاعب السعودي يوم القاء كلمته بـ الانقلش ..

    كل الاماني لياسر بالتوفيق ..

  12. أبو ناصر .. الحين ماجد صار سيء الذكر !!!

    ماتنلامون يالزعيقيه مسوي فيكم الهوايل 😛

  13. احم احم
    بصرررراااحة هذا فخر لنا السعوووووووودين
    أذكروا الله
    ماشاء الله عليه
    الله يحفظه ويحفظ الجميع من كل شررررر

  14. يقول هاني الغفيلي:

    مرحبا اخي احمد
    بعد التحية والتقدير

    برغم انني ابتعد دائما عن الإطروحات التي تمجد لاعبا دون الآخر لأنني اعتقد جازما ان لكل لاعب امكانياته التي تميزه وقد يتفوق بها عن غيره، إلا انني اجد نفسي منساقا في هذا الموضوع لتوضيح وجه نظري التي لا تتفق مع ما طرحه أخي وصديقي العزيز وبالاخص في مستهل موضوعه بما نصه ((أرى أن قائد المنتخب الحالي ( ياسر القحطاني ) أفضل من ماجد عبدالله وسامي الجابر وأنه سيكون الأفضل حتى بالأرقام))

    اخي احمد، بلغة الأرقام سامي الجابر حقق انجازات في بداياته اقوى من انجازات ياسر بكثير في بداياته سواء كان ذلك مع فئات الناشئين والشباب والتي حقق فيها لقب الهداف بجميع المواسم التي لعبها، او حتى في بداياته مع الفريق الاول آنذاك.

    ياسر الآن بعمر 25 سنة وهذا ليس بعمر صغير، ولا ارغب بان يكون الرد محصور بسامي الجابر فقط ومقارنته بانجازات سامي، ولكن الأخيروقبل ان يتجاوز ذلك العمر قد ساهم وبشكل مباشر في حصول الهلال على لقب البطولة العربية أبطال الدوري في نسختها الـ10 و الـ11 ، ولا تنسى ايضا كأس ولي العهد 1415 التي حسمها سامي في اول دقيقة من دخوله في الشوط الثاني، اضافة إلى الدوري الممتاز 1410 وأكثر من 10 بطولات محلية وخارجية حققها مع فريقه الهلال كلها قبل ان يتجاوز 25 من العمر !

    لست اقلل من امكانيات ياسر بل اعتبره الآن هو الأفضل بالساحة في خط الهجوم، ولكن رغبت ان اوضح ان بدايته لم تكن قوية بما يكفي لتضاهي بداية سامي الجابر التي كانت بداية نارية بكل ماتعنيها الكلمة من معنى على الصعيد الحلي والخليجي والعربي والعالمي 🙂
    ولك تحياتي

  15. أحمد هداك الله وفتحت التعليقات
    بس لو انا منك ما فتحتها،، بدون تعليقات تريح مخك من هم الردود والتواصل
    على فكرة لاحظت شغلة اتمنى الكل يركز عليها وهي الـ alt text اللي تحطه بالصور ههههههه 😀

    كلامك كله جميل ومنطقي وانا فعلاً افتخر بياسر لأنه نجم واعي مثقف جامعي عقلية محترمة حضارية قادر على النقاش والحديث باللغتين، أما كـ لاعب فهو نجم متمكن يقدر يهدف ويلعب داخل المنطقة وبرا وبرضو يعرف يسدد بدقة ويصنع ويلعب براسه ورجلينه وكعبه ويمكن برقبته بعد خخخخ ،، يعرف يستقبل الكورة صح يعرف يمرر ويصنع اللعب يستغل الانفراد يلعب بدون كورة يقود منتخب برغم صغر سنه

    لكن لازم تعرف ان كل هالميزات موجودة في أسطورتنا وعشقنا وحبيبنا ونجمنا ابوعبدالله الذئب الهلالي سامي الجابر الله يعطيه الصحة وطولة العمر ،، وفيه ميزة أخرى تجمع بينهم وهي انهم الاثنين يلعبون (بمخهم) موب برجولهم، يعني عباقرة في الميدان، ولايهون أبو يعقوب دكتور في هذا المجال.

    أرجوك يا بوحميد لا تضع الهلاليين بين سامي وياسر لأنك لما تطري سام 6 فأنت تتكلم عن أعجوبة من عجائب الدنيا ، لا يصح مقارنتها بأي شخص وأي نجم وأي رمز مهما كان ومهما وصل.

    تحية حارة لابوناصر الهلالي المتعصب زمان عنك يالحبيب وين ارضك من سماك يالمغبر 🙂 ووش اخبار اجتماع الخميس مدري السبت باستراحة ابو هيا خخخخخخخخ الله يحفظكم

  16. يقول سلوم:

    والله كلامك صحيح يابوحميد عن ياسر ماعدا ضربات الجزاء ، صارت عقدة بالنسبة له ، لأن اغلب ضربات الجزاء اللي يسددها بالفترة الأخيرة يضيعها ولاننسى الوحدة الأماراتي والأتحاد ، والسبب انه يسددها بنفس الزاوية وبنفس الطريقة ..

    عموماً هو نجم كبير بالفترة الحالية وأتمنى انه يحترف خارجياً عشان يطور موهبته ..

  17. يقول حنا أفضل حنا أحسن:

    وفقت كثيرا اخي احمد بالمقال وبالردود ، اتمنى ان لا تلتفت للردود المتعصبة.

  18. يقول مهند:

    اكثر ما يميز اللاعب هذا عن غيره ذكاءه في اتخاذ القرارات
    ( بس كيف الفصحى )

  19. يقول دانا:

    أنا صراحة قريت الموضوع من أول يوم بس ماحبيت أعلق لأن ماعندي فكرة عن الموضوع .
    بس بصراحة مانبي تعليقات إذا راح تمتنع عن الكتابة “راي شخصي “. مدونتك بالنسبة لي من أقوى المدونات السعودية ومن جد كنت مبسوطة الفترة اللي تقفلت فيها التعليقات كل ماأفتح المدونة ألقى موضوع جديد .

  20. يقول .....:

    انا مع دانة

    لي اسبوع كل مافتحته اقرا (انت دائما الافضل)

    🙂

  21. مع الاعتذار للأخوة الكرام ..
    النت مفصول عندي من اسبوع 🙂 .. سأحاول التواجد هنا مساء اليوم

  22. محمد الشهري :
    حلوة هلالي سابق ونصراوي حالي .. الظاهر محد سوى هالحركة أحد غيرك خلال السنوات العشر الأخيرة
    الخوف على ياسر هو تسلل الغرور بشكل لا يمكن السيطرة عليه

    سلطان :
    الله يبارك فيك 🙂 .. اقلللللللط ؟
    وشعورك رائع وياليت الكل مثلك

    فهد : ياخي مدري من طالع بسالفة حسم وماحسم .. أنت تبي لاعب هداف ومهاري ويجيد صناعة اللعب والتهديف والتسديد .. خلاص ، وياسر ظهر في مباريات كبيرة سواء على مستوى النادي أو المنتخب .. بس عاد ورطته انه جا في وقت ادارة دمار

    asma : ههههههههه ماكان نقاهة بصراحة ..
    أشكر تواصلك الدائم

    light : شكرأ .. 🙂

    TMT : بإذن الله تكون بداية الطريق لأوروبا

    layan : تبقى هذه المواضيع مجرد وجهات نظر .. وكل يحترم وجهة نظر الآخر ..

    الوعد : بالفعل هو نموذج مشرف .. والله يستر ماتغيره هالشهرة الكبيرة كل يوم والثاني

    أبو ريناز : وارووو مابوووه ؟

    دويتو :
    هلا اخوي أبو دويتو ..
    شف كل لاعب تصير له لزمة .. واذكر سامي على هالتاريخ الكبير والمجد اللي سواه الا ان فيه ناس تنشب من تحت لتحت وكان من بينها كلمة انه ماحسم مباراة للمنتخب طول تاريخه .. فلنفرض جدلا ان هالنقطة صحيحة .. هل هالشي يعيب سامي ؟ .. أبدا مايعيبه لانه سوى امور كثيرة ماسواها أحد قبله .. يكفي انه عاش العصر الذهبي للكرة السعودية اللي كان من 94 وحتى 2006 ( رغم الثمانية والأربعة ) لكن هالسنوات كانت فيها بطولات عربية وخليجية وآسيوية و4 تأهلات للمونديال .
    ياسر الحين طالعين بسالفة انه مايسجل في النهائيات .. طيب والأدوار اللي سواها في المباريات اللي قبل .. خلاص .. كخ 🙂 ؟
    بعدين أي فرق ضعيفة مابقى نادي إلا وسجل .. الاتحاد والنصر والأهلي والشباب سجل فيها أجمل الاهداف وعلى الاقل كان له صولات فيه ولا راح أنسى البلنتي اللي سببه قدام الاتحاد وسجله الشلهوب ( بلنتي تحية الاحترام من المنتشري وتكر 🙂 )

    شف اخر سطر وش قلت عن الثنيان .. فلا تشبك الامور 🙂

    أبو ناصر : أولا أحيي فيك رقي طرحك رغم احساسي انك ودي تطقني .. بس ياني مت ضحك على سيء الذكر .. خليته ارهابي حتة وحدة

    Twix : الأضواء الكثيرة لها فعل سلبي شئنا أم أبينا ( اخس ياعاصم 😀 ) ..

    sara1991 : ماشاء الله تبارك الله عليه ..

    هاني الغفيلي :
    شف ياهويني بلا مقدمات وطوالة لسان .. انا اتكلم عن ياسر كفرد وكلاعب من منظور شخصي لحاله يعني ، وسامي سوى انجازات كبيرة للنادي والمنتخب .. لكن أرجع وأقول لك المقارنة كمهاجمين تقليديين ..
    وأنا أؤكد لك لو كانت ظروف ياسر بمثل ظرف سامي والنادي في التسعينات .. أنا متأكد انه راح يسوي شغل غير طبيعي ..
    أرجع وأقول لك المقارنة بين فردين فقط وحقيقة أنا أشوف قدرة ياسر التهديفية لا تعادلها قدرة أي لاعب سعودي ( كتهديف من مختلف الأوضاع )
    ومشكلة ياسر ان طلعته كانت متأخرة وضيع كم سنة من حياته في القادسية

    آهات :
    ياغبار من وين طلعت ..
    شف أنا مابي أفتح الباب كمقارنة بين هذا وهذا لأن هالشي ماراح ينتهي ، واللي يشوفك يقول أنا أشكك في قدرات سامي ولا أنقص من قيمته .. أبدا ..
    بس سامي كانت أدواره شاملة أكثر من كونه لاعب هداف .. وجته فترات يلعب صانع لعب .. ولا على الأطراف والله يذكر أيام سيرجيو بالخير .. سامي يسوي كل الشغل على الطرف والبرازيلي يدهر تسجيل ..
    بس كهداف ورأس حربة تقليدي أنا أشوف أن ياسر قدامه ست أو سبع سنين قادر يسوي فيها أشياء كثيرة وأنا أعتقد والله أعلم بأنه بيكون أكثر لاعب هداف في تاريخ السعودية على الأقل دولي لأن ماجد سجله التهديفي الدولي رقمه سهل جدا وياسر قادر على تحطيمه

    سلوم : بالفعل ضربات الجزاء ياسر ماطور نفسه فيها أبد ( زي ماطورت أنا عزيز 🙂 ) ، والتضييع مرحلة تمر على كل لاعب وهذا شي معروف في الكورة ..

    حنا أفضل حنا أحسن :
    ان كانك اللي في بالي فأنا أقف لك احتراماً بعد

    مهند : متعوب عليههههههها

    دانا : أشكرك وأشكر تواصلك وكلماتك ..والابتعاد عن الكتابة كان بسبب عدم وجود نت في المنزل وضغط العمل ..

    …. ، : انظر الرد أعلاه 🙂

  23. يقول سليمان:

    ياسر مرة تشوفه ودك تحب راسه ، ومره تشوفه ودك تشوته لين تريح راسك

    مرة تقول شقردي ويعتمد عليه ، مرة تقول بزر وهمه الاستعراض

    بالنسبة لي في خانة المهاجم ابي لاعب زي ترزيقي زي انزاغي تحطه داخل البوكس يسجل ويحسم ، وبالنسبة للتسحييب والاشياء الثانية هذي شغلة مهاجم مساند ولا جناح

    معلومات :* العنبر الغير محبوب من الجماهير حسم بطولتين برأسيتين ذهبيتين وعمره ما كمل 20 سنة ذاك الوقت

    * انزاغي اكثر واحد في العالم يطيح في التسللات الهداف الاول في تاريخ بطولات اوروبا حاليا .

    * الفين المطرود شر طردة من نادي الهلال العام الماضي هداف نادي بالميراس حاليا وقريب من احتلال صدارة هدافي الدوري البرازيلي

    ياسر : لا شيء .. تسحيب وتنطيل واهداف خرافيه ، أرقام بطولات .. ما فييييييييييييييييييييش

    التاريخ بيقول ياسر سجل ما يقول ياسر سحب ولا حطله دبل كيك

  24. سليمان كلامك على العين والراس ماقول شي ..
    بس وش مفهوم لاعب حسم ؟
    هذاك الدب عبدالله الجمعان شات بلنتيين وجاب بطولتين ، الاول بلنتي النصر في البطولة العربية وكان هدف ذهبي وقدام 70 الف متفرج وأواضاع صعبة والثاني بلنتي قطر في خليجي 15 وباقي على المباراة ربع ساعة بس والسعودية لازم تفوز .. ولا تنسى هدف الشباب الذهبي 1418 .. طيب هالدب الحين وين راح ؟

    ياسر اتفق معك انه ماحقق انجاز لكن هذا بسبب انه كان في فريق داج ولا طلع منه الا قبل سنتين وغير هالسنتين جت في وقت ادارة داجة حايسة الفريق فوق تحت ..
    وبالعكس ياسر معدل اهدافه عالي جدا واتوقع انه أكثر هداف في الوقت الحالي ولا فيه أحد ينافسه سواء سجله مع الناديين الهلال والقادسية أو مع المنتخب والظاهر الحين عند 39 هدف دولي يعني مابقى الا 20 هدف ويصير هداف السعودية الأول ويتجاوز ماجد على اختلاف ان كون ماجد سجل اغلب اهدافه في الثمانيات على دجة المنتخبات والمستويات السيئة وخطط اللعب بثلاثة مهاجمين ، الآن حتى عمان صارت تنافسك ولا تقد تفوز عليها زي اول ومع ذلك ياسر مسوي معدل عالي جدا والميزة انها بكل الاساليب .. انفرادات .. رأسيات .. تسديد .. تسحيب .. متابعة ذكية .. تمزيع 😀 كعب .. ، ولا تنسى انه الى لعب يكون خط هجوم لحاله .. شف مباراة الاتحاد الاخيرة مثلا .. كان بين مثلت المنتشري وتكر وكريري .. وسوا شغل غير طبيعي .. لا ويلعب وراه نواف بعد هههه

  25. يقول خاف ربك ياحكم:

    أخ أبو أحمد

    أتمنى إن حبك وتعصبك الأعمى لياسر لا يجعلك تخطئ على لاعب كبير مثل نواف التمياط

    والحقيقه إني أقف إحتراماً لأخي سليمان على كلامه الجميل والواقعي اللي خلاك تطلع من طورك وتبدأ تقارنه بماجد ( سيء الذكر ) وتغلط على التمياط ( الكنز )

    فنواف التمياط رمز من رموز النادي وأتمنى إستمراره في نادي الزعيق ( اللي هو ناديكم أنت وخوي حسونه )

    والظاهر مايعرف لك إلا ابو ناصر

  26. يقول عاشق القناص:

    ياااااااااااااااسر عمكم يالفقراااااااااااااااااوية
    وحااااااااااااااااق دمكككككككككككم
    ومتو من الحرة
    ومالقيتو الاذا *****
    تقارنونة بالقناص

  27. هههههههههههههههههههههههههههههههههههههههههههههههههههههههههه
    ياسر القحطاني أفضل من ماجدعبدالله
    مع إحترامي أشديد لي ياسر بس مافي مقارنة
    ملك الكورة السعودية

    وسامي الجابرأفضل من ياسر
    لذلك أخارة زيدان ومدخل هدافان
    على فرقة رونلدو 6-3
    ويجي بعده
    يوسف الثنيان
    وبعدة
    نواف التمياط قبل الإصابة
    و
    من
    ثم
    ياسرالقحطاني…………………………….

    وأناأشجع الهلال………………………….

التعليقات مغلقة.