قوقل يتحول إلى خطابة !

منذ أكثر من ثلاث سنوات ووالدتي متعها الله بالصحة والعافية لا حديث لها معي إلا في موضوع الزواج ، ومنذ أن بلغت سن الثلاثين أصبح الموضوع يتكرر بشكل شبه يومي .. أحياناً على هيئة محاضرات توعوية 🙂 وأحياناً بقطع كل علاقات التعاون من منطلق ( اعرس وخل حرمك هي اللي تسوي لك عشا ) ، وكثيراً ماتتطرق إلى العروض الاحترافية .. عفوا أقصد العروض الزواجية التي تسنى لها مشاهدتها في ذلك اليوم ، فلانة يا أحمد .. زي القمر وتوها متخرجة في تخصص كذا .. علانة يا أحمد لا تفوتك والبنت راح تطير .. وتراها كيت وكيت .. وغيرها من العروض التي تجتهد أمي كثيراً في شرحها في محاولة لإغرائي بموضوع الزواج والاستعجال فيه .. خصوصاً وأن الدور في البيت علي حيث تزوج أشقائي الثلاثة الذين هم أكبر مني .. إضافة إلى أن شقيقتي هي الأخرى غادرت منزلنا هذا الصيف .. وبقيت أنا في فوهة المدفع .
بالنسبة لي لست رافضاً فكرة الزواج بكل تأكيد ولكني وضعت لي أسس وخطوات يجب أن أنتهي منها .. هي ليست أحلام كبيرة قد يستحيل تحقيقها .. لا .. هي أسس يمكن أن نطلق عليها ( أسس حياتية ) وأعلم يقيناً بأني لو تزوجت لن أستطيع تحقيقها .. وعموما ولله الحمد والمنة تمكنت من تجهيز كل تلك الأساسات ولم يتبق سوى خطوة وحيدة .. وهي الأهم بالنسبة لي .. ولعلني أنتهي منها تماماً قبل نهاية السنة الميلادية الحالية بإذن الواحد الأحد .
الشاهد في الآونة الأخيرة ونتيجة لهذه الضغوطات أصبحت أستيشر صاحبي الأمين (السيد قوقل ) فأهب إلى غرفتي واضعاً اسم المرشحة 🙂 في محرك البحث ، قد تكون هناك نتيجة في بعض الحالات خصوصاً وأن أولى شروطي هي أن تكون مطلعة على النت بشكل كبير وليس سطحياً ، وفي كثير من الأحيان أجد نتائجاً في حال بحثت بطرق أخرى غير الاسم .. ( ولا تسألوني كيف 😀 )
بصراحة لا أدري إلى أن يأخذنا هذا القوقل .. قد لا أستبعد أن يتحول إلى استشارة مباشرة .. تضع اسم المرشحة ورقم التصويت .. عفوا فقد لخبطتني برامج المسابقات 🙂 .. أقول تضع اسم المرشحة في محرك البحث ليخبرك قوقل عنها ويعطيك رأيه بشكل مبدئي .. هذي (لسانها طويل ماتنفع ولو بريال ) .. وهذي أهلها ما يصيفون إلا في باريس وجنيف ( يعني كل صيفية بتطلع كل اللي حوشته ) .. وهذي ماعمرها مسكت ماوس في حياتها (جاهلة الكترونياً ) .. وتلك تعتقد أن الجمال هو كل شي في الحياة (24 ساعة قدام المراية وأنواع المكياج ) ، ومن المحتمل أن يمنحك قوقل إجابات دبلوماسية على شاكلة ( هذي كويسة بس ترى أصعب شي طبخته بيض عيون ) .. أو ( هذي ممتازة بس تصنف بأنها مدمنة أسواق لدرجة أنها تتعمد أحياناً تشتري ملابس بمقاس أصغر حتى يكون لها عذر في العودة للسوق اليوم التالي لاستبدالها ) .. كفانا وإياكم مدمنات الأسواق .
ومن الممكن .. والممكن جداً أن يضع قوقل خدمة جديدة للاختيار .. ضع شروطك والأشياء التي تريدها واجعل قوقل يبحث ، طبعاً لن يعرض لك الصور بكل تأكيد ولكنه قد يحيلك على خطّابات رسميات ( جمع خطابة )  أو يقول ( كلم أمك خلها تسير .. ولا تنسى تدفع 5 آلاف بالفيزا لحساب قوقل ان تمت الخطبة ) .. ليه لا .. يسويها قوقل

28 فكرة على ”قوقل يتحول إلى خطابة !

  1. ههههههههههههههههههههههههههههههههههههههههه
    والله اني كركرت من قلب
    اوقات احس عليك شطحات مو طبيعية 😀 خاصة البراجراف ما قبل الأخير
    عاد مين بيخطر على باله يدوّر على اسم فلانة والا علانة على القوقل خخخخ

    انتبه عاد لا يسمعوك قوقل ويعملوها وتشوف قوقل محرمة (في السعودية) لأنها تتعرض لأعراض الناس والمسلمين 😛

  2. يقول إيمان:

    ههههههههههههههههههههههههههههههههههههههههههههههههههههههههههههههههههههههه

    عجييييييييييييييييييييييييييييييييييييب …. ليش ما تقترح عليهم …. تنفع الصراحة 😉

    أييدك في إنه قوقل صار من أكثر المحركات البحث زيارة …. يعني في اليوم لازم أمر عليه لو حتى ما عندي أي شي أدور عنه ….. لكن سؤال … صار لك هالفترة وايد اتسولف عن قوقل و خدماتهم … يعني صحيح قوقل لهم الكثير من المؤيدين و المعجبين …. لكن محد سوى لهم دعاية مثلك!! ;)…متأكد ما لك نسبة من أرباحهم ؟؟ 😉

  3. يقول دانا:

    ههههههههههه
    الله يوفقك وتلاقي بنت الحلال اللي تسعدك ..بعد ماتنهي مخطاطاتك طبعا
    بس سؤال ….وش عندك ضد مدمنات التسوق 🙂

  4. يقول $:

    ههههههههههههههههههههههههههههههههه
    خووووش سوالف قريت البلوق ومعي مجموعه بنات تقطعنا من الضحك ..
    لا وكل وحده فينا فيها صفه من اللي انت ماتحبها قلنا عز الله اجل بتلاقي لك بنيه من اعمارنا
    وراح نتابعك الين تتزوج وتكتب لنا صفات عروستك;)

  5. يقول .....:

    هههههههههههههههههههههههههه

    ماااااااخبي عليك

    اني اسوي نفس الحركة

    احط اسم الخطيب !! واشوف وش يطلعلي

  6. يقول ميسي:

    انصحك بوحدة يابانية منها تكون كويسة الكترونيا ،اقصد خبيرة الكترونيا ومنها تتعلم اللغة اليابانية ،اضافة اخرى انك ستتعلم ان لايكون عندك اوقات فراغ وتواكب التكنولوجيا خطوة خطوة

  7. هالطريقه حاليا ً يمكن تفيد ع الأقل في معرفة امور عامه عنه/ـها .. :p
    بالتوفيق:) .

  8. خخخخخخخخخخخخخخخخخخ
    فكرة مجنوووونة يا خيو احمد لو تتطبق
    نستفييد حتى إحنا البنات عاد بعد مانصلي الاستخاره نسأل قوقل طيوب عصبي راعي سفر..الخ
    وبصراحة اعجبتني يوم قلت ( أن تكون مطلعة على النت بشكل كبير وليس سطحياً)
    للاسف مازال هناك أشخاص عكس ذلك…
    واستاسع صدري الله يوسع صدرك بالعافية
    وربي يوفق ويرزق ببنت الحلال انت وصديقك..

  9. والله حتى انا ما اتخيل انك عريس ..
    خلك بالدوام ورانا شغل بس ..
    واحس ماجد عبدالله بيعتزل وانت توك ما تزوجت 🙂

  10. أسماء : والله يسوونها ترى .. عاد الواحد كيف يتخيل الحين قوقل يحجب .. ياساااتر 🙂 ..

    إيمان :أنا لو يجيني واحد بالمليون كفاية من قوقل .. ويستاهلون لان المفروض الحين اسم النت (قوقل ) .. يعني الواحد يقول بدخل قوقل .. وبشيك على قوقل .. ولما يدخل فندق يسأل .. عندكم قوقل وايرلس 🙂

    جود : هذا الكلام 🙂

    أحمد : بس حوم كبدي لما قال تشبه هيفاء .. عسى ماشر خلصوا الحريم 😀

    دانا : ماعندي شي .. بس الواحد مو فاضي وجع راس وروحة وجية .. قلق

    $ : ماناقص إلا تقولون وتحط صورتها بعد 🙂

    ….. : عاد الرجال بيصير أسهل خصوصاً لما يكون له نشاط معين .. وعلى الأقل الصورة ، البنت الواحد يتعب يحصل معلومة بطرق بحث غير الاسم .. ويالله نحصل نتيجة 🙂

    ميسي : يابانية مرة وحدة .. لا يخوي ما احب اشكالهم .. أحس أحيانا أنهم آلات متحركة وحريمهم كنهم أفلام كرتون 🙂

    ليال : بالضبط .. يعني أمور عامة من بعيد لبعيد .. الواحد وش يبي أكثر من كذا

    أبو ريناز : وش دعوى .. قالوا لك ولد البطة السوداء 🙂

    ليان : اكيد .. لازم تكون مطلعة ونص .. ويكون لها نشاط بعد يكون أحسن .. بس وش فيهم راعين السفر 🙂 ؟

    مشغول : ليه يخوي ورى ماتتخيل طال عمرك .. تكفى تخيل .. يرحم والديك 😀
    طيب برضه أنا ما اتخيل انك بتعرس .. وش رايك 😀

  11. يقول سلطان:

    سلام يا سكره

    بهالدنيا ما فيه شي مستحيل …. حتى الهيل خلط بالزنجبيل … D:
    مستقبلا .. أتوقع الملكه تكون اون لاين على النت …
    تلقى المأذون عنده ويب سايت ويجمع البنت والولد في ميتينق وتضبط الملكه 🙂

    وبعدين يا ابو الشباب لا تغلط على اليابانيين … خلنا نضبط النسل السعودي شوي

    إلا وشو اللي تبي تنهيه إن شاء الله بنهاية السنة الميلادية ؟؟ D: خلك صريح بكل شي 🙂

    سلام يا جميل

  12. يقول نجد:

    وشفيهم الي يسافرون؟؟؟؟؟؟ما يبيله معلم
    بس فكره مجنونه وتستحق التنفذ

  13. يقول نوره:

    ” أجد نتائجاً في حال بحثت بطرق أخرى غير الاسم .. ( ولا تسألوني كيف 🙂 ) ”

    كيف يا أحمد ؟؟ 🙂

    زين وكيف الطريقة ؟ يعني اختبار على الاسم بس والا اشلون؟

    وترى غريبة طلبك في انها تكون مطلعة عالنت وبعمق بعد .. عفية عليك
    بس صدق يبغيلك توعي الشباب دام انك صحفي في مسألة إطلاع المرأة على النت وان يكون لها نشاط فيه،
    مع انه راحت علينا ، لكن المعروف انهم يرفضون ذلك وبشده وماخذين فكرة غلط.. الشاب من يعرف ان المرأة متطوره وتستخدم الانترنت يقول لأ مابغي ؟؟!!

  14. سلطان : هلا ابو السكاكر
    نضبط النسل باليابانيين .. من جدك 🙂 .. شف أوكي يكون النسل الآسيوي فيه مسحة جمال لكن عاد مو في اليابان .. قسم بالله كنهم بيكمون مدري حقين أفلام كرتون نسيت أساميهم 🙂 .. بعدين حريمهم من النوع اللي يحترمون الرجال بزود .. شوي وتصير شغالة .. وين حنا فيه 🙂

    اللي أبي انهيه بخليه سكتم بكتم .. وان تم صدقني راح تعرفه رغم اني ما اعرفك 🙂 .. بس بيجيك خبر

    انت ادع لي ان الله يسهل الأمور

    نجد : وش اللي مايبي له معلم .. ترى الأمور اللي شبخط بخبط صارت هنا زي برا وأسهل 🙂 .. يعني ماعاد تفرق اللي يطلع الشرقية ولا اللي يتعداها .. هالكلام مال قبل .. أما الحين لا .. وكلنا عيال قريه على قولة القايل
    وانا راعي سفر ولا عندي مشكلة .. ولو جيت بخطب ويقول أبوها انت راعي سفر ومن هالكلام .. بكب الشاهي في وجهه .. وش هالحتسي
    أجل بعد لا يقول شايف فوق سطح بيتكم دش .. وتكمل الدقة ونصير كننا عايشين 1408 أيام ماكان العالم حدهم بانكوك والقاهرة .. الحين العالم توعت والدنيا تغيرت والسفر صار له فن وذوق

    نورة : جتني ايميلات كثير تسأل عن هالنقطة .. مع اني قايل ( لا تسألوني كيف 🙂 ) ، الشاهد معرفة هواية المرشحة كفيل بإيجاد توجهها على النت .. والحين أمور البحث سهلة ومو زي أول ..
    نقطة البنت لازم تعرف النت .. اي لازم ونص .. واللي يقول غير كذا أنا – رغم احترامي وتقديري له – احس انه يعاني من جهل مطبق .. لأن المستقبل للتقنية والتكنلوجيا .. كيف راح يتوقع زوجة المستقبل تقدم وتعمل لعياله .. وله شخصياً ، لا وبعد لو حصل وتكون هكر بعد تصير الأمور أحسن وأحسن عشان أوقف موقع هاني والمحارب اللي صار يتغلى

  15. يقول نوره:

    ابشر راح نوقف لك موقع هاني 🙂

    معليش مره ثانية .. بس انت كيف تعرف هوايتها لما تبحث عن اسمها بالنت او شخصيتها
    تراك بتدخل اسمها الحقيقي لكن هي بتكون داخلة باسم مستعار او أقل شي اسمها مفرد بدون اسم ابوها والعائلة

    هذا شي والشي الثاني .. بس حبيت اوضح نقطة بالنسبه للشاب الي مايحب زوجته تكون متعمقة بالنت
    هذا لانه بيحط في باله ان النت وسيلته للتعارف سهلة .. فبيقول اكيد زوجتي كان لها علاقات ومن هالكلام.

    وهذا يحطها في موقف شبهه .. فتضطر المرأة انها تخبي هالشي عنه رغم انها واثقه من نفسها

    انا اعرف صديقة لي كانت تدير منتدى جميل .. لما عرف زوجها عصب وزعل منها في البداية
    ولكن بعدين صار فخور فيها ويقولها صرتي متطوره 🙂

    وتشوف احيان ناس مايخلون خواتهم يدشون النت ..

    فوجهات النظر للشباب جداً مختلفة .. ومن خاف سلم

  16. والله بتعرف فكرة, لازم نحكي مع غوغل…إنو ياخد عناوين الخطابات ببلدنا , وكل ما شاف حدا عم يدور على اسم بنات, يحط غوغل رابط لعناوين الخطابات :mrgreen:

  17. يقول SaDeEm:

    هلا بـ استاذي أحمد .
    😀 😀 موووب شينه والله ، ياااليت يسويها قوقل يوفر علينا 🙂 ، تصدق عاد أدمانا ع النت خلانا نصلح هـ الحركه 😎 إذا تقدم لي واحد أخذ اسمه الثلاثي من أمي حتى لو ماعندي نيه ع الموافقه كذا فضول لازم اسوي سيرش ع اسمه 😀 يعرف نت وإلا لأ مع اني رافضة فكرة الزواج بهالوقت إلا أن الفضاوه تجبرني ع الحركة 🙂 ..

    نتمنى من قوقل يسوي هـ الخدمة والله بيكسب عاد حنا قوقليين لازم نسير عليه كل يوم ويمكن بـ اليوم اكثر من مره واحنا واثقين في استشارته 🙂 …

    بـ التوفيق لك وإن شاء الله السنه الجايه نحصلك متزوج آآمـــيـــن …:)

  18. يقول سلطان:

    سلام

    أجل بنات اليوم … والله ما تعرف ولا تسوي ماء 😦

    لكن … الله يوفقك في الدنيا والآخرة

  19. يقول nOuf.a.s:

    ^
    ^

    ليش مين يعرف يسوي مويه 😐 !!!

    .
    .

    اخ احمد بالله كيف تدور باسماء ثانيه ؟؟ كيف لو سمححححححححححت ؟؟؟؟؟

  20. اللهـ يحفظلكـ الوالدهـ ويطولـ بعمرها

    وتتوفقـ باذنـ الله بما اخترتـ منـ مخططاتـ

  21. ههههههههههههههههههههه !

    أجل خلنا ندور لنا بنت الحلال 🙂

    يعطيك ألف عافية أحمد

  22. الحين امك الله يحفظها ما تدري انك ما تجينا الا متأخر تبي تزوجك يعني بتجي توقف عند الباب وتمشي 😦

  23. يقول مس فتو:

    ههههههههههههه

    نفس الحركة أسويها أنا وبشكل كبيررر ومع كل متقدم

    في البداية كانت ضحكة بيني وبين نفسي ولقيتها ذات جدوى اوب سهله 🙂

    اخيرا اقول الحيره دواها قوقل حبيب الكل ;)ق

    موفق يافتى،،

  24. أثاريني مو أنا لحالي اللي أسوي كذا .. 🙂 .
    مع الخطاب و غيرهم كل اللي أعرفهم أشيك عليهم بقوقل ومنها نوصل للوالد و الوالدة بعد 🙂

    المشكلة لو كانت مثلي و بحثت عنها بالثلاثي و مالقيت إلا أنها زوجة ممثل مصري لا و ما أحبه بعد 😀

التعليقات مغلقة.