وحدوا ايميلاتكم

شكراً لساعي البريد .. وش هالساعي اللي مايعرفه السعوديين أبد
أكثر ما يضايقني حينما أرغب بارسال (ايميل ) لأحد الأصدقاء هو التغيير المستمر وعدم الثبات على عنوان بريدي واحد ، عندما أرسل رسالة لأي شخص قد احتاج إلى حفظ عنوانه ولا أفوت فرصة إضافة إسمه إلى دفتر العناوين وخصوصاً في المواقع التي تسهل عليك هذا الاجراء مثل (الجي ميل ) ، لكن تبقى المشكلة كما ذكرت في البداية هي التغيير المستمر للعناوين ، فعندما يطلب منك هذا الصديق ارسال مادة أو ملف إليه وترسله طبقاً لايميله الموجود لديك في دفتر العناوين تتفاجأ باتصال ثان منه يطلب منك إرسال الايميل على بريده في الياهو .. ثم غداً يطلب منك موضوع آخر ولكن بأن يرسل إلى بريد الهوتميل .. وهكذا الحال دوران في حلقة  لا تنتهي من العناوين الالكترونية .. ولا تدري مالسبب .. لماذا لا يقوم هذا الشخص بتخصيص ايميل واحد لكل مراسلاته .. وكفى .. قد تكون هناك حاجة خاصة إلى ايميل الهوتميل بسبب الماسنجر لكن .. لماذا إذن ايميل ياهو وآخر في الجي ميل وثالث خاص بجهة العمل .. الخ .
هذه نقطة ، النقطة الأخرى الاختراعات العجيبة التي تتم في اختيار (يوزر الايميل ) البعض يوافق على اختصار اسمه الأول أو اختيار لقب واسم مستعار .. لكن هناك من يفضل كتابة اسمه بالكامل في بريده الياهو والهوتميل .. وهناك من تتوقع أنه يتفنن في تحطيم الأرقام القياسية لأطول عنوان بريدي وخصوصاً اذا كان اسمه مركباً على شاكله ( عبدالرحمن وعبدالقادر ) صدقوني تعاملت مع أشخاص يكتبون اسمهم المركب الأول ثم أسماء عائلاتهم .. بالله كيف يمكنك أن تراسل عنواناً كهذا .. هؤلاء كأنهم قد وضعوا عناوينهم كتحدي لأن تستغرق وقتاً طويلاً لكتابة العنوان .. أطول من كتابة الرسالة نفسها ، ماذا يمنع عبدالرحمن أو غيره من اختصار الاسم إلى ثلاثة أحرف ويتبعها بثلاثة أرقام مثلاً . ( rah747 .. مثلا .. qad855 ) .. أليس هذا أبسط وأسهل حفظاً وتسهيلاً على الآخرين ؟ ، عموما هذه هي الطريقة التي اتبعها في تسجيل عناويني البريدية ( ahm ) اختصاراً لأحمد ثم ثلاثة أرقام تليها والكثير من زملائي يحفظون البريد لسهولته ( سنراسلك على ahm204 مثلا .. ) وكهذا حتى تجد سهولة كبيرة في التعامل مثلاً خلال الهاتف أو ايملائه على شخص بشكل مباشر
وأيضاً يمكنك  الاستفادة من خصائص مواقع البريد ، فكثير من المواقع تسهل تحويل رسائلك إلى حساب آخر ، فمثلاً حينما تملك حساباً في ( الجي ميل ) وآخر في (الياهو ) ونظراً لضيق وقتك لا يمكنك دخولها جميعاً في وقت واحد .. إذن يمكنك تحويل رسائلك وبكل بساطة من الجي ميل إلى الياهو .. أي رسالة تصل حسابك في الجي ميل فستتحول تلقائياً إلى ايميل الياهو .. وبالتالي كل ماعليك هو فتح بريدك في الياهو ليكفيك عناء التشييك على كل حساباتك ويوفر عليك الوقت .. لن تستهلك سوى 5 دقائق لدخول حساب واحد وقراءة كل ايميلاتك بدلاً من دخولها كل على حدة .. الشاهد .. وحدوا ايميلاتكم  يا .. مال العافية !

24 فكرة على ”وحدوا ايميلاتكم

  1. ولله معاك حق ، المشكله لما تنسرق ايميلاتهم (صايره موضه السرقه!) فكل شوي نضيف ايميل ونحذف الثاني ..
    الطريف ان وحده من الصديقات تمتلك عدد هائل من الايميلات و أجد بريدي ملئ برسائلها من كل عنوان رساله شكل :)..

    اممم ..
    اخوي احمد ، انا لدي ايميل في الـ هوتميل و ايميل في الـ جيميل .. كيف طريقه جلب عنوان لاخر بدل ان افتح كل بريد على حده ..؟

    .
    .

  2. هع
    شكلك بتتكلم من قهر خخخخ

    راجعت نفسي لقيت إني مغيرة إيميلي يمكن 5 أو 6 مرات 😀 الهوتميل لحاله مغيرته 3 مرات والياهو مرتين والجي ميل أشوا من يوم ما فتحته ما غيرته خخخخ
    ليش عندنا ايميلات كثيرة؟ امممممممم مدري الهوتميل زي ما قلت عشان المسنجر الياهو كمان عشان المسنجر لأن بعض أخواني أو قرايبي عندهم الياهو وما عندهم الهوتميل
    اممم الجي مي ل عشان يستوعب ملفات كبيرة يمديني أرسلها للعملاء وصار لي فترة مطنشته

    عاد الايميلات أمرها هيّن
    كيف باللي يغيروا أرقامهم كل شوية 😀
    جات علي سنة غيرت فيها رقمي كمان 5 مدري 6 مرات 😀

  3. يقول نوندي:

    ايها المدون مالي اراك اليوم وقد تجاوزت اندفاعك المعهود بعض الشيء , المسألة تبقى في نظري اختيارية لصاحب البريد ولاضير في ذلك , ابعد عنك الكسل عند الارسال وستجد ان المسألة كما ذكرت لك حق اختياري لكل فرد منا

  4. أنا الحمدلله الياهو والهوتميل والجي ميل كلهم متشابهين جداً ..
    وطبعاً عندي ايميلات ثانوية لأغراض غير رسمية ..
    بس الفكرة هي مهمه خصوصاً لمن يتعاملون بالإيميل بشكل دائم

  5. يقول TMT:

    هلا

    يبقى الامر حرية شخصيه للشخص فيما يخص عنوان بريده الالكتروني , اما قضية التوحيد فاوافقك فيها , وان كان لدي 11 ايميل 🙂
    1 في الياهو
    1 في الجي ميل
    3 في الهوتميل (احدها نفس اسم البريدين السابقين).
    2 في البريد السعودي الجديد (احدهما يحمل نفس اسم احد ايميلات الهوتميل , والاخر نفسم اسم ايميل العمل)
    1 في الـ MSN
    1 ايميل العمل
    1 ايميل موقعي الخاص
    1 ايميل في احد المواقع

    هاه من يزود 🙂

  6. يقول دانا:

    ياكثر هالحركات …
    الايميل موضه …كل شهرين ايميل
    بس انا مشكلتي مع الاسامي ياليت يكتبون عبد الكريم عبد الله عبد الصمد ..الا يخترعون اسامي غريبه عجيبه
    وتعال احفظها او تذكر وش الدعوه من الاسم ..

  7. خخخخخخخخخخخخخخخخخخخخ
    اضحكني تعليقك ع صورة… وفعلا منهو ساعي البريد…!!!

    اما الايميل وانا وحدة مااحب شخص يلي عنده ايميلات كثيررهـ
    وخاصة اذا كان موب محتاج لهم بس كيذا ع الفاضي..
    وشخصيا من عرفت نت ماعندي غير ايميل واحد بالهوتميل فقط
    للمسجات وللمسنجر خواتي المتزوجات وصديقاتي ودكاترة بالجامعة والبنات يلي عرفتهم بنت
    يعني حق ابتـــااااع كله وللحين متمسكه فيه..
    مع اني اتعامل معه دائما بس ماقد فكرت اني اسويلي ايميل الثاني
    حتى مع الجي ميل يلي الحين الكل صار عندهـ ويستغربون صديقاتي مني يوم يسالوني واقولهم
    يكفيني هالايميل مااحتاج غيرهـ..
    ويمكن لان ايميلي شخصيا اعتبرهـ مثل رقم جوالي مو اي شخص اعطيه اياهـ..!!
    ويمال العافية خيو أحمد..

  8. pastel : السرقة نهضمها يعني نتقبل انه واحد يغير عشان ايميله انسرق .. يعني فيه سبب .. بس كذا كل يوم ايميل بدون سبب هنا ( في مشكل كبير ) …
    تحويل الايميلات يمكن يبي لها شوي شرح بس أتوقع لما تقلبين الجي ميل عربي وتروحين ( ضبط ) بتحصلين حاجة اسمها تحويل ايميل أو شي زي كذا .. واضح يعني مجرد تحطين ايميلك الثاني راح تتحول كل الرسايل الواردة عليه ..

    asma : أنا عاد بعكسك يمكن كل السنوات الخمس الماضية ما تعاملت إلا بثلاثة .. أول الهوتميل عشان الماسنجر ثم حولت للياهو من اجل السعة والترتيب والحين حولت على الجي ميل ، أوكي عندي ايميلات ثانية وكثيرة بس مخليها لتعاملات ثانية مثلا فيه ايميل خاص للتعاملات البنكية وغيرها وهذا ما استقبل عليه رسايل ولا أوزعه ، وفيه ايميل مثلا ( سبيل ) كل مابغيت أحمل حاجة من منتدى ولا شي وطلب التسجيل سجلت به .. لذلك أنواع السبام فيه ، وبرضه فيه ايميل خاص للماسنجر ثاني يعني الموجودين فيه محدودين جدا للأشياء الضرورية ، يعني صعبة اول ادخل بايملي اللي فيه أمة محمد وأجلس أسوي حظر 🙂 .. الحين هالمشكلة انحلت بإمكانية التحادث وأنت أوف لاين ..

    نوندي : أنا ما اندفعت ولا طالبت بشي ، مجرد انتقاد .. وأعتقد من حقي أنتقد .. ولا 🙂 ؟
    والقضية ياعزيزي مو كسل .. القضية قضية ترتيب يعني مثلا خالد س كل يوم مغير ايميله وانا ابغى ارسل له حاجة ضرورية ولا أدري وش الايميل اللي يشيكه .. فلازم تتصل وتشيك واحيانا فيه حاجة تبي ترسلها وقت مو مناسب .. ، وش اللي يمنع يكون له ايميل على الأقل معروف ويشيكه بين وقت وثاني ..

    مشغول :
    انت رايتك بيضا يابو المشاغل ، أحس لو برسل ايميل على cnn.com بحصل يوزرك موجود 🙂 ..

    TMT :
    وهذي تشيك عليها كلها يومياً .. مو صعبة ؟
    أنا ايميل الدوام محولة على ايميل حق الياهو .. يعني أشيك اثنين في وقت واحد

    دانا :
    فعلا كلامك صحيح ، مرة اضطريت ارسل ايميل لشخص وايميل ضروري يعني كان طول اليوزر حقه 14 حرف .. يعني مافيه أمل يمليه علي وانا في السيارة مثلا

    ليان :
    في النت الوضع مختلف ، يمكن تسيطرين على رقم جوالك ولا تعطينه لأحد إلا للمقربين ، لكن الايميل مثل السر .. ان جاوز اثنين ضاع 🙂

  9. يقول ROOGYz:

    انا رايي من راي نوندي …!!
    هاي حريه شخصيه خخخخ .. يعني انا ما سويت شي غلط .. مجرد غيرت عنوان البريد!!

    وانا من الناس اللي كل كم شهر غيروا ايميلهم!!!

    الجي ميل ثابت طبعا .. ومكتوب ثابت

  10. يقول ROOGYz:

    سقط سهوا::
    وايملي اللي حق الدوام بعد ثابت .. اما الهوتميل عندي قرابة الــ4 ايميلات!
    هد اعصابك واترك عنك الكسل :d

  11. رايي من رايك برضو – اتضايق من الناس اللي بالشكل هذا
    ولكن زي ما قالت أسماء برضو تبقى مشكلة الإيميل أهون من تغير أرقام الجوالات

    بالنسبة لي انا عندي ايميل واحد ومحول عليه كل ايميلاتي
    وعندي ايميل في الهوتميل من أول ما دخلت الإنترنت أدخل كل شهر وأعمل تحديد الكل وحذف – خايف يقفلوه لان ماسينجري عليه – مع العلم اني أصبح لا أطيق الماسينجرات كمان

    وعشان أكون صريح مواجه شوية مشاكل في ايميلي الوحيد في الياهو – وقاعد أعمل دراسة للتحويل على الجي ميل

  12. هاى انا ايمان عندى 12سنة ونص بحب انى اكون هنا وبحب الموقع دة ونفسى نكون اصحاب بس يا ريت بنات بس عشان حصل معايا موقف مبئتش اخد ايميلات الولاد دة ايميلى :EMAN_FREE89@YAHOO بس بليز بنات بس سنكس سلام

  13. هاى ازيكم شكرا يا احمد على التعلقك هو بجد مهم اوى اوى و يا رب نتعرف انهى ال بيسرق الايميلات انا ايميلين اتسرقو منى و الله بس انا مش عارفه اجبهم تانى يا ريت نشوف حل لهذا الموضوع شكرا جدا

  14. يقول عبدالرحمن:

    ابغى اختصار لأسم عبدالرحمن تكفون ضروري
    وشكرا

  15. انا اسمى سلسبيله اوك يااق قمرات من اسكندريه المهم ليه بيسرقوا الل ايميلات خلاص الكلام مقطع بعض لو عايزين يتعرفوا يتعرفوا عندهم الشات مش لازم السرقه بقى وقلت الادب دى انا بتكلم وانا مش بحب اصلا الشات عشان فى الااصل حوارت ونبى روحوا ذاكرو او اشتغلوا بدل الاارف دة

  16. اود ان القي تحيه على كل مشتركيي جيميل واقول لهم الي بسرق بروح الناااار ……هههههههههههههههها
    مع تحيات الزوووووووء

التعليقات مغلقة.