وش جاب هالدكتورة للسجن

على نياتها ههههه
من الحلقات الأولى من الموسم الأول لمسلسل (Prison Break ) لفت نظري طبيبة السجن ، المخرج برع في اختيار شخصيتها حيث تظهر بصورة شخصية فتاة عادية جدا جدا وتلقائية و من الوهلة الأولى ستقول بأنها (بنية حلال وعلى نياتها ) ، لكن حظها السيئ أوقعها بين هؤلاء المجرمين و (العرابجة ) ، تناغم خطير في أداء المسلسل وتناقض كبير بين أشكال المجرمين في سجن فوكس ريفر مع هذه الطبيبة ، وأذكر هنا الموسم الأول حين بلغت أعمال العنف أعلى درجاتها في السجن وحدث فيه اضطراب كبير كادت هذه الطبيبة أن تدفع حياته ثمناً لذلك .
الآن أنا تقريباً وصلت إلى منتصف الموسم الثاني ، ولازالت الطبيبة (الضعيفة ) مرتبطة بأحداث سجن (فوكس ريفر ) .. وش اللي ورطها بس 🙂 ؟

21 فكرة على ”وش جاب هالدكتورة للسجن

  1. يقول ٍســالم:

    اللي وصلني أنها كانت مقدمة على مستشفى الحرس الوطني وكانوا قابلينها لآخر لحظة بس بعدين النقيب نوندي تدخل بالموضوع وتوسط لوحده من أقاربة بدالها … والفقيرة حولها للمؤسسات الإصلاحية 🙂 … يالله خيرة

  2. يقول FaToOo:

    احمد الله يسلمك لاتحرق علي المسلسل اليوم بس بديت أشوفه 🙂

    أقتباس:
    (أحمد والله يانت عايش في العصر الحجري )
    أجل أنا عصر الديناصورات 🙂

  3. سالم : والله عاد هذي بركات نوندي 🙂 .. وش نسوي

    عبود : والله مافضيت أشوف الموسم الثاني إلا هالأيام .. ستين ألف فيلم ومسلسل ماندري وش نبدي

    fatooo : ماحرقت المسلسل ولا جبت أحداثه .. أنا تكلمت عن الدكتورة ( الضعيّفة ) 🙂

  4. يقول دانا:

    أنا أعتقد إنهم حاطينها تغيير جو عن العرابجة اللي في السجن ..
    وإذا إنت في العصر الحجري عشان توك الموسم الثاني …أنا الله يخلف
    للحين الجزء الأول ماشفته كامل ..يعني حلقات على الطاير .

  5. يقول سلطان:

    الصراحة البنيه هذي حبيته من أول نظره … باين من شكله إن بنت ناس

    لكن إدع بسلامة سكوفيلد … الصحيح إنه نشمي 🙂
    وتبي تعرفون بآخر الموسم الثاني … ما ودي أحرقه 🙂

    أحمد برايفت :
    ايه ترى العلامة ( أكبر من ) … والله يا أنا ما أعرف أوصف 🙂

  6. القهر يوم بحثت عنها بالنت ويوم شفت كم صورة لها مع زوجها
    تحسفت وقلت ان ذوقها بريالين .. زوجها شيييييييييييييييين والله القهر

  7. البنت ما عليها كلام ، وتبدو من اول وهلة على نياتها مثل ما قلت .. لكن البنت هذي سيكون لها دور جوهري جداً خصوصاً عندما … ولا تدرون .. ما في داعي احرق القصة 🙂

  8. نسيت اقول اني لم اشاهد سوى الحلقات الثلاث الاولى من الجزء الاول !!
    يعني انا من العصر الترابي ( ما قبل الحجري )

  9. لم أشاهد أي حلقة من الحلقات ..يبدوا أنني من عصر ماقبل البشرية 🙂

    أردت فقط أن أقول مدونة رائعة أستمتعت بتصفحها

    بوركت يمناك أخي ..أروى

  10. يقول رائد:

    زياده على كلامي السابق بحلقات المسلسل ابوها مثل اللي مو بعاجبه وضعها بالسجن!! وكان فيه كم موقف او بالأصح مشهد على هالنقطه..
    معجبتها الشغله يعني..!!
    احس اني ماسويت شي جبت كل الاحتمالات, رجعتك لنقطة البدايه وليه تشتغل بالسجن ؟!!

  11. يقول رائد:

    ادري طولتها بس اكثر شي مقنعها انها تستمر بالورطه اللي ورطت نفسها فيها هو وفاة ابوها وسر المفتاح..!!

  12. يقول رائد:

    اتوقع ان سبب عملها بالسجن ماضيها مع المخدرات..!!
    ولو تلاحظ فيه كم مشهد يبين ان ابوها معارض شغلها بالسجن..!!
    يعني معجبتها الشغله..!!
    اما سبب ورطتها معهم علاقتها مع مايكل سكوفيلد..واهم سبب في نظري خلاها تستمر بهالورطه وفاة ابوها وسر المفتاح..!!

  13. يت [ جت ] فترة هالمسلسل منشر بين أوساط العايلة والكل يشوفه ويتداولون أحداثه وأنه أفضل وأحلى وأجمل وأقوى مسلسل شافوه! ، مع ذلك ما انجذبت له ولا تابعته ، لذلك ما أقدر أرد على سؤالك ، بس أقدر أسألك أحد أفراد العايلة إذا كنت مُصِر على معرفة الإجابة! :d

  14. يقول مهـــــــــــــــــــــا:

    مساء الخير………..
    من فترة غبت عن مدونتك ولحظت شي على المدونة وحبيت اوصلة لك اعتبرها نصيحة حاسة طريقة كتابتك للمواضيع تغيرت مرة حتى اسلوب الطرح تغير وعناوين المواضيع ماتشد ابدا يعني نصيحة منى ارجع احمد القديم الى مواضيعة شيقة ومفيدة ومرحة ((((وقيمة )))ولو تغير الديكور شوي يكون احسن
    هذا رايي الشخصي ولأني من متابعينك حبيت انصحك
    وبالتوفيق

  15. دانا : والله جايز 🙂

    سلطان : حلوة بنت ناس .. شكلك ناوي تخطب
    بس لا تخرب علي ترى مابقى الا كم حلقة وأشطب 🙂

    مشغول : ولا يعني انت متحسف أجل ههههههه

    محمد الشهري : وش فيكم قلبتوا على جمال البنت .. أنا أقول على نياتها بسسسسسس يابن الشهري

    arwa : كل مانزلت في الردود كل ماشفت الناس تبعد أكثر .. اللي من المنتصف واللي ماشاف إلا الجزء الأول .. والشهري ماشاف إلا الحلقات الثلاث الأولى .. والحين انتي ولا شي

    رائد : بس السؤال تعارض شكلها البرئ مع المجرمين في السجن .. يعني شتان بين الاثنين

    تركي : مايمنع .. بس ترى المسلسل هذا ولوست مسوين شغل .. مايمنع تشوفهم 🙂

    مها : أنا ملاحظ ذلك ولكن الأمر ليس بيدي 🙂

  16. هالمسلسل ملاحقني وين مااروح !!
    بس اتوقع ان اللي جابها رجولها >>بدت تهايط خخخخخخخخخخخ
    يبدو اني راح اراجع حساباتي مع هالمسلسل اللي سلب كل انظار اهل السعوديه
    وانا عصري مثل عصر اروى

    استمتعت بمدونتك خيي
    وسجلني متابعه لك

  17. يقول ناصر:

    الود ودي اعرف النهايه هم ينسجنون ولا ايه بالضبط لأني شفت آخر حلقة لما ترك سكوفيلد اخوه على القارب ولا ادري ليه

  18. يقول سامي:

    تكفى يا احمد قولي كيف احمل المسلسل لأني عجزت وانا جربت كل الطرق ومافي فا يدة وشكرا

التعليقات مغلقة.