سواقنا .. طاش ماطاش

قد أكون أحد أكثر من فرح على مستوى العالم يوم أمس حينما اتصل مكتب الاستقدام معلناً وصول السائق الجديد ، فمنذ رحيل السائق السابق وأنا أحمل عناء جزء من مشاوير المنزل ومن لا يعرف الرياض جيداً فأقول له بأنها المدينة التي تقطع فيها أكثر من ساعة لمشوار بسيط لا يستحق سوى 10 دقائق نظراً للازدحام الكبير .
ليس هذا بموضوعنا ، فمنذ أن دخلت المكتب وأنا أشبه مايكون بمتقدم في مشروع خطبة ، أتطلع لرؤية السائق الجديد شكله .. مستوى نظافته .. طريقة كلامه خوفاً من أن يكون به عيب يعود بنا إلى نقطة الصفر مع المكتب ، للأسف أن الوالد طلب هذه المرة سائقاً من الهند وليس كما اعتدنا بأن يكون لأندونيسيا وذلك لأن مكتب العمل الأندونيسي قبل فترة كان قد اغلق الاستقدام لإملاء شروط ( لم تجد قبولاً بعد ذلك ) ، لذا فهي المرة الأولى لنا بتجربة عامل هندي أو بمعنى أصح سائق هندي .
المصيبة الأولى قدمها لنا مدير المكتب وهو ينادي ( يا أحمد .. تعال شوف كفيل مال انتا ) ، يادي المصيبة .. اسمه أحمد .. لا يكون عنده موقع بعد اسمه ( أحمد دوت قرقر ) ، لا يهم من الوهلة الأولى كان شكله مقبول رغم  أن ذوقه في ارتداء الملابس كان تحت الصفر حيث لا يوجد أي تقارب .. بني مع أحمر مع أخضر وجاكيت أسود وجزمة زيتية .
عند اتجاهنا للمنزل بدأت أعطيه بعض التعليمات المبدئية .. قيادة فوق 100 ممنوع ، لا تقد في المسار الأيسر أبداً إلا حين التجاوز .. التزم بالإشارات الضوئية .. الخ الخ من التعليمات ، كان طوال الطريق يهز رأسه يمنة ويسرة .. ( أنا في معلوم .. أنا أول شغل 6 سنة كله طريق معلوم ) .
بعد راحة دامت 24 ساعة خرجت معه لقيادة سيارة الأهل في تجربة ، ويبدو أنه لم يصدق خبر كما يقولون .. رغم أننا في شارع داخلي داخل الحي لا تمر فيه السيارات إلا نادراً إلا أن صاحبنا بدأ أولاً في إشارة الانعطاف كما لو كنا نمثل برنامج سلامتك .. ثم أخذ يتأمل طويلاً طويلاً في النوافذ الجانبية من باب ( شفني تراني أتأكد من المرايا ) وحين انطلق كان عليه الانعطاف نحو اليمين .. فأبدى إشارة الانعطاف بيده اليسرى فيما يده اليمنى تغير السرعة وهكذا حتى وصلنا إلى الشارع الرئيسي وطوال الوقت كان يضيع في إشارة نحو اليمين ومثلها نحو اليسار ، تذكرت حينها حلقة طاش ماطاش التي كانت تتمحور حول السائق الجديد ، المشكلة بأنه لا يعرف شوارع شمال الرياض ورغم ذلك كل ماحاولت أن أحفظه اسم الشارع ( شارع عليا .. طريق ملك فهد ) كان يقول ( معلوم .. معلوم .. أنا برضه معلوم بديعة ) .. يادي النيلة على البديعة اللي كل شوي جايب طاريها .
أخذت ورقة وقلماً أكتب له اسماء الأحياء .. حينا هو النخيل .. بجانبه المروج وخلفه المصيف .. ثم قلت ( ايش فيه بعد مصيف ) .. قال بسرعة بديهة ( نسيم ! ) .. وعندما عدت مرة أخرى للمروج سألته ( ما الحي الذي خلفنا ) قال .. ( دخل محدود ) ووالله هذا ماحصل  ( مدري يستهبل ولا شكله منتهي ) .
كل هذا ( في كوم ) وعند عودتنا للمنزل ( كوم ثاني ) ، حيث توقعت بأن يعرف شكل البيت بمجرد دخولنا الشارع الفرعي إلا أن استمر في القيادة دون توقف ( مدرعم ) وعندما سألته ( لماذا لم تتوقف ) رد .. ( أنا يبغى يشوف أخو مدام مال أنا .. في بطحاء ) .. وش بطحته على قولة الحيان طاعون يشق بطنك 😀 .

14 فكرة على ”سواقنا .. طاش ماطاش

  1. يقول إيمان:

    هههههههههههههههههههههههههههههههههههههههههههههههههههههههههههههههه

    الله يعينك أخوي …. طلعت لك شغلة يديدة >> “مرشد السائق الجديد” 😉

    بصراحة فلة هالسواق … كل ما غلط غلطة عرف كيف يطلع عذر من جعبته

    الله يرزقكم خيره .. و يكفيكم شره إن شاء الله

  2. يقول fatooo:

    هههههههههه ضحكتني وانا عندي اختبار….
    بس من جد سواقكم سالفه….
    والله حسيت بشعورك يوم تروح للمكتب عشان تستلمه….
    احسه شعور لايوصف…احنا عندنا نفس المشكله أسنع خدامه في البيت سافرت قبل 6 شهور والى الان ولا وحده فيهم عوضت غيابها وكل مادق تليفون البيت نقزنا انا وامي ولسان حالنا يقول:
    أكيد الشغاله وصلت …أكيد المطار…

    عموما الله يطعمكم من خيره ويكفيكم شره….

    من زمان عن سوالفك…..

  3. يقول asma:

    لي كم يوم وانا اقول اش فيه الرجال ماله حس ولا خبر اتاريك تلفلف بين الشوارع 😀
    حقيقي الله يعينكم 😀
    ما كنت أدري ان شغلة السواقين تحتاج لكل هدي المشاوير على بالي يجي فاهم الدنيا زي الليموزين خخخخخخخ

    الحمد لله للآن ما عانيت من هدي المأساة بس كان علي تعليم الغالة شوية شغلات وخلاص وهنا الحمد لله اسوق بنفسي مع اني كنت افكر في سواق لمشاويري الكثيرة بس دام انها كدا هونت والله..
    مع ان زحمة كوالالمبور ما راح تكون اقل من الرياض بس على الأقل الـ LRT والـ subway هنا دورها 🙂 >>> تدق وتقول عقبال عندكم 😀

  4. ………… المشكله يروح الغباء بداهيه والنسيم ( بقريح ) والبديعه بمصيبه لكن المصيييييييييييبه اسمه أحمد لو أنا منك كان ( انتحرت ) يعني غباء ونيم وبديعه وكله باسم أحمد … كبيره بحقك ههههههههههههه === امزح

  5. يقول منال:

    ههههههههههههههههههههههههههههههههههه
    هههههههههههههههههههههههههههههههههههههههههههههههه

    والله ان السواقين سالفتهم سالفه 🙂

    صدق الله يكون بعونكم .. احنا عندنا سواق اندونيسي من عشر سنين ..

    وتشوفنا متمسكين فيه كلنا هههههههههههههههههههههههه

    صاير كنز يعرف كل الاماكن وحتى صرنا نسافر فيه 🙂

    الله يخليه سواقنا لنا .. ويعطيكم خير سواقكم ويكفيكم شرهـ 🙂

    تحيتي لك احمد ..،

  6. ******
    فهد
    ******
    وش حوارينا ؟

    ******
    إيمان
    ******
    عموما هاليومين اشوفه انضبط شوي وصار يفهم .. شكله كان يستهبل أول ما جا

    ******
    fatooo
    ******
    واذا كان فيه اختبار يعني مايجوز الضحك 🙂 ؟
    حياك الله

    ******
    asma
    ******
    اي والله شغال مدرس قيادة ..
    هو المفروض يجي فاهم بس بعضهم يستهبل ويسوي نفسه مايفهم عشان مايكلف بأعباء كبيرة
    السواق اللي كان قبله كان يدل في الرياض احسن مني

    ******
    سديم
    ******
    والله هذي المشكلة اجتمعنا في البيت عشان نحلها .. يعني صعبة أنا أحمد والسواق بعد أحمد .. قلق بصراحة
    مازالت الحلول طور الدراسة

    ******
    منال
    ******
    والله السواق المضبوط عملة نادرة ولو كان الأمر بيدي كان سويت للسواق اللي قبل اللي يبي مقابل انه يجلس حتى ولو كان زيادة راتب

  7. هذا يا احمد خذ بالك منه وانتبه ..
    السواق مادام يعرف الدخل المحدود والبطحا من أولها فأكيد هو عازم على الهروووووب .. صدقني انا لي تجارب مؤلمه مع هذه النوعيه وسبق وهرب من عندنا سواقين (2) هنود .. بس حاول تمسك الاقامه وتخليها معك وعطه صوره منها .. احتياطاً ..

  8. أحمد

    أكثر واحد فرح ان السواق وصل هو انا !!
    كل يوم وانت تشتكي لي من هالمكتب ما دقوا
    يقولون الاربعاء بيجي , يقولون بيتأخر مالقوا تأشيره
    اهم شي وصل ما يهمني الا انك تفكني من سوالف المكتب 🙂

    على البركه وكلهم بالبداية خرابيط بعدين يعجبونك
    خاصةٍ لما ترخي ريالك وتوصف له مطعم هندي قريب من بيتكم

    🙂

  9. ******
    محمد الشهري
    ******
    والله شف السيطرة على السواق ماهي مثل السيطرة على الشغالة ، يعني الشغالة اوكي ساكنة في الملحق العلوي ومن الصعب انها تهرب لكن السواق ساكن في الملحق اللي تحت يعني مايحتاج تفكير .. الإقامة أوكي معانا على طول بس عاد النحشة فيك فيك

    ******
    مشغول
    ******
    ايه لأنك ماجربت تقوم الساعة 6 وتودي عيال اخوانك لمدة اسبوع ثم ترجع تنام لأن دوام الجريدة بعد 10 .. قمة القللللللق
    بعدين لازم اسولف لك في المكتب عن همومي يااااااااخي ولا مانصير زملاء عمل
    احكي لي وأنا أشكي لك

    وتبي الجد مواري هالسواق الى الآن ماشي حالها .. يعني سيارتي ينظفها بطريقة أحسن من السواق اللي قبل بشكل كبير لدرجة واحد من الشباب ركب معي أمس وسألني ( أنت ملمع سيارتك ؟ )

    يرجال ربك يسهلها على هيك شوارع وهيك سواقين

  10. يقول SaDeEm:

    هلا والله بـ الاستاذ أحمد 🙂 ..
    اخبارك يااستاز 😀 عامل ايه .. إن شاء الله تمااام .

    بـ النسبه لسواقكم هذا عطني ياه بس 3 ايام لـ رجعه لك حافظ الرياض اباً عن جد 😀 —->> مدرسة سواقين خخخخخخخ
    ع قولة المصري سواق جداني يقول انتِ لو نجيب لك نعج هيطل قدع 😎 ..

    اجل مايعرف الا البديعه والدخل المحدود والنسيم ! شكله كان سواق عند ناس بـ البديعه واهلهم موزعين ع الدخل والنسيم 😀 ، وعيب هـ السواقين اللي سبق وان ساقوا فـ المملكه انهم يعرفون البطحاء وعندهم اصدقاء فـ بيصجونك كل خميس وجمعه بينطون هناك 🙂 ..الحمدلله انا مابعد جانا سواق يبي يروح هناك والا كان صارت علوووم .. لان بـ صراحه ضد تجمعات السواقين تحسهم يخربون بعض 😀 .

    يكفي الحين إذا تجمعنا بـ الاستراحه والسواقين تجمعوا مع بعض قام كل واحد يطلع فضايح العائلة اللي يشتغل عندها ويعلمهم عن مشاوير الاسبوع لاننا للاسف كل اسبوع نجتمع فصاروا متعودين ع بعض ويتشوقون لـ يوم الخميس ! وتلاقهم بعد يعرفون اشياء انت ماتعرفها عن اهلك 😀 داااهيه هـ السواقين

    اتركك من هذا كله وتعال لـ مصيبه اذا كان بـ البيت الواحد سواقين تشوف يمونون ع بعض كل واحد يذب الشغل ع الثاني ! والا يفتنون ع بعض مشااااااااكل ، مثل مابين الشغالات مشاكل بين السواقين مشاكل وصعبه نستغني عن الخدم لانهم جزء من حياتنا 🙂 .

    سوري ع الاطاله فـ هالموضوع لكن السواليف عن السواقين كثييييره & من زماان عن موقعك 🙂 ..

    See Ya

  11. مرحباً سديم
    والله السواق إلى يومك وهو عاجز يدل طريقة الرجعة للبيت .. شكله سبيكة بس عاد وش نسوي على الأقل شي أحسن من لا شي ، بعدين سالفة الفضايح .. يعني وش بيقول .. حده يودي الوالدة لسوق ولا عزيمة ولا مشوار قريب .. مافيه شي ينخاف منه يقول اللي بدوووه يقول .. خصوصاً وانه ساكن في الملحق ولا يدري عن البيت ..

    الشاهد فكرة الدروس الخصوصية للسواقين مهيب شينة

  12. يقول hot chocolate:

    looooooooooooooooooooool
    مصرقع انت وسواقك
    عموما امسك حمارك لايجيك اللي احمر منه
    نصييييحه

    بلاك ماشفت الي عندنا

  13. يقول saudi-girl:

    سلااااااااااااام عليكم

    فيه فرق بين اسمك واسمه انت احمد وهو اهمد يعني هانت عليك

    شو شايفتك عم تحكي شامي احلا لهجة عندي
    بالنسبة للسواقين والله حااله سواقنا السوداني قلللللق بجد هو ساكن برا بيتنا واذا اتصلنا عليه نقول له تعال يقول بعيد بعيد قصدة مراح اجي وش تبغون انتم مني والا اذا حطنا بسوق ولا اي مكان نقوله لا تروح يقول اوكي اوكي ماشي ويدززززززز ولا نشوف وجهه ونتصل عليه نقول وينك قريب قريب ويلطعنا ساعة نص ساعه على حسب مزاجه…… واذا وصل على بركة الله لنا وجينا نركب ما يوقف يهدي قصده اركبوا والسيارة تمشي مدري وش شايفنا يعني بجد قللق والصبح اذا جا بيودينا للمدارس ايام الشتاء يندفن جوا جكيته ويمشي بهدووء باااارد ويعاند وحالته حاله وكل ماطلعنا سيارة يعدمها لعانه بس كذا
    طبعا ما صبرنا على هالوضع قلنا لابوي عاد هو قدم لنا على هندي ووصل بدري الحمدلله قعد ابوي شهر يدربه على الشوارع اللي غالبا ما نروح فيها ولا فيه فايدة واذا جا بيوقف ما يوقف زي الناس يظغط فراام بقوة يخلي اللي وراء يسفطون كلهم قدام
    بعدين في مشكله ثانيه في سواقته ما ينتبه لليمين كثير لانو الدركسون في الهند عل يمين
    والحين الحمدلله بدا يتعلم وصار يسكتنا اذا جينا بنقوله وين نبغا نروح قصده تراني فاهم مو غبي والمصيبة انه بيننا وبين زوجة ابوي الثانيه فهم ما يخلونه يسألونه وين يروحون وهو وش يدريه يعلمهم فقعدنا ساعه نفهمه لا تقول شي لو سألوك قال اوكي وكنا راجعين من مستوصف قاموا اخواني من ابوي اتصلوا عليه قالوا وين وديتهم قال بكل فخر: مستوصف……….. طبعا ما قلنا له شي قعدنا نضحك عليه

    سوري احمد استحليت الموضوع بس بجد السواقين على ولا اقدر اذكر كم مره صدم بنا ولا كم مره وقفونا الشرطه
    خلوها عالله

    سلام واسفة على الاطاله

التعليقات مغلقة.