مستشفى بلا ترخيص

ابو مصير
 قبل أيام كنت في حديث ودي مع مجموعة من الزملاء حول الأخطاء الطبية الشنيعة التي تحدث في المستشفى السعودي الألماني الذي افتتح في الرياض قبل سنوات قليلة ، كان مصدر الاستغراب هو أن المستشفى مليء بأطباء من جنسية عربية وحيدة احتكرت كل المناصب والمهام بشكل مبالغ فيه تحت إدارة ضعيفة لم تستطع أن تجلب أي نجاح لهذا المستشفى ، أحد الأصدقاء أحضر زوجته الحامل إلى المستشفى وهي تعاني من اعياء بسيط ، يقول بأنه تفاجأ بأن الأطباء قرروا إجراء عملية قيصرية فوراً رغم أن زوجته كانت تتحدث ولم تكن تعاني من مشكلة كبيرة ، صاحبنا غضب من هذا القرار وحمل زوجته إلى مستشفى دلة ، يضيف بأنه خلال خمس دقائق كان قد خرج من المستشفى مع زوجته بعد أن تم إعطاءها أبرة أنهت المشكلة وبسهولة تامة ، وقد تمت الولادة بشكل طبيعي وسلس بعد تلك الحادثة بشهر تقريباً .
أعود إلى حديثي مع الزملاء حيث تفاجأت حقيقة من أحد المقربين من المجال الطبي وهو يؤكد بان المستشفى الألماني لا يملك ترخيصاً للعمل .. فضيحة بجلاجل .. مستشفى وبهذا الحجم يعمل دون ترخيص .. أين الوزارة .. أين المسؤولين .. أين وأين .. ايش الملطشة هذي !

13 فكرة على ”مستشفى بلا ترخيص

  1. هلا صقيقي ..

    بصراحه انصدمت بالخبر هذا معقوله هالمستشفى والسمعة المعروفه عنه
    وبالاخير بلا ترخيص !!
    والله مهزله ما ادري شلون مرت على وزارة الكحه !

    ياما في الدنيا عجايب يا صحبي 🙂

    شكراً على فضيحتهم ويارب ينفضحون كمان وكمان …

  2. يقول د.صاعد:

    يكفيك اللي يشتغل في الصيدلية ياهو ثقيل دم بعدين لاتنسى اخواننا المصريين اذا تجمعوا في مكان واحد كثرة بلا بركة

  3. يقول جوري:

    بلااااااااااااااااا ترخيصصصصصص؟؟؟؟؟؟؟؟؟!!!!!!!!!!معقوله مستشفى بحجمه من دون ترخيص هل وزير الصحه ماسمع بهالمستشفى ؟ والله لو ان وزاره الصحه صقها ماتسمع قد سمعت بلالماني
    يليت اهلي يقرون كلامك ؛؛لما نتعب مايودوننا الا لهم على بالهم انه احسن شي ؛
    لكن في الاخير في الاونه الاخيره سمعت كثير حالات تسبهم وضيعتهم بسس بسيط وهو

    خطاء طبي
    موضوع حلو

  4. يقول إيمان:

    ؟!؟!؟!؟!؟!؟!؟!؟!؟!؟!؟!؟!

    بلا ترخيص مرة وحدة !!!
    مستشفى بالمستوى هذا و مع كل الإعلانات اللي تعلن عنه يكون مستشفى بلا ترخيص!!!
    صحيح إني ما شفته و لا دخلته و لا أعرف أصلا محله من الإعراب في خارطة السعودية .. لكن أي مستشفى هذا يعلن عن عمره و هو بلا ترخيص ؟؟!! هي وحدة من ثنتين … يا إنها اشاعة في غير محلها … يا إنه المستشفى يلعب عالمكشوف و الوزارة نايمة على ودانها على قولة اخوانا المصريين.

    أقول .. أخاف باجر يقولون إنه الصحفي أحمد هو صحفي بلا تصريح 😉

  5. يقول :):

    لووووووووووووووووووووووووووووووووووووووول
    اجل بدون ترخيص؟
    يضحكون والله خير ان شاء الله ؟ وش هالتسيب؟
    اشوا اني توني ادري انه فتح بالرياض كااااااااك
    هذا وهو كبير ومشهور اجل المستوصفات الصغيره وش يطلع منها؟
    شكرا على هالمعلومه الجميله

  6. بصراحه مااستغربت خبرك ياأحمد …. لان وزارة الصحه نايمه وماتدري عن الدنيا …. والله يستر عليه الوزير المانع شكلا لا مضمونا !!!! يعني المستشفيات الي في القرى ماتوصلها المأونات الطبيه مثلا سمعت ان المستشفيات في منطقه الجوف المرأة اللي بتولد هناك لا زم تشتري خيوط وأدوات الطبيه من برا للمستشفى !!!!! لا حظ مستشفيات حكوميه اجل الخاص وش بيسون !!! يعني الحال يبكي صراحه وجيت عالجرح …

    وشكل بعدين راح تكون مستشفياتنا مثل المول في الرياض من كثرها ==== بحكم التراخيص بالمجان 🙂

  7. شيء مضحك ومحزن بنفس الوقت أحكيلك عن مستشفى عندنا في سوريا عين الموظفين فيها قبل أن تبنى وكانوا يصرفون لكل موظف راتب شهري على أساس أنه يداوم في هذه المشفى فما رأيك يا أخي

  8. ******
    مشغول :
    ******
    اي سمعة يابو الشباب 🙂 قد سمعت احد مادحه ؟

    ******
    د.صاعد:
    ******
    والله عاد ماحط بذمتي شي .. ثقيل ولا خفيف ترى ردك يعبر عن وجهة نظرك ولا يعبر عن وجهة نظر المطبوعة 😀 .

    ******
    جوري :
    ******
    لا هم يدرون اكيد .. بس عاد ما باليد حيلة
    المشكلة ميزته انه دايم فاضي 🙂 يعني اللي بيروح لدلة ولا الحمادي كنه يراجع مستشفى الشميسي من الزحمة

    ******
    إيمان :
    ******
    بلا ترخيص ثلاث مرات 🙂 .
    المشكلة انه مو الشي الوحيد اللي يمشي بلا تصريح .. والناس كلها عارفة
    سليمان اخوي قد ساق بدون تصريح ولا صار له شي 😀

    ******
    : )
    ******
    اليوزر متعوب عليه ..
    المستوصفات الصغيرة قصتها قصة .. لو فيك كحة يبي لك تجيب خيشة تعبيها ادوية .. لا وينصحونك بالصيدلية اللي تحت أقرب 🙂

    ******
    سديم :
    ******
    امممممممم هذي مشكلة ثانية ، والدولة عموما في توجه بعدم مجانية العلاج من خلال نشر المستشفيات الخاصة لأن التأمين الصحي راح ينهي كل هالمعضلة ، يعني كل شخص يأمن صحياً ويعالج في أي مستشفى خاص بالتأمين ، بالعربي اتوقع تنتهي المستشفيات الحكومية خلال سنوات وابقائها على مستوى بسيط جداً لغير القادرين على دفع التأمين ، وبصراحة التأمين أريح وأسهل ويجب أنه ينظر له شرعياً مثل ماسووا لتأمين الرخصة واللي حل كثير من المشاكل .. يمكن اطلع بالرد هذا لموضوع خاص قريباً .

    ******
    هارون :
    ******
    شف .. ولا تزعل علي .. سمعتكم في سوريا مثل مصر من خلال هالتلاعبات ، وللأسف حنا في المملكة في الآونة الأخيرة ناس كثير ودها تقلدكم وتصير زيكم .. ومافيش حد أحسن من حد ، ان ماصار فين أنظمة قوية راح يتدهور الحال أكثر

  9. يقول asma:

    الله يعينكم والله الحالة المفرو ما ينسكت عنها
    ما أنكر ان ماليزيا فيها مراكز فيها نوع من التسيب لكن نبني مستشفى بدون تصريح فهذا مستحيـــــــــــــــــــل
    أشوفهم هنا حتى السوق الليلي عليه تصريح وهو الكشك الواحد ياااااااااااااااااالله متر في مترين!!

    كله كوم والمستشفيات الحكومية في مكة والله شي يبكّي صراحة..
    مرة دخلت مستشفى الولادة رحمت الناس اللي فيه حتى سلالم المستشفى مكسر أجزاء منها!!
    والمبنى كله مافيه الا أصانصير واحد! طيب لو كانت فيه حالة مستعجلة اش تسوي الممرضة
    تطامر في السلالم المكسرة ويمكن ينكسر لها ضلع والا تاخد سرا في الأصانصير؟! >> سؤال يسدّح نفسه:D

    مشكور أحمد

  10. يقول أبو عبدالملك:

    أكيد فيه لبس في الموضوع..

    مهيب معقولة مستشفى بهالحجم يعمل بدون ترخيص !!
    يمكن فيه أشياء ما نعرفها

    أما إذا صدق.. فهي فضيحة للدكتور المانع الذي (لا يفتأ) يرزز خشته في كل جريدة..
    واستغرب سكوت الصحافة عنها..

  11. يقول ljhfu:

    شكر لك على الخبر ولكن الاخطاء الطبية تجدها في جميع مستشفيات العالم لان الطبيب بشر في نهاية الامر ولكن المشكلة هنا ان من يقع في الخطاء لا يحاسب والمثل يقول من امن العقوبة اساء الادب
    ثانيا مستشفى بهذا الحجم وممول من قبل وزارة المالية لا اتوقع ان يكون بدون ترخيص مع احترامي لمعلوماتك التي استقيتها من وكالة يقولون
    مع فائق احترامي

  12. اخوي / أحمد …
    تكلمت عن وضع مستشفى معروف كالألماني والمشكله أنه الآن ما تجي المشاكل إلا من المستشفيات الكبار … اجل الصغار كيف حالهم … لاحظ هذا حال المستشفيات الخاصة المعروفة …
    كيف بالحكومية اللي يروحها الناس البسطاء – المحتاجين – لان المستشفيات الحكومية رغم جودتها إلا أنها مملة بسبب مواعيدها اللي ماتجي إلا بعد قرن …
    تصدق أن الممرضين والممرضات لا عبين لعبتهم في مستشفياتنا الحكومية لعب على أصول … كيف بالرووووووس الكبيره…
    سعدت بقرآءتك …

التعليقات مغلقة.