هل مازال هناك أغبياء !!

 

حقيقة أكثر منظر يثير حنقي حينما أرى أشخاصاً ينطبق عليهم صفة (الغباء)، لا ألوم ذوي القدرات العقلية المحدودة فهؤلاء حينما يقومون بحماقة ما فلا لوم عليهم، لكن اللوم على من يظهر بحال الأسوياء ويدعي الذكاء في أحايين كثيرة .. لكنه يقع في مطبات الغباء بكل وقاحة، تعالوا لنأخذ أمثلة على ذلك ..

* مشاريع التايم شير : رغم أن الفكرة قد تكون مطبقة فعلاً في دول عديدة، إلا أنها أصبحت ملجأ لهواة النصب والاحتيال في الدول العربية وأخص بالذكر هنا جنسيتين عربيتين جعلت هذه المشاريع للمحتالين فقط رغم أن الفكرة كما قلت مطبقة وناجحة في بعض المؤسسات الكبرى لكن المصيبة أن (الأغبياء) هنا يتقبلون الفكرة من مجرد متسكع في أحد الأسواق ليستضيفهم في اليوم التالي مطالباً إياهم بدفع مقدم 15 ألف ريال مقابل الحصول على منتجع في شرم الشيخ اسبوع كل سنة .. والمصيبة أنه في ناس تدفع .. ثم تتباكى في اليوم التالي بعد اكتشاف أن العملية مجرد (نصبة) كبيرة أد كده !
*مساهمات العقارات : بربكم .. هل رأيتم مساهمة عقارية تنجح وتحقق عوائد مجزية ؟ .. باستثناء الشركات الكبرى المعروفة لا أتذكر يوماً أن هناك شخص قد ساهم في مساهمة عقارية ثم ربح أضعاف مادفع كما يدعون في إعلاناتهم .. ملايين تضيع وتسرق من أناس هبوا لتلبية الاعلانات التجارية طمعا في الكسب السهل السريع، في كثير من الأحيان أن النصاب الكبير مدعي المساهمة العقارية يتحصل على مبلغ من خانة (المليارات) ثم يهرب مغادرا البلد ليتوزع بقية المساهمون في وسائل الإعلام متباكين ومطالبين بالتدخل لإنقاذ (أموال اليتامى والأرامل)، رغم أن الصحف تنشر عشرات الحالات من النصب في هذا الجانب إلا أن المساهمات العقارية تطرح بين حين وآخر وتجد من يدفع فوراً، جرب واكتب في (جوجل) جملة (مساهمات عقارية – مساهمة عقارية) وتأمل حال المساكين !
* المتسولون عند الإشارات : أكثر ما يستفزني عند الوقوف أمام الإشارات المرورية في حال صادف وجود متسولين، أن يقوم بعض المساكين والسذج في التصدق والدفع بمبالغ كبيرة لهم، حقيقة أرثي حالهم كثيرا لأن في داخلهم بذرة خير وحب مساعدة لكنها توظف في الطريق غير الصحيح، لا أدري هل هؤلاء لا يقرأون الصحف أو يستمعون في المجالس عن حالات النصب وتهريب المتسولين من دولة قريبة من المملكة، ألم يفكر يوماً بالتوقف عند الإشارة ومشاهدة كيف أن هؤلاء المتسولين ليسوا سوى مجرد عصابات يتم توزيعهم من (الرؤوس الكبيرة) أمام التقاطعات الكبرى، لنفرض أن المتسول يحصل على 50 في الساعة الواحدة (رغم أني متأكد بأنه يتحصل على مبلغ أعلى) ولنقول بأنه يبقى أمام الإشارة نحو 5 ساعات .. هذا يعني بأن دخله اليومي 250 ريال فيتحصل في الشهر الواحد على 7500 ريال .
ياعزيزي ان كان لديك نية في التصدق في العملية سهلة جدا كل ماتحتاجه بطاقة صراف آلي ثم الوقوف أمام أي جهاز والتصدق للجهة التي ترغب .. جهات منظمة معروف منهجها ومعروفٌ آلية عملها.. بل يمكنك أن تقوم بالدعم من خلال موقع البنك الالكتروني، في رمضان الفائت غبطت أحد الزملاء في الدوام كان يبدأ يومه بدخول موقع البنك ومن ثم يحول لمؤسسة تعنى بتفطير الصائم في الحرم المكي مبلغ 50 ريال (كل يوم) وأترك لكم مدى تخيل الأجر الكبير الذي يتحصل عليه .. قارنوه بالسيدة التي تقدم 100 ريال (لواحد نصاب) أمام تقاطع إشارة في الرياض من منطلق انه (يعرج .. وطاقته الشمس) !

31 رد على “هل مازال هناك أغبياء !!”

  1. .
    .
    .
    * تصدق إن واحد من الشباب إن ماخاب ظني إن دفع 10 آلاف و خلص.

    ** المساهمات ناس كتير أكلوها والله ، حتى tea boy لأحد المكاتب جلس “يون” فوق راسي لأن الكفيل عنده جوازه ، و الكفيل مسجون.

    *** بالنسبة للمتسولين … إذا صار شي بجنب “القير” سحبت و عطيته .. غير كذا ما عندي 🙂

  2. على طاري المتسولين ذاك اليوم طالعين من مطعم في التحلية أنا وَ العائلة الكريمة المهم إلا بذاك الشخص الكبير في السن وَ الذي يرتدي البشت يطرق عليّنا نافذة السيارة وَ هيئته تدل أنه متسول .. طبعاً سحبت عليه وَ لم ألق له بالاً .. ما وعيت إلا بنت أختي تقول : الله يخليك اعطيه الله يخليك حرام عليك أنتي ما تحسين ع الأقل 5 ريال ( إذا أنا 5 ريال وَ السيارة 5الثانيه ريال وَ كل زبون يطلع من المطعم يعطيه مبلغ وَ قدره بيصير أغنى مني وَ منك ) .. وَ أنا مصره ما اعطيه .. سوت لنا أزمه .. لحد ما قلت للسواق يالله حرّك .. بعدها ما وعيت إلا البنت تصيح ( صياح صياح و الدموع 4×4 ) << حسيت نفسي شريرة من جد وَ طحت من عينهم 🙁

    بعد في موقف ثاني كنا في شارع الثلاثين و احنا ننتظر بالسيارة إلا يجي ذاك الشخص بس هالمره الهيئة ما توحي إن متسول .. في البدايه خفنا .. بعدين كل شوي جاي جنب السيارة .. المهم طنشناه .. التفت .. إلا لقيت الشخص جالس يحسب يوميته إلا حصل عليها .. طلع الميه وَ بعدها 200 ,َ حزمه ما شااااااء الله .. قلت لأختي شفتي اللي يطر مننا تو تراك ما تملكين نص اللي عنده .. بس بصراحة هذا غلطان وَ شكله جديد ع المهنه وَ لا في أحد يعد يوميته قدام خلق الله عيني عينك 🙂

  3. هل ما زال هناك بربرة !!!

    خليتك بموضوعك اللي راح قلت ذا مهوب صاحي لو ابطاوله بيجيني رباط صليبي !! قلت ابي اريح شوي لكن منتب طبيعي من جد يا احمد بحل يا النزهان !! انواع السبرنتاااااات !!!! يا خوي خف على عمرك وعلى المسلمين !!

    حتى هومر مسيكين منحاش عنك لكن صدته مع علباه وحطيتا صورته غصب !!! يا خي من جد فكنا من شرك تكفى !!!!

  4. موضع حساس جداً يا أحمد , ومع الأسف الغباء لايقتصر على ماذكرت هناك أوجه كثير جداُ والكل يعلم 🙂 , لكن ماعسانا أن نقول ؟؟ شكراً لك أحمد على هذا الطرح الأكثر من رائع , بالمناسبة الصورة رائعة جداً 😀 ..
    شكراً لك مجدداً ..

    أدهم

  5. يالأخ أحمد بصراحة الفقرة الآخيره ماكان من المفترض إنك تكتبها من ضمنهم امممممم
    أنا وحده منهم يعني أنا غبية خخخخخخ:P
    لا وبعد بعضهم صاروا يعرفون سيارتنا لاوقفنا عند الآشارة ورايحه للجامعة
    عندي قناعة إن عزة نفس بكل انسان لكن تتفاوت وإن بعضهم
    ماسوا هالشي ومدوا إيدهم لي إلا هم محتاجين لكن أنا مااجي وأعطيهم
    ,والآهم للأسف أنا وحده لاحد طلب مني طلب وأقدر اسويه ومايكلفني مجهود كبير مااعرف ارده.وغالباً يكون مبلغ بسيط بالنسبة لي يعني ريالا خمسة مايتعدى
    ابدا خمسين.واحييانا ابارك بيومي بالصباح فيهم ولا بالعاملات بالجامعة
    أشترط عليهم أنهم يدعون لي دعوة صالحه وشخصياً يكفي نية
    أنا نيتي إني اتصدق والله عارف بهالشي والآكيد أنه مايضيع الآجر
    لما أتذكر مثل هالكلام وبالمعنى أنهم يضحكون علي اقول بنفسي أنا مثل البنات
    احيانا أدفع فوق 200 عشان اشتري شوز ماركه ماتتقارن بريالا ولا خمسة
    لاعطيتهم اياه..وبعدين بصراحة ياأحمد أنا إحس ان هالشي حرية شخصية يعني
    أنت ماتبي تعطيهم لاتعطي محد غصبك.أنت وش يعرفك بكم حسابتهم
    يمكن هالمبلغ مايأثر فيهم .ولا مثلي عاطفتهم تتحكم فيهم بهالأمور مثلاُ لما
    أكون جاييه من الجامعة راكبة سيارة مكيفة ويعني مرتاحه ويجي واحد بطوله
    وعرضه يمد يده لي بعز ظهر والحر شلون قلبك يعطيك ترده خاصة لكان كبير بالسن
    ولا وحده معها طفل وووهـ عاد هذولا يقطعون قلبي.ابوي نفس شي لكن قبلها
    يعطيهم مناديل وقاروة موية ويطلب منهم انهم يمسحون قزاز سيارة لامسحوا اعطاهم
    مره فكرت إني أسوي مثله لاني كنت قبلها اسولف مع وحده ونفس تفكيرك
    عن هالشي ووضايقني انكم تعتقدون أنهم يضحكون على إلا يعطونهم .
    بس ابوي رايق وانا وقتها العكس وتأخرت ع المحاضرة وهونت خخخخ
    ويعطيك العافية

  6. الأخ غير معروف

    نصيحه لوجه الله

    لا تقراها

    حنا وحنا اخوياه محوم تسبودنا هو مواضيعه القديمه والجديده

    وانت جاي تبي المواضيع القديمه الله يهديك !!

    على العموم شف التصنيفات عندك واختر اللي تبي واقر اللي تبي

    لكن جهز جنبك حبتين بنادول إكسترا

    * ابو ناصر … إددددي

  7. تدري انهم وصلوا حتى للكريدت كارد وساروا يضحكوا ع الناس عن طريقها! وياما اتصالات جاتني واسوي نفسي ما افهم ماليزي ويتحرجوا او يترفع ضغطهم خخخخ

    بالنسبة للنتسولين اوقات احسها سذاجة وطيبة قلب مو في محلها

  8. هناك مثل انجليزي يقول
    a fool and his money are soon parted
    يستخدمه النصابين كثيرا و معناه ان الغبي سوف يفقد نقوده قريبا… يعني كده كده فلوسة طايرة منه. اكيد هناك مثل عربي

  9. هلا أحمد,

    في الفقرة الاولى والثانية انا معك 100%

    اما الفقرة الثالثة:

    فاقول لك انا من المساكين والسذج الذين لا يستطعون ان يروا اي مسكين لا ويساعدهم بما قدرهم الله سبحانه وتعالى.
    قد يقول الناس عنا مغفلين وحمقى ولكن الم يقل الرسول صلي الله وعليه وسلم( انماء الاعمال بالنيات ) و ( مل نقص مال من صدقة ).

    انا عن نفسي لا استطيع انا ارى مسكين الا والتبرع له بقدر استطاعتي نعم صحيح هناك النصابين ولكن هناك المساكين فعلا.

    وعلى المؤمن يتحرى ذلك.

    اختلف معك ولكن في نفس الوقت لدى اصدقاء هم يتفقون معك يقولون لي رزق الهبل على …… انت عارف ولكن صدقني لا يهمني اي راي لاني اعمل ذلك لوجه تعالى فقط.

    ولا يهمني ما يقولون.

    والله الهادي الى سواء السبيل

    تحياتي وشكري وتقديري لك

    نسيت هذا اول تعليق لي ولن يكون الاخير

    تحياتي لك أحمد عبدالله

  10. أهلاً يا أحمد

    موضوع ليس طويل >> معناته الإشاعة الي تقول التروبيكانا انقطع عن البلد صحيحه هههه 🙂

    >> للأمانة لي كم يوم أرح صب واي وما جاي لنفس اني اطلب تروبيكانا .. بحاول اليوم 🙁

    بالنسبة للمنتجعات، كنت أفكر فيها لكن بشرط أن أذهب لنفس المدينة واشتريها بعقد رسمي ( لكن للأسف لا توجد دراهم 🙁 )

    وبالنسبة للمساهمات العقارية، فمشكلتنا أن هناك ( هوامير) ويتحكمون بالقطع ويتسببون في تعطيل البيع والإفراغ و و و و ، لأسباب كثيرة ، والبعض حينما يكتب اسمائهم يضع مسافة بعد الواو فتكون ( هو امير) خطأ مطبعي والا 🙂

    المتسولين .. أبشرك أني كنت اول اعطي وكذا على حسب التأثر 🙁 ، مع ان الكثير يقولون بأني عاطفي جداً .. واكيد ان هذه المشاهد تؤثر علي ، استطعت أن أتغلب عليها بان أترك مسافة بيني وبين السيارة التي أمامي .. فإن جاء ” النصاب” تقدمت قليلاً وانشغلت بشيء قريب مني 🙂

    أحمد

    تعجز الكلمات للتعبير عن الإعجاب بك .. لعلنا نجرب الأرقام

    125488785484966985864 😀

  11. ياهلا وغلا بالفيلسوف 🙂

    # أما سالفة هالمصريين في أسواق الرياض من جد إزعاج وقلة حياء , يحرجونك أيما إحراج , أول مرة شفتهم قال يبربر له شوي وآخرته قال ادفع العربون أنتا ومراتك وبكرى الإجتماع , المهم قلت مابي واسحب عليه عاد قعد يتفلسف بكلام فاضي , ومن بعدها إذا دخلت أي سوق عندكم في الرياض علطول عطيته اشكل !

    # المساهمات العقارية أو التجارية للأسف عندنا صارت مهزلة , لا وزارة تجارة تحميك ولا قانون يحفظ حقك , والحمد لله أنا عندي مناعة ضد هالأمور , ولا أنسى آخر سرقة صارت عندنا في مساهمة كليجا مادري أكلات شعبية , وكل زملائي يقولون شارك هذا معروف و وو و وآخرتها بعد سنة أقعد أضحك عليهم لأن هالمعروف صار الحين نكرة وسحب على أمة محمد ودراهمهم .

    # الشحاذة عندنا تجارة للأسف يعني مب غريب بعدين تشوف شركة مساهمة تطرح بسوق تداول عن الشحاذة , تصدق عاد راح تكسب لأن الناس تشوف عمل هالشركة قدام عيونهم مب شي مخفي وإلا على ورق بس 🙂
    أنا ضد اعطاء الشحاد أي مبلغ وخصوصاً اللي عند الإشارات لأنها عصابات منظمة , ولا تنسى العصابات اللي في مكة وكيف ( يؤجرون ) الأماكن في الحرم فلكل عصابة مكان ونفوذ !

    أنا الشي الوحيد اللي ما أقدر أقاوم نفسي فيه إذا شفت بزر صغير مع أمه , ما أقوى نفسي أني أمنع عنه شي !

    أدري قطيت معك بالموضوع , لكن تحملنا وش نسوي

  12. بنسبه للتسول الصراحه حاجه مو طبيعيه والبعض يلاحقك

    الين تخجل من نفسك بس الحل الامثل بنسبه ليا اشغل نفسي ولاكأني شايفه شي

  13. للاسف مازال هناك أغبيآء 🙁

    بس يللا كل دقـة بتعليمهـ مشاريع التايم شير كانوا بيلعبون علينآ مرة بس اشوآ ان ابوي كاشفهم 🙂
    مساهمات العقارات احسهآ اكثر شي كلت فلوس المواطنين وان شاء الله يصيرون صحوا مو لو تجينآ مساهمة جديدة نلقى الناس كابين عليهآ !!!!
    اما حقين الاشارات للاسف اعرف كثير يتعاطفون معهم حتى وهم دارين انهم نصابين !!!!!!
    يعطيكـ العافيهـ مقال في الصميم 🙁

  14. ذكرتني بحادثة البوشي الذي استطاع النصب علي أثرياء العرب وحصل مهم علي مليات الجنيهات أعطوها أموالهم من أجل استثمارها في البورصة بعوائد كبيرة فخسرها جميعا أو نصب عليهم الله أعلم

    بالتوفيق

  15. هلا أحمد ،

    التايم شير نصب واحتيال عيني عينك ، وحتى لو صدقوا معك فهم يضيفون عليك رسوم صيانة سنوية وفرق السعر في حال ارتفاع الأسعار .

    بالنسبة للاشارات فأنا أتفق معك كثيرا رغم أنني لا أخفيك أنني أحد هؤلاء الأغبياء لكن بمبالغ زهيدة .

    دمت بخير ،

  16. يازين الأصوات اللي تتصل عليك وتعرض هالعروض
    وتقولك هذا رقم جوالي الخاص وانت تخق وتشترك ..
    والله اعرف عالم راحوا فيه .. خاصة ان نظام التسويق عندنا
    بمساعدة الجنس الناعم .. صارت قوية وناجحة ..

    بس 🙂

  17. بالنسبة للموضوع الاخير ،،

    لفت انتباهي عندما قلت ان نتوجه بالصدقات و التبرعات للجهات المعنيه لتقوم بتوزيعها

    مع احترامي

    أنا لا اثق بهذه الجهات ابدا ابدا ابدا

    و اللي يبغا يتصدق بجد يروح يوزع الصدقه بنفسه على الناس اللي عندها عزة نفس و ما تطلب

    و فيه كثير من اهل الخير يدلون بعض ع الناس هذول

    و فيه جمعيات تطوعيه متحمسه و عندها نشاط باتجاه الفقراء و المساكين ،،

    صحيح اللي بالشارع يخوفون بس ع الاقل حتي لو وسط عصابه ،، غالبا بيكون محتاج ،، و ما اعطي الا الاطفال و اللي يبيعون اي غرض حتي لو علك

    مو حل ،، بس ما بيدي حيله

  18. يعطيك الف عافيه على هيك حكي خيوو

    بالنسبه لشير تايم الله يا انا كنت متحمسه معهم بقوووه لما كلموني وقالولي انك فايزه بالعرض تعالي بكرا للاجتماع انتي و واحد من اهلك تحمست مرره ورحت انا واخوي وقعدنا على طاوله مستديره 🙂
    وقعد يبربر ليييييين انتفخت روسنا واخر شي قال كانه عجبكم العرض لازم تدفعون 10.000ريال قبل تطلعون من الباب قلنا له بكرا نرد لك قال إن صبرتوا لبكرا بتصير 20.000 ريال كذا العرض
    المهم انا على نياتي قلت له عندكم فيزا << في هالحظه اخوي بغى يجلدني
    وقالي يالله يالله بكرا نجي .. هو عارفهم على قوله نصابين بس قال اشوفتس تحمستي مع كلامه قلت خلها توسع صدرها
    عاد اشوا انه اخوي اللي معي لو كان ابوي ياحبني له ان قلت له يالله ادفع عرض وش زينه دفع على باله عندي سالفه.. عدت على خير واشوى ما نصبوا علينا 🙂

    سالفة العقار ماليش فيها زي مايقولون … اما الشحاذين ادري وكل الناس اللي تعطيهم تدري انهم نصااابين بس لاصار رجال كبير بالسن ولا وليدن صغير ولا معاق ولا حرمه شلون تقدر يطلبونك ولا تعطيهم

    تذكرت سالفه على الشاحذين مره جتني حرمه معها طفل صغير شكله يقطع القلب بالبحرين كانت السالفه لما جيت اعطيها مالقيت معي غير سعودي عطيتها قالت ما معك بحريني قلت لا والله <<لايفوتكم اني حلللفتت 🙂

    صدق من قال طراره وتتشرط

    فــمـــان الله

    مشاعل الشوق

  19. الشير تايم = التايم شير <<< يقطع ابو الحسه 😀

    ياخي حط تعديل تحسباً للطوارئ 🙂

    مشاعل الشوق

  20. بعض الناس فعلاً أغبياء، وبعضهم يتغابى!

    وبعضهم يغوص مؤقتاً في حالة من الغباء لا يفيق منها إلا بعد أن – يطيح الفاس بالراس – !

    ومن أغرب مالاحظت، هو أن هؤلاء الناس كانوا في يوم من الأيام يعيّرون غيرهم بغبائهم، يأتي اليوم الذي يقعون فيه في نفس الغباء الذي سخروا منه فيه أحد الأيام!!

    لذا أقول: [ الحمد لله الذي عافانا مما ابتلاهم به وفضلنا على كثير ممن خلق تفضيلاً ]

  21. والله بالنسبة للمتسولين
    والدي أطال الله في عمرة لا يحب رد أحد حتى لو ضمن أنه بليونير
    ويتبع قوله تعالى (واما السائل فلا تنهر)

  22. هج ذاك الموضوع أحمد خلنا نفلها شوي يارجال

    أنت الحين تدعي ان الكوره متنفس لك في ديره منفره مثل الرياض

    وحنا نعتبر مدونتك متنفس لنا

    هجه يابن الحلال هجه

  23. @ سلطان : 10 آلاف تقصد حقين التايم شير ؟ ..

    @ light : ماشاء الله هذا دخله 300 بس لحد اللحظة .. يعني يمكن بشوية شغل يوصل 500 في اليوم .. يعني ولا دخل مدير عام في شركة
    كويس ان الحادثة صارت قدام اختك .. عشان تعرف كيف الدنيا

    @ أبو ناصر: اي مازال هناك بربرة خخخخخ .. أجل بحل يالنزهان … ايييييييييييه .. ياهي دنيا يابو نزه

    @ adham : سعيد بحضورك وتواصلك .. أشكرك 🙂

    @ غير معروف : ممكن .. يمكن ذلك من خلال التصنيفات الجانبية

    @ ليان : سوري ان كان الوصف مو كويس .. لكني بإذن الله سأحاول كتابة تدوينة خاصة عن هذا الأمر .. دعم المتسولين في الشوارع هو في النهاية دعم للإجرام .. دعم لتهريب الأطفال .. دعم لمن يقوم بكسر أرجل وأيدي الأطفال .. دعم لخطف الأطفال أيضاً .. دعم للجريمة المنظمة ..
    أحترم وجهة نظرك كثيراً .. وكما قلت سأخصص تدوينة عن التسول مرفقاً فيها لقطات فيديو مصورة في الرياض وجدة لتنظيمات متسولين يقومون بكسر أيدي وأرجل أطفال يشاركونهم العملية ..

    أسهل طريقة لكشف التسول .. جربي يوماً وقولي للمتسولة عن طلبها .. هل تريد تسديد فاتورة الكهرباء مثلا ؟ .. طالبيها بالفاتورة وقولي سأسددها .. لديها وصفة علاج .. قولي سأشتري لك دواء .. أكل .. ملابس .. أتحدى أن تجدين إجابة وافية لديهم

    @ asma Qadah : هو الأقرب طيبة قلب مو في محلها .. والناس تحب تعمل الخير بس للأسف أحياناً في غير مكانه

    @ princejimi : ههههههههه مو للدرجة ذي عاد .. بس والله مهو سهلين الانجليز 😀

    @ Ahmed Mudhaffar : سعيد بحضورك الأول حتى ولو اختلفنا .. وجهة نظرك أحترمها لكني لازلت أعتقد بأن المتسولين أمام الإشارات ليسوا إلا جماعات إجرامية منظمة .. وأكرر منظظمة سواء في التوزيع أو آلية العمل والتي تصل لتكسير الأيدي والأرجل .. وكما أجبت على الأخت ليان في رد سابق .. أنوي كتابة موضوع مستقل عن ذلك وأتمنى أن أسمع وجهة نظرك هناك أيضاً ..

    @ صاحب القلم : أنا مثلك أقوم بنفس الإجراء .. أترك مسافة بيني وبين السيارة التي أمامي حتى لو جاء متسول أو نحوه لا أتحدث أو أنهيه مثلا .. يكفي بأن أقدم السيارة قليلا وهو يفهمها وهي طايرة 🙂
    التروبيكانا مبطين عنها .. شكلي انصكيت بعين 😀

    @ بدر الشايع : مرحباً بالعالمي 🙂 ..
    بالعكس والله ماشاء الله مداخلتك تدوينة بحد ذاتها واضافة للموضوع .. سعيد بحضورك استاذ بدر 🙂 .. بس حلوة شركة شحاذة مساهمة خخخخخ

    @ lemonh : الظاهرة تكثر وتزيد لان فيه ناس تدفع .. طبيعي يتفننون ويطلعون افكار جديدة .. بلوى مالها نهاية

    @ sara_82: خخخخخخخخخ ايه .. هو أنا ليه حاط خانة اتصل بي عشان كذا ههههههه

    @ Najd : كويس ان الوالد كان موجود وهدى الامور .. لان أكثر مايلعبون على الحريم .. مايبي لهم شي عاد 😀

    @ وجهة نظر : هذا الخبر اللي طلع في وسائل الاعلام .. والخافي أعظم أنا متأكد بأن أمثاله عشرات .. لكن المنصوب عليهم يخشون الفضيحة ..

    @ خالد : خالد المبالغ الزهيدة اللي تقول هي اللي توصل دخلهم عند اشارة واحدة الى 500 ريال واكثر .. يعني تخيل يمكن يوصل دخلهم في الشهر 15 ألف ريال .. شي يهوس ولا ؟

    @ مشغول : ههههه والله عاد هذا شي ثاني وفقرة والله فاتتني .. يابن الحلال لي واحد من اخوياي مايسافر في السنة الا اسبوع يمكن .. اتصلت عليه وحدة من الشيراتون ومن خلالها اشترى بطاقة الشيراتون بألف ريال .. وهو في حياته ماقد سكن في الشيراتون ولا عمره راح يسكن

    @ هاشم : الحمد لله على كل حال .. لكن يجب أن ننبه الآخرين عن ذلك ..

    @ INdoOo : الحين سوري .. ماتتقبلين الجهات الرسمية .. وتتقبلين اللي عند الاشارات ؟
    طيب اتقبل تقولين الواحد يبحث بنفسه .. يروح لأهل الخير ويدلونه .. لكن حقين الاشارات أبدا الواحد مايهضم حاجتهم ..
    عموما وجهة نظرك واحترمها جدا 🙂

    @ العنود : مافهمتش والله 🙂

    @ مشاعل الشوق : هههههههههه أشوى أن الوالد مو موجود .. ولا كان راحت 10 آلاف ريال زي السلام عليكم

    @ Amalia : برضه علينا حنا نبين ونوضح للعالم .. ولا لا ؟

    @ ريم حسن : اللي يتغابى في مثل هالامور .. مشكلة من جد .. يعني السالفة فيها نصب واحتال وسرقة فلوس عيني عينك ..

    @ TOOOP : هذه وجهة نظر لكن ليس بالضرورة أنك حين تترك المتسول ولا تدفع له أي مبالغ بأنك (نهرته) .. يمكن تجاهله حتى بلا أي كلمة أو التفاته

    @ يزيد : ههههههههههههههه ذكرتني بالجوال (اللي بابه يهج) خخخخخخخخخخخ حسبي الله عليك والله اني مت ضحك ..
    بس والله صعبه أهجه .. خبرك الوضع متكهرب والتعليقات كلها بتصير جلد في جلد .. بنروح فيها يابني

  24. أنا قلبي يوجعني من ناحية الماتسولين

    بس أسوي نفسي شديدة و أقول لا و المشكلة ما يوقف يقعد يلاحقني و خصوصاً اذا طفل

    و يسحب عبايتي يعصبون فيني بجد

    بس أنا مؤمنة انهم ما هم محتاجين و أنهم عصابات يعني المحتاج يبين مثل ماصار لي بسوق

    أردني احترق بيتها و جايبه خطاب من الشرطة و صورة بطاقتها و تحلف انها تبي فلوس عشان الإيجار

    و تقول تعالي معي للبيت قريب تشوفينه محترق يم السوق يعني هي على الأقل جابت اثباتات

    مو واحد يقعد يدعيلي و مسنتر في نفس السوق من سنة حاجته ما خلصت يعني

  25. اخوان في حد يعرف طريقة نسترد فلوسنا/حد سمع شخص اخذ فلوسه منهم؟ علمونا الطريقة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *