أكره !

كثير مايتردد أن فلان ينظر للحياة بمنظار وردي .. يعيش وسط تفاؤل .. يحب الجميع .. ذو ابتسامة مشرقة ، ولكن هل من المعقول أن فلاناً هذا يعيش وسط بيئة مثالية لا سلبيات فيها ؟ .. ألا يكره .. ألا يُستفز ؟
أنا لست مثالياً .. ولن أدعي أني أنظر لكل مناحي الحياة بمنظار وردي .. ولا أقول مثل صاحبي أبو سعد ( مقفلة 😦 ) ، لكن هناك أموراً وأشخاصاً أكرههم .. نعم .. وهذه بعض الأمثلة ..
– أكره الشخصيات النافذة ممن يستطعيون السيطرة على البلديات ، أكره أي شخص يستطع بناء (مطبات صناعية) أمام منزله دون سبب يستدعي ذلك إلا
كرغبة في تقليل حجم السيارات المارة وإجبارها على استعمال شوارع داخلية بديلة ، والإشكالية أن هناك من تعدى القدرة على وضع مطبات في شارع داخلي يندر أن يمر عليه أحد ليضعه أمام منزله المطل على شارع رئيسي (عرض 30م) كما حدث في حي النخيل قبل نحو أسبوع ، يجبر أصحاب المركبات على التوقف أمام المطب والاقتراب من درجة إيقاف السيارة لاجل خاطر صاحب منزل حتى يمكنه اخراج سيارته من الكراج .. دون خوف

– أنظر بحنق للمتخلفين الذين يقودون سياراتهم بسرعة تتجاوز 140 ويحلمون معهم نساء وأطفالاً ، إن كنت لا تميز مصلحة نفسك وتسير بسرعة أعلى من 140كلم في الساعة وهو ما أعتبره جنوناً .. اذهب للموت باختيارك .. ماعلينا ، لكن ماذنب الأطفال والنساء الذين تصطحبهم .. ماذنبهم ؟

– أكثر الحركات استفزازاً لي في الدوام اليومي حينما أضع جهازي الجوال في الشاحن ثم أخرج إلى مكاتب أخرى وعندما أعود أشاهد أن الشاحن فصل عن جوالي وركب في جوال زميل جديد .. هذه بجاحة ! (الشاحن بـ 15 ر.س)

– منظر المرأة المدخنة أو التي تدخن الشيشة يثير استغرابي بغضب ، المرأة ارتبطت بالنعومة والأنوثة .. مسألة خروج الدخان الكريه من فمها منظر
أكرهه ولا أستسيغه ، كما هو الحال عندما أشاهد شاباً صغير السن لم يتعد العشرين من عمره وهو يدخن أو يشيش .. مراهق يبحث عن رجولة بالدخان ، لا أدري ماهو السر الذي يمكن جلبه وراء الدخان .. تبون روقان ؟ .. اشربوا شاي بالنعناع .

– أتقبل مفهوم أن هناك فاسدين في شتى المجالات ، لكن أكثر وجوه الفساد التي تؤلمني حينما أشاهد طبيباً فاسداً يتعامل بالرشاوي مع شركات أدوية وشركات صحية ولصالح أشخاص آخرين من أجل تقارير طبية .. أمر أكرهه لدرجة لا يمكن تخيلها ، الأمر الذي لا يعلمه العامة أن المجال الصحي ومجال الأدوية من أكثر المجالات قرباً من (الفساد) لأننا هنا نتحدث عن حجم مبيعات بعشرات الملايين ، طبيب ويقبض ؟ .. خطيئة لا يمكن تقبلها .

– عندما أشاهد موظفاً (يرتزق) بنقل الكلام وبث الإشاعات ونقل القيل والقال ، هذه الأصناف من البشر هي الطبقة الأدنى ، أكرهه هذه النماذج ولا أطيقها على الإطلاق ، طبقة وضيعة جداً ، ولعل الشيء الجميل أن هؤلاء النوعيات تعرف من قبل الجميع خلال وقت قياسي (بقى عندنا 2 او 3 منهم في الدوام 🙂 )

– أحياناً أصل إلى قناعة أنني عندما أجد أي صحفي يكتب قبل اسم أي شخص عادي في المملكة لقب (الشيخ) بأنه صحفي فاسد يلمع (ولي نعمته) ،
وأحياناً أعرف نزاهة الصحفي من عدمه إذا استخدم لقب (الشيخ فلان) لأشخاص عاديين لمجرد أنهم أثرياء ، للأسف عندما كنت محرراً صحفياً قبل سنوات كتبت لقب الشيخ قبل اسم أحد الأشخاص (كبار السن) .. للأسف كنت مستجداً وأعتقد أن ذلك من (بروتوكول الصحافة) ، يمكنك معرفة هذه النوعية من الصحفيين في المجال الرياضي تحديداً من يكتب قام رئيس النادي الفلان الشيخ فلان .. ورئيس النادي العلاني الشيخ فلتان .. هذه لا يكتبها سوى صحفي (قابض) ..

ايه يا أحمد .. ايه يبوي .. طلع اللي في قلبك 😀 .. شب عليهم
كل هذا كره .. هذا وانت ماكل سلطة صب واي .. وشلون لو أن العشاء ستيك نيويوركر من أبل بيز .. كان قلبت على هاني وأبو نواف وقطعتهم ههه

أتمنى أن أستطع أن أكتب جزءاً ثانياً .. لأجل F A R E S لن أكتب الجزء (1) ..

44 فكرة على ”أكره !

  1. وش عندك ؟

    هدي شوي ابو حميد واضح الموضوع مكتوب بجو غرفة مظلم بعد يوم دوام قلق ..

    🙂

  2. ههههههه مشغول وش مسهرك جعلك مانيب قايل 🙂
    أنا بداوم بكرة 11 بس انت مو وراك قومة 8 ؟؟
    سبحان الله تونا ماكملنا ساعتين حاشين فيك أنا وولد البريكان 😀 هههههه وش هالاجازات يبو

    مشغول والله اني اكتب وانا مبسوط ومستانس .. وجالس العب بلياردو ومعي واحد فرنسي كسر راسي لين قال بس ، ماراح أطلع لين أفوز عليه ولا تخلص اغنية الست الله يرحمها .. على قولة حقين الوكالات ( أيهما أسبق) 🙂

  3. يقول إيمان:

    صباح الخير 🙂

    أتفق معاك في بعض النقاط اللي تتشابه عندنا … مثل الواسطة و ما اتسوي …. يعني أذكر إنه مرة حد قالي إنه فيه مؤسسة أبدا ما اتوظف … لكن بعد حطوا عليها المدير الفلاني …ما خلى حد في قبيلته ما شغله هناك … و المطبات ياللي ما تلقى شارع في الحواري ما يكون فيه مطب مسافة كل 500 متر … و التدخين ,,, لكن كل التدخين هب بس النساء أو الصغار فقط … تقدر اتقول إني من أشد المعارضين للتدخين … و اللي يسوق بسرعة جنونية و معاه عائلته … هذا منتشر بكثره للاسف

    يعني مع كل هالنقاط المغضبة … صراحة من حقك تغضب … و لولا الغضب ما قامت الثورات و الإنتفاضات >>> ترا ما أقصد اتسوي انتفاضة أو ثورة 😀

    دمت بخير

  4. و الله حركة الشاحن,,! اف بس..
    احسها اكثر شي نرفزني.. 😦

    معاك حق تغضب.. و ما اقدر اقنعك بالنظرة الوردية للحياة لانها احيانا ما تبدو لي منطقية كفاية.. :/

    بس الشاحن!!!!! <و الله رافعة ضغطي هالسالفة..

  5. لو على كدا ما بقي أحد ما كرهته يا أحمد 😀
    السرعة في السواقة دايما تجيب لي قلق! خاصة لو كنا متأخرين في الصباح تلاقيني ماسكة الباب بقوة ويدي على قلبي بما اني جالسة قدام فشايفة كل شي 😀 ههههههههه لا ومرات اصرخ 😀 >>> مسوية قلق زيادة 😛
    بعدين مين في البلد هدي ما يقبض?
    بداية من الدكتور للصحفي للفراش والكوفي بوي حتى!!
    مرة واحد من الصحفيين اللي كنت أشتغل معاهم يقول لي فيه رجل أعمال سعودي جاي على ماليزيا تبيني أكلمه لك :$ انا ماكنت أدري اش الطبخة! طلع عشان أتكلم عن انجازاته في البلد وبرة!!
    آخر شي..
    خف على الحريم اش فيك عليهم 😛 خليهم يكيفوا ويطلعوا حرتهم كمان 😛

  6. يقول ريـم:

    صباح الخير،،

    تقول زينة رمضان (مذيعة في بانوراما ‏) مابيصير نقول أكره والأفضل نقول مابحب حتى ماتزيد مساحة الكره في حياتنا ..
    ادا حاب تشوف شخص ينظر للحياة بمنظار وردي فتراها هالمذيعة عايشة في العسل 🙂

    اثنين من اللي قلتهم أكرههم ومع الكره احتقار..
    صاحب المطبات والطبيب الفاسد
    المشكلة ان اصحاب المطبات مايكتفون بمطب واحد لاااا
    اثنين ..‎ ‎واحد ببداية البيت والثاني بآآخره.. مو كأن الشارع صار ملكهم؟
    بتعرف سبب هالمطبات؟
    مايبي عياله تصدمهم السيارات!!
    عاد بقولك سر ( عقب هالمطبات اثنين من عياله صار عليهم حوادث وبعيد عن مطباتهم .. تهقى وش السبب؟ )

    عاد الطبيب الفاسد هذا مالنا الا نقول حسبنا الله ونعم الوكيل!

    عموما وزارة الصحة كلها على بعضها تبي لها هدم وبناء من اول وجديد

    سالفة الشاحن : لين حطيت الجوال بالشاحن قول أستودعك الله الذي لا تضيع ودائعه وروح دور ع المكاتب كلها بترجع تلاقي الملقوف يقولك معليه استاذ احمد استخدم الشاحن؟!
    هالدعاء دايما اقوله لين حطيت جوالي بمكان وخايفة يصير له شي وبأذن ربي يحفظه!

    يسعد صباحك

  7. يقول F A R E S:

    هلا أحمد
    @منظر الطبيب الفاسد هو اكثر ما يحز بنفسي…
    لانه المفروض يكون آمن الناس بسبب ان عملهم متعلق بارواح الناس…

    @بانتظار باقي الاجزاء من كل موضوع كتبتة :).

  8. أضف إلى ذلك ..
    من يزعجك بـ عشرات المكالمات المتتالية دون أن ترد عليه لـ شغل ما أو لأي عذر حتى لو كان تافه ..

    (يا بني آدم .. ما رديت من أول مرة اعرف اني مشغول أو مو فاضي لك !! ليه الإزعاج هذا !!)

  9. يقول موسى:

    “منظر المرأة المدخنة أو التي تدخن الشيشة يثير استغرابي بغضب ، المرأة ارتبطت بالنعومة والأنوثة .. مسألة خروج الدخان الكريه من فمها منظر”

    هذا اللي عزت استسيغه من جد !

    ما اتصور كيف ان البنت تدخن .. لا وتكن بعد :S

  10. المطبات أمام البيوت،،
    لو كان أصحاب السيارات يلتزمون بالقوانين، لو كانت السلطات تردع من يجري ب120 كلم داخل أحياء سكنية،، لو كانت تقوم بواجبها، لما وضع أحد مطبات أمام باب بيته.
    طبعا نحن لا نرى إلا الجانب السلبي: “الشارع ملكه حتى يملئه مطبات؟”، طيب أرينا ماذا ستفعل لو صدم واحد يجري ب 120 كلم إبنك قبالة باب بيتكم الموجود في حي سكني، و اتبعت جميع الإجراءات القانونية التي لم تفد شيءا، بل بعد أسبوع وجدت نفس الشخص يجري أمام البيت، لكن ب 140 كلم هذه المرة.
    إذا وضعت مطبات فقط، فالحمد لله كثيرا، فقد صبرت صبر أيوب.
    بالنسبة لرشاوى الأطباء، لماذا لا نسأل أنفسنا لماذا يقبل الطبيب رشوة؟
    لو كان يحصل على راتب مجزي يكفيه عيشه و عيش أبنائه، لو كان يحصل على تأمين صحي، لو كان عمله مضمونن أصلا، لما مد يده لطلب الرشوة.
    أصلا الوزارة المعنية به تعطيه كأجرة شهرية ما سيصرفه في أسبوع، و الباقي “خذه من الزبائن :)”، طبعا ماذا ننتظر؟ أن تهبط عليه النقود من سقف المستشفى؟
    بقية الأمور متفق معها 🙂

  11. @ إيمان : أهلا صباح النور ، الواسطة قصة ثانية يبي لها موضوع مستقل 🙂 .. بس عاد هالغضب ماراح يؤدي لثورة .. ردة فعل والسلام 🙂

    @ Frozen Tears : هههههه واضح ان الشاحن مسبب أزمة ، طبعا ماوصلنا للي يدخل المكاتب ويستعير الشاحن (أبو خمس دقايق ويرجعه 🙂 ) ثم ماتشوفه طول عمرك

    @ amsa : ايه انا مثل البعير .. حقود ( اخس يالشديد ههههه ) … ، أجل أنواع الأكشن اذا تأخرتي عن الدوام .. بس هذا هنا ولا في ماليزيا ؟
    بعدين الحريم أنا خاف عليهم .. وش انا قايل ؟ .. بس انا قلت ما احب اللي يدخنوا .. المرأة نصف المجتمع وهي الاخت والام والخالة والعمة والجدة … الخ 😀

    @ ريم : حلوة (مابحب) .. أحس أني لما أقول (مابحب) .. بتطلع أحسن من أني أقول (أحب) 😀
    أذكر مرة درست في حي الورود أيام الثانوي .. وكان فيه بيت عادي على شارعين وقدام شارع عرضه 10 صغير يعني الواحد مايمدي يمشي 40 فيه ، الشاهد ان راعي البيت حاط مطبات دار مادار .. الشاهد ماكان أحد يدخل الشارع لأن المطب رفيع والسيارة تحك ، ياليته قصر ولا مسؤول كبير نقول شي أمني ، أبد مواطن عادي والظاهر كان مدرس بعد ..

    عندنا في المكتب شاحن واحد سالم من الاستعارة لأن زميلنا مدخله من تحت المكتب ومضبط الامور بحيث مافيه احد يمديه يفكه

    @ zak : مايقولونها ابتسم .. يقولون لما تشوفه (تبوسم) يعني ادع الابتسامة 🙂

    @ Mrs.Nora : لا عادي .. بالعكس الواحد يتكلم ويطلع اللي في قلبه كللله ، بعدين هذي ميزة النت .. مافيه شل هالسطر وبدل هالسطر 🙂

    @ نبراس : يسعدني تواصلك .. هلا بك وسهلا ..

    @ F A R E S : شف انك سببت لي عقدة ولا صرت أكتب (1) ، ولا أول وش زيني اكتب واحد ولا احد يقول لي شي

    @ مياد : أعصابي هادية وزي العسل الطبيعي .. وحياك الله وشكرا لتواصلك

    @ محمد المغلوث : هههه صادق ، أتوقع يعني لو يسأل نفسه دام أن فلان مارد من الدقة الثانية .. أو الثالثة ، هل يجيه أمل انه يرد من الثالثة مرة ؟
    خلاص مارد مرة مرتين .. معناتها مو راد أبد

    @ موسى : جايك رمضان وجايك نقل الخيام الرمضانية اللي كلها معسل في معسل ،

    @ مدونة محمد : عزيزي لو لاحظت أني قلت يضع مطب دون سبب ، اللي يقع منزله أمام شارع كبير تصل فيه سرعة السيارات إلى أكثر من 100 كلم نتقبل هذا المفهوم لأن السبب يستحق ، لكن أتحدث عن من يضع مطبات أمام منزله المطل على شوارع داخلية عرضها لايزيد عن 10 وعادة هذه يندر أن تمر فيها السيارات أو تسير فيها بسرعة أكثر من 40 ، إضافة إلى ذلك غالب من يضع هذه المطبات ( أتحدث عنا في السعودية) يكون من طبقة مخملية لايسمح عادة لأبناءه بالخروج من حدود المنزل ..

    بالنسبة للطبيب الفاسد فأنا أختلف معك ياعزيزي ، هناك أطباء فاسدون وراوتبهم عالية تتجاوز 6 آلاف دولار ولديهم مميزات مختلفة عن الآخرين ..

  12. يقول Sara_82:

    المشكله ان كل هذه الاشياء تخلي الواحد ما يكره هذه الفئه وتصرفاتهم

    بل تخلى الواحد يكره روحه وحياته

  13. ههههههههههههههههه

    بعدي والله يا أحمد … والله يانت طلعت أشياء في صدري …

    أما حركة البزران والبنات في الشيشة عالم ثاني ….

    والموظفين المرتزقة أجل 😦

    أما سالفة الشيخ فلان .. خخخخخخخخخخخ

    ذكرتني بواحد من الشباب يشتغل مراسل لأحد الرجايد وقعدت اتناقش معه بالموضوع ذا عاد أنا أسميه المرتزق 😛

    بانتظار البقية

  14. وش اجازات ؟

    ما اخذت اجازة محترمة من ذيك الاجازة اللي خبري خبرك 🙂
    بعدين ولد البريكان (فوزية الدريع) من يصدقه هاليومين ؟

  15. يقول ريـم:

    عذرآ احمد ع العودة
    بس فيه شي بصدري وبتجيني غلقة اذا ماقلته

    الأخ محمد (مدونة محمد)
    شكل سيارتك جيب او شي من هالقبيل وماتخاف عليها من المطبات (هذا كلامي وانا محسنة الظن فيك)
    اما كلامي اللي كله سوء ظن فأكيد ان بيتك قدامه اربع مطبات 🙂

    وتعال هنا .. وش هالدفاع المستميت عن الاطباء؟
    لنفترض ان كلامك صحيح وان الاطباء مساكين ومايلقون اللقمة
    هذا أبدا ماهو مبرر انهم يخونون المريض اللي لجأ لهم بعد الله
    ماهو مبرر انهم يرتشون (والراشي والمرتشي والرائش ملعونين يعني يحلمون بالجنة)
    ماهو مبرر أبدا انهم يطعمون عيالهم من مال حرام
    .
    .
    بس انا احس اني متفهمة ردة فعلك لأن يمكن (اقول يمكن) ان لك احد يشتغل بوزارة الموت وردك كان دفاع من اللاوعي

    مشكلتك عاد طحت بوحدة تحب تتفلسف (وجه مطلع لسانه)

    بقول لك شي أخير (تجوع الحرة ولا تأكل بثديها)

    نسيت اقولك شي ثاني أغلب المرتشين تكون رواتبهم عالية والرشوة يعتبرونها مصروف جيب .. يعني مايشترون فيها رز ولوازم المدرسة
    ..
    إذا كنت تجنيت عليك فأنا اعتذر واذا كان كلامي شبه صحيح فـ لا إعتذار 😉

    (f)
    آسفة على البثارة احمد 🙂

  16. يقول nOuf.a.s:

    بالنسبة للتدخين .. انا حتى منظر الرجل المدخن ” اكرهه ” !
    واكتشفت انه فيه نسبه كبيره من المدخنات للأسف ..
    اما المرتزقه من الموظفين فكانوا سبب بتعجيل استقالتي .. مقرفين لأقصى درجه خصوصا ” الكذابين ” !!
    يا كرهيييي لهممممم 😡 ..

    خوش تدوينه اخوي الشيخ احمد 😛 ..

  17. @ Sara_82 : لا إن شاء الله ماتوصل الواحد يكره روحه .. والله لو انه الحطيئة 🙂

    @ بدر الشايع : شووب عليهم أجل ههههه
    شف ان مسكت عليه يوم كاتب كلمة (الشيخ فلان) .. اغسل يدك منه .. خذها مني 😀

    @ مشغول : هههههههه حلوووة ..
    بيني وبينك سألته قلت وش اخبار خوينا قال اخبر بيطلع اجازة .. قلت ماشاء الله ذا طلع من عندنا وانواع الاجازات ..

    @ ريم : بس للتوضيح فالأخ محمد من المغرب ..
    هدي اعصابك وراكي طبيتي في الرجال ..
    شكل الموضوع طلع حرة عالم واجدة .. اهم شي محد يطب فيني 😀

    @ nOuf.a.s : الرجال على الأقل اللي يدخنون شيون وتحوم كبدك لما تشوفين الدخان يطلع منهم .. فما تفرق
    أشكرك على تواصلك
    ياغلام .. أعطِ nOuf.a.s مئة ناقة 😀

  18. يقول رائد:

    والله انك طلعت بعض الحره اللي في قلبي

    بس فعلا طبيب ومرتشي (ودك تعزر به)

    اما لكلمة الشيخ ماهضمتها تصدق فيه واحد اعرفه اذا جاء يتكلم عن اخوه مايقول اخوي لا الشيخ فلان ليش لأن اخوه عنده دراهم وهو حاط فلوسه مع اخوه يشغلها له ويوم انهم وقفوا اخوه وحجروا على مساهماته(لأنه ناصب على ناس واجد)قابلته قلت سلمات اشفيه اخوك قال النصاب وقام يحش فيه قلت في نفسي هذا وهو اخوه يقول عنه نصاب (حتى الأخو يقول لأخوه شيخ عشان الدراهم الله لايرد الدراهم كاني بصير مع اخوي بالطريقه هذي اللهم لك الحمد بس)

  19. أكثر الحركات استفزازاً لي في الدوام اليومي حينما أضع جهازي الجوال في الشاحن ثم أخرج إلى مكاتب أخرى وعندما أعود أشاهد أن الشاحن فصل عن جوالي وركب في جوال زميل جديد .. هذه بجاحة

    بالفعل بجاحه

    والبنات اللي بتشيش
    والتملق الوظيفي والتكسب من النفاق

    أحييك على موضوعك الصريح جدا 🙂
    دمت بحفظ الله

  20. يقول TMT:

    هلا

    ولو اضفت لهم اللي بعد اذا صار مسؤول بدأ يجمع الاقربون منه وحطهم بافضل الوظائف اللي حوله حتى لو مايستحقونها , كان تصير انت انا هههههههههه

    شكريا صديق 😀

  21. @ ماسة زيوس : باقي واجد .. الخير أد كده أهوه

    @ رائد : هههههههه والله إني ضحكت على خويك لين قلت بس .. أجل حتى هو يسمي اخوه الشيخ .. والله حالللللله

    @ سلوى : وأحييك على تواصلك الصريح جدا 🙂

    @ TMT : والله عاد الاشياء اللي تكره الواحد واجد ، مو عشان كذا أقول يمكن فيه جزء ثاني 🙂

  22. يقول ليـان:

    7
    أخوي اشلون مايستحقون ..وقريبهم مسؤول:|

    أول ماقريت المقدمة شكيت بالعنوان ظنيت بتكتب شي عن الأمل بالحياء وكذا:(
    ليه مابديت بـ أحب بدال ما اكره
    أتفق معك ع الفساد رجال اختي حكى لي مره ان الرشاوي تجي لين مكتبهم
    والشرهه ع الشركات الادوية وموزعينها اللي عندنا
    وبعيدين رشاويهم شي استغفر الله بالملايين
    ومع أرتفاع الاسعار والتزامتهم وظروفهم ووزيرهم بكبره موش ولابد
    وبعد الرشاوي عندهم تتدخل حتى بالتقديم موعد العمليات
    يعني الفئة القليل اللي ماقد خذوا هذولا من القلب نظفييين نظفييين نظفييين
    اتعاطف معهم الله يعينهم .. وقت العرض يعشون صراع مع نفسهم الا اخر اللحظة
    وهذا كله بس خوف من الله لانه لو عرف اللي اكبر منه هو اصلن سوها قبله و هذا ان عرف..
    بس ما أتفق معك ع صحفي اللي يقول الشيخ هذا الله يسلمك من زود الاحترام له
    وبعدين معروف عندنا الا عنده دراهم سموه الشيخ 😳 ولا وش تعريفها عندك!!
    ومتحمسه اشوف الثاني ابشوف وش تكره بعد خخخخخ
    بس لا أنا ابي انتظرا وش تحب…ويعطيك العافية

  23. @ ليان : لا ابد وش احترامه عشان الدراهم يعني ؟؟
    مو الحين طالعين بسالفة أي واحد يفتح قناة يقولك له وتم تجهيز البرامج لشهر رمضان بتوجيه من الشيخ فلان .. أصلا مفردة الشيخ عندنا مرتبطة بالعلم الشرعي أولاً ثم الشيخ الكبير (الطاعن في السن) يعني فوق 90 ، والشاعر يقول ( زعمتني شيخ ولست بشيخ .. إنما الشيخ من يدب دبيبا)

    وغيرها مافيه كلمة شيخ ابد إلا عند حكام الخليج بس 🙂

  24. هلا أحمد ،

    لا أحد يعيش متفائلاً وينظر للحياة من خلال منظار وردي ويعيش داخل بيئة مثالية ، ولا عجب فلا شئ في هذه الحياة يكتمل .
    لكن كلما كان الإنسان متفائلاً فإن الايجابيات تقل بقدر تفائله مهما كان حجمها .
    – المجال الطبي : أيف إلى كلماتك أن هناك أطباء تدفع لهم شركات الأدوية مبالغ مادية مقابل الترويج وتصريف بضاعتهم بغض النظر عن جودة العلاج ومدى فاعليته .!!!! أعتقد شينة من طبييب .

    – المرأة المدخنة أو التي تدخن الشيشة منظر يستفز فعلا ، أماالمراهقين فحدث ولا حرج لربطهم السيجارة بالرجولة .

    كما هي عادتك كلمات جميلة ،

  25. يقول كواليس:

    للاسف جيت متأخراً مع اني كنت متابع لك بعد الساعه الثاله فجرا ً !

    مااحب ان امدحك يااحمد بس يعلم الله اني اتلذذ بكل حرف تكتبه !

    واعجبني كرهك للموظفين الي اهم ماعندهم القيل والقال .. بس ماعمرك مريت بموظف يحاول يقطع رزقكـ ؟ والسبه موقف هو من اثاره وسبب في كتبه تعهد !

    هم على نفس هالشاكله يجنون على احوالهم 🙂

  26. منظر المرأة المدخنة أو التي تدخن الشيشة يثير استغرابي بغضب

    هههههههههه بلاك والله ماشفت سلاف وهي تمز الزقاره

    كان تطيح فيه من باتسر هههههههههههههههههه

    وبالنسبه للمطبات أختلف معك فيها

    بلا والله يا أخ أحمد ماقد إنصفق موترك أكثر من مره عند الباب

    حتى والشوارع ضيقه

    المهبل يطيرون طيران … ولنا في الشارع اللي فيه الموقف التاريخي عبره !!!!

    لو الود ودي كان مهوب مطبات بس .. كان مطبه وتوقفه عقبها وتعدل وجيهه بطراق طراقين على الماشي وتقوله ظف وجهك

  27. @ خالد : يسعدني تواصلك وفعلا لا أحد يعيش في بيئة مثالية

    @ كواليس : الله يسلمك عزيزي شكراً ، أجل مالحقت بعد الساعة ثلاث الفجر 🙂

    @ يزيد : لا والله ماشفت سلاف وهي تدخن .. بس تدري لما اشوف وحدة تدخن دايم احكم عليها حكم شين .. ما ادري ليه 🙂

    أما المطبات فلو لاحظت أخوي (أبو يزيد) إني استدركت وقلت من دون سبب يستدعي ذلك …
    بيني وبينك شارع بيتكم مافيها كلام لازم مطبات ، وبرضه شارع (الموقف التاريخي) هذا المفروض ان المهبل اللي يدعسون فيه يتحولون إلى محكمة العدل الدولية

  28. يقول توتو:

    ياالله لازم تبهرني بممواضيك وفكرك النيير ما اقول الا ياليت كل شبابنا بالأفكار هذي كان احنا بخييير اما من ناحية الكره فأنا اكره كل بيت يحط على مسلسل (نور)ويتابعونه حتى الأطفال من غير تفكير ولا اهتمام تربوي بكل مايبثه هذا المسلسل من خراب سواء هو او (سنوات الضياع)واكره بما اني ام كل مدرس مايخاف الله ويضرب او حتى يهين اي طفل بس علشان ماحفظ او مافهم!!!سلم على الوالده الي اكيد لها دور في هذه الشخصيه النييره

  29. يقول ميسي:

    السلام عليكم اولا ،،،ثم قبل الغوص في الكلام ،،ملاحظة لايجوز الشحن باموال الدولة يمكنك الشحن في البيت ،،ثم انا ايضا اكره هذه الافعال ،ولكن بكل اسف العالم او الاشخاص ينظرون اليها من باب التطور والتحرر “الشيشة النسوية “جاك الموت ياتارك الصلاة من النساء”ثم الاشخاص الذين يقدمون فروض الطاعة على شاكلة الشيخ فلان ،كيف يمكنهم العيش اذا لم يقوموا بهذا ،استغرب حقا من هؤلاء كبف انفسهم تهون عليهم ،”منتهى الاذلال للعيش” وبعد ربما نحن لاننا لانقوم بمثل هذه الافعال فنجد ان الامر مستهجن ولكن هم ينظرون اليها على انها طريقة حياة “ياخي كل واحد حر في روحو” الله يعينك اخي احمد

  30. أهلاً أحمد , أنا أتفق معك في نقطة التدخين تشغلني دائماً هذه الفكرة و قد يفسد يومي منظر فتاة مدخنة 😦 , لم أذهب إلى أحد النوادي التي كنت سألتحق بها لهذا السبب كنت أفكر بأن النادي يحمل بيئة صحية لكن للأسف خاب أملي ! , شكراً جزيلاً لك 🙂

  31. و الله يا أحمد إضافة إلى ما ذكرته في أمور كثيرة لا تعد و لا تحصى تزعجني أولها بالشارع و الإشارة حمراء انواع التزمر ما ادري يبغانا نستعد نمشي ما ادري وش يبي , ثانياً و انت واقف سرى و ملتزم و يجيك واحد يدخل عرض و ايانا و اياكم تكلموني , ثالثاً اللي يدخن في الأماكن العامه اطرطع بس أمي ما تخليهم تعطيهم على راسهم ( و اللي عندنا في المستشفى ادهى و امر )
    .. اذا ذكرت شئ راح ارجع و اضيفه

    بعدين احمد ماشاء الله صاير داعم رسمي لصب واي .. الله لايضرك

  32. يقول جوري:

    سين سؤال / لماذا احمد دائم الانتقاد؟؟؟؟؟؟؟؟؟؟؟؟
    <<<اعرف انه كالعاد لن يظهر تعليقي

  33. @ أحمد العطاس : ايه هههههه مرررة مروق

    @ توتو : هلا بك توتو .. بالعكس انا اشوف متابعة نور شي عادي .. يعني اسألك بالله وش يفرق نور عن المسلسلات الكويتية والمصرية .. مو كله حب وفلانة جت وعلانة راحت ..

    @ ميسي : ماهي أموال دولة أنا شغال في قطاع خاص 🙂 .. يعني ما لاحد منه 🙂 .. سعيد بتواصلك

    @ DETAILS : المشكلة مدري وش يلقون البنات في التدخين .. ، الرجل يمكن ارتبط معه بفكر المزاج والرجولة في فترة المراهقة .. لكن المرأة هل تبحث عن رجولة ؟

    @ light : سلمي لي ع الوالدة .. والله انها كفو 😀
    بعدين صب واي واللي جمبه احب اروح له لذلك (تنبع) الأفكار منها .. طبعا مايمديك على تنبع ..

    @ جوري : سميني (ناقم على المجتمع) .. وش اسوي أحب النقد وأموت فيه .. لدرجة اني سقطت فيها لما درستها في الجامعة هههههههههه والله جد

  34. نعم .. أكره أشياء كثيره من حولي و أحاسب نفسي كثيرا على كرهي لأرجع و أقول هل أنا شخص لا يكره ؟!
    نعم أكره و أكره و أكره و الكره جزء من مشاعرنا فهو أحساس يولد بعده احساس الحب ..

    لكني أكره أن أكره كثيرا !

    تحياتي ..

  35. أهم الشي المدخنات .. أحسها فيه خلل بمخها يوم تدخن بمكان عام
    الحين انتشر الموضوع أكثر من أي مكان ثاني ..
    والدوام أروح كني بطيارة كل يوم .. خاصة لو متأخرين ..
    أشوا أن الطريق رايح بس .. ولا كنا ما وصلنا
    الله يعقل علينا
    .
    .
    طيب يا “شيخ” أحمد ننتظر الجزء الثاني من لستة الكره حقتك (خشة تتلفت يمين يسار)

  36. يوم قلت بمكان عام مهوب قصدي أنه عادي بمكان خاص بس تحوم كبدي لا مسكت الزقارة بيدها << 🙂

التعليقات مغلقة.