ريجيم ايه اللي انت جاي تقول عليه

 

قبل نحو سنتين ، بدأت ألمس بوادر زيادة في وزني وكتبت عن ذلك في تدوينة سابقة ، في هذا العام قررت أن أضع حدا للزيادة تلافيا للتحول للسمنة – وقانا الله وإياكم 🙂 – ، كنت أحمل وجهة نظر مختلفة بعض الشيء حيث كنت أعتبر أن العيش في مدينة سيئة مثل الرياض لا تمنح ساكنها أي (حب) لتبقى المهمة اليومية ( العمل والبيت ) فقط أو كما يقول أحد الزملاء السوريين ( هيك مدينة بدها هيك أجسام) تعليقاً لسمنته ، لم تكن هناك أي أسباب أو مغريات أو حتى مجرد تطلعات لتحسين الجسم وتخفيف الوزن ، فالنهاية الروتين اليومي سيكون من المكتب إلى البيت إلا في حال زيارة خاطفة لاستراحة أو أخرى خصوصا نهاية الاسبوع .
قبل نحو اسبوعين تغيرت وجهة نظري ، لأن فتح مجال الزيادة في الجسم والخمول الطويل في النهاية هو أمرٌ سيء سواء كنت أعيش في الرياض أو بيروت أو حتى الخرخير التي لا أعلم أين تقع ، قررت الاشتراك في ناد رياضي وبدء تطبيق برنامج ريجيم قاسي .
لي الآن نحو الاسبوعين وفي الريجيم قرابة الاسبوع ، لأكون صريحاً فأنا لم أطبق الريجيم 100% لكني أقول بأني قد أبلغ 80% منه ولكن ورغم ذلك اتضحت لي أمورٌ عدة وكم أتمنى أن أستمر في أداء الرياضة أكبر وقت منكم لأن ومن خلال الاطلاع على تجارب الأصدقاء والزملاء .. فالجميع تقريبا لم يكمل المهمة وتسلل إليه الملل من المشوار للنادي حتى توقف .. لكني أوجز مالمسته في نقاط سريعة :
1 – أداء التمارين الرياضية الاعتيادية ( سير المشي 20 دقيقة – السيكل 20 دقيقة – الستيبر 10د ) ثم السباحة لمدة 10 وجاكوزي لمدة 5 دقائق ، تمنح طاقة غير طبيعية للحياة بشكل عام وليس اليوم وحده فقط ، ألمس الفائدة حتى في النوم والحركة والنشاط بشكل عام ، في السابق حقيقة كنت ألمس الخمول بشكل كبير خاصة في المساء نتيجة عدم الحركة .
2- الالتزام ببرنامج ريجيم ليس أمراً سهلاً بل هو مهمة أشبه ماتكون بالمستحيلة ، وأنا أستغرب ممن يهمل جسمه اعتقادا بقدرته على الدخول في برنامج ريجيم قبل الزواج مثلا ليخفض 20 كيلو في ثلاثة أشهر ، العملية ليست سهلة على الإطلاق وتحتاج إلى جلد وصبر لا يتوفر في أي شخص .
3- علمني الالتزام بالريجيم نظرة تأمل لواقع حياة واسلوب الأكل في الفترة (ماقبل الريجيم) ، فعلى سبيل المثال كان فطوري أمس زبادي خالي الدسم مع خبز بر واليوم الذي قبله كان جبن خالي الدسم ، في أول يومين عانيت الأمرين حتى أتناوله لكنه اليوم كنت يمثل لي وجبة اعتيادية تماما خصوصا أن تناسيتها وأصبحت آكل وأنا أشاهد التلفاز مثلا ، لكم أكن أتخيل أن وجبة غدائي ستكون فقط (صحن خضار مسلوقة بلا بطاطس) ، حيث اعتدت على تناول وجبة غداء متنوعة بما فيها (صحن حلى ) ، لذا لم تكن المهمة سهلة بكل تأكيد ، لكن تصفح الانترنت أو مشاهدة (حسينوه على فنون 🙂 ) ينسي أي طعم .
4- لم أكن أحلم بأني سأتناول كوب شاي دون سكر .. ، لكني (فعلتها) على الأقل لازلت صامدا 5 أيام ، قمت بذلك بشكل تدريجي حقيقة حيث أصبحت أضع ملعقة سكر واحدة فقط لمدة اسبوع ثم هذا الاسبوع أوقفت السكر تماماً باستثناء ( علبة بيبسي تناولتها أمس في مرحلة سرحان ههههه – كله منك ياهاني-
5- دخولي اليومي للنادي منحني أشاهد أكبر عدد من أعضاءه الذين ينقسمون إلى قسمين .. الأول من كانت أوزانهم – أعانهم الله – أمثال المشتركين في برنامج الرابح الأكبر حتى أن مجرد مشاهدتهم يشعرني بأني (ملك الرشاقة ) – اخس يا – ، ولكني أيضاً في الوقت ذاته أرى العشرات من ذوي الأجسام التي يحسدون عليها .
6- يجب أن تجهز رداً مثالياً لأصدقائك الذين يعلمون بأنك انضممت لناد رياضي ، الجميع سيقول لك ( مبروك الزواج 🙂 ) اعتقادا منهم بأنك دخلت النادي لفتح صفحة جديدة قبل الزواج وتحسين قوامك ، لو أجبت مثلي وقلت ( دخلت النادي من أجل الصحة والرياضة وتصليح ما أفسده الدهر في جسمي ) ، ستجد الإجابة الموحدة ( يانصصصصصصصاب .. وينك من 10 سنين ماطبيت نادي 😀 توك تفكر ) .

في النهاية آمل بأن لا أكون مثل البقية وأصمد الأشهر الثلاث المقبلة – على الأقل – حينها سأخبرك كم كنت وكم أصبحت 🙂

29 رد على “ريجيم ايه اللي انت جاي تقول عليه”

  1. هع وانا أقول اش فيه الرجال غايب أتاريه الريجيم له دور 😛
    بما انك في مدينة عملية فطبيعي راح تشتكي من زيادة الوزن أو السمنة في يوم من الأيام زي ما قال صاحبك! خاصة لو كان العمل ياخد أغلب أوقات النهار يعني مستحيل اللي زي حالاتي أرجع اعمل الأطباق المطلوبة حسب برنامج الريجيم أو اني آخدها معايا للعمل بما ان الغدا مثلا سلطة والا كان حولت المكتب لمطبخ زي المسلسلات المصرية وهات يا تقشير وتقطيع :D..يعني حتى مجرد التفكير في أكل صحي بيكون صعب مرة والمطاعم أكلها يا fast food مليان دهون يا بهارات وحليب النارجين!

    مع اني من النوع اللي ما يكتر من الأكل يعني مجرد نص طبق الغدا وأكمله بالقوة لكن برضو أحس بالزيادة؛ ليش? من كترة الجلوس في الدوام!! وطبعاً ما أنسى السكريات اللي في الكوفي خاصة اني من مدمني الموكا ومجرد التفكير في الاستغناء عن جزء من خلطة الموكا تخليني اعيد التفكير مرة تانية في المنبهات اللي أحتاجها..

    من ناحية النوادي الرياضية أو ممارسة الرياضة في الأماكن العامة فهدي تعتبر نقطة ايجابية لكم كـ رجال.. على الأقل مو ملزمين بمواعيد محددة للرجوع على البيت (unless you are SINGLE :D) وما تشيلوا هم لو جريتوا في الحدايق مثلا.. لكن نحن no way !!!
    ولو أخدناها من ناحية تانية مثلا مجرد الأعمال المنزلية تساعد على تخفيف الوزن وووو ما اعتقد لأنها راح تتقسم على: 30 دقيقة وقوف لعمل العشا – 20 دقيقة وقوف كمان غسل صحون – 30 دوران ولفلفة في البيت بس عشان ترجع كل حاجة لمكانها وغيره وغيره.. بالله أية رياضة هدي 😀

    any way…..
    hope you can lose all that no need FATS soon 😛

  2. الوعد الخميس

    نشوف إذا قعد عزيّر يصارخ وقال تشاااااااااااااااااااااااااااااااااااي

    وإذا نزلوا الشباب البروستد

    بعدها ممكن أرد عليك 😛

  3. السلام عليكم

    هلا ابو حميد

    ااااااااااااااه يالرجيم والله تعبت انقهرت جتني فتره سويت رجيم قاسي اذا قالوا رجيم يعني رجيم ونزلت في 3 اشهر 26 كليو واستمريت على الرجيم لكن مااقدرت انزل اظن هرمونات تنزيل الوزن وقفت عندي

    حتى الدكتور قالي اول مره يجيني واحد زيك

    لكن الحمدلله مشترك لي اسبوع في النادي بس ماالتزمت بالرجيم الصحه لاني بسافر برا كم يوم و لازم نخربها

    تحياتي

  4. مرحبا
    يا ذا الرجيم.
    عن نفسي كانت لي تجربه قبل سنه تقريبا اشتركت في نادي و طبقت برنامج غذائي.
    نزلت فيها 20 كيلو خلال 4 شهور.
    بعدها ثبت عليها في اخر خمسه شهور زدت 14 كيلو.
    ونفس التساؤلات كل منى عرف: اجل متى العرس؟
    اللي استغربه وما عانيت منه سالفه الاخلاق خلال فتره الرجيم على كلام الناس ان الاخلاق تخرب خلال فتره الرجيم بس بالعكس كل شي فيني تحسن.
    من ناحية النشاط والاخلاق والصحه حتى وجهي ياخي اول مشهب ويقشر في وقت الرجيم صار اوكي.
    ممكن النظام اللي اتبعته ما يسمى رجيم بقدر ما هو اكل صحي.
    لاني قبل كنت ما اعترف بالاكل الصحي كله مطاعم ورز و زيوت ومقالي.
    بدون ما اكل خضروات و لا فواكه ولا البان او حليب.
    في وقت الرجيم اكلي كله صحي ماعدا وجبه مفتوحه وحده في الاسبوع .
    نسيت شي اسمه رز لحد الان ماعدا ممكن مره وحده في الاسبوع واحس اني مغصوب بعد.
    صار عندي هاجس السعرات الحراريه لو اشتري اي شي يروح وقتي على قراءة المعلومات الغذائية.
    تركت النادي بعد ما انحدر مستواه ومعه تركت الرجيم.
    صار يقبل اي ناس وخفض اسعاره بشكل وخفض السن المطلوب من 18 الى 16 سنه يعني مبزره.
    صار فيه انتظار للتمرين بشكل كبير, واللي كان مصبرني انه قريب من بيتنا مره.
    الان اشتركت في نادي درجته اعلى وابعد.
    بس لحد الان ما بديت بدايه فعليه احضر يومين واترك يوم.

    المشكله يا اخي في الوقت يعني بحسبه 9.5 ساعات دوام وتنقل , 6 ساعات نوم, 3 ساعات النادي ما يصير فيه وقت لنفسك ولاهلك.

    بالله شل صوره هالستيكات تعذب
    يالله عبال الوزن المثالي.

  5. asma :
    الغياب عشان النادي صار ياخذ ساعتين مو الريجيم .. تغيرت الساعة البيولوجية على قولتهم 🙂

    وعلى قولتك الاعمال المنزلية تخفف الوزن .. بس عاد الرجل ماعنده اي بوادر للأعمال المنزلية

    عموما الوضع عندكم في ماليزيا ماشاء الله تبارك الله مشجع على المشي في أي مكان .. كثير الأماكن الجميلة .. وكثير الناس المؤدبة والملتزمة بالنظام .. ووجود نظام أمني جيد .. هالاشياء ماهي موجودة عندنا 🙂 .. الواحد لو يمشي الان في شارع لحاله ينطق عشان ينسرق جواله 😀 الا ان كان ولد حلال وسلم لهم الجهاز وأخذ الشريحة

    يزيد :
    شف .. الخميس حالة خاصة ماتخضع لها أي برامج ريجيم أو غيره
    بيني وبينك صعبة خميس بدون خيمة ولا بروستد 🙂
    وين تحافظ على ريجيم ويقابلك شووءءءء شوووووء 😀

    كيبورد صريح :
    والله برافو 26 كيلو في 3 شهور .. كويس جدا

    أنا مطلوب أنزل 10 كيلو .. وبيني وبينك ماودي تصير بسرعة عشان ماترجع بسرعة .. ودي اخليها على المدى البعيد احسن

    majnonaha :
    ماشاء الله نزول 20 كيلو ممتاز جدا والله ردك انت وكيبورد زادني تفاؤل ..

    بالضبط ردك هو اللي اقصده .. انا اللي افكر فيه مو ريجيم تقليدي يمكن هذا امشي عليه اسبوع ولا اثنين وبس .. اللي اقصده انه يجب أن يكون فيه نظام أكل بشكل مختلف .. مثلا بعد 11 مافيه أمل الواحد ياكل وجبة ثقيلة .. تقليل صحون الوجبة الواحدة .. بصراحة انا لما اتغدى بيكون فيه اصنافه كثيرة .. رز وفطاير وسلطة وطبق جانبي وحلى .. ولا الفطور 2 سندويش وزحمة .. الحين والله لو اخذ عشاء ساندويش صغير حق صب واي انه يشبع وزيادة .. ياخي مدري ليه الهبال اول الواحد ياخذ سندويش كبير وبطاطس وكوكيز .. وبيبسي كبير .. ليه 🙂

    يمكن أنا دوامي يساعدني في النادي اكثر بحكم اني اداوم فترتين .. يعني لما اطلع العصر عادة ما اداوم الا 3 او 4 ساعات فما احس بالارهاق أبد .. أروح النادي ساعة ونص ثم أنام لي نص ساعة .. المساء ارجع الدوام الى 10 .. فالوضع مساعد شوي

  6. ما شاء الله عليـك .. بدايـة طيبـه واتمنى يابو حميد انك تواصـل مسيرتـك في النادي
    ويلا نبي صور قبل وبعـد خلنا نشوف الفروقات 😀 .. وممكن تنزل لنا بوست بجدولك الغذائي ممكن نستفيـد منه 🙂 ..

    لا تسوي مثلي تحمسـت مره ودخلت نـادي وكلها أسبـوعين وانطفأ الحماس 🙁 .. لكن بعدهـا كان الحل بسيـط قدامـي عندنا الكورنيش الحلـو كل يوم امشي عليه والحمد لله وزني في نزول ومهتـم بأكلي وتركت الوجبـات السريعة اللي ما منها الا السمنه و وجع البطن 🙂 .. باقي لي كم كيلو وادخل عالم الرشاقه ههههههه 😀 ..

    تمنيـاتي لك بوزن مثالي

  7. أقول وين الناس … يمكن سافر … بس نادي مره وحده ” الله يقويك ” …
    بس نصيحة … استمر يعني مو شهرين ثلاث شهور و خلاص … لأن النتائج مو طيبة اذا تركتها
    نصيحة ثانية ” مريم نور على غفلة ” … هالله الله بالمشي على طول … لأن نتائجه أفضل من من السير وَ البايسكل
    نصيحة ثالثة … هالله الله بوجبة الفطور لا تهمله
    نصيحة رابعة …. امزح … على العموم الله يتمم عليك وَ تنزل الوزن اللي تبيه وَ تحافظ عليه وَ السامعين أجمعين …. آمين

    دمت بخير

  8. اااااه يالريجيم
    بس عارف الحلو في الموضوع ان في شاب يعترف بالريجيم ويعرف معاناتنا مع النزول, الشي الثاني أول مره أعرف إن الشباب يهتمون بنفسهم قبل الزواج برياضة وريجيم, بيني وبينك تسوون خلطات بعدP:.
    بالتوفيق.

  9. اجل بديت بريجيم؟ الله يعينك <تخوفك
    جد الله يساعدك وينزل وزنك بصحة وعافية

    ريجيمك يشبه الكيميائي وهالنوع ماحبه لانه شوي يؤثر ع الكلى (نصيحة لاتترك قارورة الماء من يدك) لترين ع الأقل

    وبما اني غثيتك 🙂
    بفرحك .. نسبة نزول الوزن عند الرجال أكثر من النساء بأربعة كيلو
    وزيادتك ١٠ كيلو .. تقدر تنزل ٥ بالريجيم و ٥ الباقية بالرياضة ؛)
    استانس فكيتك من الريجيم 🙂

    بالتوفيق احمد وان شاء الله ماتسترجع اي وزن تفقده.

  10. مبروك الزواج مقدماً 🙂
    لاتحاول تلف وتدور علينا , العملية مكشوفة ….

    بخصوص الرجيم :
    أنا أقول ومن تجربتي الشخصية واللي أشوفهم حولي من الزملاء و و أن المسألة مب مسألة ألتزام وبس ..

    المسألة قناعة داخلية , متى ما اقتنعت أنك تبي تنحف راح تنحف !
    مب المسألة كلام وبس …
    الموضوع إذا اقتنعت أنه أنه لازم أنحف فلازم أعرف اللي يزود وزني وأتركه …
    والله قدموا لي رز وحلى و و و وأنا عارف أنه هالشي بيزيد وزني , علطول أخليه ..

    أنا جربتها شهرين ونقصت 10 كيلو , والسالفة كلها تبديل قناعات داخلية بالأكل مع التقليل ..
    الشاهي الأخضر فقط وبدون سكر .. هذا لازم يومياً أشربه …
    الزبادي وخبز البر والنخالة كلها دخلت مائدتي مقابل خروج أصناف أخرى …
    مع المشي لو 20 دقيقة كافية ….

    وقبل أنسى , أهم شي لا ترهق روحك وتجي على وجهك ويزود وزنك …
    خل الأمور طبيعية وتنحف …

    تمنياتي للجميع ابلصحة والعافية والرشاقة

  11. أحمد الشمراني :
    ايه بداية طيبة أكيد صورة الستيك مسوية شغل 🙂

    الجدول الغذائي جت عليه طلبات في الايميل .. واهداءات 🙂 .. وان شاء الله انقله هنا في اقرب فرصة

    حظكم عندكم بحر ودنيا الواحد له نفس يمشي .. مو وضعنا الدمار 🙂 .. والنادي عسى الله يعطينا القوة اني اكمل فيه أطول فترة ممكنة

    light :
    والله لو الواحد يقدر كان اخلي النادي ساعة كل يوم على الاقل .. المشكلة الالتزامات الكثيرة تجبر الواحد يخفف .. وانا ان شاء الله اكمل قدر ما امكن .. وهذاني مكمل اسبوعين وعسى الله يسهل ..

    والله يامريم نور المشي في الاماكن الخارجية صعب .. لكن السير ووجود شاشة تلفزيون فيها قنوات كويسة تخلي الواحد ينسى .. اليوم والبركة في برنامج على الشوتايم كملت 25 دقيقة على السير والله من دون ما احس ..

    دانا :
    اللي يشوفك يقول انا اول واحد ، كل اخوياي لما اسولف لهم عن النادي اكتشف انه داخلين أو سبق ودخلوا اندية .. بس عاد من اللي يكمل 🙂

    ريم :
    والله عاد مدري هو كيميائي ولا فيزيائي 🙂 .. ههههههههه خفت لما قريت كيمائي حسيته شي كبير
    ما ابي اكبر السالفة ترى راس ماله زبادي خالي الدسم ولا جبن مثلها .. ولا خضار مسلوقة وش دخل الكيمياء

    عموما شكرا للمعلومات القيمة 🙂

    بدر الشايع :
    وبعد انت ؟
    يله .. الله يبارررررك فيك ، بس انا عند وعدي مابي اعرس الا تجي واحدة وتاخذ قرض ثم تخطبني .. ليه حنا اللي بنتبهدل يعني 😀

    وجهة نظرك صحيحة ولاهي بس في الريجيم .. حتى اللي يدخن مثلا ويبي يترك التدخين لازم قبل كل شي يكون فيه قناعة داخلية

    والشاهي الاخضر مطلوب بس دامك خبير وش الشي الكويس .. هل هو الطازة حق المدينة ذا ولا اخذ المعلب ؟

    وابشرك العملية مافيها ارهاق بالعكس متعة ووناسة .. والمدرب الحين يطلب مني ادخل حديد عشان اشد البطن .. بس بيني وبينك اخاف ادخل وابلش واكره النادي آآخذ همه اذا تذكرت التمارين القوية .. بالعكس الحين انا اروح وكلي حماس .. حماس وفتح

  12. ( قو هيد )

    أتذكر التدوينه السابقة اللي تكلمت عن هالموضوع ،، الرياضة زينه بس تحمل تتركها تفادياً من انك ترجع الضعف 🙂
    وبعد الثلاث شهور كمل على برنامج التثبيت لا تزيدها ولا تخربها

    وفالك التوفيق

  13. 🙂 السالفه ومافيها متابعتي للمدونة كانت جيدة
    صحيح جيتها صدفه ومب من أولها لكن مريت على كل التدوينات اللي فيها وكان فيه سبيس قبلها
    يعني لو كاتبها بـ 2005 أنا قريتها بالـ 2007

    حتى كنت كاتب فيها على ما أذكر عن أصحابك بالدوام والكرش

  14. ههههههههههههههههههههههههههههههههه

    انا زوجي تنطبق عليه اخر نقطة

    بس الحمد لله لحد الان مواظب عالنادي

  15. هلا والله بو حميد والله حسبناك مسافر ..عموما انا بعد هذا الموضوع شاغلني الاسبوع الماضي سويت رجيم قاسي{اعتقد هو الكيميائي الي تقصده ريم}لانه كان لمدة اسبوع وكل يوم نوع واحد من الاكل مثلا اول يوم كان فاكهه اليوم الثاني خضار الثالث فاكهه وخضار والرابع هو اصعب شي كان حليب و موز !!!!!ومايحتاج اكمل لاني للحين ابي انسى اني سويته اصلا المهم اصراري على الرجيم خلاني اروح ل دايتشن وتحط لي نظام غذائي متوازن1200سعره حراريه بس في اليوم وان شاء الله اببدأ بكره سو الله يعينا كلنا ونستمر! على فكره هذا رجيم مو قبل الزواج لاا ا خلصنا هذا بعد البيبي{ الله يخليه لي}

  16. ههههههههههههه

    راح الخميس

    وتدرون وش سوا الشاب الظريف اللي يتكلم عن الريجيم !

    أول مادخل على الشباب شرب بيالة شاهي ( حاااالي ) .. يعلق لسانه في البياله من قو السكر 😀

    بعدين لعب في البيتزا وفطاير السبانخ والجبن وغيرها من الشغلات الحلوه 😀

    بالعافيه اخوي احمد

    وصدقني لا تتعب عمرك بس

    ريّح ملايكتك .. ووسع صدرك

    وإلعب في النعمه لين تقول بس

    لكن نصيحه .. حاول تستمر على الأقل في النادي لو ثلاث مرات في الاسبوع

    وشكراً

  17. يزيد :
    هههههه ياخي قايل لك الخميس له حالة خاصة ، بعدين تراها بيالتين شاهي (عن قولة ) خاصة أن فهد ابن شوووء شوووء كان ملزم ورجع لي اكثر من مرة ، لا وازيدك من الشعر بيت ترى سحبت لي حبة شاورما بس محد شاف 😀

    توتو :
    لا موجود ماسافرت 🙂 .. وبصراحة كثير ناسة تمدح مراكز الدايت سنتر واخواتها .. بس يقولون التكلفة عالية

    ع البركة المولود .. يتربي بعزك

    سلطانة :
    اخر نقطة .. الزواج قصدك ؟

    ملامح :
    فعلا هو هذا الموضوع .. رجعت له وكأني كاتبه أمس .. شكرا لتواصلك 🙂

  18. والله شوف يا احمد أنا أستخدم الشاهي الأخضر لي الآن أكثر من 5 سنوات …
    جربت كذا نوع … طبعا الأصلي الأصلي غاااالي شفته عند محل مختص بالشاهي الأخضر ووران أكثر من 10 أنواع ….
    لكن اللي جربته أنا وماشي عليه هو شاهي ربيع اللي يجيك في علبة حديدية صغيرة … شاهي نثر مب علاقي ..

    وإذا تبي أعطيك خلطة سرية أسويها بين فترة والثانية , بس لازم تسويها وتجرب:
    شاهي أخضر
    نعناع
    يانسون
    بابونج
    زنجبيل طازج أو ناشف
    طبعاً الكميات حسب حجم الزمزمية وطبعاً اليانسون والبابونج تكون كمياتهم قليلة مقارنة بالأخريات .
    تحطهم في زمزمية وماء حار وتخليهم فترة , وتشربهم بعد الأكل أو اللي تبي !

    طبعاً لو تقرأ عن هالمكونات بتشوف آثارها اإيجابية على جسمك .

  19. مساء الخير
    صارت هالتدوينة مزار للأوزان الزائدة 🙂
    قصدي بالريجيم الكيميائي
    اللي الفطور بيضة أو زبادي ونص برتقالة
    والغدا بروتين خالي الدسم وخضار
    والعشا نفس الشي
    بشكل عام هالريجيم اسوأ ريجيم مر علي بحياتي هو وحمية أتكنز (اللي بروتين بس ومسموح بالدهن فيها) وهالحمية تنحف ٧ كيلو في الاسبوع للنساء و ١٠ كيلو للرجال بس مضاعفات هالحميتين فضيعة .. الكلى والكبد وكل شي يتأثر منها 🙂
    اذكر يوم اسوي حمية اتكنز نالاسبوع الثالث صارت عيوني صفرا 🙂
    وفيه حمية اسمها الريجيم المركب .. أعجبتني وآمنة من ناحية المضاعفات ..
    ملاحظ ان نظرتي سوداوية وانت محتاج احد يدعمك وما يقفلها بوجهك 🙂
    على العموم ادعي لك الدعوة المعتادة الله ينحفك من غير أذى (f)

  20. بدر الشايع :
    اووه يابدر .. اووووه .. وصرت والله راعي مزاج بقووووووة .. وش هالخلطة ووش هالعلوم ..
    شوقتني بشكل كبير أجربها .. وانا عارف لو جربت بيدري ورجلي على قولتهم ماراح يمشي معي ..

    عموما الحين أنا أشرب لبتنون أخضر أكياس مع النعناع .. والحال ماشي مافيه مشكلة ..

    على فكرة .. ( شوووء شوووء ) خوينا ترى جته فترة طاح زيك في هالخلطات .. بس مدري عاد جابت نتيجة ولا لا

    عموما .. ترى جازت لي ( وران ) حسيت انها طالعة من قلب 😀 وينك ياهاني

    ريم :
    والله انتم يالبنات خبراء في هالمجال .. انا مادري ان اسمه كميائي الا بعد اسبوع .. عاد يالله عرفت كيميائي وش بيعرفني بـ اتكنز والمركب .. احس ان هذي صعبة مرررة

  21. ياااه ماشاء الله عليك أحس هالأشياء أهم شي فيها الهمه

    ويلا بنشجعك وكل كيلو تنقصه لك هديه D:

    أنا ياحسرتاه أبي اسمن لو كيلو واحد .. حول لي الدهون اللي بتنقصها 🙁

  22. اقول الي يفدر يعلمني كيف ازيد 20 كيلو يساعدني بليييز
    اختكم تعاني من نحافه

    ااه مادري وين عقولكم الي وزنكم عالي وتعملون رجيم لو وزني يوصل 70 الله الله
    انا الحين 40 وطولي 164

  23. انا اقول الي عنده شي يزيد الوزن 20 كيلو لايقصر يعطيني لاني مليت من نحافتي

  24. من تجربة شخصية: شرب الشاي الشاي والقهوة بدون سكر ساعدني على خسارة 3 كيلو من وزني ومن دون أي تمارين رياضية. وبعد مرور أكثر من سنة، أصبحت أستمتع بطعم الشاي بدون سكر، أما القهوة فلا أستطيع شربها مطلقاً بالسكر.

    الدافع الحقيقي وراء الرد: صورة الستيك أعجبتني، و إذا كنت من محبي الستيك فأرجو أن تدون عن قلّة مطاعم الستيك في الرياض وغلائها.

    تحياتي لك
    SaudiGeek

  25. السلام عليكم:
    انا بنت عمري 19 من الاردن لما كنت بالتوجيهي وصادف رمضان نزلت قرابة ال7 كيلو وفعلا غيرو بحياتي وصرت اروح واجي مع العلم اني رياضية وصرت اشعر بأني رشيقة وا حدا قدي لكن مع دخولي للجامعة وعدم رغبتي بالتخصص زاد وزني 11كيلو ما تسألوني كيف لاني انا لا اعلم ذلك صرت 75 عملت ريجيم على هواي(من اختراعي) نزلت 3 كيلو اما انا الان في اليوم الثاني لريجيم متبعه وادعولي ينزل من 28 ل 30 كيلو

  26. احمد مبروووووووووك الزواااج ههههههههههه …
    من زياراتي للنادي العام الماضي اتضحت لي فكرة الناس مايتجهوون للنادي إلا إذا وجدو ان اجسامهم قد وصلت للحد الذي يستلزم عليهم الدخول للنادي ..

    انا كنت رايحه مع اختي الكل يسأل انتي وش جاابك اصلا ماله داعي تخسرين مكان بالآلات ونظرات التعجبب
    اقولهم بس للصحه يعني القعده بالبيت تملل وتجييب الكرش …
    بعدها حرررمت ادخل نااادييي لأن الوضع في النادي لايطااق ….

    بس اعترف ان الرجيييم صعب واصفرار وجه اختي الدائم يجعلني اعطف على كل من لايضع سكر بالشاي هههههههههههههههههههه …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *