خيقي بيقي خذ يا

هاي هي المرجلة ؟ :)
في الدوام .. يوجد مراسل أو سائق يمني الجنسية لكنه من النوعية القديمة التي تحب النقاشات والأخذ والرد بطولة بال غير معهودة  ، قبل شهر تقريباً فاجئني بسؤال غريب .. ( أحمد انت تدري ان صدام مامات ؟ ) ، قلت في نفسي  عسى ماشر .. وش هالطلعة !  ، أجبته :  وش اللي مامات وهو أعدم شنقاً قدام العالم ، أجابني : ياااااااخي انت ماتدري .. هذا واحد شبيه له !
آآه .. عدنا إذن إلى موضوع صدام والأخبار المتكررة التي تحدثت عن وجود شبيه له بشكل دقيق بل وأكثر من شبيه ، رغم كل ماطرح في وسائل الإعلام حينذاك إلا أن الأمر في النهاية كان مجرد ( كلام ) ..
حتى لا أفسد الموضوع على صاحبنا العزيز أجبته ( ماهو مصدرك .. كيف علمت بهذه المعلومة الخطيرة ) ، أجاب ( والله واحد تركي قالها لي أمس وأنا ما صدقته إلا مابعد حلف لي ) ، قلت في نفسي ( ياكثر ماتقول لنفسك 😀 ) ، ربما أن صاحبنا هذا صدق الرجل التركي الذي قد يكون مثلاً سفير جاء في زيارة للجريدة وقالها على سبيل الدعابة أو قائم بالأعمال .. او ملحق في السفارة .. أين يكن المهم أن يكون شخصية كبيرة قد تؤثر في تفكير صاحبنا ، سألته ( وماذا يعمل هذه التركي ) .. أجاب ( والله هذا شغلته يرش بوية على أبواب الحديد في المحلات ) .. ياحبيي على المصدر القوي .. وخيقي بيقي خذ يا ؟؟ ..
وأزيدكم من الشعر بيت .. يؤكد صاحبنا أن التركي يقول له أنه يملك معلومات خطيرة تؤكد أن صدام رتب لعملية شمال بغداد أدت لمقتل خمسة جنود أمريكيين .. من جد خيقي بيقي ( بالقاف الفصيحة ) كما يقولها صديقنا اليمني .

10 ردود على “خيقي بيقي خذ يا”

  1. صباحك عسل

    والله النوعيات من الجنس هذا صارت كثيرة الأيام هذي
    وسبحان الله استغلت مع وجود الأحداث …
    أما شخصية التركي فكثيرا ما تشوفه مع أصحاب الدخل الضعيف شوي
    يحاول يبرز نفسه بأي وسيلة ولو كانت على حساب دينه

    لكن يقولون ” اللي يصدق … تراه ما يكذب ” ولا وش رايك ؟

    دمت في حفظ الله …

  2. ماشاء الله حتى انتوا الرجاجيل عندكم (شبه) من سوالف الحريم 😀

    بالأول كنت أحب أقرأ في السياسة بشكل كبير بحكم دراستي.. لكن الآن من كثر ما أشوف المهازل والكلام الفاضي وكل يوم يطلع لنا ماشاء الله محلل سياسي (مثل خويك اليمني وخويه التركي) ومو بعيد تشوف الاتنين دولي في الجزيرة وبيتضاربوا مع غيرهم في (الاتجاه المعاكس)
    على قد حبي للسياسة ودراستها على قد ما كلام الناس فيها ماله داعي

    والله يعينك على هيك ناس 🙂

  3. اخوي احمد

    ترى الرجال على قد حاله يعني ناقل خبر لا تشره عليه بعدين عط سداح فرصة خله يبين عن نفسه
    يعني موظف يمني من فين تبيه يجيب الخبر من بوش الرجال على قد حاله شاف واحد قريب له في الحال قام صدقه بعد ما حلفله

    فيه ناس مناصبهم ودراساتهم عاليه يجيبون اخبار كاذبة ويصدقونها عندك بوش مثلا عندما بحثوا على اسلحة الدمار الشامل الكل صدقه وهو اكبر دجال فلا تشره وانا اخوك

  4. أحمد
    كان قلته له والله انك
    خيقي بيقي خذ ياصديقي 🙂
    بس صراحه المصدر قوي واللي اقوى منه انه حلف له ههههههههههه

  5. انت ماتدري هالرجال في السي اي ايه ! اكيدمعلومات دقيقة دقة المعلومات حول الاسلحة النووية اللي في العراق ؟

  6. إن عالمنا ملئ بالأمور الحساسه جدا وتثير الغرابه لدى شخص اخر فمثلا عندما ارجع للبيت في منتصف الليل يكون هناك تلفاز مشتغل حتى اخر لحظه من اامر الذي ادى لخصام المدير العام الجمعيه الخيريه المستقله عالميا فمثلا رغبت بالنوم اقوم لاغسل وجهي لاستطيع لماذا هذا إن دل فيدل على العلم الغانم الذي يشرف الوجه قدام الربع العزيز.وشكرا لتوحيكم.

  7. خيقي بيقي امممم اول مره اسمعها مع اني يمنيه

    برايفت فواز ” يعني لو موظف فلاني الجنسيه بيكون عنده القوى الخارقة مثلاً !! “

  8. سلطان : لا يخوي لا تكبر السالفة 🙂 تراه على قد نيته

    asma : لا شبه ولا شي بس عاد أحيانا تصير مثل هالسوالف على سبيل الضحك والسخرية .. بس عاد مو نفكر فيها لدرجة الجد

    فواز : ماشرهت بس تجوز لي هالسواليف احب اوسع صدري عليها 🙂 أنبسط يعني واعطيه جوه

    مشغول : وش صادق فيه ؟ .. لا تصير خيقي بيقي 😀

    saad : والله اني قايل له ههههههههه وبالقاف الفصيحة بعد .. تجوز لي

    ميسى : التركي شكله لاعب كبير ودي يوم آقابله بصراحة 🙂

    تايه في زمان : انت متأكد انك راد على موضوع خيقي بيقي ؟

    جود :خيقي بيقي جملة شهيرة اخذت أصداء أكبر لما رددها الأمير عبدالرحمن بن سعود رئيس نادي النصر

  9. ياكثر اللي يسولوفن علينا ويهكون؟؟؟ونسوي نفسنا نسمع لهم واحنا من جوا انفسنا نقول احلصوووووا؟؟
    هههههههههههههههههههههههههههههه
    الله يعينك عليه
    عاليه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *