أريد بحراً

وش احلى من جلسة على الحبر المبحر في المبحارة عناد لجووووري  :)

حلمي بسيط .. لا أريد بلايين في حسابي ( ايه هين 😀 )، ولا أريد منصباً وجاهاً ولا أريد قصراً أو اسطولاً من الطائرات والسيارات ، حلمي (على قدي ) .. كل ما أتمناه أن تنقلب موازين الطبيعة فجأة وتظهر بحيرة عملاقة في الرياض أو وادياً يسير حتى ولو نهر صناعي يصب في  مياه الخليج العربي .
كلما سافرت إلى مدينة شاطئية يكون البحر هو وجهتي الرئيسية .. الأولى والأخيرة ، لا أدري كيف يعيش الناس في المدن الساحلية ولا يستشعرون جمال البحر ، بل أعرف أصدقاءاً لي يؤكدون أنهم لا يرون الشواطئ لفترة طويلة تصل إلى شهر ، هذه الكلمة تصيبني بالقلق .. البحر .. البحر أمامكم وتتجاهلونه .
لو خيرت بمجال عملٍ جديد في مدينة تطل على بحر أو حتى نهر لقبلت العرض دون تردد وتركت الرياض التي تعيش أيامها الأخيرة كمدينة ( انسانية ) لأنها تحولت إلى مدينة جامدة مزدحمة بلا أفكار تطويرية تجبرك في بعض الأحيان بأن تقول لها ( أني أكرهك ) .
البحر ياسادة ياكرام هو المكان الوحيد الذي يمكنك أن يستمع إليك لساعات طويلة .. ولوحدك ، ولا يوجد أجمل من أن تجلس ممدداً قدماك أمام البحر وبجانبك يعلو صوت هاتفك بأغنية طربية لأم كلثوم أو حتى أغنية (شعبية ) يرددها محمد عبده ،والأهم أن لا يكون الطقس شديد البرودة أو الحرارة ، حينها يمكنك أن تجلس لساعات طوال وتنسى الدنيا .. كل الدنيا خلفك تماماً .
في الصورة الملتقطة بالأعلى منظر الغروب من أحد شواطئ مدينة دبي ، يعجبني ذلك المكان تحديداً كل ماتوقفت في دبي ( ترانزيت ) حيث أستأجر سيارة صغيرة وانطلق إلى ذلك المكان حتى قبل أن أضع حقائبي في الفندق ، وأذكر مرة كان التوقف في المطار لمدة لا تتجاوز 4 ساعات لكني فضلت الخروج إلى البحر ، وساهم في ذلك قرب المطار من المدينة .
أقول هذه الكلمات وأنا للتو عدت للبيت من ( ساعة صفا ) .. أتدرون كيف أقضيها في مدينة الأسمنت ، أمر على أحد المقاهي لطلب (قهوة فرنسية ) والتي جعلني صديقي أبو ناصر مدمناً عليها ، أتناول كوب القهوة وأضع أغنية هادئة كما هي حال الأغنية التي استمعت إليها اليوم لطلال مداح ، ثم أتجه إلى طريق الملك فهد نحو الشمال بسرعة لاتتجاوز 80 كلم ومغلقاً هاتفي الجوال حتى أصل إلى مخرج (القوات الخاصة ) ثم أقفل راجعاً مرة أخرى .. مجرد القيادة على طريق سريع بعيداً عن الأضواء يمنح فرصة للتفكير في هدوء في أي قرار أتخذه لأني ببساطة لا أستطيع التفكير في غرفة مغلقة وبجانبي انترنت وتلفزيون وهاتف جوال .. ياحسرة ان كان هذا هو المجال الوحيد للتفكير في مدينة الرياض .. ألم أقل لكم .. أبي بحر !

33 رد على “أريد بحراً”

  1. اهلين وسهلين
    من جد البحر شيء جميل وضروري وخاصة بوقت الغروب الللللللله من جد قهر ان الرياض مافيها بحر او حتى بحيره راضين بس مافيه 🙁
    يعني لو الواحد تهاوش مع اهله ويبي يسوي زي المسلسلات مايمديه هنا نروح الثمامه في هدوء وظلام بس مافي بحرك:)

  2. بلا مبالغة صار لي شهور ماقعدت عند البحر
    وخصوصاً أن الحو هاليومين مش جو بحر
    أتذكر لما كنت ساكن في الرياض كان عشقي البحر لما أجي الشرقية
    بس لما سكنت جنب البحر صار شي عادي
    وخلك عن البحر ، أيش رأيك بناس يسكنون جنب الحرم وتمر عليهم السنوات مايصلون فيه ؟!
    طبايع بشر

  3. هلا احمد
    انت تقول للرياض بعض الاحيان أكرهك ؟؟
    انا اقولها كل يوم ودوم

    وشف يأاحمد اكيد شي ماهوب عندك تشفق له وزي ماقال ماشي صح
    وارجع واقول ياكرهي للرياض

  4. بسسسسس بس تبي بحر ,,,الشرقيه على بعد 400انقل (على العموم من مايحب البحر انا مهووسه بحر حتى لقبي اللي معروفه فيه بالمنتديات اخذته من البحر ) بس ساعات البحر يغدر ويخوف يعني الواحد يحب الساحل لكن مابعد الساحل استحاله اتعداه حتى اهلي لما ركبو الخور في دبي حسيت انهم مغامرين ومجانين رغم انه خور مو ووسط البحر تحس فيه بامان ؟؟
    اعجبني تعليقكك على ان الرياض مدينه جامد وتكرهها ،،،،جدتي الله يرحمها تقول عنها الشهباء لانها مافيها روح وكلها مباني
    *********************************************************
    ألم أقل لكم .. أبي بحر !
    غريبه بديتها لغه عربيه فصحى كملها دام ربي منعم عليك وتعرف ترطن عربي فصحى قل(أاريد بحر )مو( ابي بحر )
    ——

  5. السلام عليكم

    والله انك صادق يازين البحر ماافي احلى منه بس لازم تقرشع كل اللي قاعدين على الشاطيء معك

    اللي جايب عياله واللي قاعدين يفصفصون وشاهي وقهوة ههههههههههههه صح؟

    البحر للهدوء للتفكير للخيال وراحة البا وبس

  6. أهلاً وسهلاً ،،

    ،، ،، لكـــن عليك أخي أن تعرف أن البحر ســـلاح ذو حــدين ،،،

    ،، دمت بخــير

  7. *********
    🙂
    *********
    الثمامة الحين كلها منتزهات وزحمات وقهاوي وقلق بالعكس الحين اللي يروح يوجعه راسه زيادة إلا عاد إللي يتبحر يمين يسار

    *********
    ماشي صح
    *********
    والله هذي فعلا مفارقة ويبي لها موضوع ، صدقت اللي عند البحر مايروحون له وحتى اللي عند الحرم .. يابن الحلال أنا عن نفسي مابعد طبيت برج المملكة حتى الآن والناس يجون من برا وسيده له .. مفارقات 🙂

    *********
    saad
    *********
    تبي الجد انا اقولها كل عشر دقايق بس مستحي أكتبها 😀 ياخي والله قلق … قللللللللق امس طالع اصور عشان تجديد الجواز .. مشوار للثلاثين خذا مني ساعة ونص .. غير القلق حق المواقف ووجع الراس عند الاشارات .. تدري بغيت اصفط واخذ لي تاكسي اهون لي من وجع الررررراس

    *********
    جوري
    *********
    يمكن عندك (فوبيا البحر 😀 ) ، بالعكس أنا اشوف انه شي كويس يمكن عشاني اعرف السباحة .. لكن مجرد الابحار متعة ، ولا انسى احلى رحلة لي كانت مع هاني في لنكاوي بماليزيا طلعنا على قارب كان يمشي مليووووووون ..ووسط المحيط بعد يعني مو بحيرة ولا شاطئ عادي ..
    لما قلت ابي بحر خربت اللغة لانه وانا اكتب كان ضايق صدري .. ابييييي بحرررر

    *********
    العسل
    *********
    ايه البحث عن مكان هادئ مو شي صعب ، يعني في دبي فيها جهة دايم تكون فاضية مرة خاصة اللي خلف فندق حياة ريجنسي حسب ذاكرتي .. أما الجلسة وسط الزحمة والقلق .. لا هذي فيها وجع راس من جد

    *********
    M
    *********
    ايه بس ما قلت أنا أبي بحر عشان أسبح ولا أتعمق فيه .. راس مالها جلسة بسسسسس .. هذي مافيه حدين ولا ثلاثة .. ولا ؟

  8. مو بس هذي غلطت فيها حط الماوس على الصورة وشف الصحفي احمد وش كاتب
    الا اقول انت صدق صحفي؟؟؟!!!!

    سوري على اني رديت مرتين بس جد مواضيعك حلوة والمدونه رائعه

  9. مو بس هذي غلطت فيها حط الماوس على الصورة وشف الصحفي احمد وش كاتب
    الا اقول انت صدق صحفي؟؟؟!!!!
    سوري على اني رديت مرتين بس جد مواضيعك حلوة والمدونه رائعه

  10. سلامـ

    والله هذاك جبتها الناس في كل مكان تسولف عن المملكه والفيصليه وشارع التحليه والثمامه واخوك ماعمره جاهم ولاشافهم الا مره وحده للثمامه ومره للفيصليه وكانت كلها على عجاله وقبل اربع سنوات

    اما الرياض فماقول الا يامال ,,,,,, قصدي السيل 😀

    وجع راس والله اني اذا جاء عندي شغل احيانا اكنسله

    اليوم طلعت الساعه وحده ونص علشان الحق البنك الامريكي الاداره العامه ماوصلته الا الساعه 2:30 خلصت منه الساعه 3 ابي ارجع للدوام مشوار قلق مايمديني اوصل الا الدوام منتهي بعدين رحت للبيت ماوصلت الا بعد 4 يعني كاني مداوم 😀

    والا البحر ترى فيه بحر في جنوب الرياض 😀 وانتم بكرامه 😀 يوم تمر من عنده بالصدفه والا الاجانب يصيدون سمك فيه 😀

    وعلى قولة الشباب ترى الشرقيه قريب يعني على قولة الشيبان (حذفة عصا) ,,,,

    تحياتي

    برايفت : وين ذاك ماشغلتوه حتى الان 😀

  11. يكفي بان كل الشعراء نظمو قصيده على الاقل في البحر..
    …………………………….
    واقل شي انتم في الرياض البحر قريب
    حنا الوقت اللي نحتاجه لقضاء نزهه بحريه تتعدى ايام الويكند..
    اما من ناحيه المدينه الاسمنتيه فهي بكل جداره اسمنتيه مستبده ليس لاحد غنى عنها..
    انا رغم كرهي الشديد لها ولأجوائها مايمر اسبوعين الا لازم اجي الرياض…

  12. بحكم مشواري البعيد من البيت للدوام .. غالباً اقضيه بهدوء دون تشغيل المسجل او حتى مكالمة أحد
    أحب اكون لحالي أفكر خلال 30 دقيقة بكل شي يدور في بالي .. فمابالك نص ساعه رايح للدوام ونص ساعه
    راجع من الدوام .. يعني ساعة من 24 ساعة باليوم .. كلها تفكير وهواجيس وتقليب مواجع 🙂 بس الأحلى
    انها مراجعة لكل أموري في الحياة 🙂
    ومع ذلك .. صدق نبي بحر !

  13. صباحك ورد

    أحمد .. لم تتحقق تلك الامنيه بعد؟؟

    تعلم اصبحت اهرب من حياتي لـهـ ن ـا ..

    فمدونتك تعيدني دوماً لـ سنوات خمس ماضيه ..

    وبطبعي احب تذكر الايام الماضيهـ مابالك اذا كانت جميله فلها طعم اخر ..

    منذ سنين واحمد يتمنى هذه الامنيه ..

    اتمنى ان تتحقق من اجلك فقط ..

    ولكني مازلت اخالفك الرأي فـ الرياض جميله بـ كل عيوبها تبقى جميله ..

    من العصب ان نكرهها مهما شوهتها تلك التي تسمى حضاره عمرانيه ..

    احمد .. حفظك الله ووفقك ..

  14. *********
    TMT
    *********
    هلا وسهلا
    ههههههههه انت اشد مني ، من جد المشاوير في الرياض دمار بس عاد وش نسوي دام البلد مافيه تخطيط ولا بعد نظر لان البلديات الله لا يهينهم يحسبون السالفة بعرض الشارع .. مافيه رؤية لمترو انفاق او تنسيق طرق .. لذلك طبيعي تشوف الزحمة على شارع الوشم عند البنك ولا غيره ..
    بس بعد تبي الجد صعبة مشوار 400 كلم عشان البحر .. تو ماتش بصراحة خصوصا ان الشرقية ماتختلف عن دجة الرياض يعني برضة صعبة الواحد يجلس يومين ولا ثلاثة .. هي إما سفرة ولا بلاش

    رد على برايفت : ياخي كل ماقرب الموعد طلعت اشكاليات .. لكن وانت وش عليك دامها ببلاااااش ، يمكن الاثنين الجاي يصير فيه شي جديد

    *********
    FATOOO
    *********
    انا اقولها لو كان عندنا بحر ولا بحيرة كان زاد عدد المبدعين بشكل غير طبيعي .. لأن البحر ملهم .. ولا فيه شي يخلي الانسان يطلع اللي في قلبه زي البحر 🙂
    شكرا لتواصلك

    *********
    مشغول
    *********
    ايه واضح 😀 يابن الحلال ماقد دقيت عليك وانت جاي للدوام إلا واحصل جوالك ويتنق .. طبيعي مايمديك تشغل المسجل 🙂
    تبي الجد انا وقت الدوام ماني بعيد عنك ، صح اني مشغل السيدي بس والله اني انزل ولا ادري وش كنت اسمع

    *********
    أنا
    *********
    هلا بك وسهلا اخوي
    والله الامنية تظل امنية لكنها صعبة تتحقق خاصة في وضع مثل الوضع الحالي ، الأمل الوحيد اني احصل عمل في مكان برا .. يمكن وقتها يحصل أمل 🙂
    ولا الرياض اللي يمشي فيها وينلطع في اشارة الملك عبدالله مع العليا لمدة 15 دقيقة  من دون مايتحرك .. يعرف ان الله حق 🙂

  15. كلنا نبغى بحر بس هالايام كني كرهته مدري ليه بحر جده والدمام حلو من بعيد بس اذا قربت لا
    يعني الواحد بيسوي رومنسي وشاعري بيجلس على الشاطيء ويرمي حصا ولا يجمع الاصداف مايقدر يعني بدال ماتجمعون اصداف تقدرون تجمعون قزاز وكفر سياره وعلب مشروبات غازيه وجزم الله يكرمكم

    وين تبغانا نحب البحر معه طبعا بحر عن بحر يفرق
    وبعدين الرياض وش زينها وش حلاتها بدون بحر
    يكفينا بحر البترول اللي عندنا

  16. بحر بحر كلامك صحيح انا كنت ساكنة جنب البحر المدة عشرين سنة تقريبا عمري كلة
    كان بيتنا على البحر على طول الدرجة افتح الشباك واشوف البحر امامي بجد منظر جميل كنت اشاهد هذا المنظر الساعات وساعات وإذا ظاق صدري فتحت الشباك مايحتاج واجمل ايا م العمر كانت بالبحر ومشاهدة الغروب والشروق.
    بعدها انتقلنا بعيد عن البحر ولي 3 سنوات ماشفت صديقي العزيز !!!بس صدقني كلام ماشي صح صحيح عاش لسانك اخوي .عجبني تعليقك على الرياض زرتها مرة وكرهتها !

  17. http://arabesq.blogspot.com

    أخى العزيز أحمد

    انا مش عارف اية اللى بيحصل فى السعودية بالظبط انا عمرى ما زرتها بس ان شاء الله يجى اليوم اللى ازور الحرم

    بس من المتابعه للمحطات الفضائية و المواقع و المنتديات و البلوجرز لاحظت ان فى تفاوت كبير بي ن السعودية و دول مجاورة لها امكانات اقل و ثروات اقل بالمقارنه بالمملكه

    ففى الوقت التى حققت فية الامارات العربية المتحده و قطر و البحرين طفرة معمارية و مدنية على مستوى التوسع العمرانى و محاولات اولية لتتنويع الاقتصادى بعيدا عن البترول و النفط اجد ان المملكه لا تستفاد من اتساع مساحتها و الموارد البشرية

    انا بكتب الكلام ده بسبب كلامك المستمر عن الزهمه فى الرياض و انها بأت مدينه بلا روح و كلها مشاكل و تلوث و الحياه بها وقت الزروة اصبح شىء فوق الاحتمال

    لية لا يتم معالجه المشكلات دى كلها لية كل يوم نقرا عن مشاكل بدات تظهر فى السعودية و تنتشر و لا يتم علاجها

    للاسف المملكه كانت صاحبة رياده فى الخليج لكنى اشعر اليوم ان الرياده انتقلت الى دول كانت طموحها محدود خلال التسعينات

    انا فاكر من 10 سنين او 15 سنه كان كل المصريين اللى فى الخليج مبهورين بالرياض و جمالها و نظافتها و سهوله الحياه بها فكان من يزورها يستمتع بها و بالحياه فيها لكن اظاهر ان النظر اليوم تحول من الرياض الى دبى او المنامه او الدوحه

    انتا كتبت موضوع قبل كده اسمه تقريبا ماذا حدث للمصريين ؟

    و انا بقولك اية اللى بيحصل للسعوديين وهل هيا بداية تاخر ام مرحله و سيتم علاجها

    فى النهاية اتمنى النهضه و الرقى لكل الدول المسلمه

  18. بصراحه انت فاهمني …!!! يعني كأنك قاريني انا انسانه اعشق البحر واتمنى اعيش في المناطق الساحليه لان البحر نعمه واعتبرها تفريغ لافكارك ….. احيانا اكره الرياض وازعاجها ودوخة الراس ….

    واحيانا تحتاج سلف بحر 🙂 بقوووووه اذا ضاقت فيك الدنيا

  19. هلا والله اخوي احمد

    والله البحر مهوب شين لو جاء بالرياض بس ولو يااخي البر والله شي وووناااااااسه خاصه اذا طلعت ومعك 2 يحبهم قلبك

    مره سواليف عليها الكلام ومره سواليف مالها داعي انها تطلع من لسان الواحد بعيدين تقوم تطبخ عشاك وبعدها براد شاهي الخير خااااااااااااااادر ومعها شي شي ثاني بعد العشاء ياسيجاره ولا راس جراك وخذ سواليف وهدوء (الله يتوب علينا بس ) انه ازين من الف بحر

    اذا تبي بر هااااادي مكان مافيه لا دبابات ولا مخيمات ولا بعض الناس الي الله بالخير

    رح بعد التفتيش الي عند مركز الثمامه عد حاولي 21 برج كهرب بعدين رح يسار وادخل جوا في البر تمش شوي الى ماتطيح لك في نقررررررررره صح وانزل انت والي معك واخر وناسه
    كان تقول خلااااص لا اريد بحر ابي بر زود

    تحياتي

  20. *********
    الوعد
    *********
    والله عن نفسي زمان عن بحر جدة والدمام يمكن من اكثر من 5 سنين عنهم عشان كذا ما اتذكر بس مهما كان يمدي الواحد يحصل مكان كويس .. حتى ولو منطقة بعيدة عن الشواطئ المزدحمة

    *********
    مها
    *********
    20 سنة والله فترة ماتتعوض جمب البحرمتعة مابعدها متعة .. بس عاد ان زاد الشي عن حده بيكون شي تلقائي ومعتاد وماله طعم .. ولا ؟

    *********
    أرابيسك
    *********
    اهلا وسهلا فيك
    اولا غير صحيح ان المملكة كانت صاحبة الريادة ، في الخليج كانت الكويت صاحبة الريادة تقريبا على كافة المستويات حتى غزو صدام وبعدها انتكست بشكل كبير ثم تولت الامارات الريادة على كافة الأصعادة ربما إلى يومنا هذا ، وخلال السنوات الخمس المقبلة ستكون قطر في طريقها لخطف الريادة في ظل السياسة القطرية الحالية ، هذا جانب .. الجانب الآخر ان المملكة لا يمكن مقارنتها بأي دولة خليجية لاختلاف المساحة وعدد السكان ، فمثلا الاماراتيون عددهم لا يمثل سوى 20% تقريباً من سكان مدينة الرياض فكان ، أما قطر والبحرين فعدد سكانهما مجتمعين لا يعادلون عدد سكان جنوب الرياض .. وهكذا .
    الرياض تجلب الكره لسبب واحد ناتج عن سوء التخطيط في السنوات العشرين الماضية والتي نتج عنها وضع كل شيء في العاصمة بما فيه من مناطق صناعية مما أدى الى تضاعف عدد سكانها بشكل كبير يتجاوز حاليا 4 مليون نسمة ، وضع في بالك أنه 95% من السعوديين الذين تتجاوز أعمارهم 20 سنة يملكون سيارة .. لذلك أضح لك مدى تصور ازدحام الطرق والشوارع بالعدد الكبير من السيارات يوميا الأمر الذي يسبب ازدحاما كبير إضافة إلى سوء تخطيط الشوارع وضعف كبير في جانب إدارات المرور التي تفشل في تسهيل حركة السير .
    احقاقا للحق فالرياض أحسن حالاً من مدن كثير خليجياً لكنها بحاجة إلى إعادة النظر في التخطيط للمستقبل ..
    ولا تنسى أن عصر الملك عبدالله حالياً بدأ في تصحيح من الامور السلبية وأولها كان في إيجاد مشاريع خارج نطاق العاصمة كما هو الحال في المدينة الاقتصادية العملاقة التي ستجبر الكثير سكان المناطق على التوجه إليها مما يخفف عناء الضغط عن العاصمة قليلا
    أهلا وسهلاً بك عزيزي 🙂

    *********
    سديم
    *********
    حلوة سلف بحر .. والله لو تجي ونربط شاطئ من جزر المالديف للرياض .. كان شييييي 😀

    *********
    فاضي جدا
    *********
    يابن الحلال لو معك 2 أو 3 بعد بيصير ملحق بيتكم جنة وبلاي ستيشن وسعة صدر 🙂 ، بس أنا أقول الواحد لحاله لما يبي يتكي عنده موضوع يفكر فيه أو مشروع أو خطة في مجال عمله .. مافيه أصفى وأنقى من جلسة على البحر بهدوء .. يعني البحر يعطيك أفق كبير للتفكير والتخطيط ، بس سالفة إني امس خط للثمامة واطب في هالتربات .. قلق .. اوووكي حلوة طلعة مع شباب مافيه احلى منها بس ماتسوى واحد لحاله .. ولا يافاضي ؟

  21. هلا اخوي احمد

    ترا اذا طلعت البر لحالك وانت طفشان وصلحت ابريق شاهي شييي وجلست جلسة مصارحه مع نفسك والله ممتازه

    انا مجربها

    العوض ولا القطيعه وانا اخوك عندنا بر خل نقهر حقين البحر شوي نكشخ عليهم

    حنا كورنيشنا جاف وهم رطب

    وعندي لك خذ معك طشت وعب فيه ماء وسجل صوت موج البحر وانت في البر واحلى استرخاء

    تقول انك جالس على الروشه بس فيه شي منلغي الا وهو الوجه الحسن لانك ماراح تشوف الا زول يرعى

    تحياتي

  22. الله يرجك

    ياشيخ مت ضحك على جلسة مصارحة ذي ..

    يعني تتوقع بحب نفسي في الأخير ولا ايه الحكاية بالزبط 😀

    ما اقول إلا ياشين الفضاوة .. ولا لا خوي فاضي ههههههه

    عموما مداخلاتك تبين انك تحفة .. ماتفكر تفتح مدونة ؟

  23. هلا اخوي احمد

    ليه ماتحب نفسك والله انك تنحب انت

    والله الفضاوه زينه وشينه له حسناته وله مساوئه بس وش نقول؟؟؟

    س/ افتح مدونه ومدونتك موجده كان محد يدخل مدونتي ياشيخ ؟؟؟

    تحياتي

    تكفى اكتب موضوع عن حارس اليمن والله انه ممتاز جايزززززز لي مررررررره هو وعلي النونو

    شكلك منتب راعي كوره ماشفت موضوع لك عن كاس الخليج !!!!!

  24. خخخخ.. والله الرياض مو ناقصها بحر بس.. الرياض ناقصها بشر كمان.. ما ادري ليش احس انه الناس اللي في الرياض من غير ملامح؟!
    ياهوو.. بسمة.. ضحكة.. ورينا اسنانك بس!!
    حكاية سكان المدن الساحلية زي حالاتنا..
    الحرم جمبنا ولا تسأل متى آخر مرة رحنا..
    توب علينا يارب..
    تحياتي

  25. صراحه حز في خاطري ظلمكم للرياض ياناس هذي الرياض العاصمه هذي نجد اللي ياما الشعراء تغنوا فيها هذي ديرتنا وديره اجدادنا هذي الصحراء اللي طلعت رجال هذي نجد عسانا مانخلا منها

    يعني اللي يكره الرياض لمجرد زحمه الطرق اوكي كلنا نكره الزحمه وهي جت على الرياض اساسا زحمه يادنيا زحمه في كل مكان
    واللي يقول شهباء تعالوا شوفوها في الربيع ورحوا روضه خريم يالله الجنه ولا هواها وقت الفجر يرد الروح
    واللي يقول ناقصها بشر وان اهلها بدون ملامح أغلب أهل الرياض شعراء ومرهفين إحساس والابتسامه ماتفارقهم والدليل مشائخنا اللي من الرياض مبتسمين وأيضا مذيعين برامج الاطفال من الرياض وقدروا يوصلون لقلوب الاطفال ورسموا الابتسامه في وجه الغيرولكن ابتسامتهم هذي ماتكون للدرجه انهم يمشون ويوزعزن ابتسامات الهيبه مطلوبه

    وصدقوني أنا لو أحد من برا الرياض مايحبها ماالومه لأن الانسان مايولف على ديره عاش فيها
    لكن اللوم على أهلها وعيالها

    يعني علشان مافيها بحر خليتوا فيها كل المصايب وحتى اهلها ماسلموا منكم

    السعوديه احلى قصيده والرياض احلى عروس
    السعوديه دره فريده وجنه تهواها النفوس

    سلامي للجميع

  26. ,,,,,

    مااقوووول ..

    الا

    دائماً الشي اللي مهوب عندك يصير زين ..

    واللي عندك تمل منه !!

    أكبر مثال ..

    تشوف اهل المدن الساحلية يدورن البر والكشتات هاااذي

    وعلى طاري كذا

    قد قريت قصة المانين كاشتين بالربع الخالي !!

    يخلون الطبيعة اللي عندهم وجااااين عند هالشهبان !!!

  27. ابو حميد
    موضوعك جزل (متاثر بشاعر المليون) 🙂
    لكن كثير من الناس تتمنى البران الي عندك، يمكن اكثر مما تتوقع
    ربك ياحذ ويعطي

  28. والله البحر كمنظر ممتاز
    بس لاجيت تبي الحق
    احس اني مخنوق اذا جلست عنده تكه ورطوبة كاني في قبر 🙁
    مرة الجو عند البحر مايناسبني

    الله يخليلنا روضة خريم بس ربيع وجو يهفهف 🙂

  29. مابى أكثر فلسفه بس أتوقع حبنا للأماكن ناتج عن ارتباط اللاشعور فيها

    مثلآ أنت ممكن تكون أجمل أوقاتك كانت وأنت قريب من البحر عشان كيذا لما تكون عند البحر يرجع لك أحساسك با المتعه والراحه

    نصيحه لاتحدد شروط عشان تحب مكان أو شخص

  30. حاولت ادور على شي حلو في الرياض ( اللي اكتشفت اني احبها حب اعمى ) للاسف مالقيت…
    كل شي حلو فيها موجود في كل مكان ثاني
    ميزتها الوحيده حب اهلها لها بدون سبب ( حب غير مشروط )
    البحر حلو بس كمان الله لا يحرمنا من طعوسنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *